牛摩 (上水廣場)

好耐冇打邊爐，上網seach見到牛摩出咗酸菜魚🐟x極品牛肉眼火鍋放題，拿拿林去滿足下慾望先😋今次一行2人去上水廣場5樓呢間“牛摩”，地理位置方便，店舖乾淨整潔，服務員服侍周到，上菜速度夠快，讚！特別喜歡食店用一人一鍋形式，可以按個人喜好選擇不同口味湯底而且非常衛生。自助火鍋放題區食物款式好多，蔬菜、丸類、魷魚圈、帆立貝、壽司、甜品、飲品，應有盡有。另外，手機點餐款式眾多，極品牛肉眼、牛肩胛、牛肌腹、羊肉、豚肉、迷你甜薯、日式餃子、炸蠔等等，連牛摩飯都有，真係可以滿足多個慾望😄食物新鮮可口，牛品尤其出色，實至名歸，鎮店之寶！由於湯底沒有揀選酸菜魚，店員特意安排美食另上，貼心！蟲草花雞白湯養生之首選博多美人骨膠原雞白湯賣相kawaii，最啱貪靚的女士們補充骨膠原蛋白…查看更多

朋友知我鍾意食酸菜魚，同我報料原來牛魔都有得揀酸菜魚湯底最正嘅係一個價錢可以任叫魚肉、牛肉等等今日一於同朋友夜晚試左極品牛肉火鍋放題+酸菜魚金湯 $258 限時100分鐘一埋位即刻試吓個湯底，唔算好辣，但有酸菜都夠酸，魚肉好滑好食喎，估唔到邊爐嘅湯底都咁有驚喜至於朋友就叫咗清淡啲嘅蟲草雞湯，雖然清淡但同樣出色即刻用手機落單再叫咗牛肉羊肉等，每款肉類都食得出質素唔錯，值得encore仲有啲日式小食例如雞軟骨、炸蠔等等至於自助區有大量嘅丸類同蔬菜選擇，咁多嘢食真係眼闊肚窄值得講講甜品竟然有芝麻糊同埋好耐都冇食過嘅香芋雪糕食到勁飽同朋友都覺得好滿足牛摩依家仲有最新推廣，只要係牛摩會員儲儲埋埋的積分平時可以有免費券兌換, 依家竟然可以1分當1蚊使! 今餐就扣左 $50/ $100 啦～…查看更多

今日同朋友去咗上水廣場嗰度食放題，揀咗牛摩，見佢哋最近有做酸菜魚同埋牛肉放題，一次過滿足兩種願望酸菜魚金湯+極品牛肉限火鍋套餐🐟🥩🔥 酸菜魚湯酸辣濃郁暖胃，魚片嫩滑彈牙鮮甜不腥，金湯金黃滑順帶微辣回甘；極品牛肉片厚實多汁入口即溶，牛脂香濃層層，火鍋熱氣騰騰解膩過癮，豪華海陸滿足爆燈！港式濃厚番茄湯🍅🥄 另外揀咗番茄湯，濃郁酸甜汁水豐盈，奶香滑順裹滿回甘不酸澀期間都點咗好多唔同嘅牛肉同埋攞咗好多蔬菜等等，選擇都算多，最緊要係上菜嘅速度好快，唔會等好耐👌🏻…查看更多

上星期去左上水探家姐之後食晚餐費時煩食乜所以就去左食放題見到佢哋啲湯底名幾得意有個叫「博多美人骨膠原啫喱雞白湯」聽到個名已經覺得自己需要補充膠原蛋白（笑）佢個湯底賣相好可愛另外家姐就揀咗關東風壽喜燒，甜甜地咁襯牛肉最正一坐低就衝出去拎嘢食出面自助區有菜、丸類、飲品同甜品款式都幾多，不過我地主力係嚟食肉嘅即刻落單叫咗阿古豚梅肉、精選牛肩胛同星級牛肌腹阿古豚梅肉好軟嫩，油脂分布平均壽喜燒湯底淥一淥再點生雞蛋食，超滑！牛肩胛同牛肌腹都唔錯，尤其是牛肌腹咬落去有少少彈牙，肉味幾濃另外仲食佢哋嘅炸物拼盤炸雞塊配芥末沙律醬好開胃日式炸蠔同炸蟹鉗都脆卜卜唔會油淋淋最驚喜係脆皮香蕉同冰烤番薯第一次食，好特別炸雞軟骨粒細細粒送酒仲有雞皮餃子，個皮炸得香脆中途叫咗碗溫泉蛋牛摩飯撈勻啲蛋漿同牛肉碎，飯粒濕潤又香最後食埋個甜品，真係大滿足下次再encore…查看更多

