牛氣沖天清湯腩專門店

營業中

休息中

近年都有不少牛腩麵店，改用餚制的清湯，代替一般的味精湯。小時候媽媽總說吃麵不喝湯，現在相信已經不合時宜，現在不論吃拉麵或者牛腩麵或者火鍋，都會先喝一口湯 😄😄。彩藍色的用色，有別一般餐廳用色，很清新。相信是開業不久，環境用具都新簇簇的，感覺良好！餐牌簡單清楚，基本牛腩麵店的都有供應，最特別是用清湯，價錢跟大市看齊！魚露、香醋、辣椒🌶️油、冬菜、芹菜、香蔥，配料齊全，都是喜歡的，甚好 😁😁清湯新鮮牛腩河 $68，河粉軟線滑漏，比一般的河粉好食，牛腩有咬好，但唔韌，剛剛好👍跟餐清湯蘿蔔 $12，蘿蔔軟腍無渣，清甜大塊，抵食好食！清湯新鮮牛腩飯 $73，追加牛筋 $8，再追加咖哩汁 $5，少錢大滿足 😂😂😂超靚仔的牛筋腩 😍😍咖哩汁微辣惹味，伴飯一流 🤤🤤，平日總是要少飯，有咖哩汁時，多多飯都清得乾淨！😂😂😂跟餐的西洋菜 $8麵餐送熱飲，要了凍檸茶，每杯加$3，甜度屬少甜，茶記麵檔不可缺的港式飲料。小錢大美味，平凡的好味道！

📍 牛氣沖天清湯腩專門店- 元朗喺下晝時間已經吸引咗好多打工仔過嚟食🥢大大碗，真係好吸引🍜一碗河粉已經可以滿足男人嘅胃💯嚟到依一間舖頭一定要叫清湯～唔單只係清湯，而且仲加腩汁鮮甜得黎又味道同時特岀🍜清湯鮮甜唔油膩，整體好不錯🤗蘿蔔都係必食嘅！爽口無根食落清甜索曬湯嘅鮮甜味正🥢✨ 清湯新鲜牛腩河粉牛腩最緊要係鬆軟度，呢一間舖頭做得好出色！柔軟得來又唔會好韌！牛腩滷的軟嫩入味 滷汁微微在湯裡滲透🐮口感入口即溶食得出牛味🤌✨ 鮮蝦雲吞河粉雲吞餡新鮮，蝦仁爽口彈牙，而且無鹼水味。✨法蘭西多士店內做的是無餡西多士 可配糖漿或煉奶🥛西多士屬比較厚身不是薄薄一塊🥯內裏滲滿花生醬軟綿綿外層不會炸的過於香脆保留一份濕潤感又不會感到油膩😍✨炸雲吞酥脆的雲吞皮，包著大大隻蝦肉～豐富的內餡飽滿多汁~搭配上超酥脆的金黃外皮~✨炸牛丸✨炸墨魚丸其實依一間店舖嘅炸小食一樣甘好食，唔會炸到好油膩，而且份量都幾多🤌

今日入到元朗搵好嘢食、周圍尋找望見呢間泰豐街附近隱世小店、*牛氣沖天清湯腩專門店*、望見門口都有客人係到等位、已經開業四個月午市都爆場、受街訪歡迎！.轉套餐熱飲+$5，凍飲或汽水+$8.清湯牛腩牛三寶幼麵 $72呢一碗係店舖招牌牛三寶、整碗望著送到上枱散發香濃腩香味、色澤清淡色賣相入口味道濃濃腩味、有牛腩 、牛筋 、金錢肚等，每一款腍嫩沾滿清湯令到味道美味又好食.自家製爽口墨丸河粉 $46雙拼+$8 粉腸呢一碗自家製爽口墨丸河粉、賣相望著冇乜特別好普通、整碗冇肉嘅成份有墨丸味香又有咬口、粉腸味道腍嫩口感煙韌、蘿蔔清甜沾滿湯汁又夠腍甜等、湯底清而味香！.港式熱鴛鴦 +$5呢一杯港式熱鴛鴦好有道地風味、飲到入口味道都好香口、色澤濃厚味道都幾好！.

