牛極 (雅怡居)

營業中

休息中

自助形式的石板燒牛肉😛 聽就聽左好耐今次一於去試下！-點餐模式跟日本的餐廳一樣先在自助點餐機選擇自己喜好的牛肉部位和份量再投入紙幣或硬幣，購票後交單據予店員後便可就座全程都十分自助😆 一齊開心share下我今次的體驗先😌————————————————————1️⃣ 牛柳 200g |$110餐廳在送上牛排時，都會劃一供應一成熟以供客人自行在熱石上烹調這樣可以自行決定想吃的熟度亦可一次過吃到同一個部位、不同熟度的質感餐廳亦提示食客 可以將牛排切成小塊於熱石板上烤熟200g的牛柳對女生來說 是剛好的份量把厚實的牛柳 切成一塊塊小的在熱石上烤期間會聞到香噴噴的牛味🐂送上廿多秒後 便反一反轉吃一口 三至五成熟的牛柳 質感較厚重.2️⃣ 牛肩排 180g |$80肉質較嫩滑 肉味亦較香濃份量足料 石板夠熱即使切成細條狀 石板亦有足夠位置供烤熱餐廳供應三款醬汁：自家製燒肉汁、蒜蓉、辛味燒汁個人比較喜歡配上燒肉汁 🔥在熱石上 為牛排灑上喜瑪拉雅山岩鹽再沾上燒肉汁 牛肉的味道會變得更有層次🤤-🍽餐廳的自助區供應沙律菜、日式牛肉湯、米飯和水食客可自己到自助區選擇想吃的配菜🥗沙律菜是日式椰菜配生菜絲 有胡麻沙拉

興咗一排既熱石煎牛扒 真係區區都有日式風格為主，即係要自己去自動販賣機點餐俾完錢就可以自助bar 食前菜，有湯同沙津，沙津醬任選 款式都算多 今晚食咗牛柳扒200g 和 牛肩肉眼扒 180g圖為牛柳圖為牛肩肉眼扒一上台已經聞到牛既香味，兩款牛都肉質軟熟，一刀切落去啲血水出哂嚟，内裡全是血紅色，非常鮮。要切到好細嚿，然後靠自己用石板去調較，想熟d 放耐d。 調教自己鍾意嘅熟度，細味品嘗牛肉既滋味。牛肩肉嘅筋部就比較多，所以有咬勁d既同肥美，而牛柳肉就肉汁非常之多，所以就會比較甜。

今日同老婆去食牛極，之前見上網推介過，我地係牛魔王黎，點可以錯過呢牛極位於深水埗菴由青山道195A號雅怡居地舖，我地5點半左右到達，未到食飯時間，所以唔多人，餐廳座位寬敞，半自助式，一入門口右邊有部自動售賣機，有5款肉類選擇，不同gram數不同價錢，最平有牛肩排180g($80)，最貴亦有和牛亦有一個自助吧，有飯、日式牛肉湯，沙律任食，醬汁亦有3款選擇，有自家製燒肉汁、蒜蓉、辛辣燒汁，日式牛肉湯非常足料，牛肉味好濃，冇味精驚彈到成身油，餐廳有圍裙提供。我地點了牛肩排和牛柳。牛肩排和牛柳非常厚身，上枱時只有一成熟，我地自己煎到大約6-7成熟，如果熱石唔夠熱，可以叫侍應幫忙換，但其實都唔需要換了，個熱力足夠煎到6-7成熟。牛肩排和牛柳肉味濃，牛柳相對會比較多筋，但牛柳比牛肩排軟腍，牛柳既肉汁會比較多D，除了出面既3款醬汁，枱上亦有岩鹽和黑椒。

