牛扒先生 (德福廣場2期)

營業中

休息中

話說今日母親節，媽媽想食扒。因為德福和淘大得返這間餐廳有扒食，所以迫於無奈來了，否則一定去Ruby Tuesday (搬去mega box了)，咁就唔使食到一肚氣。呢度星期六日是食半自助餐的。自助沙律吧+甜品吧再加一款主食。其實沙律吧選擇至少有10款，食幾多拎幾多，味道同品質唔錯，至少算新鮮。但唔好以為有cold cut 肉類，我見到只有牛餐肉同低級熟火腿。我和媽媽都無食過，只是吃了沙律。主菜媽媽揀了西冷牛扒$188西冷牛好大塊，揀了7成熟，牛扒無牛味，肉質過'鞋'，五成熟比較好。可惜媽媽食左3份1已經唔想食，佢話無味好難食。薯蓉同伴菜都差到爆，西蘭花黃色，煮到過哂時。我揀了龍蝦拼安格斯牛$208安格斯牛揀左3成熟，但比想像中熟左少少，肉質比較多脂肪，食落口還可以，但一樣沒有牛味。伴碟的汁唔夠味，要另外加鹽。龍蝦大隻但唔新鮮，肉是'梅'的，失敗。我寧願你換隻大蝦俾我仲好啦！甜品有幾款，只有雞蛋布丁好食，其他一般。埋單同服務員講想打包個西冷牛扒走，但服務員就拒絕。其實我係唔想浪費食物啫，我地又唔係要拎走沙律同甜品吧的食物。我都有俾錢食個主菜（最貴的2款），我覺得這個要求唔過份，好想問俾左

無意中發現呢間餐廳，平日冇咩人，一到去第一個感覺招呼真係唔錯，食了買一送一餐。食物水準都OK嘅比預期中好，食完一餐感覺覺得成個過程都舒服，最後覺得好飽。兩個人咁嘅價好抵，會再去！

德福其實都算多野食，第一次食Mr. Steak, 睇佢門面，食物應該吾會好差，午餐叫左一個豬扒餐，一個肉眼餐，以為佢打正期號叫Mr.Steak ，難食極有限，點知真的難食，豬扒又乾又冇味！牛扒⋯⋯睇個樣就知，吾洗多講，好彩個自助沙律多選擇，唯有食沙律填飽肚，甜品都有啲求其，真係寧願你比杯啫喱我就算！仲有個香草蕃咖餐包，放喺枱比客任攞，但就比冷氣抽到乾晒，你不如比番個牛油餐包，叮一叮，吾會阻你好多時間啫，豬扒收138，個牛扒餐收$168，真係冇下次！

當一部戲紅起上黎, 真係擋都擋唔住!!! 全地熱話beauty & the beast 終於上晝, 男人幾經辛苦終於買到係九龍灣買到飛~ 睇完戲之後發現原來德福搞緊d商場活動~keep返張戲飛去指定既餐廳食野可以有special offer~簡下簡下男人話想食牛~所以就去左mr steak~ 去到再知道原來九龍灣mr steak仲為左依個活動出左一個limited既menu~ 咁就真係要試下~首先上既係沙律~ 平時見到d菜通常都係得個一兩隻色, 今次就因為有花既關係, 另到個菜變得好colorful~ 佢配左紅菜頭黑醋醬係個底, 令到個沙律一d都唔dry~ 唔錯~之後就到個湯~鮮百合蟹肉忌廉湯umum....老實說....飲落係真係有一舊舊仔蟹肉的~ 但味道方面真係有d淡....... 落左小小黑椒叫做好小小.......之後再等左大概5-8分鐘< 主菜終於上喇可能近排真係食得太多牛, 見到佢menu有鴨胸就簡左佢喇~ 佢個名叫"桂花糖慢煮法國鴨胸伴鮮無花果"係桂花糖方面, 其實唔係好食到~但佢既鴨胸真係幾好味, 佢個皮係有小小煎到小小脆, 同時係表面同肉中間有小小肥膏, 因為

之前食過mr.steak的buffet覺得很不錯，同朋友係商場shopping 完搵飯吃，見到呢間同集團的牛扒先生，就決定試一試佢的西餐喇。Set menu dinner, 有好幾個choice都好似幾岩食咁，我同朋友決定叫左Caesar salad 同芒果海蝦沙拉（掛住食唔記得影相），Caesar salad 正常味道，但芒果海蝦沙拉好嘛嘛，蝦細隻又不新鮮，好少芒果粒再加上冇乜味的芒果醬，我個人不喜歡這個salad。Main course 我地分別嗌左磯燒鮑魚帶子燴野菌意大利飯和蜜糖芥末子烤美國黑豚扒。磯燒鮑魚帶子燴野菌意大利飯 - 鮑魚和帶子味道不錯，但意大利飯沒什麼味道，只有很重的忌廉味，失望蜜糖芥末子烤美國黑豚扒 - 黑豚扒非常厚切，肉質乜算「林」，但上面的蜜糖芥末子又厚又甜，同個豬扒好唔夾，我食既時候要不斷撥走佢地最後甜品叫左朱古力曲奇芝士餅和cream brûlée, 也是沒有驚喜。我地仲加多左兩杯house wine, 埋單要差不多500蚊，以呢個質素，下次都係食返佢個buffet 好d。

