牛摩 (上水廣場)

營業中

休息中

好耐冇嚟上水行街，原來上水廣場多咗好多嘢食，行吓行吓上咗上水廣場5樓，見到牛摩呢間放題火鍋店，價錢好似唔錯，望到啲食物都好吸引，就決定去試吓。我哋叫咗牛小排呢個餐，叫咗兩個唔同嘅湯底，一個係博多牛骨濃湯底，另一個係港式特濃沙嗲湯底，兩個湯底都好好，濃而不鹹。開始點食物，上食物嘅時間非常之快，牛方面我哋叫咗牛小排，牛腹肌，牛舌，同埋牛肩隻，四款牛都各具特色，重點係牛味非常之濃，呢個咁抵食嘅價錢可以食到咁嘅質素嘅牛肉真係非常之抵食。睇埋出面嘅免費自助吧，蔬菜種類非常之多，而且非常之新鮮，另外有啲丸類豆腐等等。另外仲有小食任點，飲品方面，選擇都算多，另外仲有幾款甜品同埋熱嘅芝麻糊，仲有自助雪糕，一個咁抵嘅價錢可以食到咁多唔同嘅嘢，個人認為係非常之正。

不推薦！！！偶爾會去吃。哪怕我和朋友每次是靜靜地吃，臨近時限就埋單離開。但這家分店的工作人員對待客人的態度是越來越差了？且有個男店員，說話極其没有禮貌，詢問優惠時還只說了「不是讓你這種人用的」，就走掉了？什麽東西，我詢問的是生日優惠，卻連回覆時的基本尊重也没有？我和朋友没有鬧過事，只是詢問「請問這個優惠可以用嗎？」也被這樣對待？欺負顧客只有兩個i人嗎，還是歧視兩個女子去吃？再說上次有個輪盤活動，我轉到了最小的格子上。店員愣了一下，直接伸手動了輪盤，更改了結果？？？當著我的面？？？直接就是不再光顧了。論食物方面，這家没有說特別好。不單限制點的數量，且菜單上好吃的也少，小食每次只有1-2粒？鍋太淺，店員倒的湯卻多，就是設法不讓人一次放太多。店内座位分佈太密集，走路要顧著前後桌。

安格斯保樂肩火鍋放題，真係一個唔可以錯過嘅美食天堂！呢度嘅自助放題選擇多到令人眼花撩亂，真係每樣都想試一試。首先，安格斯保樂肩嘅肉質非常鮮嫩，入口即溶，搭配火鍋湯底，味道更上一層樓。星級牛肌腹更是肉質豐腴，食落真係好滿足。豚肉同雞肉都唔錯，尤其係豚肉，脂肪分佈得宜，烹煮後香氣四溢。羊卷肉就算唔係羊肉迷，食落都覺得相當可口，絕對值得一試。除了肉類，海鮮方面亦唔容忽視。半殼青口新鮮滑口，搭配少少蒜蓉醬，簡直係絕配！魷魚圈同帆立貝都好鮮甜，特別適合愛食海鮮嘅朋友。潮汕牛丸更係一絕，咬落去有彈性，湯底吸得特別入味。自助區嘅小食選擇亦都好豐富，炸雞塊、炸日式餃子都係即叫即炸，熱辣辣地送到你面前，外脆內嫩，真係好開胃。迷你甜薯同味噌青瓜作為小食，亦為整個火鍋體驗加添咗清新感覺。最後，唔好錯過佢哋嘅溫泉蛋，搭配牛摩飯，簡直係完美嘅組合，蛋黃流心，肉質鮮美，令人回味無窮。而炸蟹鉗同脆皮香蕉，則係甜品嘅最佳代表，完美結束呢一餐。總括而言，安格斯保樂肩火鍋放題真係一個食肉者同海鮮愛好者嘅夢想之地，無論係食材質素定味道，都值得你親自來試一試！我哋order咗昆布鰹魚清湯湯底同埋壽喜燒湯底安格斯保樂肩火鍋放題