不錯的一次晚餐🥣食物種類多，一人一鍋，有多款湯底選擇🍲放題bino來說性價比不錯👍🏼很喜歡它的小食，有甜薯，炸香蕉和炸雞塊🙌🏼都很值得一試！另外，整體環境和衛生情況都不錯，飲品種類也多，還有雪糕，啫喱等甜品供應。值得再試🙌🏼！…查看更多

牛摩任食火鍋的特濃沙嗲湯底，濃郁的香氣撲鼻而來，讓人一聞便感到食慾大開，這湯底醇厚的口感中帶有一絲微辣，讓每一口都充滿層次感。配料方面，肥牛的肉質鮮嫩，油花分布均勻，輕輕一涮便能吸收湯底的濃郁風味，口感滑順，各類肉類如豬肉、羊肉和雞肉，則提供了豐富的選擇肉類丸子如魚丸、蝦丸和牛肉丸，彈牙的口感搭配沙嗲湯底，讓人一口接一口，停不下來。新鮮的蔬菜如菠菜、金針菇和豆腐，為火鍋帶來清新的口感，平衡了湯底的濃厚。牛摩任食火鍋的特濃沙嗲湯底配上豐富的配料，都非常好味，牛摩的任食甜品、壽司和飲品各具特色，壽司更是精緻與美味的結合，還可以任食，飲品方面，提供了各式清涼的飲品，牛摩的任食甜品、壽司與飲品不僅味道出色，還提供了多樣的選擇，…查看更多

.扺食90分鐘邊爐🫕📍 上水龍琛路39號5樓513號舖服務：🐣🐣🐣🐣🐣食物：🐣🐣🐣🐣🐣我哋揀左LV 3 阿古豚梅肉 $258 其實呢一個餐都包咗好多嘢可以揀小食方面有啲餃子，一口芝士，牛魔飯😍😍仲要枝豆，味噌青瓜🥒，迷你甜薯等等而打邊爐肉類方面，有豚肉羊肉同埋兩款嘅牛肉牛肉肉質鮮嫩，油花分布均勻個人覺得羊肉真係好出色😍😍連拆十碟冇難度😍冷凍櫃都有好多配料俾大家揀，例如玉子豆腐，豆腐，金菇，蔬菜粟米，獅子狗，不同嘅丸類等等環境：🐣🐣🐣🐣🐣舖頭店內裝潢現代而舒適，暖色調的燈光營造出輕鬆愉快的用餐氛圍。座位安排寬敞，適合家庭聚餐或朋友小聚。湯底湯底是火鍋的靈魂，牛摩火鍋提供多款湯底，包括博多豚骨濃湯，港式蕃茄薯仔湯，沙嗲湯，昆布魚湯，壽喜燒，仲有招牌博多美人骨膠原啫喱雞湯，我哋就係叫咗壽喜燒同埋豬骨湯🐣🐣我哋比較清淡，所以揀呢兩個湯，如果鍾意濃味嘅朋友可以試吓沙嗲湯，我哋上次食過都唔錯㗎值得推薦的火鍋店🐣不論是食材的新鮮程度、湯底的多樣選擇，還是良好的服務體驗，都讓人感到滿意。#台灣祭 #牛摩 #放題 #任食 #打邊爐 #優惠 #火鍋 #wagyumore #wagyumoreplus…查看更多

話說琴日同朋友去咗「牛摩」食日式火鍋放題，真係超級滿足呀！😋🍲 我哋揀咗鴛鴦湯底，一邊係關東風壽喜燒，一邊係博多美人骨膠原啫喱雞白湯，兩個湯底都好正！🤤 壽喜燒甜甜哋，好惹味；雞白湯就好清甜，飲完仲覺得皮膚滑咗添！😆✨我哋叫咗Lv.4牛小排套餐，啲牛小排真係入口即溶，油脂分布均勻，肉味香濃！🥩🤤 牛肩胛、羊肉卷同阿古豬嘅質素都好高，非常新鮮！🐑🐷 食到我哋捧住個肚走！🤰🫃除咗食物之外，不得不讚嘅就係佢哋嘅服務！💯 啲店員超級親切友善，又好細心，成日主動幫我哋加湯，換碟，真係好貼心！🥰 飲品區嘅選擇都好多，乜嘢都有，真係好正！🍹🥤總之，呢餐日式火鍋放題真係超級抵食！💰👍 食物質素高，服務又好，環境都唔錯！下次要再嚟試吓其他湯底同套餐！你哋都快啲去試吓啦！咪走雞呀！🐔…查看更多