有一陣子沒來九龍灣，發覺德福商場二期換了不少新餐廳。經過見Mr Steak有afternoon tea set, 便進去一試。炸魚柳炒蛋配熱香餅賣相麻麻，炒蛋好散好水，魚柳炸得過硬，熱香餅亦好厚粉港式精選雞扒有點雪味，牛角包已經變稔了，炒蛋一樣唔ok, 豬肉腸好實，只有番茄ok跟餐的咖啡亦很難喝。。Mr steak 的buffet一向都很多人追捧，為何下午茶食物質素竟這樣差。雖然價錢相對便宜，但味道遠遜快餐店。

我每次來都因為覺得呢間方便，有餐也有買一送一餐牌，容易選擇又唔需要考慮，主打海鲜拼盤必食，号外扒類也很出色，每次來不用等位也是我首選之一，當天情人節前夕選擇了呢間做晚餐很滿足！不過杯咖啡最唔好飲，意粉用天使麵幾好。

難道沒有食牛扒是我的錯？德福商場大執位，迎來新食肆Mr Steak 牛扒先生，位置前身是泰興燒味。港鐵商場換舖，當然換了新裝修及新間格； Mr Steak 的座位寬敞，而且幫襯用餐的人不多，所以坐得非常舒服。餐廳不斷播放著輕快的音樂，而餐廳中間位置是開放式廚房，看似很專業，而且頗有睇頭，但是卻只是「好戲在後頭」！首先，黑松露野菌忌廉湯上場，看圖便不用多解釋吧！茶餐廳也不應該那樣端一碗這樣的湯給客人吧！可不可以先抺一抺才上枱呢？好了，到前菜～燒牛肉沙律配芝麻汁，牛肉無肉味很靭，不是吧！來到主菜了，新鮮蜆辣肉腸意大利天使麵，倒還可以，不過不失。但蜜糖芥末籽烤美國極黑豚扒呢..真差點點..很強差人意的厚切豚扒上鋪滿了一層加了蜜糖的薯蓉，味道只有一個甜字！也許沒有點食牛扒是我的錯！

Today have friends gathering in Kowloon Bay. Suggest to have some non Chinese food after eating tons of Chinese food. Hence, went to Mr Steak. We ordered the lobster set $498 buy one get one， plus extra order a salad. lobster so so, steak taste good. Salad ok but portion too small. Unexpectedly , desert taste nice.

每次提起Mr. Steak 我只係諗起BUFFET或AFTER TEA SET, 因為BUFFET性價高, 價錢合理, 最特別係甜品可以由廚師畫公仔及寫字, 別具心思。知道德福開了Mr. Steak, 雖然唔係主打BUFFET, 都心郁郁好想去試。係26/12 BOXING DAY, 同一班朋友及小朋友就去試下佢的SEMI LUNCH BUFFET, 日子都係假期而且仲要紅字, 估唔到價錢都咁優惠, 最平$98起, 已有主菜, 自助沙律吧, 甜品, 餐湯…入到去原來好大, 裝修明顯地有過心思, 好舒服整潔的感覺。侍應好好服務, 馬上奉上溫水, 大家都點了以下主菜 :法式牛肉醬燴粗短麵 $98法式煎焗鱈魚柳 飛魚子泡菜忌廉汁 $148柚子葡萄黑醋烤英國特嫩豬柳 $128主菜未到, 大家都出去拎自助沙律及餐湯麵包, 雖然只係Semi Lunch Buffet, 但絕不馬虎, 先講講餐湯, 係蕃茄湯, 你會飲到大量蕃茄蓉, 好濃, 而且有好多麵包比你揀。食到最後差不多3點幾, 竟然仲有新推出的磨菇湯, 好驚喜。而且食到粒粒的磨菇呀 !自助沙律款式好多, 好新鮮 ! 目測都有7-8款, 總有一

爸媽的結婚週年其實都過咗一段日子，因為先前太忙，所以到今日先可以補祝返。爸媽平時只會喺將軍澳出沒，所以今晚我特登請佢地去九龍灣德福嘅Mr.Steak食晚餐，順便可以行下街。訂枱訂咗7點，可能未到高峰時間，所以仲有好多位;到大約8點，已經差唔多滿哂，對平日嘅生意嚟講係好好，如果假日嚟食，建議先訂枱。餐牌選擇唔算多，我最後揀咗Set Dinner，包括:1)前菜:燒牛肉沙律配芝麻汁2)主菜:蜜糖芥末籽烤美國極黑豚扒3)甜品:鮮果窩夫配特級雪糕(加錢轉的)仲有咖啡落完單後，侍應先送上麵包。（ 無影相）燒牛肉沙律配芝麻汁嘅份量對比一般西餐廳都算多，沙律菜幾新鮮爽口，配上芝麻汁當然好惹味。不過燒牛肉略為熟咗少少，有點乾，無乜肉汁。蜜糖芥末籽烤美國極黑豚扒嚟到嘅時候，我嚇呆咗，因為有一隻手掌咁大，兩隻手掌咁厚（影相角度問題，好似好細塊😅)，個底仲有薯蓉托住，好彩有細佬幫手食。黑豚扒烤得非常好，啱啱熟，帶點粉嫩，咬落口肉質彈牙而且充滿肉汁，重點係好易切。值得留意嘅係，黑豚扒係會有肥膏嘅，但依啲嘅肥膏唔同平時㗎，係比較結實爽口，咬落去充滿油香，但唔油膩，間唔中食下都唔錯。不過唯一要改善嘅係厚鋪喺黑豚扒

