牛扒先生 (青衣城1)

營業中

休息中

今日食部門飯局不二之選，今日我地一行27人去吃飯，因為人數較多，所以要在較早前一星期已經打了電話落了一千元訂金，happyfriday 12:15去吃飯！～去到其實都係半自助餐，沙律和湯任飲，都有飲品如橙汁之類，甜品都有5-6款選擇，當然我地一去到都係食沙律之類啦…木瓜沙律係最鐘意食的東西，有個蜜桃沙律有條頭髮有點失望。甘筍湯好味又有薯仔口感！～其他菜都新鮮同都有不停加野食。到主菜都係5-6款選擇，我地竟然都係選左魚和牛扒(大約＄218)…哈哈！～大約10分鐘黎到，牛扒我叫左5成肉質都嫩滑同牛肉味十分香口，配菜不可不講今次好有驚喜味道夠吾咸。但食魚（＄168)同事就失望啦，魚質好硬又冇味，蝦仲超硬完全失望添。每個餐仲有一個飲品，我地今次冇加錢都係叫檸檬茶，咖啡之類！～甜品選擇都仲有更新左，之前未見過（朱古力批和冬甩）…甜品味道正常，所有吾太甜同新鮮，只係朱古力味偏假一般，有驚喜豆腐花味道吾錯但竟然係凍，所以同事落黃糖係吾會溶。

今年聖誕，想兩個人食下西餐。餐廳環境唔錯，食物都ok。不過冇諗到會有表演睇～就係火焰雪山。 本來食完呢就想走㗎啦！ 但係啲服務員就話唔好走住，不如睇埋表演先啦！佢話九點鐘就開始，我哋呢就買咗單等，到9點15分終於就見到個火焰雪山出嚟！就係點著佢熄曬燈就咁表演完！ 唔知會唔會分畀人食啦！因為都冇等到我哋都走咗囉！咁聖誕節都叫到有個surprise！

今天去了青衣看doctor strange 。看完順便吃個晚餐。兩個懶人就近坐在了mr steak 。晚餐menu是4course ，平均一個set300以內。有頭盤，湯，主菜，甜品。相當抵食。我們點了兩個set。頭盤湯甜品都很普通，當然，主菜也只是正常。如圖。黑毛豬扒。豬扒很厚，看一眼就飽了。肥膏很香，豬肉也嫩，敗筆在旁邊點綴的蜜糖蘋果。味道太假，還很甜。應該是糖精放多了。如圖美國肉眼。牛扒很薄哦。不過味道不錯，比我在家自己煎過一次的嫩。哈哈😄總的來說，晚餐一個人300那樣還可以吃的肚滿腸肥，又不用動腦筋想去哪吃的話，還是可以偶爾吃吃的。

今日和友達們黎到青衣城相聚午餐，一早在牛扒先生訂位，但周未都不算人多午餐是semi buffet, salad同甜品任食，都算好多選擇牛扒先生主菜當然是牛扒，我地叫左肉眼扒同龍蝦意大利飯, 龍蝦飯好普通，意大利飯煮得唔夠稔，唔太值成$198，肉眼扒就幾正，大家都係食牛扒吧！其實間餐廳都住個海景，個view都好舒服

同友人到青衣城食飯，假日的晚上周圍都要等位，見呢間比較少人等，睇menu又幾岩食，於是等呢間了，等左15分鐘到有位了。 餐廳是型格設計，內堂面積頗大，樓底高，坐的是梳化等，都幾舒服呀。 牛的部位圖。 4 course set:有頭盤+餐湯+主菜+甜品 +咖啡或茶。 餐包，見到每枱有，但我地又遲遲未有，原來忘了比我地....麵包份量多，白色麵包口感煙韌，配上牛油更好味呀。 風乾腿配蜜瓜，頭盤，鍾情這個組合，可惜是用的蜜瓜而不是哈蜜瓜，蜜瓜味道偏淡不夠甜，風乾腿鹹香，沙律菜新鮮，味道清新。 煙三文魚沙律柚子汁，友人的。 意大利牛肝菌野菌湯，味道十分濃郁，有好香的野菌味，口感稠身，不俗呀。 烤芝士雞卷·半熟蛋·野菌意大利飯，$198，野菌意大利飯口感creamy，野菌味濃郁，芝士味份量多，雞肉惹味。 美國西北大牧場優級西冷牛扒，$288。 餐廳以牛作招牌，一於試下呢到的牛扒，外層有焦香味道，肉質鮮嫩，牛肉味濃，果然幾好味呀。 朱古力慕絲蛋糕，主廚精選甜品，口感軟滑，有好香的朱古力，唔太甜，幾好味呀。 流心朱古力蛋糕配特級雪糕，跟餐加+$25。 見到心太軟即想食

