牛扒先生 (青衣城1)

營業中

休息中

食過兩次lunch. 第一食咗佢哋推介嘅牛尾, 非常失望, 不過同枱嘅人食另一樣嘢覺得ok, 所以再俾機會試多次. 第一食嘅牛尾, 無可厚非, 份量好足, 不過唔好食嘅嘢, 往往越大碟越覺得難涯. 蚊得係就係好冧, 不過似係用壓力煲蚊冧咗就當係咁, 肉還肉, 汁還汁, 一啲味都無入到去. 趕時間而又唔想食茶餐聽嘅人最啱嚟呢度. 上菜極快, 兩次都係落order到上main dish唔洗7min, 個湯未飲完個main dish就已經喺面前攤緊. 跟湯嗰塊面包硬到無朋友, 小心杉口. 個湯勝在唔會油淋淋. 今次食蟹肉意粉. 一上菜, 驟眼覺得賣相唔錯. 望真啲, 覺得好核突... 因為碟邊有好明顯嘅抹碟水積. 即係幻想到上完碟之後, 個廚師用條濕溜溜嘅抹布抹碟邊. 其實如果係咁, 唔抹好過. 老實講個意粉係ok嘅. 不過食到尾, 見到碟底嗰層油.... 嘩! 洗唔洗倒晒啲油落去呀?!

到了餐廳唔需要等，叫了兩個肉眼扒同羊扒，牛扒叫左要8成熟，點知黎到血淋淋，根本得3-4成熟，唯有叫佢再整過。羊扒好明顯係雪櫃攞出黎不久，仲係紅色未過雪氣，伴菜番茄熟到過火淋晒。餐湯得個暖字，完全唔得。餐茶叫左熱檸水，水根本都熱，真係火都黎，由頭都尾無樣好，岩岩裝修完諗住試下啦睇下有無改進，因為之前去食過午餐都係好差好求其。點知都係好失望，都唔知點解仲有人排隊，以前波士頓個已經不再。我同朋友一致結論係：唔會再黎

一個星期六的中午, 難得去青衣城LUNCH, 試過自助沙律的午餐, 覺得都幾好, 就帶蝦餅試試。餐牌款式都不少, 大部分的肉類都有得選擇自助沙律吧比葵芳分店的款式多, 有青蘋果沙律, 凍豆腐, 西生菜, 車厘茄, 粟米, 長通粉沙律, 薯仔沙律, 哈蜜瓜及蜜瓜等每次會有固定一款湯,配牛油及麵包忌廉南瓜湯-- 入口都幾清新, 不時有一絲絲南瓜蓉, 忌廉味道濃郁, 配的包非一般餐包, 而是德國裸麥包或西式大麵包, 配湯一流, 筋性又高, 口感自然比較好。吞拿魚長通粉- 我是為了自助沙律吧而來, 主菜就當然揀普通的, 結果真的非常一般, 長通粉偏硬, 沒有應有的QQ口感, 吞拿魚又非常乾又鞋, 汁醬亦非常少。如果不是因為是熱食, 我反而會推介沙律吧上的長通粉沙律雜扒--menu分開幾種肉類寫, 我總結為迷你雜扒。可能價錢問題, 百多元, 又要提供半自助餐, 主菜都不能提供太多, 碟的裝飾不錯, 幾件都是烤過, 香烤味算濃, 視覺良好, 羊架蝦餅反映肉汁仍有, 不濃孜然味但出了少許羶味, 效果不太好。佢欣賞的是腸仔及薯蓉-- 腸仔腸衣爽爽, 肉的味道不濃但有陣陣香草味, 薯蓉難得是整碟的靈魂,

星期日的午餐試了Mr Steak的semi lunch buffet餐湯、沙律、甜品等是自助餐形式我們點了2份西冷牛扒及1份羊架心想Mr Steak的主打必然是牛扒，所以點了牛扒，沒想到西冷牛扒不可以選擇生熟程度下，竟來了全熟的牛扒😭 兩份牛扒到了，presentation不錯，但用刀一切，感覺件牛扒有點硬，心裏有中伏的感覺，再切了件放入口，明顯是過熟了，另一件牛扒也同樣的過熟及冇乜味，我們是要用力將件牛扒切細件及不停混些汁來調味，才能把它吃掉😵。這裏的服務是不錯的，在這裏要一👍。

第一次用團購買套餐，諗住近近地又係附近，所以決定同老公慶祝結婚一週年，野食喇錯，而且又坐得舒服，可惜2人都唔飲酒，又唔知可唔可以加錢換無酒精飲品，最後當然無飲2杯酒，轉飲水，原來仲可以帶生日蛋糕來，唔需要切餅費，下次再來試下！

