牛屋餐廳

營業中

休息中

我和朋友各嗌了一個廚師精選。所有主菜配雜菜、(白飯/意粉/薯條)、(羅宋湯/忌廉湯)。雜菜其實係沙律菜，幾清新。朋友嗌左❤️招牌英國威靈頓牛柳。牛柳嗌左七成熟。酥皮包住牛柳好香口又有層次感👍🏻😋。牛柳牛味超香濃。揀左配意粉和羅宋湯。我嗌左❤️香煎比目魚扒配原隻大蝦🍤比目魚扒好大塊！魚肉微甜，煎得好香，炸到脆到連骨都可以食埋！😱 原隻大蝦🍤已預先由中間切開，要讚廚師夠細心，食起黎好方便👍🏻。揀左配意粉和忌廉湯。加左$18升級至酥皮湯。意粉份量夠多，夠晒爽口。酥皮焗得好香又酥脆。忌廉湯內還有粒粒粟米🌽粒。侍應推介我地試一款小食：❤️招牌焗法式田螺(半打)田螺落左粒粒黑椒有少少辣薯蓉好滑好綿，滿口牛油香另和朋友嗌左一人一杯熱檸茶。檸檬🍋夠新鮮，茶唔會澀好香，入口有檸檬的香氣～😍👍🏻

事隔年多 再訪佐敦人氣扒房「吃扒」 上一次到訪 飲恨沒吃到威靈頓牛柳最近突然想起就馬上拉著友人到訪 餐廳風格仍是濃濃的港式懷舊風 晚上到訪是昏暗的格調 背景播著90年代的廣東歌好有氛圍除了多款扒餐外 還有多款的意粉飯和小食可以選擇◎忌廉湯 大大的一碗 正常發揮 配牛油餐包 不錯吃◎酥皮羅宋湯熱辣辣 上枱時還冒著煙 羅宋湯足料而且酸度恰好 很開胃 ◎ 招牌威靈頓牛柳 五成熟（$238）是心心想念的 烹煮時間掌握得非常好 沒有overcooked牛柳沒有過多調味 每一口都軟稔沒筋 切得很輕鬆 濃郁肉味之餘 內有煙肉 鴨肝醬 推薦 ◎ 美國安格斯西冷9安士 七成熟（$228）這款肉是調過味的 另配黑椒汁 個人覺得不用額外添加了同樣是軟淋juicy 7成熟也掌控得不錯這牛扒size超巨大 吃到後面膩感較重 建議跟朋友分享◎凍柚子蜜◎凍檸茶服務值得一讚 隔離枱 一家三口有小孩侍應會細心問 餐湯麵包 是否需要額外多送一份 週末餐廳人流不少 記得預約 免等候時間過長久遺地吃了惹味的鐵板餐 重拾那其他地方都吃不到的本地情懷

大食妹近排真係化身成食肉獸，成日都好想鋸扒今日喺廟街搵到一間超級抵食嘅扒房，講真一個餐兩個女仔食都未必食得晒待應哥哥好熱情，落單好有禮貌餐湯叫左一紅一白，大大碗配餐包好飽足招牌威靈頓牛柳$238威靈頓牛柳肉質熱嫩，keep 到好juicy 外層塊酥皮好重牛油香，邪惡得黎好味道成個底都系波浪薯條，份量真系好誇張蒜蓉比目魚拼豬扒$178比目魚拼豬扒餐真系好好好大份豬扒兩大塊，比目魚一整條，一上碟見到成座小山丘好震撼豬扒稍稍硬左點，比目魚個邊煎到燶燶地，好好食蒜蓉用牛油炸過有誠意，鋪滿比目魚上特別讚下跟餐的朱古力，濃到好似朱古力溶出黎好好飲

佐敦牛屋好耐之前已經聽朋友介紹過係九龍好出名嘅懷舊嘅港式扒房嘢食水準高之餘份量都好足係威靈頓牛柳 （$198）牛柳叫咗5成熟 切開係好靚嘅粉紅色酥皮焗得恰到好處 入面有火腿磨菇醬超香牛柳食落入口即溶 肉質鮮嫩多汁賣相好靚仔 打卡一流餐湯升級做酥皮忌廉湯（加$18）焗到黃金色嘅酥皮 咬落真係好鬆脆忌廉湯夠哂熱辣辣，非常足料蒜蓉牛油比目魚拼豬扒($178)比目魚煎到好香脆 完全唔腥豬扒亦超大塊 食落肉質都幾嫩滑表皮煎到有啲香脆 不過就略乾身如果有汁附上會好D

