牛扒先生 (青衣城1)

營業中

休息中

我地一行四人共叫左兩個意粉，一個扒同埋一個豬手。意粉平平，牛扒叫左200幾蚊嗰個都叫做係對得住個價錢嘅 幾好味😛豬手都係正常味道啦 不過皮唔係香脆嗰種沙律吧部份🥗覺得唔錯 材料都新鮮 選擇都好夠而且都refill得好快有個泰式木瓜 少少辣酸酸地好好味 好開胃呢👍🏻👍🏻👍🏻又有紅菜頭 薯仔沙律 全部都係我至愛🧡🧡輪到甜品呢部份就真係差左少少全部蛋糕都甜到好似食砂糖咁😫其實砂糖都要錢 😫😫😫起碼可以落少四份三 因為係甜到擺唔到入口最好食嗰樣係........西瓜🍉So far整體係ok的 係甜品有啲不愉快服務員都好好 好helpful好有禮貌👍🏻👍🏻加上用餐當日係星期一 較少客人收碟加水都好快👍🏻👍🏻而且都坐得舒服嘅

原本諗住同屋企人食餐好，點知中左伏。叫左個主餐雜扒（有羊有牛有雞）d 肉好韌，個牛扒已經叫medium, 但食落去似7成熟...成個海鮮platter 無咩味好淡，望落去似好唔新鮮又唔吸引。自助bar 水果唔新鮮唔甜、薯仔沙律個味好似變壞咁，然後見到有人係自助bar拎到雪糕（該人疑似自助bar侍應的朋友，有講有笑），我問該侍應拿雪糕卻說沒有唯一覺得ok 係自助bar 既蘑菇湯，熱辣辣同重蘑菇味。整體感覺又貴又唔好食，唔會再去。

端午節假期難得同屋企人食飯，想搵一間坐得舒服，食物又唔錯嘅餐廳我哋一齊諗起Mr Steak，皆因上年我哋去過銅鑼灣利舞台嘅Sky bar，嗰度嘅食物同埋質素都令我哋喜出望外，佢都係隸屬同一個集團，所以我哋就諗不如試吓Mr Steak!我哋揀咗相對近我哋嘅青衣城分店，去到大約一點鐘，都有差唔多九成滿座，好彩訂咗枱，所以唔需要等。一直都知道呢度有Mr Steak嘅分店，不過開咗咁耐都未食過，餐廳環境幾闊落，感覺乾淨同埋舒服。呢度午餐時段每人最低消費係一個lunch set，價錢介乎$118-$218，就可以任食沙律吧嘅多款沙律、甜品同埋餐湯，每人仲會有杯咖啡或茶澱粉質最高嘅食物賣最平，亦都不無道理，等食客唔會食咁多沙律吧嘅嘢。唔係好理解點解牛扒都要有咁多選擇？咁唔食牛嘅人點算？平時唔太好澱粉質食物嘅我，就揀咗豬柳。入咗之後落完單，就急不及待睇吓沙律甜品吧今日有乜嘢款式！沙律有七至八款，西式沙律菜、紅菜頭沙律、日式螺肉沙律、烤雞沙律、水蜜桃鴨胸沙律、日式豆腐沙律......另外仲有兩款凍火腿片，款式都幾多元化；是日餐湯係甘筍湯，而放喺湯隔離嘅唔係餐包，而係金黃色嘅Scone。超鍾意食呢啲沙律

午餐Buffet有多款沙律、西湯、甜品，樣樣都好味，特別係個湯，係黑松露蘑菇湯另外，主食我揀左帆立貝蕃茄汁意大利飯好可惜個飯，煮得唔夠耐，啲米未開晒，有啲硬⋯⋯

3人行（星期日）半。自助餐環境闊 座位大 叫咗三個餐 有自助沙律、甜品、餐湯另外有$98 半打生蠔的確係抵食既 ！所選擇既餐 都多款式 價錢係合理杯菠蘿汁好好飲推薦 叫餐飲 飲呢個

