牛涮鍋 (已結業)

※本文以用餐當日的環境、服務和食物質素為準，口味亦因人而異，文章只作參考之用。-牛涮鍋可算係小妹第一間認識既日式任食火鍋放題（Shabu Shabu)，最近餐廳推出左鹿兒島夏祭同花見湯底，放工又走去烚烚下。荃灣廣場既分店，餐廳環境同之前去既好唔同，餐廳的用色好色彩繽紛，有活力既感覺，是有特設計過的。就算係中間的二人坐位，枱同枱之間更有一塊版隔著，能與鄰桌保持距離，這設計很不錯！另外各有設計成包廂的四人坐位。小妹揀左$258鹿兒島豚肉套餐，包鹿兒島豚肉、仲有美國進口牛肉、美國特上牛小排和美國上級進口牛肉，由於我倆食完唔算多，所以主要食後面兩款，肉類質素相當唔錯。加$59仲有一份四品海鮮盛合，大蝦、扇貝、廣島蠔同魷魚各兩隻。仲揀左花見湯同甜醬油湯底兩款，這裡很好的，雙併湯底唔需要加錢!新出既花見湯底，用上娃娃菜、櫻花蝦、火腿既同雞湯熬製，味道清甜，更能食出食材原本的味道。除左餐牌，餐廳已經有提供埋PAD可以自助落單，很方便呢!沙律區出面有汽水同果汁任飲，仲有多款丸類、蔬菜、麵類等可以揀呢!美國特上牛小排色澤艷紅，中間有明顯的白色脂肪位。整碟擊既賣相都幾靚架。只需灼幾秒就食得，牛小排食落較有

日式火鍋真係令人難以抵擋，之前去過牛涮鍋食過牛小排個個set覺得不錯！所以今次再去左食佢最近推出既鹿兒島夏祭既放題，揀左$388既鹿兒島極上黑毛和牛set，仲有鹿兒島豚肉、雞、海鮮同自助吧多款食材可以食！湯底揀左鴛鴦的，係壽喜燒配最新既花見湯除左有圍爐既大鍋，仲有彈性啲既一人一鍋！好方便耶！花見湯好靚，但就偏清淡，入面有櫻花蝦、娃娃菜同火腿，個base就係雞湯！鹿兒島豚肉同埋雞，豚肉有啲嚼口！黑毛和牛真係特別嫩口，不過就薄左啲，如果脂肪再少啲就更好了！佢地既海鮮都幾新鮮，蠔幾鮮甜仲拎左啲自助吧既配料，特別鐘意紫芋丸！入面有啲麻糬口感甘～都幾香芋頭味！甜品時間，有蜜瓜雪糕，幾濃幾天然，估佢吾到又幾好味，所以隊左成杯！仲有必食紫薯芝士蛋糕！整體都覺得不錯！依家仲做緊promotion點左鹿兒島夏祭放題就可以有限定既氣囊手機支架～

叫咗最平個款。因為我覺得應該啲肉都差唔多。 但佢既水準好似比以前差咗！啲牛有少少散，個牛味尬冇咁出。反而豬肉片口感更加好。 佢其他既食物係buffet 式形咁。但揀既種類唔多，值得推薦有個正方形內面有芝士既丸，佢唔似芝心丸內面好芝士，佢冇咁稠身同有有啲牛奶味！同佢既黑色墨魚丸，十分足料！

8點拎飛，最後等到10點半都入唔到去職員好有禮貌地問我，如10點9有位，11點截單你地會入坐嗎我唯有話下次我會6點黎排隊未搬前食過，我覺得呢間係僅次於銅鑼灣。今日諗住可以一試點知⋯⋯⋯⋯

牛涮鍋放題相信好多人都唔陌生，不過唔知係咪因為我太耐冇食，原來依家啲座位變到自修室咁樣😂二人座位側邊都有兩塊屏風，唔使同隔離枱你眼望我眼😂😂講返啲食物先，湯底一人一鍋，所以同朋友來都可以叫唔同嘅湯底，我哋就叫咗一個豬骨湯底同一個甜豉油湯底，兩種味道都好濃，食物唔點豉油都好夠味。我揀左$18x嘅特上餐，牛肉都算唔錯，最鍾意就係點埋芝麻醬食喇！另外仲有蔬菜、脆皮腸、芝士魚蛋、飲品、雪糕等等任食🤗

