牛氣沖天清湯腩專門店

營業中

休息中

點了一碗（冰鮮）牛腩湯河, 清湯底非常正. 相信新鮮牛腩更加一流, 下次有機會再試. 另加一杯熱奶茶, 茶香味尚算ok. 咁就嘆了一個豐富的下午茶. 總體來說, 食肆(衛生)環境尚算唔錯.

新鮮好味，中午去到已經座無虛席，我和朋友每人叫咗一碗清湯崩沙牛腩河，新鮮，價錢適中，食完未夠喉，另外加多一個淨清湯冰鮮牛腩，質素當然係一分錢一分貨，總體而言可以一試。

今次叫了新鮮牛腩 ，來到 、又韌 、又瘦 ，跟本食唔到，只有放棄 ，收得這個價錢 唔好比那麼差的部位人 ，擋人傻㗎咩？一碗面要$78 唔包野飲 ，都唔平 客人有心過來幫襯 唔好擋人老襯 。

清湯牛腩🐮一直以來都爭議好大。其實又唔使分得咁細，邊間係世一其實唔重要。牛氣沖天係一間知名度幾高嘅清湯牛腩店牛腩有分新鮮同埋冰鮮新鮮牛腩一個價錢，你可以叫坑腩或者崩沙腩或者其他部位(只要佢有就會俾你)。呢個模式已經加分而冰鮮就冇得選擇，不過食過2次都係高質既！🤭新鮮冰鮮，我都試過。牛味唔算好重，好清好食！反而想講吓個湯底，好清香嘅牛骨湯，配個河粉，一絕！平時都會加辣椒油，反而食呢間我就唔會加！食得出，係有誠意之作。呢個價錢有呢個份量質量好抵！💯有次買咗個生雲吞返屋企煲，都係唔錯蝦同豬肉嘅比例唔錯，新鮮！仲要唔貴！環境:乾淨企理，多人要搭枱但都舒服。服務: 好，唔會西口西面

自費自己俾錢，大約食咗$200呢間係好出名，佢啲牛腩清湯好唔需要加任何嘅湯料都已經係好入味佢啲牛腩真係好好食仲要係啖啖肉㗎我覺得真係好唔錯唔怪得知係佢哋嘅招牌菜式啦再配上佢啲粉麵佢啲粉麵超級好味，仲有話我哋嗌咗佢個手公仔豬肉丸佢個豬肉丸又係好好味，有好多唔同類型嘅肉丸俾大家揀好大牙好有口感㗎仲有話佢個份量食完都超級飽仲有好多唔同嘅小食我哋嗌咗佢個炸雲吞配上佢哋嘅秘製醬汁真係好好味好入味㗎我真係好鍾意食呀

每星期最少會食一兩次，一直都唔想分享係驚多人見到，要排隊就麻煩！但每逢星期六，日都已經排曬長龍喇😭…價錢雖然會比一般粉麵鋪貴，但用新鮮牛腩！用心製作！食完就知冇收貴你！坑腩同崩沙腩係必選，今次就選咗崩沙腩！好味到不得了！不過牛同海鮮一樣，每隻牛嘅質素都唔同，靚嘅質素，加上靚嘅部位勁搶手，今次比我遇到咁靚嘅崩沙腩，點都要同大家分享口感好似食緊三文治咁，麵包換成兩邊爽口嘅邊位，面裡面就係一咬就斷開嘅牛肉，油香係口裡面四淺！加上佢d河粉厚身有咬口，唔會一夾就散，亦都唔會放耐咗變淋，加上牛湯，一次放入口包你上癮！

網紅推介，今日一試，叫左個招牌菜，牛三寶米，有牛坑腩，牛根，牛肚，72大元，元朗地區來說，有D貴，首先個湯系好清，都ok，牛腩就唔系D人講到甘好食，但都算中上比較淡味，牛根口感ok但又係冇乜味，牛肚就差D，冇味，最差系蘿蔔，第一次食過有渣既，唔夠腍又冇甜味，扣哂分。總括來說，唔會有食神家燕姐果種，嘩好味呀既感覺，環境就好乾淨，侍應姐姐都好有禮貌，值得試一次甘多。

元朗出咗名多好野食，今次黎到呢間食清湯腩都幾出名佢仲有新鮮嘅牛腩提供清湯新鮮牛腩伊麵今次好好彩，同職員講想要牛坑腩，佢哋都盡量俾我哋，新鮮嘅牛腩係唔同啲，真係幾淋又入味，個湯夠晒清甜，重點飲埋個湯都唔會覺得好頸渴，應該冇落味精至尊牛魔王河粉真係勁多料，有牛肚、牛筋、牛坑腩、牛丸、蘿蔔份量都要好多，特別要讚佢個牛筋超淋，好好味淨門鱔丸門鱔丸勁彈牙，一共有6粒清湯蘿蔔蘿蔔清甜夠淋，本身每碗粉麵都已經有蘿蔔，但我地仲額外叫多碗，個湯真係超清甜菠蘿冰｜紅豆冰｜跟餐半價特飲都係+12，特別係菠蘿冰，唔係到到有