牛極之前已經經過幾次，今日終於入去食啦。之前係拉麵鋪會見到自動售賣機，今次竟然係牛極見到，肉類選擇有6款，有牛肩排，澳洲牛仔肉眼扒、西冷、牛柳、日本和牛（赤身/富油脂）有不同gram數可選擇。除了自動售賣機，其他野係自助式，飯、湯、沙律任食，牛肩排未黎之前食下沙律，沙律菜都好新鮮，有黑醋汁同沙律汁可選擇牛肩排180g($80)牛肩排放上熱石上面，牛肩排只有一成熟，按個人需要烹調至合適熟成度，我切成一舊舊慢慢係上面燒，牛肩排我燒了7-8成熟，牛肩排煎過左龍都唔會好韌，肉味濃，枱上面有岩鹽同胡椒調味，因為想食到原汁原味，所以只加了岩鹽，已經好好食。

嚟到深水埗一帶見到有間有牛扒食，入面又唔係好多人，我哋就入咗去試下。個感覺好日式，用日式售賣機去買飛，然後入到去服務員嘅態度都好友善。我哋揀咗一個牛肩同埋牛柳嘅餐。可以配飲麵豉湯，飯同埋沙律。 麵豉湯味道濃郁， 而沙律就以椰菜絲為主。可以自由配搭醬汁，有辣啲嘅燒汁啦同埋普通嘅燒汁。牛肉上菜嘅時候用燒熱咗嘅石板載住， 咋咋聲，非常之夠熱！可以自行調教個生熟程度，一路切入面嘅汁流曬出嚟，內裏嫩滑呈粉色色，非常juicy！ 牛肩就比較瘦，適合唔想食咁多肥肉嘅人，而牛柳就肥瘦適中，食落好林！

又係diy燒牛扒🐮呢排開左好多呢啲餐廳，之前都試過另一間都覺得唔錯，價錢抵👍👍所以就try下其他先，前排經過牛極勁多人，所以今次好早就黎到，今次呢間都係沙律，白飯，湯都係任食面豉湯要讚😋可能早黎關係，未有太多人，面豉湯竟然用料十足，有好多豆腐蘿白同海帶，正呀，湯底一啲都唔咸，剛剛好，不過飲左幾次後，料好少俾其他人拎曬lu,建議早啲黎我地少試牛刀，揀左200g牛柳同180g牛肩排，牛柳就比較淋，牛肩排就牛味較重，本人愛牛肩排，雖然平啲同無甘淋，但牛味重啲，配飯一流我自己就有個方法點可以唔會over cook,就係食一舊就切一舊，燒一燒2面，熱右好快就令佢變7成熟，剛剛好，因為如果一開始就切曬一片片，熱石會搞到全部變全熟，甘就浪費了🐮🐮

今次去左食牛極食左一個$80既180g牛肩排同一個$110既200g牛柳，肉質相比兩者差不多，甘既價位算係好吾錯，肉味相比牛肩排會比牛柳重。最重要係店鋪可以任食日本珍珠米飯，日式牛肉湯同沙律。日式牛肉湯很重牛味十分滿意。生菜白菜沙律清脆可以配柚子沙拉汁同好濃郁既胡麻醬，配合上好解流。另外，配牛肉嘅醬汁都有好多種，分別係最常見嘅蒜蓉，自家製嘅燒汁同理辛味燒汁，個燒汁辣得來唔會過辣有少少似韓式辣醬都唔錯。枱面上面都有鹽加上個度會變林左。味道方面整體都好唔錯。環境方面，座位很舒適十分寬鬆，鋪面十分整潔乾淨。店內有一些日式布料配合得好美！員工服務態度都很友善對待客人。

