牛站(駅)麻辣火鍋放題

營業中

休息中

短短2個鐘，我地都食到抱住個肚走... 真係絕對大滿足，鴛鴦鍋叫左金湯花膠雞鍋❤ + 蟹皇海鮮鍋❤，我地今晚主打食 海 鮮!鮮甜味美勁多膏既大頭蝦❤，爽口零沙大沙白❤，嫩滑脆鯇魚片❤，清爽海螺片❤，爽脆墨魚❤，勁彈牙海蜇花❤，痴口花膠❤，我地食左勁多轉，食材同湯底亦都好夾!!!另外仲有D火鍋配料 牛肉❤ 豬肉❤ 小食❤ 炸物❤等等係手機落單，但短短2個鐘，食完海鮮❤都已經9成飽!! 留肚下次再黎!!自助吧有好小見既花生苗❤ 紫蘿蔔❤ 水蓮❤ 等多款蔬菜❤雜菌類❤，另外仲有D丸❤同炸物❤，竟然仲有麻辣小龍蝦 ❤台式肉燥飯❤!!! 而開胃小菜❤同生果❤都有成2大排俾你自己夾!!甜品有我最愛既M記雪糕❤ 無限量，食多幾杯都回哂本!!!當然仲有佢地既仙草❤ 大福❤ 布甸❤ 糖果❤等 小朋友定老人家都一定有岩!最後飲品選擇都好多 汽水❤ 茶❤ 啤酒❤ 樣樣都有D，正!

真係好抵食，嗌最貴嗰個餐，有勁多新鮮海鮮食，牛肉嘅質素都超好，每一碟都不錯，調味料方面都好齊全，唯獨係湯底差少少，嗰日嗌左蟹皇海鮮湯，無咩海鮮味，沙嗲都唔係好夠味，希望可以改善下

天氣凍又想打邊爐，懶懶的我梗係去牛站😌乜都有得食😜牛站全新推出大頭蝦任食🦐牛站係台式火鍋放題，有大量台灣直送食材🥬環境又舒適一個價錢可以食到超多嘢食我地今次選咗特上牛小排套餐，可以任食多款肉類，另外仲有海鮮，涼拌小食，自助吧區基本上大人細路都啱食😆我次次都要點乳鴿食，乳鴿即炸朋友第一次食唔明點解我食火鍋要點乳鴿，結果佢試完我地叫咗半打🤪打完邊爐記得唔好錯過雪糕🍦häagen-dazs同埋movenpick 任食，仲有我最喜愛嘅楊枝甘露😍🦥牛駅麻辣火鍋放題（尖沙咀）地址：尖沙咀加連威老道2-6號愛賓商業大廈1樓102號鋪

最近天氣轉涼，總想著要吃點熱乎乎的。說到暖身，當然不能少了火鍋！想起之前吃過的牛站，種類豐富，環境舒適寬敞，座位間隔不會太擠。店員服務態度積極，上菜速度快，有禮貌，就決定再次光顧啦！🐮SRF肩胛肉眼套餐 $298 (7:30pm 離座)這次選了花膠雞湯鍋底，湯頭濃郁滋補。🐂肉類SRF 美國極黑和牛片：肉質細膩，入口即化，濃郁的牛肉香在口中散開，實在太幸福了！安格斯牛板腱 & 封門柳：牛味濃郁，口感紮實，每一口都是大大的滿足。🦐海鮮海鮮控必點！新鮮大頭蝦、鮑魚、帆立貝、生蠔，選擇豐富。帆立貝鮮甜，大頭蝦肉質彈牙，實在太新鮮了！花膠和海參也很讚，Q彈滑嫩，尤其是在花膠雞湯底中涮過，更增添了滋潤感。🍖熟食烤乳鴿：皮薄肉厚，肉質鮮嫩多汁，帶有淡淡的油香麻辣小龍蝦：蝦肉鮮甜，麻辣夠味，讓人忍不住一隻接一隻。🍷飲品及甜品飲品選擇很多，有清酒、啤酒等，我最愛楊枝甘露，芒果味濃郁，西米彈牙，口感豐富。而且Häagen-Dazs 和 Movenpick 雪糕都是任吃🎈牛站(駅)麻辣火鍋放題🎈加連威老道2-6號愛賓商業大廈1樓102號舖