元朗街坊粉麵店🫶🏻主打新鮮牛腩，牛魔王經過梗係入去試試佢，見都好多叔叔姨姨幫襯✨跟住佢地食一路冇錯！🤣❤︎淨清湯牛三寶牛腩肉香明顯，油脂感滿滿🤣仲有爽筋位嚼下、牛筋膠質彈潤，超級黏口、牛肚幾嫩冧，格仔紋理載滿湯汁🐮飲埋啖鮮味湯頭Very Good︎ ︎❤︎ 香濃咖喱新鮮牛腩飯港式咖哩辛香突出，金黃醬汁裹滿塊塊牛腩，部位有肥有瘦，撈白飯一流🍚❤︎ 炸墨丸外層香口不油膩，手打新鮮墨魚漿對比普通雪藏貨真係唔同啲，更加鮮味飽滿🫧泰配式辣醬就更加冇出錯🤣❤︎ 清湯蘿蔔蘿蔔大大舊切塊，透心無筋，吸足曬清湯嘅精華，仲好Juicy添💦💦❤︎ 紅豆奶茶店員姐姐話好飲！我梗係要叫杯試下！果然很不錯😆 紅豆甜度適中，奶茶底香濃醇厚，飲落好順口☕️

西班牙酒局後，雖然吃了不少好東西，但個肚仍然虛虛地。想吃一碗熱湯濃味的食物。正好抬頭一望，招牌上的牛樣，都好像同我揮緊手。無形的吸引力，驅使我二話不說地坐下，及點了崩沙腩牛筋河（扣底）。雖沒有一般粉面店光速上菜的速度，等了一陣，熱滕滕的湯河，牛腩和牛筋井井有條的舖放在面，非常吸引。第一啖湯，充滿牛骨香。河粉又出奇地薄且滑。只是美中不足的崩沙腩，不知是否滾了一段時間，肉質偏鞋。不過腩位夾雜一點筋腱，令重口味的我亦感滿足。牛筋入味。可能因為下單已特表要腍身一點的，所以師傅真係有對應要求，不負所望，感謝！

朋友家附近有間清湯腩專門店，常常座無虛席名字也很囂張，叫「牛氣沖天清湯腩專門店」假日下午四點左右打算去食，心想應該少人原來不是，客人絡繹不斷！可見在區內很高人氣本身只想食下午茶，但肥妹一場到來款款都想食最後叫到整張枱都是食物，捧着大肚子走這裏的店員很熱情友善，會安排客人坐在容易觀望自己車子的座位枱面放著香芹、蔥花和冬菜；辣椒油、醋和魚露✾ 清湯新鮮牛腩牛筋河粉 $78新鮮牛腩入味帶香濃肉香，連著點筋位有嚼勁脂肪位入口即化充滿油脂甘香；牛筋軟彈滿滿膠質喜歡湯底清澈不油膩，順喉帶淡淡牛肉香氣✾ 淨清湯新鮮豬粉腸 $50很少麵粉店會有新鮮豬粉腸，條條肥嘟嘟完全沒有內藏異味和苦味，入口滑軟粉嫩而且不會咬不動，能輕易咬關✾ 淨爽口墨魚丸 $50墨魚丸QQ彈彈帶有墨魚粒增加咬口入口滿滿鮮味外，加入香芹增添香氣很喜歡伴有白蘿蔔，清甜無渣✾ 炸雲吞 $40炸雲吞炸得金黃酥脆入口發出「咔嚓」聲咬開清楚看到內面蝦肉，蘸點酸辣醬香口惹味✾ 蠔油生菜 $18貼心地把蠔油放開裝著，因應個人喜好而落生菜碧綠爽脆帶點甜味，而且份量都很多✾ 紅豆冰｜菠蘿冰（跟餐） $12兩杯特飲很足料，紅豆冰有一半都是綿

牛氣沖天清湯腩專門店元朗泰豐街11號翠華樓地舖係元朗數一數二的清湯牛腩! 小店提供新鮮牛腩和冰鮮牛腩兩種選擇 一埸黎到緊係試下佢既新鮮牛腩啦! 今次叫左崩沙腩 相對其他部位比較肥美 我果碗半肥瘦帶少少油脂香 配埋索曬牛骨清埸既e麵 好正呀! 下次黎會想試下佢既牛丸牛筋🤤🤤

食左個咖喱新鮮牛腩飯同埋八寶丸米粉，食得出用料新鮮同埋有心機，份量又多，食嘅途中倒瀉左辣椒油，店員不但耐心處理，仲提供紙巾比我地～果晚得一個店員，又要同時兼顧出餐埋單，又要保持到態度好好！下次會再黎食！！

前排有朋友嚟屋企打牌，佢一早已經bookmark咗呢間餐廳要食😅因為見到comment話新鮮牛腩好快賣晒，所以我哋lunch就去食，餐廳開11點，我哋11點半去到已經全場full晒🫨我哋叫咗三碗新鮮牛腩湯麵同埋一碗雙拼麵⭐️新鮮牛腩河粉新鮮牛腩幾重牛味，某啲部位幾滑，但某啲都幾韌😅😅蘿蔔幾淋幾好食河粉唔算滑，仲要黐到一pat pat，勁唔掂🫣🫣我哋四個嘅結論都係，一試便可😂😂#牛氣沖天 #元朗牛腩河 #元朗美食 #元朗新鮮牛腩河

點了一碗坑腩河和一碗淨魚片頭，上枱牛腩瘦如柴，沒有最難食，只有更難食！問待應阿姐話係咁，態度惡劣，收78蚊一碗坑腩河，比街邊4／50蚊嘅牛腩河仲惡劣. 另外魚片頭食完要飲2大杯水，味精免費供應. 今時今日嘅食物質素和服務態度，時日無多！