牛氣沖天是一家以清湯腩為主打的餐廳，風格現代化、簡潔、環境舒適。清湯牛三寶河粉 (牛腩、牛筋、金錢肚)牛氣沖天的清湯牛三寶河粉絕對是令人難忘的美味佳餚。厚實的河粉伴著濃郁的牛肉清湯，再搭配上嫩滑的牛腩、QQ的牛筋和入口即化的金錢肚，每一口都充滿濃郁的牛肉風味，讓人回味無窮。咖哩牛腩飯另一道必嚐的菜品是咖哩牛腩飯。濃郁的咖哩湯汁綿密香辣，搭配著軟嫩的牛腩和香氣四溢的飯，讓人的胃口完全被征服。這道菜無疑是用來滿足咖哩控的胃口絕佳之選。蠔油生菜蠔油生菜清爽爽脆，蠔油的鹹甜味完美地提升了生菜的鮮美口感。

好開心發現到呢間咁正嘅餐廳😋啲牛腩河勁好食!!😍職員都好好招呼坐得又舒服 真的不錯👍🏽❤️清湯新鮮牛腩河粉$68開頭對清湯都冇咩特別期待點知個湯底勁好味啲牛味好正 好香好濃食得出係真材實料湯底入面有兩嚿蘿蔔索埋啲湯汁勁好食🤤❤️清湯牛三寶河粉$72牛三寶包括有牛腩、牛筋同埋金錢肚牛腩同金錢肚都洗得好乾淨!!❤️淨手打潮州魚蛋$46我想講個職員真係好好人我同朋友十五十六緊要魚蛋好定係魚片好最後我哋諗住要魚片點知職員話俾我哋知魚蛋已經包埋有魚片😍所以最後兩樣都食到😍魚蛋同埋魚片都好高質好彈牙 新鮮 又有魚味 好正 連個湯都飲埋😋❤️炸雲吞$38呢個雲吞炸得勁好食而且最令我驚訝嘅係佢入面仲有好多蝦😍見到一粒粒蝦覺得好開心好耐之前 喺第二度食過炸雲吞係唔知食緊乜但呢度嘅炸雲吞完全唔會😍❤️凍檸茶 凍奶茶水準之作 👍🏽 啱味呢間餐廳可以話係刷新咗我對牛腩河嘅認知冇諗過牛腩河可以好食到咁我同朋友不嬲都好鍾意食牛腩河呢間係我哋目前食過最好食啲牛真係好高質本身我哋想叫肥牛但係職員同我哋講嗰日啲肥牛唔靚我聽到就覺得呢間餐廳真係好認真製作唔會求其整啲野比人食我覺得都係一種信心保證❤️食得好放心

聽閒開業不久，位於元朗嘅清湯腩專門店：《牛氣沖天》牛腩新鮮肥美，今日放假一於去試試，順便遊下車河咖喱牛腩饭咖喱很香濃，中辣程度，好開胃✅牛腩每一块都厚切，大大件好抵食，如果可以再焖淋d會更加好👍凈清湯牛三寶🈶牛腩，金钱肚，牛筋，好足料，湯底清淡，飲落吾口渴。蘿白亦好清甜，全部都焖得好淋好入味🤗墨鱼丸伊面墨鱼丸弹牙，湯底清甜🌟店家提供香葱，蒜和青芹可自行添加，仲有佢地的辣都吾錯，好香又醒胃👍炸雲吞热辣辣新鲜即炸🔥雲吞皮薄又脆，每一只裡面都啖啖蝦肉😍點埋泰式雞酱，香口又惹味😙炸牛筋丸炸過嘅牛筋丸外皮香脆，咬落爆汁，好juicy👍ps: 店家係門口装左幾個cam，方便有揸車嘅朋友泊係門口，隨時昅住外面情況✅