📍牛摩😘上水高質素放題火鍋👍～安格斯保樂肩任食套餐$248😍勁抵勁好味👍～餐廳配料勁多勁齊全☺️有靚菜羽衣甘藍🥬👍仲有幾款好好味既壽司😘～安格斯保樂肩😍安格斯保樂肩雖然未去到入口即溶 但油脂分到平均😛肉質鮮嫩 仲要非常有牛味🤪食咗十幾碟 正呀😘～豚骨湯😛好耐冇食過咁正咁香濃嘅豬骨湯底😍😬豬骨味勁重😘味道仲要勁正👍唔會鹹😍～牛舌🥰非常推薦大家食呢度嘅牛舌😍😍質感非常軟熟🥰有口感☺️味道亦都好正👍～另外餐廳各種飲品雪糕甜品都非常高質素😍😍下次經過上水一定再嚟食👍📍牛摩 (上水廣場) (上水)上水龍琛路39號上水廣場5樓513號舖

約咗朋友去上水搵食，見上水廣場頂樓有牛摩，之前都未食過呢個打邊爐，估唔到試完咁正😊🍲我哋叫咗個牛摩星級優惠保樂肩90分鐘任食放題火鍋🍲🍲 非會員$248加一超抵食🤑 湯底總共9款選擇，我朋友揀咗昆布鰹魚清湯、鮮甜清新；我就係揀咗蟲草花雞白湯，養生又滋潤😋本身包安格斯保樂肩，仲可以無限追加咗牛肌腹、豚肉、牛舌、羊肉卷、炸蟹鉗、炸蠔、帆立貝🥩🦀🦪自助食物吧認真不得了🤤 食材新鮮，肉類有醬爆蟹籽丸、蝦丸、魚蛋、腸仔、魚餅、獅子狗等等，最鍾意食有款階磚形嘅魚蛋，好特別🍡🍢素菜類有豆卜、金菇、雲耳、菇片、南瓜、蕃茄、芋絲、白蘿蔔、粟米、蓮藕同各款蔬菜，最欣賞連羽衣甘藍都有🍅🌽🥬 另外亦欣賞佢有腐皮結、同玉子豆腐，好少打邊爐餐廳會提供😋 仲有各款麵類、壽司、冷盤🍣最正嘅甜品係雪糕自助機，可以無限無吱朱古力雪糕，仲可以加唔同嘅脆脆同棉花糖🍫🍦有得玩又有得食，好過癮。仲有芒果同朱古力糯米糍、泡芙、吉士糕、啫喱同涼粉。最犀利嘅係連熱嘅芝麻糊都有，熱辣辣食完暖笠笠🥣飲品就有唔同款式嘅罐裝同紙包飲品，仲有自助咖啡機☕️不得不提最欣賞店員嘅服務，會自動觀察加返相應湯底嘅湯、收走枱面嘅食物盤、最重要係refill

員工態度十分差！中午諗住同同事食午市定量餐，明明見前面5個人都係食呢個餐，去到我同同事就話人手不足，所以冇呢個餐？？唔覺得呢個係原因，有錢都唔賺？到底牛摩請人標準係咩？

上水牛摩 上水廣場上兩層電梯就到上水任食打邊爐嘅連鎖店極少上水廣場呢間Level two精選牛肩胛價錢唔貴 食到飽系列因為切得比較薄身 放入去煮嘅時間大概5至7秒就可以出面有好多 丸類 唔同嘅菜蔬 木耳絲 冬菇 潮汕牛筋丸，蟹籽蟹粉包 一人一鍋自己揀湯底 唔使同人爭自主性十足嘅邊爐 凍櫃嘢飲任飲自取自助吧甜品雪糕記得留肚食Level 2 食嘅肉會唔會太肥 啱晒一班運動後嘅食肉獸晚市都有好多學生放學嚟打邊爐收碟嘅速度唔錯 QR code落單好快就會有嘢食

