牛扒先生 (青衣城1)

營業中

休息中

為左預祝母親節同全家午餐時段去左食Mr.Steak，最令我滿意係有salad任食，因為本人好鍾意食菜係隻牛，所以好重視salad。佢嘅salad有好多款揀，又會擺特色小食如.日式豆腐出黎，都ok。最最最正係南瓜湯！真係好濃！配包一流！而主菜我冇食到肉，叫左野菌煙肉忌廉汁寬條麵，呢個麻麻，冇咩特別。而屋企人嘅燒春雞、西冷牛扒、羊扒都好好食，個人覺得7成熟太過熟了。最深刻係凍檸茶會附上檸檬汁and糖漿，根據個人口味調較，適合我呢d飲檸茶鍾意酸d口味嘅人。價錢方面略嫌有些少昂貴，始終午餐百幾蚊非人人可負擔，但偶爾一餐仍但試無妨。