提早慶祝母親節😎由於母親大人好體貼, 唔想正日同人迫, 所以提前慶祝母親節😍既然係大節日, 就搵間有自助吧餐廳😍因為可以滿足大家食前菜沙律甜品, 可以有梗多選擇🤗今次搵咗MR. STEAK, 出名食牛扒, 全枱都食牛扒. HAHAHA🤣🤣🤣食主菜之前就試咗個自助吧先😄淨係沙律都已經有好幾種, 最喜愛都係木瓜沙律, 木瓜好味好好食😆火腿不停為你REFILL仲加錢叫咗份美國生蠔, 但就一般般, 食生蠔都係去啲蠔吧酒店應該會再好啲.叫咗3種扒美國薄西冷牛扒 + 澳洲穀飼肉眼扒 + 美國特級西牛扒😋三種都試晒, 但我最鍾意都係澳洲穀飼肉眼扒肉質鬆軟, 牛味比西冷扒更濃主菜完成當然要食甜品, 馬卡龍 / 蛋糕 / 啫喱 / 泡笑 / 朱古力 今餐食得好開心, 環境又坐得好舒服

已經第三次消費，帶位員每次態度勁hea 🙄。幾位，有沒有book 枱。問完又唔比飛，又有其他人插入問枱。佢以勁慢速放低手上的筆，一句不回行入去。（睇下d枱）但接待處，枱上已經mark 晒 name list 同book 位的floor plan .好明顯，點睇都唔full booking ! Anyway 當佢完全唔清楚，那也應該有禮貎交侍清楚。佢的態度好似係 你無book 咁你地等下啦。感覺好差！食物同其他侍應，其實也不錯。只是接待員態度比較趕客。但由我進去至完成離開，餐廳的枱仍然不滿坐。🤷🏼‍♀️🤷🏼‍♀️🤷🏼‍♀️你好忙的，我會明白。但唔係。又hea 又慢 又冇禮貌。

Mr. steak 既半自助餐係抵食又大件一坐低點完餐就可以出去拎自己鐘意既前菜、沙律、湯鐘意攞幾多都得，只要你食得哂就無問題。今次同男朋友黎据扒，我叫左個澳洲穀飼牛柳扒，男朋友仔嗌左龍蝦配牛扒我果個好好食，燒得岩岩好，個扒有成隻手掌咁大塊，而醬汁又唔會太濃味好食。可能因為有比較下，就覺得男朋友食果個相對上無咁吸引，不過都好食同抵食既。佢果份有個海鮮拼盤做前菜，龍蝦有d偏干身，牛扒有d硬，同埋佢呢個牛扒係無得選擇熟既程度。据完個扒之後又出去攞甜品，甜品就唔太岩我口味，不過佢有個朱古力糯米糍同埋朱古力蛋糕好好食，食完大滿足

Lady朋友唔多，但真心好友都有幾個 ~所以就算生日已經過咗成個月，都仲有friend子同我慶祝生~兩個女人想慢慢傾，所以揀咗mr steak嘅semi buffet，order咗兩個main course之後就出去揀下前菜~沙律吧嘅選擇一般，有沙律菜同d罐頭水果等等，而Lady最鍾意嘅就係果款醃製過嘅木瓜，酸酸甜甜都幾開胃👍主菜分別叫咗兩款~其中一個係牛+羊+腸腸，另一款就係豬~可能本身期望唔高la，所以都覺得ok既~ 不過件牛排明明order咗 medium ，但出到嚟就差唔多well done咁濟。。。最後甜品每樣夾咗少少同個friend子share，甜品主打係朱古力同埋芝士味，味道就。。不過不失啦~

星期日同媽咪食完個brunch 買完屋企野就想話食個下午茶先返屋企啦 佢話之前同朋友食過Mr Steak幾好食 我地就去最近既青衣城啦 去到門口睇左menu 雖然唔係媽咪之前同朋友食個set 不過一場黎到又唔洗等位就食個下午茶餐啦 因為已經四點幾 所以好多枱都已經食完 我地坐窗邊可以望到個海 個三層同傳統食既afternoon tea set好唔同 佢既咸點係腸 炸雞塊同肉丸 沙律 甜既有牛乳布丁 椰香蛋糕同朱古力蛋糕 每款既味道都係普普通通 不過不失 無咩特別驚喜 亦無咩特別差 如果只係想搵個舒服既地方同朋友傾下計 呢個都係唔錯既選擇 但如果要追求好食既 就去搵其他afternoon tea set啦