時間已經入夜，系元朗大榮華入面買左拌手禮後，咁就系附近食個晚餐。見新開#牛氣沖天清湯腩專門店 內幾多人幫襯，咁就入內一試其水準。上菜很快，不收加一。價錢實惠，見到有唔少街坊外賣自取!1.牛四寶河粉（牛腩、牛丸、豬肉丸、豬粉腸）$75+凍檸茶$32.牛四寶飯（牛腩、牛丸、豬肉丸、豬粉腸）$80+凍檸茶$3整碗四寶份量足夠飽肚。而河粉同飯亦足夠一人份量。蘿白清甜冇渣。牛腩肥瘦均勻，食完都唔痴牙，鍾意呢個口感嘅話，就不要錯過。食麵嘅話，記得要落佢哋嘅辣椒油，成個味道提升咗🤭3.菜心$18好新鮮，幾脆身。4.炸雲吞$38雲吞內有鮮蝦同豬肉碎，外皮金黃色，入口脆卜卜。

水車館街舊鋪關左之後，今次係第2次再食呢間新鋪，都係外賣。牛氣係水車館街俾我既印象係大碗，湯有牛香又甜，牛腩更加係新鮮好食。所以重開後都抱有好大期望，但第一次食既感覺係比街邊是但一碗牛腩粉都差，湯冇味亦唔香。見到社交平台 元朗group 有人話好食左，所以事隔幾個月後再食多次，好似係有改善，湯都似返舊鋪既味道，但都只係似，依然有距離。外賣牛既份量都唔算少，有兩舊大蘿蔔，但米粉就細碗左。邊腩同坑腩就咁睇都好似冇咩分別。

跟內子 食咗2碗 分別柯打了 坑腩、邊腩 各自都有出色表現坑腩粉腸：份量多、工整的牛腩有七件、粉腸 彈牙、牛腩筋膜帶些少爽肉甘甜($68)邊腩：有九件 都是厚切、香濃而軟糯($68)整體來說我會再來試業中、紅紙都未搣 在2024年 零售及經營飲食業是艱苦的、年輕人有心創業、要俾機會. 希望牛腩水準keep得到、甚至超越前輩

新開試業👍🏼全家的晚餐👍🏼牛腩新鮮肥瘦適中，有趙口唔嚡口，牛味濃！蘿蔔冇渣，湯底香濃，份量十足，真材實料 性價比高！食完唔口渴 本人認為絕無味精！店舖闊落 乾淨舒適！值得一試！另外一提，我哋可能太夜去度 河粉賣晒，阿女不喜歡吃米粉，要加$6蚊食伊麵，自己食晒一碗清湯腩伊麵，話以後都要食伊麵唔食河粉，依家啲細蚊仔真係識食 🤣🤣🤣

呢檔嘢幾年前開喺水車館街安記旁，都係無咩人幫襯，價錢亦較高。執咗一年，又喺泰豐街東山再起。大榮華旁兩間潮州粉麵店是他最大競爭對手，但人家主打潮汕風味，價錢便宜。這店座落不起眼的泰豐街，相信都較蝕底。

一碗麵要食7-80蚊！長期冇崩沙腩冇牛坑腩，食一粥麵都好過佢！啲牛腩硬過我條命～湯底完全冇驚喜，服務態度又一般！唔值30蚊！😞😞😞唔會再食第二次！係咁先！

名字改超強，能力卻超弱！超鐘意食清湯腩，見到開張試業，一定去試！還試捉3次第1次去，乜野特別腩位都冇得賣，只得普通腩，照食！食到牙骹軟！得，我了解，試業冇預甘多靚貨。第2次去一樣乜靚腩位都冇，唔緊要，再試，食到痴晒牙狂搵牙籤了牙！牙骹再次軟。冇問題，甘啱D腩唔靚我唔好彩啫！第3次去都驚驚地，怕又韌到攝到成棚牙牛腩，冇牙力食落去⋯⋯叫雙拼雲吞牛腩⋯最後，我淨係食兩粒雲吞算！足足試夠佢3次都依然係失望！價錢$70-$80蚊碗 唔包野飲 ，加埋野飲$90蚊如果呢個價係呢個質素真係失望！極少寫食評，但呢個價試足3次真係好失望先寫純粹改咗個勁名，令我對佢有期望，可惜⋯⋯我有個建議，如果牛腩真係唔夠靚嘅話不如叫師父切返薄D！起碼咬到，價錢改返普通價食客冇期望，反差冇甘大！最後！奶茶幾好飲！侍應好有禮貌！蘿白好食！完！