As suggested by my junior collegaue, we went to this restaurant for dinner.  We three ordered 2 lobster set (2 for 1 special with choice of grilled steak) and a set dinner (main course as lamb racks).  The house wine (both white and red) is acceptable in terms of the food's price.  The lobster set came with two cups of bisque lobster and the lamb set came with the assorted mushroom soup (creamy base).  Both taste great, creamy, rich in flavour, and delicious.  However, the italian bread gave me

雖然生日已過，我們約出來的最初藉口好像不存在，但男A還是約了女A練習，之後睇了郭子健的<全力扣殺>，戲院實在太冷，男A的温暖只能勉強應付。之後要食下 Mr. Steak Cafe的暖野。牛扒先生當然要食牛扒啦，牛扒味道濃厚富質感，顏色、肉質和味道都好似掛在牆上的紅酒一樣，非常有層次感的享受，after taste持久。但更有驚喜的是頭盤的牛油麵包，牛油味道濃郁令人印象深刻，而女A亦甚喜愛牛油，無耐減肥中，不能多吃。這餐廳氣氛一流，大玻璃下的海景，是約會的好地方。飯後，我倆在剛才餐廳窗口望到的青衣海濱散步，攀過欄杆坐下談心，非常浪漫，弄得男A連打球遲到都顧不得，這一刻心想，如果是這個人就好了。

本身幫襯開同集團銅鑼灣分店都ok的，但今次就個客就去青衣分店，諗住穩陣去到我叫魚柳，個客叫安格斯rib eye 5成熟Rib eye嚟到又薄又篇，望落干爭爭。5成好似衰過茶記嗰d咁, 一切，好明顯over cooked! 冇9成都8成！唔好講味道，連presentation 都差，樣樣衰衰咁魚柳仲衰，我未食過咁「鞋」嘅魚柳，仲要係好明顯用蛋「yam」過再炸咁款，但其實我係叫煎魚嘅囉。睇嚟呢個集團個總廚好少去巡呢間分店，點會難食成咁？根本係求鬼其煮！仲要收你$178同$148加一攪到我打算以後唔再幫襯Mr Steak!

星期五晚上到處都是吃飯的人潮，1.5小時交台是常識吧，這裡的龍蝦餐好似幾吸引，但都係叫了最基本既set dinner，選擇都叫做幾多。這湯實在喝不出是什麼味道，應是薯仔個類...牛扒薯蓉，牛肉美味多汁，有一些過了火候鞋左d，不過配上薯蓉亦很飽肚。番茄長通普通了一點，不過不失咁啦。加了錢轉了這個蜜桃特飲就有點伏，好似凍檸荼轉走d檸檬換上了桃子重要係得幾塊既罐頭貨，有d唔抵。流心朱古力蛋糕即係心太軟啦，沒有過熟，重有一球雪糕作為尾聲。作為晚飯是可以的，但沒有特別令人深刻的美食。

為左預祝母親節同全家午餐時段去左食Mr.Steak，最令我滿意係有salad任食，因為本人好鍾意食菜係隻牛，所以好重視salad。佢嘅salad有好多款揀，又會擺特色小食如.日式豆腐出黎，都ok。最最最正係南瓜湯！真係好濃！配包一流！而主菜我冇食到肉，叫左野菌煙肉忌廉汁寬條麵，呢個麻麻，冇咩特別。而屋企人嘅燒春雞、西冷牛扒、羊扒都好好食，個人覺得7成熟太過熟了。最深刻係凍檸茶會附上檸檬汁and糖漿，根據個人口味調較，適合我呢d飲檸茶鍾意酸d口味嘅人。價錢方面略嫌有些少昂貴，始終午餐百幾蚊非人人可負擔，但偶爾一餐仍但試無妨。

山水復仇記話說上次吃了一餐令人惘然的燒雞後（在九龍灣國際交易中心），這天我決定去別處吃另一餐grill steak，一慰之前已失的感官。再給機會予之前的燒雞已是徒然，所以今之選了另一處吃一份grill的什扒：點了羊扒及medium rare煎的牛扒兩種，以祭餓了很久的五臟廟。吃了前菜—半自助沙律吧後，主菜便端上來了，羊本身烤得不錯，既不太羶，而且吃去肉汁夠，一咬十分鬆軟。不錯。肉汁被鎖上，而且不太油膩。至於牛扒不錯，既不油膩，同時嚼一口，肉汁已經滿在口邊，外脆內軟，再沾熱騰騰的醬汁，十分好的配合。之後塗上少許芥辣，很滋味。同場友人吃的三文魚扒，汁稍鹹，但是三文魚本身十分新鮮，而且吃的魚肉本身亦滑，很好，加上自助的沙律吧，飽餐一頓，算是復仇成功了。