天氣凍最岩就係打邊爐，牛站係我其中一間好鐘意食嘅火鍋放題店！餐廳依家仲做緊優惠，可以任食大頭蝦，鐘意食海鮮嘅唔好錯過！😍湯底有10款選擇，我地叫左滋補豬骨湯鍋，湯鍋足料有味但唔會太咸。特上牛小排套餐，價錢方面，星期一至四，晚市$338一位；星期五至日、假期及前夕，晚市$348一位。呢個套餐可以食到特上牛小排、SRF美國極黑和牛同澳洲M5和牛，當中牛小排嘅牛肉嘅味道最濃郁，而且脂肪比例適中，紋理都幾靚，入口亦夠軟腍👍🏻👍🏻大力推薦！海鮮選擇都超多，除左可以任鮮味十足、勁爽口嘅大頭蝦，仲有牡蠣、象拔蚌、帆立貝、沙白、海參、鮑魚等海鮮，食落好新鮮😚😙以呢個價錢就食到咁高質嘅食材真係性價比十足！🤩自助區提供數十款自助小食、配菜和醬料，包括各式冷盤前菜、熱盤及蔬菜。此外，仲有平時比較少見到嘅火鍋配料，如花生苗、綉球菇、冰菜、水蓮，真係令我大開眼界😳甜品選擇比一般火鍋店多，有布甸、泡芙、乳酪、韓國雪條、haagen dazs雪糕、movempick雪糕、楊枝甘露，全部都任食😝食到最後記得要留肚食埋佢😛

【油尖旺區】【牛站】今日係二月五號，不但係 C 朗拿度等球星嘅生日，亦都係我嘅生日。從來呢啲時間都好難搵人同我慶祝，因為接近過年，大家都忙，我都體諒嘅。不過咁有咁好，過年氣氛特濃嘅時候，往往會有驚喜。經過「牛站(駅)麻辣火鍋放題」門口，收到利市 coupon 喎。咁就同朋友入咗去，呢間我喺 1am1445 同籮聞哥伉儷都食過佢哋油麻地創興分店，今次又係食標榜套餐肉類無限供應嘅「120 分鐘放題大滿足」。我哋食咗 $278 嘅「2 號餐」，有 SRF 美國極黑和牛片、美國安格斯牛板腱、封門柳、海參等可以任食。湯底我哋揀咗「金湯花膠雞鍋」，不過不失。仲有火鍋自選配料、小食，今次個燒乳鴿皇就嚟得幾快，可以。佢哋仲有世界美食自助區，任攞甜品、炸物等，都幾多選擇。嘢飲除咗自家製冷泡茶，又有熱飲選擇，啱晒我。用 coupon 免加一，埋單 $556 兩位。。。（地址：尖沙咀加連威老道2-6號愛賓商業大廈1樓102號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區油麻地分店：1am1445#1amfoodie #foodie #h

一轉凍就去烚下烚下🤣去咗「牛站(駅)麻辣火鍋放題」食2號SRF美國極黑和牛片餐(2位)😬.鴛鴦鍋🍲揀咗龍蝦頭鍋同牛駅秘製麻辣鍋🌶️龍蝦湯底濃而不膩，帶濃蝦鮮味☺️麻辣鍋有齊麻、香、辣👍🏻.肉類🥩美國安格斯牛板腱🇺🇸 SRF美國極黑和牛片🐄美國牛肩胛片🐂牛板腱同SRF和牛大塊嫩滑😍肉味重😋.海鮮🌊有鮮甜海蝦🦐帆立貝、紐西蘭青口、鮮甜沙白🐚海蝦大隻爽彈😗沙白好鮮甜🤤.火鍋配料🥢有竹笙釀蝦滑🍤韭菜豬肉水餃🥟.小食及炸物🍤醬爆糍粑外脆內軟😆香甜爆漿紅糖😛.自助吧🍽️有小菜🥕🧄🍗🫛水果🍉🍈🍊麵食🍜炸物🐟🐷麻辣小龍蝦🦞台式肉燥飯🍚糖水🥣丸類🦀🍢水魷魚🦑菇菌🍄‍🟫雞蛋🥚蔬菜區🥔🍅🎃🌽🥬.甜品🍮有唔同雪糕🍨雪條、泡芙🍩豆腐花、乳酪🥛楊枝甘露🥭芋圓仙草、大福、布甸、蛋糕🍰軟雪糕🍦糖果等🍬.飲品🥤有汽水、茶類飲品🍵荳奶飲品🍼果汁🍇🧃珍珠奶茶🧋咖啡☕️美祿🍫奶茶、涼茶🫖啤酒🍺梅酒🥃清酒🍶