近期興起的石板燒牛肉店開得成行成市，今天終於有機會一試。入店內先到自助售票機購票，即使不懂使用售票機，熱心的店員也很樂意幫忙。先選擇想點的牛肉及重量，以現金付款，取票後交給店員，店員便會帶領入座。入座後自行取餐具及調味醬汁，三款醬汁分別有自家製燒肉汁、蒜蓉及辛味燒汁。每張枱上亦備有喜瑪拉雅山岩鹽及黑胡椒。湯、米飯及前菜沙律是放題形式任添任吃的。是日供應的是日式牛肉湯，味道似羅宋湯，味道濃郁，材料十足。前菜沙律是椰菜絲沙律，可自由添加芝麻醬或柚子沙侓汁。分別選了牛肩排和肉眼，牛肉煎香外層，以一成熟放上熱石板供應，讓客人能自行以熱石煎至自己喜歡的熟成度，牆上亦掛了烹調指示提示客人將牛肉切細以熱石烹調。牛肉肉質柔軟，並沒有因價錢而拉低食物及服務質素，性價比高，值得一試。

今晚在長沙灣食牛扒, 呢間自助式牛扒店一直都想試, 今晚有機會, 就同主子來, 叫左牛肩排同牛柳, 兩樣加埋唔洗200蚊, 牛肉湯, 沙律同紫菜飯自助形式, 一成熟上枱面, 透過石板的熱力加到合格自己的程度, 好方便, 牛柳好滑, 5成熟配自家整燒汁都好正, 但我覺得最簡單的只配佢地提供既喜馬拉雅山鹽, 已經係好完美, 之後就用石板的微溫去整塊牛肩排, 有少少根啦…但都仍不錯, 唔想overcook, 建議一上時就將塊扒裝起, 然後邊切邊燒, 咁就可以有最好的熟度.

逢星期日姐姐放假，出街食飯就好頭痛 ，屋企嘅大少爺個個都鍾意食肉、食牛，所以這間餐廳就啱曬佢哋啦。🐮心水推介 : '牛肩排'及'牛柳'牛件非常厚，有一吋至一吋半，在餐牌上已經寫上重量， 我點了細細份，180至200gram，幾有牛味， 有肉汁，生熟度自己調教，因為是按自己的喜好加上個人的功夫， 我個人比較喜歡食生的， 有少許血水。 一邊食、一邊切、一邊煮、所以不會韌，幾好食，又有情趣。價錢十分平民化，以 $80~110這個價錢，在街市都買不到這個質素的牛。 重點係，就算買返屋企，都煮唔到這個效果，因為一落鑊就會好快overcook ， 好難控制火候(哈哈)，但係用這一種厚厚的高溫石板，就算一邊食，一邊慢慢 傾偈，都唔會overcook， 好奇怪啊。仲有假如食的時間耐了？石板凉了，可以要求店員更換( 牆上poster註明)，都幾細心。

最近香港開咗唔少熱石牛扒專門店，仲帶起咗食牛扒唔再係奢侈嘅事。今日同A姐去到長沙灣嘅牛極，呢度嘅牛扒主要嚟自美國、紐西蘭同日本，分為唔同種類同唔同份量，再喺塊火山石板上煎熟牛扒，而飯、沙律同日式牛肉湯都係無限添加，好抵食！無限添加：日式牛肉湯 + 沙律 + 飯喺自助售賣機揀完嘢食同搵埋位之後，即刻去自助區睇吓有咩食！日式牛肉湯一打開就有淡淡嘅牛肉味，仲有紅蘿蔔、牛肉粒同洋蔥，真材實料。椰菜沙律，新鮮爽口，加埋芝麻醬，非常開胃！仲有珍珠米白飯任裝，送飯一流！牛肩肉牛肩肉連火山石板上菜，渣渣聲，仲鋪廚房紙，為免油四濺，大家仲可以喺自助區拎圍裙。牛肉上菜嘅時候只有一成熟，大家可以根據自己嘅喜好，喺火山板上面烹調，就唔驚會太生，或者太熟。如果覺得熱石板不夠熱，可通知店員更換。牛肩肉肉質亂畫，入口一點也不韌，肉汁多到瀉。A姐喜歡切成一粒粒，自製一口牛！牛柳牛柳比牛肩肉嘅油花較少，牛肉味重，質感較實，不過依然嫩滑，肉汁豐富！大家可以按個人喜好加喜瑪拉雅岩鹽同黑椒調味，味道更有層次！（記住Like同Share畀朋友）By A姐M佬 玩樂日記 www.aandmdiary.com