是日晚上約了老朋友食生日飯，每年互相請對方食生日飯，其實只是見過面，知道對方是否活得好而已，所以大家話題不多~~~等位等咗成個鐘，真有點後悔沒有用會員的電話apps拎籌去等位，兩個人食，跟牛角一樣都係坐有間格的位~~~我們叫了$156任食豬、牛、雞的餐~~~店內的牆壁設計好卡通化，感覺光猛~~~我個人拎咗唔係好多野食，始終我晚上的食量好有限~~~火煱放題對我來講間中食是不錯，如果成日食我怕會越來越肥>.<今次用豬骨濃湯湯底~~~我個人比較喜歡呢款大枱的設計，三五成群可以好開心咁食又唔怕噪到其他人，更多唔擔心聽唔清楚朋友的說話~~~每次食到差不多就食甜品，在離開最重要拎雪糕邊行邊食我本身有會員電子卷，滿$200有海鮮盛送~~~原來想追加肉食只要在電子屏CLICK就得，服務員好快就送上~~~今次我生日，老朋友找數，由於我是會員，變相免咗加一，生日月更有雙倍積分=]

temperature drops from 26C to 18C and there we went to have #hotpot for #lunch 😎but I'm more surprised by the #desserttable 😋 where we can have #selfserve #softice #yoghurt 🤤It took some waiting time, probably it's the holiday week for kids prior to Easter 🐣 We picked the 60-min section and each ordered pork and beef to share, rather than the 90-min section with free flow of meat. As either sections would have unlimited flow of fresh veggie.The unlimited flow of dumplings and meatball are tender

朋友今日突然來電，找我食中午飯。今天天氣急降，係時候去食涮涮鍋啦!之前同母親大人去過荃灣廣場三樓的牛涮鍋，中午午市時段六十分鐘都係68蚊起，包一碟肉加任食各款沙律，丸類，蔬菜，雜菇，任食甜品，乳酪雪糕，汽水等等。岩曬我呢d 唔係點食肉又想食平平地食shabushabu 嘅人。一入到去就見到兩大枱學生哥，無他的，對於發育中的男生涮涮鍋又可以食得多食得飽，價錢都係七十幾蚊起，如果他們選擇九十分鐘任食肉類都係百二蚊左右起，學生哥絕對應付得來。而我地就選了丹麥🐷同美國🐓啦！一人一鍋可以自己一個來食都得。湯底方面要了番茄湯同豬骨湯底，番茄湯真心不推介，因為佢除了好像染紅了食材之外，沒有蕃茄味道。反而豬骨湯再加上蕃茄去滾出來的湯更好味道。薄薄的豚肉煮久了也不會老，配豬骨湯底正好。豬豬味，正!起碼超過十款丸類，蔬菜，雜菇，麵食等，任君選擇。推介生麵，不要煮得太久，佢好彈牙爽口。大福同忌廉泡芙不錯呀！出面食個沙律，一盒都已經是四十幾蚊，呢度任食。自己做埋bartender，試過Red Fruit Delight , 麻麻地，不過大家可以試下溝下合適自己的汽水啦！加在乳酪雪糕上的toppings總括而言

未轉位前經天橋入荃灣廣場必見到牛涮鍋，而家重開既位置唔起眼，所以前幾日搭電梯見到廣告先知佢重開，見星期六都唔算多人等幾個位咪食羅，今次食最平既美國牛，反而覺得都幾抵食！其實之前都食過和牛幾好味，只係我本身食量唔大，仲有和牛都幾溜，價錢較貴，所以覺得算唔抵..飲品有圖教溝雜果賓治加荔枝同蘋果汁，出奇好飲！平食既美國牛都幾好喎丸同菜類幾好，粟米好甜，芝士魚餅好味！甜品都ok，雪糕綠茶同牛奶味加堆朱古力焦糖醬唔錯喎！

其實個人勁鐘意日式火鍋❤ 但成日去死個間 因為質素都好高🙋 今次踏出一步去食牛涮鍋 又覺得真心OK喎👍 絕對可以翻焯😏-美國特上牛小排 $248/位(晚市) $179(午市)揀左壽喜燒同埋辛辣泡菜湯 勁鐘意壽喜燒個邊 甜甜豉油味😍 又吾會咸死 涮啲牛一陣已經入晒味😋 相反泡菜湯吾夠辣😛 加上出面既醬汁配料無指天椒 如果嗜辣人士可能吾夠滿足喔😯 不過識食牛梗係食壽喜燒架啦😉 如果送埋隻蛋就perfect啦🙆但佢依隻特上牛小排真心吾錯 係中等肉既級數 價錢亦中等😊 但都幾嫩 吾會好多脂肪位 片到薄薄一片 一涮完就食得 真係令我不停送入口😈 仲有豬同雞可以任叫👅 而自助吧台個邊有不同蔬菜沙律雪糕甜品 勁多種類👍 最正係有芋絲同埋豆卜 飲品方面有果汁汽水 果汁個邊仲教你點樣溝可以變出另一種飲品😆 例如荔枝梳打同deluxe雜果賓治haha 整體都好正😉