下午不用上班到了九龍灣下午茶，叫左港式精選，但無一樣食物似港式，奇怪奇怪，牛角包熱辣辣又香脆，配法式牛油非常之香，香草燒雞扒，豬肉腸，炒蛋，烤蕃茄，算是頗豐富了。卡邦尼扁意粉，麵條煮得較稔，配鮮冬菇，煙肉，忌廉汁味道符合預期，份量亦充足。檸茶是檸檬汁同糖漿分開呈上，可以自由調配酸甜，唔使自己篤檸檬，懶人首選。價錢大約50蚊算是合理。

2016 年最後一日，母親大人話要食好D，當然要把握機會最後衝刺去食大餐~大假期預左得返D特備Menu，見到龍蝦餐都幾豐富吸引，一於食豪D !蒜蓉包蒜香濃郁，干邑龍蝦湯味道濃郁，兩者配合天衣無繨。凍海鮮盤有生蠔、海蝦、翡翠海螺、藍貝，每樣都好高質新鮮，沒有很濃烈的海水味，而配搭的海鮮醬汁酸酸辣辣，但我一不小心下得太多，結果有點喧賓奪主的感覺。蘇格蘭煙三文魚凱撒沙津 偏向清淡，三文魚薄薄的煙香點到即止，為之後主菜舖路！芝士龍蝦米多配戴安娜黑毛安格斯小牛扒，小牛扒叫了5成熟，但都係偏熟，牛肉有根位都好煙韌下。芝士龍蝦米多都只係一般加左芝士的龍蝦，反而薯蓉幾好食。茄醬大西洋龍蝦配帶子伴有機蔬菜天使麵，個人覺得茄醬太酸，好彩其他配料配合到，新鮮帶子肥美鮮甜，另外其實蔬菜才是主菜吧~菇菇，鮮露荀非一般的爽脆多汁，係最值得欣賞的地方。真正的主角龍蝦其實都唔錯，分量同味道都合理，龍蝦鉗因沾滿醬汁，拆殼時有點「呢咁hea」，如果龍蝦鉗可以放係邊位甚至係新碟上會更好，不過辛苦拆殼後的龍蝦鉗係特別好味，因為冇掂到醬汁，仲食到海水的咸味。是日甜品係咖啡蛋糕，舖面的朱古力非常多，甜得發膩，最終放棄了。值得一讚

星期日到了牛扒先生叫2份餐安格斯西冷套餐 及 羊扒雞扒西冷什扒套餐前菜 芝士焗蟹肉菇超好味，燒牛肉沙律那些燒汁真的好好味。主菜到了羊扒超香 但可惜因為什扒餐只有ㄧ塊羊扒ㄧ塊牛扒及ㄧ塊雞扒。。。羊扒超香超好味. 牛扒比較老，雞扒比較鞋另一份的安格斯西冷都比較老 有點失望最後甜品來一客窩夫超好味仍然暖暖的也不硬超正! 会再去食羊扒同窩夫服務員也非常好

公司附近開左Mr. Steak, 同同事來食, 係半自助午餐, 都好多人, 選擇也算多。環境好靚首先選主菜，我揀左自由豬扒，個名好特別，仕應還說你食完可以看看自己的感覺是怎樣！出面已經有人在攞沙律，款式都幾多，有好幾款沙律，我食了粟米車厘茄，有蜜桃鷹咀豆，薯仔，腸仔，冷豆腐，南瓜等，仲有cold cut meet, 整體味道都好好，不是求其貨，真材實料，腸仔好味，有些青瓜粒爽脆，鷹咀豆好粉身，有蜜糖的甜品，麻醬冷豆腐好香，好滑，正甜品也唔少，涼粉，蕉糖燉蛋好滑，好香蛋味，唔係好甜，好味喎，泡夫ok主菜來了，賣相都好靚，豬扒好大塊，加了黑醋蜜糖汁好香，好容易切，因為好淋，冇咩豬味，冇咩味咁。是否太自由呢？！同埋太淋，配菜好普通，有些豆同甘笋，小小薯蓉。黑松露忌廉磨菇湯，自己攞的，好好味，唔會好濃味，但好香同理有粒粒磨菇的同事的燒牛柳係見到佢地即場燒先叫，賣相也好吸引，我試了一口，都好香同埋有質感。硬度適中，好味架！！