2018.3.29呢個半自助餐都推出左一排，都好受歡迎，每人按不同主菜決定收費，其他湯，沙律，甜品，生果係任食的。如果只係淨食沙律自助餐就$138+1一位。沙律款式都多選擇，甜品就好貼心做到細細件，可以樣樣試些；當晚餐湯係南瓜濃湯都好正，而生果就只有西瓜，但都好甜！至於主菜方面最平選個個雜菜青醬意粉連埋加一都吳過$180。如果想平平地享受自助餐，$180有主菜又任食沙律甜品呢個價錢真的很不錯。但我們就選左一個龍蝦牛扒餐同一個豬柳龍蝦餐，兩樣都係$288+1，而且頭盤係多左個海鮮拼盤，有生蠔食，雖然蠔細細粒，但新鮮鮮甜！牛扒超正，但龍蝦稍乾同細隻！而豬柳老公就認為夠juicy同厚身。而我奶奶就叫左個蕃茄肉丸扁意粉，呢個都超好味。基本上呢個推廣優惠真的不錯。值得推介。

今日一年一度老闆請食飯既日子我地今年選擇左係公司附近既Mr steak食半自助午餐，佢既時間係由下午12點至2點半，望一望餐牌，主菜選擇唔算好多，但都有唔同種類既食物選擇我地大部分都選擇左最貴既$208烤澳洲肉眼牛扒，我就要左七成熟，另一位同事就叫左一個芝士焗龍蝦意大利飯叫完主菜之後，就立即出去自助沙律吧度拎野食，沙律選擇眾多，有日式的豆腐沙律，有一般的凱薩沙律，有印度風一點的雞肉沙律，亦有不同的水果沙律，而且味道都好好，當中我最中意佢既螺肉沙律同薯仔沙律，十分開胃同口感一流👍🏻至於主菜方面，我的七成熟肉眼扒似乎有點過熟了，雖然牛味濃厚，但是口感因過熟而扣減了一點分數，如果五成熟應該會更好一點我同事的龍蝦意大利飯是有足足半隻龍蝦伴碟，份量十足，而且吃下來也啖啖肉，龍蝦本身的質素也不錯，有很多膏，味道不錯。至於意大利飯方面，略嫌其龍蝦汁未夠香濃，致使意大利飯的味道不夠突出，但以這價錢而言的確不錯。食完主菜便到甜品環節，甜品種類未及沙律豐富，而且味道一般，但作飯後點來說都尚算不錯。

Mr. Steak 的semi buffet,真係有小朋友家庭的開心推介。價錢親民，細路又食得開心。聖誕晚餐，兩大三細，$700有找，真係大排檔都唔得。首先，餐湯、包點，自己去拎。前菜約十款，ham有四種，沙律有六種，好味推介南瓜沙律和薯仔沙律。此外，凱薩沙拉的菜也很新鮮呢。小朋友最愛炸雞塊，同mc chicken差不多，配芝麻醬，一樣好食。甜品超過十種，細路最愛泡芙和啫哩。我個人最愛粉紅色的mini cake,層次分明同中間加了可可味脆脆，真係幾好食。主菜mini seafood 拼盤，冇乜特別。但個龍蝦牛扒比想像中好，龍蝦超多膏👍🏻👍🏻，牛扒就standard.大人套餐跟一杯紅酒和咖啡。小朋友comment係：未食過咁飽既自助餐，D野好啱食😆

12月26日.午餐.預左人多.招呼會一般（因會太多人.這點明白的).坐低咗.叫埋野食.之後出去夾野食.返嚟食左兩啖.塊西冷已到.吓.唔係吖嘛咁快?五分鐘左右噃？即刻唔食前菜先啦.唉.塊扒凉的.又咸.真係好唔高興.同侍應講話塊扒凍的.佢話可能係食前菜耐左.我話我坐低左5分鐘.塊扒已到了.唔想難為位侍應.最終係整熱塊扒'唉.唔好將人地唔要的比我吖

最喜歡同媽媽食反，因為媽媽會就我，我食咩都Ok.里間餐廳我成日經過，但都無侍應企係門口，我以為佢哋收左工，所以今天係第一次食。我叫左個龍蝦餐同魚柳餐。龍蝦一般，無鲜味，跟黑松露飯，個飯我同媽媽都欣賞，煮得吾錯，入味之餘吾會太咸或濃，個飯食晒。但個魚柳，無味太實扁硬(失敗)，外型又吾討好有餐飲咖啡ok. 有個小型沙律，小食，甜點吧，ok既，免費任食，小朋友會開心D，對我來講，吾吸引，沙律菜望落去吾新鲜，其餘多數係罐頭嘢，我成日講免費的，吾好有要求，吾難食已經贊左。個環境吾錯，望住青衣城對出既海，好舒服，好寫意，食完嘢飲杯咖啡，正!D侍應幾細心，見就來夠鐘(個吧好似2:3Opm收)，會提醒我去拿吧果D嘢食和甜品