知道荃灣牛涮鍋分店重開，終於可以近近地再打返邊爐唔洗過葵芳啦～因為都知道舖頭比較細，所以同友人好醒咁預早book定位，如果一要等位又唔知幾點先有得食～book左六點，我地兩個都好準時到，一去到侍應就帶我地坐二人位－－自修室位估唔到大學都畢左業咁多年，仲有機會重捨自修室温A Level既回憶。在場都仲有其他大張d 既卡位～但係侍應話我地兩個人，所以一定要坐自修室位喎⋯⋯唔緊要啦～自修室位都照坐啦，反正都係食同一樣野啫！雖然地方唔大，但係食品種類都齊全。大集團既好處就係味道好統一，無論去邊間食既味道都唔會有乜野大差別而且可以一邊打邊爐一邊重捨自修室温書既回憶喎～即刻覺得自己青春左十年呀雖然張檯係細左少少，仲要一人一鍋，放得個爐黎都擺唔到野食～但係呢D都係自修室温書既回憶黎架嘛～無所謂啦！食左陣留意到後面有對六人卡位坐得兩個客E？侍應又話兩個人一定要坐自修室位既？好彩友人BOOK左位先可以回憶青蔥歲月咋食到尾聲侍應過黎埋單，因為有HSBC優惠所以我碌咭侍應好好服務，明明張咭係佢收既，但係碌完返黎唔係俾我簽，而係俾我朋友，再由我朋友遞返俾我。之後D 單呀、promotion既單張都係由我朋友再

我一向都好鍾意食mou mou club, 不過覺得荃灣店唔好食所以好耐無去。 今次佢係另一個位置重新開店就去試下啦！新店裝修同舊店既style完全唔同，變得好可愛，但就細間左好多。我地叫左甜豉油同昆布湯。因為太肚餓啦掛住食完全無影相。我每次去都會叫甜豉油。新店既甜豉油好味過舊店好多，味道岩岩好昆布就相對地淡，唔係好岩我。今日啲牛好食，一啲都唔鞋，我地食左好多碟。不過啲娃娃菜就唔係幾靚啦，好多啡色係上面。以前啲烏冬會寫明係讚歧定係稻庭，依家就只係寫住烏冬，不過我知係讚歧。點知食食下變左另一隻靚啲既讚歧烏冬總括呢間新店係幾好食，不過因為店舖太細，搞到客人拎野食拎到打哂交。

一心興致勃勃去食涮涮鍋，都知道要等好耐，搬左新舖後，細左好多，所以差唔多等左兩個幾鐘先有位。一坐低發現有兩個爐，一人一鍋，好開心呀！可以揀自己鍾意既湯底。我揀左蕃茄湯底，唔錯既，蕃茄味都算濃。男友揀左辛辣湯底，對於佢食得好辣，就未能滿足。所以好食得辣既朋友，呢個湯底絕對未足夠令你滿足。個火都算快滾，好快就有一碟牛肉，一碟豬肉，同埋有幾件雞件。當我地差唔多食完牛肉同豬肉，再落單要多兩碟牛，點知等左勁耐都未到。只有90分鐘，但係等左好耐先黎得一碟。基本上落左三次單，先黎一次，加上每次只係黎一碟，大部份時間都係食出面自助吧既野食。呢間分店係我地有史以黎上牛肉上得最慢，而且仲要不斷追單，唯一一樣比較快，就係叫你埋單。。。！！！

今日放假，一個人去搵食，想打邊爐，呢間牛涮鍋好耐食過一次，係荃灣廣場見到就入去一試，簡左$108任食，一坐低就比左一大碟，成個洗手盤咁大既份量，我根本食唔曬但牛同豬切到好薄好快熟味道唔錯，出面既菜式唔多，3-4樣青菜、3-4樣肉丸、紅白蘿蔔、洋蔥、烏冬，任飲有汽水同果汁，荔枝汁幾好飲，另外還有甜品，不過我唔好所以無食，不得不提d雪糕好好味連+1 $118 90分鐘，下次會再去

適逢中秋節，我打算與家人（共3人）共聚天倫，我們3人晚上6點40分到荃灣廣場牛涮鍋，並取飛等候一張3人枱，餐廳安排入坐極慢，等了40分鐘是完全沒有叫過3人枱的飛，我們足足等了1個半小時（90分鐘）仍未能入坐，於是上前問職員，剛好餐廳經理也在場，但是他們都說要再等45分鐘才可入坐（即是我們被安排在第三輪的入坐的客人），但事前從沒有人知會我們，否則我們會放棄等候，此餐廳是限定每枱食客要在90分鐘離坐，假設我們到達的時間餐廳內所有客人都是剛入坐，我們等候了90分鐘，餐廳內的客人理論上都要相繼離開，而且可安排取了飛的客人入坐，試問我們耐心等候了90分鐘，還得到餐廳職員及經理答覆要等多90分鐘才可內坐是否合理？！如此差勁的餐廳真的令我們生氣，並被列入永不光顧的名單！最後我們還是離開了去別處開餐，但已是晚上9時許才有嘢落肚！