全港多間分店嘅牛摩極品牛肉眼90分鐘火鍋放題晚市只需$199，仲新增咗多款小食，湯底仲可以一人一鍋選擇好多！東風壽喜燒甜甜地夠晒日式淥牛肉就最啱，別注版博多美人骨膠原啫喱雞白湯保鮮甜，提升咗所有食材嘅鮮味。另外仲有長野蘋果湯好特別，可惜只有一人一鍋，希望下次有機會試吓牛肉眼望落唔多雪花但係肉質嫩滑好鮮甜，牛肩胛捲到一條條打卡又靚，逐塊夾落去打邊爐又方便小食方面大愛雞皮餃子，encore咗幾次，炸蠔同炸蟹鉗都好好食，香口小食真係食極唔厭而家做會員只需$100入會費即刻回贈$100電子現金券，消費可以儲分，每月會員日同生日都有折扣優惠…查看更多

2025年6月7日，見係附近有野做就同小朋友去食，咁岩見面書有成人兩位免小童既優惠，不過如果自己唔問，店員係唔會主動提出😂最後5大1小都食得開心，材料可以，會再去。雪糕今次係海鹽味😮‍💨唔岩我地🤣希望下次會有喜歡的味道…查看更多

今日嚟到上水嘅牛魔🐮食香港人至愛打邊爐放題😙多款牛肉品種任食，仲有豬雞羊，各種蔬菜丸類、甜品飲品都係任攞任食🥳🥳我最愛當然係頂級牛小排 🐮同安格斯牛肉片🐮 仲有羊肉片都好好食喎 一啲都唔臊又滑 頂級牛小排放落沙嗲火鍋湯底幾秒即刻可以食 又滑又嫩仲有牛味添 完全食唔到雪味 都幾新鮮😙👅啱晒朋友做完gym過嚟補充蛋白質💪🏻 我哋仲叫咗溫泉蛋配牛肉豉油一齊食 又增添風味更加滑😋😋打邊爐又點少得各種丸類呢😚有香港人最愛的包心芝士丸 仲有好多我全部攞咗嚟試😋之後蔬菜類竟然有苦瓜 同羽衣甘藍都有 即刻覺得健康晒😙💪🏻💪🏻食完咁多樣嘢仲有甜品🍮🍮有日式和菓子 最愛的朱古力泡芙 仲有原味 兩個都好好食 最後飲返杯茶Perfect 下次做完gym收工都要過嚟食😋😋🙌🏻Ps.最緊要係大家要支持香港經濟就算我住上水我都依然支持香港消費🥳🥳💪🏻唔使過關都可以任食牛🐮🐮…查看更多

諗唔到食咩最好就係打邊爐，今次揀咗3小時任食特級牛小扒x安格斯牛肉餐 ，鍋底都有好多選擇，有啲都幾特別。除咗手機點餐之外，外場亦有好多菜、菇、麵、豆腐、丸類自己夾,樣樣都係睇得到嘅衛生同新鮮雪糕係比較特別嘅海鹽口味，藍色嘅雪糕上可以灑上旁邊嘅脆脆/棉花糖，整個賣相會更加吸引。可以選擇一人一鍋或一個大鍋，我就覺得一人一鍋會比較衛生啲😬牛類有三款選擇分別係牛小排、牛肌腹、牛肩胛。每款嘅油脂分佈都唔同，比較瘦嘅會係牛肩胛，女士食多啲都唔怕肥。另外，炸物可以一件咁點，自己鍾意食乜就自己點，唔需要怕大大份食唔曬👍🏻兩個人食到捧住個肚，重要啲嘢新鮮份量足，都係呢個價錢，真係好抵食！…查看更多