今日約左舊同事一齊食晚飯🍲勁鐘意打邊爐嘅肥美就最開心啦點知就等得勁左少少咁啦接近1900開始等，直等到1939先開到枱當時又唔算好多人，差啲懷疑佢哋miss左單入座前就已經揀左最平起計第二個平嘅餐，$218（假日成人）晚市精選牛肩胛五個人兩個鴛鴦鍋，正正仔，可以試多啲湯底🤤1️⃣博多美人骨膠原雞白湯（要額外加$18㗎）2️⃣壽喜燒關東風3️⃣蟲草花雞白湯4️⃣昆布鰹魚清湯兩隻牛都好好味喲🤤肥美食到最後一刻仲食埋甜點𠻹呀，乳酪雪糕🍦仲想提多一件事，我哋朋友唔小心叫左「蟹籽墨魚滑」要額外加$28，但份量極少，真心扣左分‼️最後埋單除返開一個人$250，對肥美而言有啲貴😔

依度打邊爐係一人一鍋，任食90分鐘，可以揀返自己鍾意嘅湯底，我地揀咗昆布鰹魚清湯同埋壽喜燒湯，壽喜燒湯會包一隻生雞蛋，雖然生雞蛋無得任食，但係溫泉蛋可以任叫🥚火鍋有6個級別，由$178-528，我地揀咗$288 level 4嘅特級牛小排，有得食埋埋阿古豚梅肉。其他火鍋料有牛舌、蟹籽墨魚滑、鴨血、海蝦、青口、魷魚圈等等，海蝦幾好，實肉有蝦味，食咗幾隻都係咁實淨，蟹籽墨魚滑亦見有一粒粒墨魚🥢除咗芝士牛肉貢丸，其他丸類例如蟹籽丸、牛丸、貢丸都係喺自助區攞。小食方面腐皮蝦寶幾特別，雞皮餃子咬落爆曬汁，兩樣都唔錯👌

牛摩新推套餐！有得任食江蘇蟹皇溏心鮑 x M9+和牛肉心😍😍😍 依家江蘇蟹皇溏心鮑 x M9+和牛肉心90分鐘火鍋放題做緊原價8折，$308一位！💫 自選湯底可以一人一鍋/四人一鍋🥘 包括蟲草花雞白湯、港式蕃茄薯仔湯、港式特濃沙嗲湯、博多豚骨濃湯等；今次揀左升級湯底（細+$10/大+$18)，長野蘋果湯🍎超清新👍🏿帶點蘋果天然既香氣同甜味；南瓜啫喱雞白湯則係勁QQ既啫喱模樣🥰💫 無限量供應既M9+和牛肉心紋理細緻、入口軟嫩又有肉香！仲可以任食星級牛肌腹、精選牛肩胛、阿古豚梅肉等😄 食肉獸可以瘋狂叫😛🫶🏿 套餐特色仲有任食安記江蘇蟹皇溏心鮑🥳以江蘇蟹皇秘製成蟹皇醬、鮮味濃郁😏另外仲有一系列炸物、小食可以經QR code落單🤩 炸物係即炸，好香口好加分！大胃王可以食埋牛摩飯！😋🤩 自助區有唔少火鍋配料😎丸類、蔬菜、麵類等；連羽衣甘藍都有🥰另外亦有冷盤同壽司🍣🧁 甜品區有軟雪糕！可以任加Toppings🍧仲有和果子、泡芙同涼粉😙飲品有兩款沙冰同多款罐裝飲品🤩📍 牛摩沙田分店: 沙田橫壆街2-16號沙田中心3樓61-63號舖將軍澳分店: 將軍澳寶琳欣景路8號新都城中心二期2樓2060-62號舖

難得最近同朋友喺上水附近行街 朋友同我講話想食火鍋 見到上水廣場嗰間牛鍋裏面有A5和牛買一送一😋😋點可以唔快啲試吓$598買一送一 平均$300左右和牛新鮮 濃郁 唔使用任何醬汁已經好好食食落去入口即溶 油脂十足除咗和牛之外 仲有多款肉類選擇 包保食得好滿足除此之外 仲有其他大概50款式自助任拎 仲有雪糕、甜品飲品等等都可以任食又拎 我哋就食咗雪糕機嘅雪糕 一口肉一口雪糕真係好滿足‼️一到夜晚就坐無虛席 全場爆滿真係好值得大家過嚟試吓👏🏻👏🏻