一直都很想試牛扒先生，終於有朋友提出一於去馬，這間位於青衣城的牛扒先生環境氣氛唔錯，很有情調而且服務態度良好，食物質素不過不失。即開生𧐢 - 海水味濃郁𧐢肉新鮮南瓜忌廉湯 - 香滑濃厚龍蝦鮑魚 - 龍蝦彈牙不過冇乜鮮味，鮑魚冇味似水煮羊架大蝦 - 羊架嫩滑冇煮過🔥，大蝦爽口豬扒 - 最意外係豬扒豬味濃有肉汁而且十分嫩滑值得讚整體感覺一般，沒有想像中那麼好😌

當天跟老公結婚一週年紀念日，所以去試下想不到環境舒服，食物都好好味，值得一試當然服務都好好因為當天他都送左一一件cake比我地慶祝紀念日，蛋糕好味道之如他們亦花了不少心思在碟上畫花

我好鐘意係Mr. STEAK 度食Lunch,因為佢有自助沙律吧，佢有好多唔同選擇，唔止沙律佢仲有湯，甜品同果汁。我每次去佢嘅沙律吧都會有唔同款嘅前菜，唔會令人食到悶。另外，呢度叫得做Mr. Steak 咁梗係要食牛扒，我好鐘意食呢度嘅牛扒，每次講要幾成熟佢都可以好準咁煮得出，唔會好似有d餐廳咁overdone。我今次食左個prime rib eye,好味，同埋個薯蓉都十分好味，好creamy 好香。餐廳亦都會貼心咁放食物係溫暖嘅碟上，保持食物溫度。更好係價錢大眾化，188蚊就食到牛扒，沙律吧，甜品同飲品。

食牛扒除左煎, grill 外, 我冇諗過會食到有烚出黎既扒囉, 我同同事要5X熟, 一個要7X, 黎到一睇點解白雪雪的?  咬完第一啖.....OMG 烚既? 仲有雪味喎!  溶完雪都煎下好嗎?  因5X熟only中問完全唔敢食,  我同事只食左一啖就放底左, 我都好D只圍邊食熟果D, 問返waitness個問題佢話係一大舊rib eye grill 的, 中曬伏囉!  唔只我地, 走時我見到另一張枱同款扒都被介了多刀而原封留在枱上而離席!  希望Mr.Steak可正視一下!  都係去返銅鑼灣安全D!!  

是晚放工後，去左青衣城行街街，咁當然就會食埋飯架啦，仲要難得我岩岩出糧（加左叮咁多人工），食餐好的，當慶祝都好最後我地決定去呢間ｍｒ　ｓｔｅａｋ落完ｏｒｄｅｒ後，就有暖暖的包包送到枱上我地叫左客生蠔，一客４隻，雖不算超大及肥美，但都好鮮甜餐湯：南瓜忌廉湯蝦沙律：ｄ蝦好爽口牛扒拼羊架：我的他話ｏｋ啦燒排骨拼春雞：排骨好味的，但春雞就鞋左ｄ了餐甜品：蕉糖蛋糕，不太甜，有點驚喜

我同女朋友食小龍蝦餐！之後沙律冇小龍蝦轉成三文魚，再黎杯白酒同水冇分別，到主菜龍蝦肉比美香口膠，雪魚同意粉冇味！最嚇人係個芝士蛋糕，冇芝士味，有膠味天呀！！另一比較好係個湯！