今日去牛摩打邊爐，試吓佢嘅長野蘋果湯，原來入邊真係有新鮮蘋果切入去，蘋果酸酸甜甜，第一次用嚟打邊爐，好醒神開胃。我哋叫咗90分鐘放題有牛肩胛同埋牛小排，呢兩個都勁新鮮好推介，牛肉切得厚薄適中，放落佢個爐度淥兩淥就食得，而且牛味都好出。另外一個湯底我哋叫咗蟲草花雞白湯，好香蟲草花味，雞湯好鮮甜，呢個湯底嚟打邊爐一定唔會輸。出面嘅丸同埋小食都好多選擇，最鍾意食佢嘅龍蝦丸同埋千層豆腐，吸晒啲湯汁超好味。估唔到仲有新鮮嘅蝦同埋血，鴨血爽口，蝦都仲係鮮嫩。嘢飲選擇包羅萬有，除咗一般可樂同七喜之外，仲有好多台式嘅茶類飲品。食到差唔多仲可以出去攞佢哋嘅甜品食，有泡芙同冬甩，可以一試。呢個價錢有肉有海鮮，又有甜品，算係性價比好高嘅打邊爐餐廳！…查看更多

幾個舊同事約食飯 好有誠意地入黎上水搵我，我就一盡地主之誼 帶大家去牛摩食個放題任食牛牛餐有 Lv. 1 ~ 6，可以品嚐既牛牛層次都會隨之提升，憑進可攻 退可守原則 我地揀Lv.4 中間位置，前3個level既食材通通可以點 仲可以食到特級牛小排+海蝦+腐皮蝦寶鍋底方面有9個選擇...攪到我諗左兩分鐘最後決定 牛摩別注版 -「博多美人骨膠原啫喱雞白湯」，除左因為個名睇落霸氣 主要係因為有個小牛摩樣 可愛耶~想睇下實物係咪一樣 or 圖片只供參考，驚喜的 真係有笑笑樣😍溶化後便滲出鮮鮮的清雞香 同任何一款食材都好夾牛小排牛味夠濃 入口都夠滑，是我今夜的主攻目標阿古豚肉片真係驚艷到我，有豬味而非豬臊味，入口爽滑彈牙，片片都切得薄薄 落湯後好快熟 保持到鮮嫩，個質素好過好多出面專門店訂來的除左基本牛 豚 雞 羊 之外仲包左牛舌同幾款海鮮海蝦 / 青口 / 帆立貝 / 墨魚滑(一定要食海鮮 真的比想像來得新鮮)炸物 / 日式小食 / 牛摩飯都有款式種類唔少 自助吧好多選擇...菜 / 丸 / 麵 / 壽司 / 甜品 / 飲品有幾個位我都好欣賞👍🏻🔸提供羽衣甘藍 平時好少機會會放題見到，湯燙熟既佢 香氣同沙律時完全唔同🔸除左6種菜類，雪櫃多達33種食材🔸雪糕機自由吱 旁邊topping再裝飾一下🔸飲品櫃有青檸梳打水 仲有好多茶類 岩晒愛飲茶既我消費$800就有一個代幣玩扭蛋，我抽到Jackpot  LUCKY! 下次要再同呢幾個幸運寶寶過黎打邊爐*店員們都好溫柔 主動講解同留意到我地需要加湯*店面乾淨 座位闊落 坐得好舒服…查看更多

天氣突然凍咗，當然要打邊爐，去到上水見到牛摩嘅放題，唔使諗，立即入咗去食餐又飽又暖笠笠嘅晚餐先🤭湯底同牛嘅質素都有好多選擇，豐儉由人，我就點咗一個中價位嘅牛小排除咗牛小排之外，都有其他部位選擇場內位置亦有好多蔬菜、丸類、麵類。。。。連壽司都有🤭當然唔少得甜品！有自己吱嘅雪糕，仲有現成做好咗嘅泡芙、啫哩、和菓子之類。。。。全部都好吸引！飲品都有四大個雪櫃，有茶類、汽水類、清熱類湯底選擇咗沙嗲及壽喜燒（配蛋），一個甜甜地,另一個夠哂惹味，中途加湯都會加返相對嘅湯底一口氣叫曬幾款牛，每款顏色都幾靚，三款口感各有不同，個人覺得牛小排牛味較重。由鮮紅色變粉紅色，真係非常有食欲…查看更多