影片
更多
2025-06-02
238 瀏覽
今日去牛摩打邊爐，試吓佢嘅長野蘋果湯，原來入邊真係有新鮮蘋果切入去，蘋果酸酸甜甜，第一次用嚟打邊爐，好醒神開胃。我哋叫咗90分鐘放題有牛肩胛同埋牛小排，呢兩個都勁新鮮好推介，牛肉切得厚薄適中，放落佢個爐度淥兩淥就食得，而且牛味都好出。另外一個湯底我哋叫咗蟲草花雞白湯，好香蟲草花味，雞湯好鮮甜，呢個湯底嚟打邊爐一定唔會輸。出面嘅丸同埋小食都好多選擇，最鍾意食佢嘅龍蝦丸同埋千層豆腐，吸晒啲湯汁超好味。估唔到仲有新鮮嘅蝦同埋血，鴨血爽口，蝦都仲係鮮嫩。嘢飲選擇包羅萬有，除咗一般可樂同七喜之外，仲有好多台式嘅茶類飲品。食到差唔多仲可以出去攞佢哋嘅甜品食，有泡芙同冬甩，可以一試。呢個價錢有肉有海鮮，又有甜品，算係性價比好高嘅打邊爐餐廳！
我哋叫咗90分鐘放題有牛肩胛同埋牛小排，呢兩個都勁新鮮好推介，牛肉切得厚薄適中，放落佢個爐度淥兩淥就食得，而且牛味都好出。
另外一個湯底我哋叫咗蟲草花雞白湯，好香蟲草花味，雞湯好鮮甜，呢個湯底嚟打邊爐一定唔會輸。
出面嘅丸同埋小食都好多選擇，最鍾意食佢嘅龍蝦丸同埋千層豆腐，吸晒啲湯汁超好味。
估唔到仲有新鮮嘅蝦同埋血，鴨血爽口，蝦都仲係鮮嫩。
嘢飲選擇包羅萬有，除咗一般可樂同七喜之外，仲有好多台式嘅茶類飲品。
食到差唔多仲可以出去攞佢哋嘅甜品食，有泡芙同冬甩，可以一試。
呢個價錢有肉有海鮮，又有甜品，算係性價比好高嘅打邊爐餐廳！
張貼
