牛站(駅)麻辣火鍋放題

營業中

休息中

今日嚟到位於尖沙咀嘅牛站食飯，依間係一間自助打邊爐餐廳嚟，都幾有名㗎，有幾間分店。湯底方面，我哋就揀咗一個泰式湯底，湯底配蝦，所以都幾清甜，用嚟打邊爐就啱晒啦。小食方面，餐廳有炸魚皮，炸午餐肉等等可以選擇，款式都幾多。飲品方面，大部份都係可以任飲嘅，餐廳仲有提供珍珠奶茶等等嘅特色飲品添。我哋叫嘅呢個套餐，係可以點埋海鮮，我哋就叫咗蠔等等，味道都算幾好。牛肉方面，我哋就叫咗牛舌同美國和牛等等，款式都幾多，牛肉味特別香濃，肉質又夠晒嫩滑。除咗牛肉之外，佢仲有少少熟食，包括芝麻雞翼同埋乳鴿等等。芝麻雞翼嘅外皮炸得好脆，入面仲保持到雞肉嘅肉汁添。喺甜品方面，佢哋有雪糕任食。所以喺呢一方面佢哋都幾慷慨，加上價錢又唔係貴，所以今餐都食得幾開心。