A5和牛放題好味😋😋👍🏻👍🏻Menu湯底揀左：1️⃣關東風壽喜燒2️⃣港式特濃沙嗲湯1️⃣關東風壽喜燒，仲有隻日本蛋，淥完和牛點蛋漿食好夾2️⃣港式特濃沙嗲湯，每次食牛摩必點湯底，沙嗲味唔會好哽，但又夠香醇A5和牛真係好好味，淥幾耐都咁滑嫩，仲有牛小排都係必食，估唔到咁好食，肉質都係好嫩，見到門口貼住佐賀牛認證，食材高級，唔怪得點煮都好味😋😋另外，可以任食雪糕、甜品同飲品，仲有其他打邊爐材料同埋菜任食

最近見到牛摩做緊激抵優惠，食A5放題全日都可以享有半價優惠，而且啲A5和牛仲可以無限追加添，優惠日至到去9月15日喳！個優惠咁抵，梗係要快啲捉住優惠的尾巴啦～A5日本和牛放題💰每位HK$318(連加一)呢個價錢包埋飲品同埋甜品自助區～✨昆布鰹魚湯底湯底唔會過濃，保持清淡鮮甜～✨蟲草花雞白湯湯底味道豐富，入口順滑，感覺好滋補養生～肉類方面就叫咗A5日本和牛、極尚牛小排、精選牛肩胛同埋星級牛肌腹！A5日本和牛同極尚牛小排油脂分布都好平均，入口即化！精選牛肩胛同星級牛肌腹雖然冇咁肥美，但係都依然肉味香濃～海鮮方面就叫咗廣島蠔同埋帆立貝，廣島蠔大大粒，肥美鮮甜！帆立貝爽口彈牙～自助區仲有提供壽司、丸類、菜類同麵食等等，任君選擇～自助飲品櫃入面亦有各式各樣嘅汽水、果汁同茶等等～食完主食之後，當然唔少得食返個甜品啦！餐廳有自助軟雪糕機同埋特色甜品！今次就食咗朱古力味軟雪糕，甜度適中！泡芙同糯米糍都各有特色～

星期六晚市唔洗排隊諗住試下，店內得4成客。揀咗M7和牛set任食。先唔講食物質素，但漏單問題嚴重，叫咗10次M7和牛 x2碟，到最後只嚟到3碟，過程中有追過幾次單，店員回覆話切緊😒最後都係食得3碟，非常呃錢。其他野點完單又可以即刻上到菜，真係非常出色嘅啫。晚市唔爆場都可以咁🤗食物質素方面M7和牛肉質算嫩，不過唔太重牛味。反而牛小排個質感仲好食啲。其他蔬菜海鮮就正常，海鮮（蠔蝦帶子）偏細。整體嚟講2個人$722埋單呢個性價比極低，唔會再試

餐廳環境靚😍食物質素高🥳店員服務態度好👍極尚牛小排任食套餐$278😍勁抵👍餐廳配料齊全☺️仲有我最鍾意食嘅羽衣甘藍👍另外竟然仲有壽司😘一次過滿足晒三個願望😛👍～極尚牛小排😍牛小排雖然未去到入口即溶 但油脂分到平均😛肉質鮮嫩😘仲要非常有牛味🤪食咗十幾碟 正呀😘～博多美人骨膠原雞白湯😛非常有驚喜☺️一開始居然有個公仔俾我哋打卡😍之後個公仔會溶化變成湯底😬味道仲要勁正👍濃味得黎唔會鹹😎～蟹籽墨魚滑+海蝦☺️墨魚滑爽口彈牙😍海蝦非常新鮮🤪肉質嫩滑👍～牛摩飯😘獨家秘製嘅紫菜肉粒飯😛味道非常好👍建議大家入嚟都要叫一碗😍～北海道牛乳乳酪雪糕香濃牛乳😍配上乳酪雪糕🤪食到停唔到口☺️😘總括而言😍呢餐食到勁飽勁滿足😎下次有機會一定再嚟食呀🤩