今日嚟到位於尖沙咀嘅牛站食飯，依間係一間自助打邊爐餐廳嚟，都幾有名㗎，有幾間分店。湯底方面，我哋就揀咗一個泰式湯底，湯底配蝦，所以都幾清甜，用嚟打邊爐就啱晒啦。小食方面，餐廳有炸魚皮，炸午餐肉等等可以選擇，款式都幾多。飲品方面，大部份都係可以任飲嘅，餐廳仲有提供珍珠奶茶等等嘅特色飲品添。我哋叫嘅呢個套餐，係可以點埋海鮮，我哋就叫咗蠔等等，味道都算幾好。牛肉方面，我哋就叫咗牛舌同美國和牛等等，款式都幾多，牛肉味特別香濃，肉質又夠晒嫩滑。除咗牛肉之外，佢仲有少少熟食，包括芝麻雞翼同埋乳鴿等等。芝麻雞翼嘅外皮炸得好脆，入面仲保持到雞肉嘅肉汁添。喺甜品方面，佢哋有雪糕任食。所以喺呢一方面佢哋都幾慷慨，加上價錢又唔係貴，所以今餐都食得幾開心。

之前嚟過食過一兩次都覺得幾好，可能今日紅日比較繁忙啦，未食夠一個鐘就催人埋單🤦🏻‍♀️仲要差啲一嘢就比侍應收走個煲，黐線⋯⋯好似催人快啲走咁，就算有超過半個鐘嘅時間都冇晒興致，好彩我食量細都冇咁蝕底。隔籬枱嘅情侶都同我坐嘅時間差唔多，佢哋就算有剩低大把時間都唔好意思再坐落去就走人。其實嘢食同環境都算係唔錯，但係咁樣搞法係人都冇晒興致繼續食嘢。或者非繁忙時段唔會有呢啲情況掛，不過我唔會再有下次啦真係多謝，咁樣趕客仲要收呢個價錢真心唔抵，三百幾蚊就當係豪出去啦。唉……

新年咁開心，梗係要約埋朋友仔嚟暴飲暴食慶祝吓啦！呢間麻辣火鍋放題店午市時段可以無限任食4個鐘，集齊10幾種特色湯底款色，有辣有唔辣，老少咸宜。而肉類海鮮火鍋配料自助區更有超過50款選擇，前菜小食炸物一啲都唔Hea，仲有甜品、特飲等，包羅萬有，性價比甚高，一於去片睇吓有咩好食🤤套餐有4款選擇，分別在於肉嘅品種。私心推介4號餐，因為有埋特上牛小排同澳洲M5和牛，食肉獸表示滿足，如果唔係就平少少要返3/2/1號啦～ 建議早啲Book位，因為晏晝去都真係幾Full，另外見大部份客人都係食足4個鐘，邊傾邊食唔覺唔覺就夠鐘，呢個價錢呢個質素絕對值得回訪。

打邊爐無分季節要搵間抵食又任食嘅火鍋放題咁先可以食個痛快呢間午市特長時間．可以食足4小時2pm後入座仲有全單88折無論湯底 / 火鍋配料 / 飲品都好多選擇自助區整齊乾淨環境寬敞．坐得舒適嚟到又唔一定要食麻辣嘅試咗個香濃蕃茄豬骨鍋湯底真係好濃郁我地揀咗特上牛小排多款靚牛選擇薄薄一片．輕輕淥幾下就食得嫩滑又軟腍甜品．飲品多款選擇雪糕櫃仲有成本極高嘅Haggen Dazs 同MovenPick雪糕無限量供應性價比最高嘅任食放題