教會姐妹生日😆一行4個靚女齊齊出佐敦搵野食😋😋 靚靚C小姐喜愛食牛，所以靚女CK小姐睇OpenRice 搵左2間好野我地選😆💜～ 咁就投票黎左呢間😆😋真心平夾好食，4x幾蚊起，嘩，邊度搵😆😋去到門口入面已經爆滿～ 同埋要等齊人先可以入坐😊我地門口等左一陣😊 最後到左3個，靚仔哥哥好人都放左我地入去坐低先💜😆 齊人之後叫左牛仔骨 龍脷柳 雞扒 同一份牛扒，真係勁抵，又大碟😆 我地全部都係分享一齊食😋😋 先讚下個羅宋湯真係好濃，再加上我習慣性會飲下靚女姐妹個白湯一啖先😆飲左人頭啖湯🫠 個忌廉湯都好濃，牛仔骨都好出色🫠😆😋 反正樣樣都好食，呢個價錢真係無得輸呀～😆😆

Lunch set超抵食，主菜連餐包及餐湯，最平$50左右就可以食到飽飽，冷熱飲品加$3。環境是舊式扒房的裝修，餐廳雖然不是很大，但都算坐得舒服。已經不只是第一次光顧這餐廳，是因為被它的食物質素及抵食價錢吸引，而且每次都見有不少熟客來。落餐前侍應先問我們選什麼湯，我們選了一個忌廉湯及一個羅宋湯，餐湯的味道很好，而且夠濃，餐包經過烘焗，中間還塗了牛油，十分細心。先介紹蒜蓉雞扒配意粉，雞扒煎到皮少少脆，意粉軟硬度剛剛好，配秘製蒜蓉汁的味道很夾。接著介紹燒烤汁豬扒配薯菜，有足足兩塊豬扒，份量一點也不少，燒烤汁很惹味，薯條是波浪粗薯條，炸得剛剛好，枱面仲放了整支茄汁給你慢慢點。此外，雖然餐廳的侍應大部份都是男士，但他們的服務態度也不錯，很有禮貌幫我們落單及埋單。總括而言，用這個價錢食到這樣質素的扒餐，實在十分超值，而且味道非常好，下次有機會我們也會繼續來幫襯。

老實講！唔係彈佢但係畀嘅評語只可以麻麻地，如果我有喺呢間餐廳嘅回憶，可能會加少少分，可惜我冇！喺網上見到有梁祖堯加持，老店嘅格局同網上介紹都講到好好食，所以就即管去試下。因為個門口係舊式牛扒屋嘅樣，未入去之前係有啲期望嘅，入到去叫嘢食嘅時候。現佢只係得枱上面簡單嘅餐牌嗰幾樣選擇，如果唔係因為網上話佢係黃店，我諗我已經走咗，又或者根本唔會入去，但係就睇在佢黃店分上💪🏽一入去就叫我隨便坐，然後就問我飲乜嘢湯紅湯定白湯，呢啲對話十分港式🤭ok我揀咗紅湯，因為我從來唔飲白湯，我個腦就喺度諗咁奇嘅我連食物都未揀佢就問我要乜嘢湯，但係一睇到餐枱上好簡單嘅嗰張 menu我就知道，其實佢得幾樣嘢揀；雞扒豬扒同意粉。另外仲有比較貴啲嘅就係牛柳牛扒之類，呀！仲有羊架。我揀咗個紐西蘭牛里脊配薯菜，佢走開之後我好好奇點解唔問我要幾多成熟嘅。佢好快咁就上咗個紅湯(羅宋湯)，嚴格離講個湯係唔好味嘅，另外仲有個餐包舊式茶餐廳嗰種餐包，我唔評論喇。然後過咗一陣間個牛里脊嚟到，當時我個心已經舒服咗少少因為當個湯唔好飲嘅時候，都會擔心嗰個肉好唔好食，但係個肉嚟到嘅時候睇落好似幾q彈，切落去嘅時候都幾淋，入口其實係軟熟順滑

好耐冇食，剛行過， 又黎食下。 中午1:00， 真係少左人，都吾係好爆。 雖然尼度地方不大，但服務都好好。 午餐最平 $48 ，有湯有餐包， 加$3 有熱冷野飲。叫左個雞扒意粉，雞扒煎到好脆， 羅宋湯是我鐘意既濃湯😋見到好多人都食牛扒，下次可以試吓。😁

港式扒房老字號，佐敦牛屋餐廳，午餐lunch抵食，$48起跟餐有湯&麵包，冷熱餐飲加$3，不用加一羅宋湯幾濃味，餐包已搽牛油有烘過燒烤汁豬扒配薯條有骨豬扒兩大塊，配有少量沙律菜，薯條即炸上檯仲熱辣辣，略嫌燒烤汁淋在豬扒上太多汁，下次要叫汁另上紐西蘭牛里脊配飯牛扒有3小塊，煎7成熟左右剛好，軟淋淋唔錯這天我剛好在午市最旺場的時間光顧，全餐廳滿座，所以座位都很迫，餐廳裡面雖然地方比較細小狹窄，但服務態度不錯

今日同老婆慶祝生日，食物水準一流，有禮貌，服務良好態度，我地買佐個蛋糕放雪櫃，之後取走，各位服務員，大聲一句講，生日快樂！不生難忙。祇是小小問題，就係抽風欠缺少少，努力，下次繼續支持。