今日玩完迪迪尼，嚟到青衣城，見到Mr Steak做緊「龍蝦」套餐，HK$468二位，4個course，好似好抵。好啦，就試下。頭盤細細碟沙律，新鮮、龍蝦醬source，味道OK，不過d菜有d苦。等左好耐個湯未到，主菜就到先，錯哂。龍蝦細細隻，味道唔錯；比目魚扒都算滑。不過, 甜品只有Dryers 雪糕杯，冇得好似其他套餐可以揀。HK$468, 買一送一，感覺唔抵，因為唔飽。如果HK$468一位就更加唔抵。不過，味道OK，環境又坐得適服，收貨！

其實之前一直同事都話吾差不過價錢都吾平，而今次因為食部門開年飯所以今次一行18人去牛扒先生食野，最後今次我咩都加黎食加一都係$250，價錢吾叫十分平但野食質素不錯同多前菜選擇所以一時豪一豪都吾錯。沙律前菜甜品吧係出面可以任食！！！！當然大家都沖出去食啦，南瓜湯好味，好濃南瓜味又吾會太杰身，有個同事最後食左2碗添。包方面記得有3款選擇仲有少少微溫的牛角包加牛油香和湯一起食好味道。生果都有菠蘿哈密瓜和密瓜，吾叫好甜但都新鮮。甜品牛乳布甸最好味，好香奶味而吾硬身，小小地2口一個都不錯。桂花糕有桂花味但偏甜，有菠蘿汁和蘋果汁選擇，最後倒了蘋果，加左水仲要超酸不好味。沙律以泰式比較特別，第一次食木瓜沙律真係一粒粒木瓜清甜而有點酸都幾特別。美國特級肉眼扒$188：裝飾好普通有點失望，叫左5成熟但差不多全熟有點不開心，但幸好肉質好所以就差不多全熟都好嫩同有肉汁！～黑松露薯蓉偏淡但吾係粉整出黎，食到少少薯仔粒。如午餐加錢可以加$22鮮什果窩夫和改飲品$23士多啤梨水果茶：窩夫份量超多有4塊但太軟身，幸好蛋香還在而加雪糕一起食都抵食。士多啤梨水果茶味道吾假而有少少士多啤梨香和幾粒生果係度都吸引。

係青衣城睇完戲 走去Mr.Steak食個tea先 三層tea set 等一陣就送上枱lu😋😋 最頂層迷李burger+蝦多士 x2 burger中嘅蕃茄同小牛扒比例係1:1 外層烤得少少焦 但食落肉質依然Juicy 蝦多士炸到金黃色 入口卜卜脆 蝦膠彈牙👍🏼 中間係法式焗螺肉同煙三文魚多士 螺肉配有幼滑薯蓉 調味過後 味道均勻 香蒜麵包上有生菜蕃茄同一大塊煙三文魚 蔬菜嘅清甜襯托煙三文魚嘅鮮味👍🏼底層係燕窩蛋撻 桂花糕同3.6牛乳布甸 酥皮批邊鬆脆 蛋漿有濃濃蛋味 微甜再配少許燕窩 桂花糕彈力十足 香濃桂花味同好多桂花粒粒 3.6牛乳布甸 奶味香濃 入口幼滑 貨真價實👍🏼

食過兩次lunch. 第一食咗佢哋推介嘅牛尾, 非常失望, 不過同枱嘅人食另一樣嘢覺得ok, 所以再俾機會試多次. 第一食嘅牛尾, 無可厚非, 份量好足, 不過唔好食嘅嘢, 往往越大碟越覺得難涯. 蚊得係就係好冧, 不過似係用壓力煲蚊冧咗就當係咁, 肉還肉, 汁還汁, 一啲味都無入到去. 趕時間而又唔想食茶餐聽嘅人最啱嚟呢度. 上菜極快, 兩次都係落order到上main dish唔洗7min, 個湯未飲完個main dish就已經喺面前攤緊. 跟湯嗰塊面包硬到無朋友, 小心杉口. 個湯勝在唔會油淋淋. 今次食蟹肉意粉. 一上菜, 驟眼覺得賣相唔錯. 望真啲, 覺得好核突... 因為碟邊有好明顯嘅抹碟水積. 即係幻想到上完碟之後, 個廚師用條濕溜溜嘅抹布抹碟邊. 其實如果係咁, 唔抹好過. 老實講個意粉係ok嘅. 不過食到尾, 見到碟底嗰層油.... 嘩! 洗唔洗倒晒啲油落去呀?!