每次經過牛駅都見到好多人係出面等位，搞到我心思思都好想試，第一次食就揀個中間價，食level 2🤭🌟 ⭐️人均 💲2️⃣9️⃣8️⃣ lv2 美國極黑和牛片套餐 ⭐️🌟火鍋湯底有好多款，我揀咗清甜椰子雞鍋，湯底鮮甜，好香椰子味🥥肉類有美國極黑和牛、美國安格斯牛板腱、美國肩胛肉、牛舌，肉質軟腍，牛味好重🐄海鮮有墨魚、沙白、海參、帆立貝、花膠、魚片、大頭蝦🦐💫必食推介大頭蝦，蝦肉爽口彈牙，仲要勁多蝦膏🦐👍🏻另外可以係QR code落單炸物、火鍋配料，出面自助區有蔬菜類、丸類、樽裝飲品、甜品區，真係大滿足💕

打邊爐一直都係港人嘅最愛，一年四季都會想食呢種菜式🤣 呢日天氣再凍多幾度，一收工就同同事嚟咗打邊爐。接近歲晚，大家都想食好啲，所以嗌咗特上牛小排套餐🥰鍋底我哋揀咗鴛鴦鍋，一邊係龍蝦頭鍋，真係有個好大嘅龍蝦頭喺入面啊，個人覺得呢邊滾海鮮就一流🦞 另一邊係香辣沙嗲鍋，沙嗲嘅味道唔算好辣，如果佢嘅花生味再香啲就好啦😮肉類呢個餐包含晒其餘兩個餐嘅肉類，勁鍾意佢個特上牛小排，食落口牛味香濃，又唔會太過肥膩🥰 澳洲M5和牛都唔錯，一碟有兩片大大片嘅和牛，輕輕灼幾秒就食得😙 另外個人好鍾意食羊肉，覺得呢度嘅羊肉片😉海鮮種類都算多，呢個餐包括有鮑魚、牡蠣、海參，呢三款我地都encore咗好幾次🤩 特別鍾意佢個漲卜卜嘅牡蠣🦪 另外仲有花膠、海螺片、帆立貝、爽脆墨魚同埋大頭蝦🦐 火鍋配料自助區有多款丸類同蔬菜🥬 亦可以用QR code落單，手包蝦肉雲吞，入面嘅餡料好滿，又彈牙🥟 另外仲有我好鍾意嘅鮮雞子同埋嫩滑嘅台北鴨血😙 小食推介即叫即炸嘅芝麻雞翼同乳鴿王，兩款都係唔會好油膩，特別鍾意佢嘅芝麻雞翼，入面keep住有幾多肉汁🐥 金黃香脆真係好吸引。自助吧外面嘅自助吧除咗有火鍋配料區，仲有冷盤區、熟食區、飲

被朋友推薦了尖沙咀這家和牛火鍋自助，餓了幾天，去飽吃一頓，好滿足🥰鍋底也有辣和不辣的，選擇豐富，性價比好高。和牛品質超贊！有多種部位可選，🐮每一片都紋理清晰，肥瘦相間🐮把和牛放入滾燙的鍋底，變色後撈出，裹上蛋液，入口即化，奶香四溢，口感醇厚。除了和牛，店裡的海鮮、🥬蔬菜、丸子等配菜也很新鮮，種類豐富，能滿足不同人的口味需求。飲品和甜品出彩！😋哈根達斯雪糕也是任吃！！綿密的雪糕，奶香十足，味道一點也不輸甜品~

牛站嘅食材幾新鮮, 特別係肉類同蔬菜, D海鮮都唔錯 仲有鮑魚叫! 同埋佢地FILL 野食都幾快餐廳既麻辣湯底味道幾好 夠哂麻 唔夠仲可以叫佢幫你加料 適合唔同口味嘅人。除咗麻辣湯底 仲有其他種類既湯底可以選擇 最正係有個龍蝦頭湯底，俾唔同喜好既客人都可以搵到合適既選擇。仲有提供多款調味料同醬汁 最正係蠔油蒜再加埋麻油, 個汁好似食緊撈冷麵咁! 餐廳既環境整潔都算闊落 不過叫太多野食就會成台都係擺滿哂。作為放題餐廳 價錢對比其他高級火鍋店嚟講都算合理 對於火鍋愛好者而言性價比相當唔錯, 性價比高!總體黎講，牛站麻辣火鍋放題非常適合鍾意麻辣火鍋嘅朋友，無論係聚餐定係家庭聚會，都係一個唔錯嘅選擇。