復活節長假，這天到青衣城覓食轉來轉去，選了很久沒吃的Mr. Steak現在的Brunch Set加入了自助甜品，早想一試了~Menu上共8個餐，選擇也不少呢套餐都包括主菜、自助沙律吧及餐茶也可另外加錢選擇特別的甜品自助吧檯上的食物很豐富，由餐湯、餐包、各式沙律至水果、甜品都有美味的雜菌忌廉湯，啖啖雜菌加濃濃菌香，推！沙律有泰式的、薯蓉的、蔬菜的應有盡有淋上日式芝麻醬的凍豆腐口感非常清爽期待的甜品部分只是非常一般曲奇餅算是最好吃的…失望主菜上場了我的香煎鯛魚柳 黑松露意大利飯 $158想像中的魚柳應該是香嫩滑溜的，耐何一口咬下去只吃到煮得過老的柴皮口感，意大利飯很乾身和硬飯跟魚同樣味道很淡…失望藍公子的美國安格斯西冷 $198快$200的牛扒，下單時要了是穩陣的7成熟，上碟時是局部的456789成熟…雖然還是能入口，但一塊牛扒可以如此不均勻也是奇技啊飯後一杯茶，沒吃飽所以去狂吃曲奇餅用餐環境跟服務是不錯但以這個價錢絕對可以吃到很多別的更好的餐點，下次不會再光顧 

生日來到牛扒先生並唔係因為食晚餐，而係食甜品！並唔係因為特別好味，而係女人既任性覺得一定要食甜品才算完美的一餐！當日餐廳得知係我生日重好細心咁加左生日快樂字句，隔左一陣侍應重走晒埋黎唱生日歌我聽！真係好驚訝，不過亦好開心，一齊影相留念～～梳乎里好軟綿綿，加埋淡奶特別香滑，一口口咬下去充滿幸福既感覺。芝士蛋糕有極濃既芝士味，加上面層有少少果醬，味道酸酸甜甜，配埋朱古力醬裝飾更加美觀，上層的是朱古力脆粒，細細件岩晒女士份量！

聖誕跨年最啱就係同朋友知己聚頭，分享生活瑣事，分享美食。為左就返睇戲時間，今次特登揀左青衣城，貪佢就腳得黎靜靜地又有好野食 - Mr Steak好在平日唔算太多人，等左五分鐘都唔洗就入座，侍應亦好快送上appetizers俾我地。多士有白麵包同麥包，好適合肚餓又未有野食既時候醫肚。熱愛西餐既我叫左個set dinner，有以下幾款：Starter：Caesar Salad with Smoked Salmon賣相唔錯，食落口好fresh，啲沙律菜亦都好爽。個人唔大喜歡味道太濃既食物，所以覺得佢啲醬都落得啱啱好，好清新。不過偏好濃味既朋友可能就覺得唔夠，三文魚方面就當然愈多愈好啦。Main：Aged Black Angus Rib Eye Steak個人偏好生得黎唔會太多血，所以要左medium rare，貪佢夠冧又夠軟熟唔太生。個rib eye steak真係煎得啱啱好，咸咸地好入味，而且肉汁鎖哂係塊扒度，好juicy！揀埋個honey mustard sauce伴碟，甜中帶甜，俾多塊我都食得落！哈哈！不過其實都好大塊，都幾抵食。反而伴碟既薯蓉就一般般啦，上到碟已經凍左，食落去feel

聖誕夜選擇了去常用餐的青衣城Mr.Steak,貪坐得舒服，也可以食生蠔。沒有訂座，約八點walkin,等了約30分鐘。平日的買一送一龍蝦套餐沒提供了，不過聖誕推介也不錯，只是價格微調高一點和缺了跟餐的紅白酒。餐湯是龍蝦湯，可惜比平日差了點，好像淡淡的。前菜是䒦士焗貝和煙三文魚，不過不失，煙三文魚下的沙律比較吸引。頭盤有生蠔半打和海鮮併盤，一向喜歡這裡的冷海鮮，特別是生蠔，雖然沒有品種選擇，但新鮮度高，汁調得剛好，又夠凍。主菜要了比目魚帶子龍蝦，比目魚煎得好脆又juicy。另一個煎A5和牛，好肥，好油，食咗一半已經想放棄了，要食番多D伴菜才能平衡一下油膩的感覺。加了蕃茄寬條麵，茄味香濃!又不會太淋身。甜品聖誕蛋糕。最精采是當晚有聖誕special巨形火焰雪山，餐廳調暗了燈光，由兩位waiter從甜品吧端上在餐廳中央位置，當是一個表演，淋上rum洒，點火，酒焦香會彌漫著四周。待火燒完，由甜品師傅free分派給每位食客。冰凍的雪糕加上軟蛋糕再和暖暖微焦的cream一起一大啖食，好正!是夜每位小朋友更有小小聖誕禮物包送。聖誕氣氛真濃厚。