今次去咗食石板牛～可以自己煎～一入去就可以喺自助售票機揀牛然後店員就會幫手帶位呢到有個自助區比你攞沙律、飯、醬汁同麵豉湯，全部都任攞任食～個牛同熱石好快就送到，牛肉可以自己加鹽同黑椒調味，肉質唔錯好好食！$80就有呢個質素，推介👍🏻

餐廳門外同內裝潢都滿載有日本風情，一個個橫額//燈籠🏮高高掛上，主打自助速食黎講，環境幾舒服。同時牛極都有不同既優惠活動.... 呢d開心價讓一眾街坊受惠不少。今次我地二人選左牛柳200g （$110); 及牛肩排180g($80).. .. 係等候期間.. 我地係自助Bar 到拎沙律🥗// 飲下湯先... 呢個湯（羅宋湯）真係好足料，大量牛/蔬菜，茄味十足😋飲完湯；一碟碟牛隨即呈上我眼前；底層用石板坐熱，上層用廚房紙巾cover 住，盡量避免油四處彈... 算係幾貼心... 由於上碟時，牛排🥩未曾煮熟，我地可按照自己喜好，再自行係石板加熱到合適才進食。呢個價錢食到呢塊牛，係幾底，未算係入口即溶，但脂肪比例好；牛唔「un」又有牛味.. 真唔錯既...

話說之前食過一次日式鐵板燒牛肉，一直都念念不忘，好想返去再食多次，於是就去搵下，而近半年開始出現左一個連鎖嘅燒牛肉鋪頭，叫做牛極，所以就去試下喇。今次我哋揀咗去深水埗嘅分店，都唔算難搵嘅。今次我哋揀咗牛肩扒同埋牛柳。我哋叫咗300g，同時間邊間鋪嘅好處係所有沙律，湯，同埋飯都係自助形式嘅。沙律方面，可以畀你加日式醋汁，或者係芝麻醬，食落都幾清新同幾爽。麵豉湯都係任裝唔嬲，味道都幾濃郁，而且都幾足料，有唔少豆腐喺入邊。同時呢佢都有啲醬汁比大家一點燒牛肉，包括有辣醬，蒜蓉，同埋普通嘅醬汁。主菜上場喇，呢個係牛肩扒，職員話上碟嘅時候一成熟嘅，然後大家想煎到幾熟，就自行煎熟佢，呢塊牛扒食落都幾有肉汁，尤其加埋蒜蓉食就更加好食。另外點咗一份牛柳。牛柳嘅肉質好明顯係比牛肩肉嫩滑，而且都幾腍身，雖然價錢係比牛肩扒係貴少少，但仍然都係值得推介嘅。總結，呢度嘅牛扒真係幾有質素，而且十分抵食，仲要配上半自助餐形式，誠意邀請各位牛魔王嚟試下。

黎到深水埗梗係要試下佢呢個新式既食牛方法～逐gram計既鐵板牛呀佢d裝修都幾乾淨衛生，枱面寬鬆，放到個扒之餘，仲有位放d碗呀之類。落左單之後，RM咁洗唔洗等好耐就有得拎，d扒之之聲咁，真係好正，見到都胃口大開呀。d扒質素都算唔錯，食得出唔係d鬆肉粉整過既扒，外面亦都無一層白色既野（鬆肉粉既殘留），係原汁原味既肉扒黎，而且逐gram計錢好公道，唔洗出面咁，比左錢，都唔知佢比既份量係幾多，要成日估下估下咁。另外，佢d調味都好充足下，有靚既海鹽，仲有即磨既黑椒粒，個人認為牛扒只需要呢兩種調味就足夠，再多反而食唔到牛原本既味，浪費左隻牛。好似d燒汁呀之類，本人就唔建議落喇。大食既朋友仲可以任食飯同沙律，真係幾唔錯。