最近想食Beef Wellington，見到幾多人讚呢度又平又好食，所以就放假過嚟試吓點知食落一啲都唔好食，酥皮焗得唔好，又濕又淋，平時如果係好食嘅酥皮我通常食晒，但呢個我食淨好多，甚至乎係避開唔食，好後悔一人叫一個個酥皮忌廉湯比牛好，起碼酥皮正常，湯夠熱，所以如果你係專登過嚟想試beef Wellington 我覺得不必喇至於service 方面都好一般，一坐低就會迫你即刻講飲咩湯，連餐牌都未嚟得切睇⋯

幾個麻甩佬想去鋸扒，有人提議去牛屋，從前......10年前有多，都係10點後去牛屋飲酒，以前有卡位。而家就變晒4人枱，7點入去，7成滿，坐多陣已經全滿。肉眼扒 （$258 果個肉眼扒餐）唔記得影menu件肉眼唔會乸/醃到冇晒原本個肉質/好多平價牛扒醃得重手得濟，食到好重梳打粉味，呢度牛扒味道唔錯，個黑椒汁好重味，煎7成亦做得剛好，個色又煎得靚。薯條又夠熱。威靈頓牛柳朋友話唔錯，比較細份（同肉眼比）所以唔敢抽佢水試下。羅送湯，餐包上枱熱辣辣，好過去果幾間連鎖餐廳食牛扒。用餐時間90分鐘，因為到8點半仲有人係門口等緊，所以就要埋單走，亦証明佢幾多捧場客。場面就比較舊，真係食平靚正。

🎈 建議場合：#即興食飯 #普通拍拖 #特別日子👤 建議人數：2人（最多可容納4人檯）💸 人均消費：$100-200【2個人食咗啲咩？】- 紐西蘭牛柳（$178）- 墨西哥雞扒（$118）- 酥皮湯（+$18）- 套餐包意粉/飯/薯菜/淨菜加牛油餐包同餐湯⭐⭐⭐⭐「老派約會之必要」餐廳懷舊feel，乾淨服務質素佳牛柳重牛味無筋無血水，軟淋淋，雖然唔知佢有無落鬆肉粉，但真心超好食墨西哥雞扒就中規中矩，味道正常，似蒜蓉汁，勝在夠曬大塊牛油餐包熱辣辣，多牛油，唔會手軟羅宋湯係舊式香港味道，我鍾意略嫌酥皮唔夠牛油香，可能係因為本身食左牛油餐包如果想個忌廉湯再邪惡啲，可以叫侍應俾塊牛油你加入去啱啱食咗個港式扒房嘅晚餐，真係一個懷舊嘅美食之旅。餐廳嘅氛圍充滿舊時代嘅情懷，同埋年代感，好適合情侶黎場老派嘅約會。環境乾淨整潔，氣氛到位，係一間幾唔錯嘅餐廳。服務質素亦都非常值得讚揚，服務員有禮貌，樂於助人，確保每位客人都有愉快嘅用餐體驗。講到食物，牛柳絕對係亮點之一。佢味道濃郁，重牛味，無筋無血水，肉質軟嫩，令人愛不釋手。雖然唔知佢有無落鬆肉粉，但係佢嘅質地真係超級出色。另外，墨西哥雞扒味道雖然中規中矩

食物質素：👍🏼👍🏼👍🏼👍🏼👍🏼食物份量：👍🏼👍🏼👍🏼👍🏼👍🏼餐廳環境：👍🏼👍🏼👍🏼👍🏼👍🏼（需小但乾淨舒服）服務態度：👍🏼👍🏼👍🏼👍🏼👍🏼近來覺得香港本地最佳西餐廳~💕威靈頓牛扒容易咬開+超重牛肉味💕豬手大大份+軟熟加上蜜糖芥末醬 << 0油膩感💕酥皮湯配麵包💕牛舌（小食）💕法式田螺（小食）💕雜扒（仲有羊扒㗎！最抵食~）記得記得要book 位去啊~ 唔係成日有位㗎！P.S. 已經係第三次嚟！今次帶埋屋企人（連同長者），為咗等屋企人試到唔同嘅菜式，所以叫咗幾款share嚟食。多次麻煩侍應拎餐具碗碟等，佢哋都好好態度，見老人家猶豫要唔要叫多杯嘢飲，索性送一杯free drink 俾我哋添💕臨走想打包隻德國豬手，見我哋放唔入外賣盒，仲主動幫我哋拎返入廚房切開佢，俾我地拎走！

喺佐敦屹立多年，店舖空間細小，歐陸式裝修，店員服務殷勤，上菜都快，今次lunch 黎等左15分鐘就有位因為之前黎都係食牛扒，今次就試吓佢地個雞扒🤭$48 有餐湯+餐包+雞扒配薯菜/意粉/飯，加$3有野飲（冷熱同價）羅宋湯都幾濃郁，唔係太辣👍🏻餐包有烘過，表面好脆，中間夾住牛油😊雞扒意粉都幾大碟雞扒去除內軟，肉質鮮嫩，側邊配上沙律菜，仲有意大利醋汁😚可能係繁忙時間，出面都多人等位，店員催我哋埋單🙈