牛大人台灣火鍋吃到飽 (偉華中心)

營業中

休息中

黎到收工時間 緊係約下朋友食飯今次朋友話想打邊爐 咁就緊係揀牛大人/我地揀左極上和牛吃到飽套餐 因為睇中佢有得任食澳洲和牛M5牛肩卷,北海道十勝豚同紐西蘭羊卷肉👍🏻湯底揀左阿嫲養生濃湯鍋, 湯底吾會太多味精 反而可以突顯火鍋配料😊見到牛大人新出左杯 撥雲霧見蓬萊仙島-酒精飲品 ($68) , 見到佢個名禁得意 所以都叫左杯尼試下,估吾到係出奇地口感非常豐富, 種要有淡淡清新花香味,岩哂女仔飲💕套餐附送每人2粒既澳洲M9和牛牛丸, 係估佢吾到咁好食, 本身同朋友都依為係普通牛丸味, 所以都放到最後先食, 但估吾到食落口 超級有驚喜💕 除左牛味濃郁 仲有淡淡牛汁, 仲好鬼彈牙, 完全係高級牛丸🥹 實在太好食 食完先發現冇影到相🥲 但係咁回味個牛丸味🤭/極力推介既 澳洲和牛M5牛肩卷雖然每次只有兩塊 但勝在肉質有口感, 同埋超有牛味, 鐘意食牛既朋友一定吾可以錯過😆 北海道十勝豚相比起出面既餐廳 佢既豚肉係好好食, 有時都會驚煮得太耐會好難入口, 但十勝豚就無依個問題❤️就算煮過龍都仲係咁好食唔食肉既你 都仲可以有海鮮選擇, 雖然款色唔多 但係台灣直送既鯛魚片係必食之選, 食落去淡淡肉 而且冇

講到火鍋，應該無乜人唔識"牛大人"無諗過下晝 4點幾都可以咁多人等位。多區都有分店，今日嚟沙田店試下，一樣係咁有水準，120分鐘，絕對夠哂時間食到飽揀咗最多選擇嘅「澳洲極上和牛」和牛M5牛肩卷，薄薄地，但肉味濃，口感嫩腍湯底好多選擇<阿嬤養生濃湯鍋>湯底清啖，味道夠濃唔油膩，放配料前，一定要飲啖先除咗必食嘅和牛之外，仲有呢款水蓮都好好食，勁爽口難得呢度飲到台灣直送嘅< 酉鬼啤酒>一定要飲返杯台灣精釀小酒廠精釀出嚟嘅啤酒，連平日唔鍾意啤酒嘅朋友都話好飲。除咗MovenPick雪糕之外，仲有呢款台式甜品仙草加芋圓同椰果，唔會太甜自助區位置密封式放著，食物乾淨整齊。仲有大量飲品選擇

去到沙田，都見到牛大人的店舖，同HONEY排後備隊，好彩有人CANCEL，入到WALK IN位，當然最好真的BOOK位食，沙田分店真的好大好開揚，兩人卡位都好舒服，另外職員的貼心介紹，真的覺得好像去左台灣咁~~沙田分店真的到門口都好多人，真的唔好睇小，坐左後，今次點左阿嬤養生濃湯鍋阿嬤養生濃湯鍋真的好清新，同埋有好多唔同的菜加埋，真的食到食物的原汁原味~~HONEY見到有台式手工啤酒，點左杯撥雲霧見蓬萊先島，真的好有果香的啤酒，正~~北海道十勝豚，安格斯特選牛板腱，澳洲和牛M5牛肩卷，樣樣都OK，北海道十勝豚同埋澳洲和牛M5牛肩卷真的好正，用阿嬤養生濃湯鍋滾兩下，真的食到肉的鮮味，同埋佢的和牛牛丸，真的好正，真的有得單賣都會買好多返屋企食XDDD其他豆類野，菜類，丸類都KEEP住有得食，由其有台灣的新竹米粉加埋王子麵，真的百食不厭加埋MOVEPICK的意式奶凍ice cream，同埋台中的仙草，完美咁食完120分鐘，沙田分店真的好想再去~~

重要事情要講三次，記住book位，記住book位，記住book位！或者早啲去先可以walkin入座，因為我五點幾去到門口已經有好多人喇！澳洲極上和牛吃到飽套餐醬料區有好多唔同種類嘅配料，可以試吓洋蔥牛肉汁，飲品我成日都係飲佢哋嘅自家茶，今次特別加咗錢要酉鬼啤酒，打邊爐熱辣辣無返杯冰涼啤酒點得㗎🫶🏻今次湯底揀咗藥膳，清清地，唔會好重藥材味😛😛食牛嘅朋友千祈唔好錯過安格斯牛小排，同埋手切封門柳，不停叫左好多次，跟住就係和牛丸，咬落去直頭咇肉汁，好香牛味，同一般牛丸唔同🤤另外佢仲有啲台灣小食，想介紹吓皮蛋豆腐，好好食🤫去到後期直頭冇得叫，然後仲有佢哋漿～有手打牛肉，墨魚等等，好有咬口😛記住食埋甜品先好走，佢既台中仙草凍真係同出面甜品舖有得揮！我次次都係好期待呢一個😛

上次食過荃灣分店既牛大人，覺得食物好多選擇，質素仲好高，今次就帶屋企人去沙田分店試下，都係揀左最貴既極上和牛吃到飽 （19:30前離座）每位$278+10%， 試多左幾款食物，都係覺得好正！無論同屋企人、一大班朋友，都推薦來食😛湯底🍲✨揀左台灣鳳梨雞鍋，好足料，配料有成半隻雞、苦瓜、白菜，好有心意。鳳梨為個湯帶來些許甜味，比起其他湯底，呢個比較清甜，好適合夏天🔥肉類✨安格斯牛小排🥩上次食左係我地心目中既No.1，入口牛味濃郁，肉汁豐盈，口感細膩無比， 呢個質素任食真係超正😍✨北海道十勝豚🥓（期間限定）呢個有驚喜！豬肉味道濃郁，脂肪平均分佈，肉質軟稔，好味😆✨澳洲和牛牛丸（極上和牛吃到飽入面會每人送兩粒牛丸）超級高質！牛味好濃，入口彈牙🤤海鮮✨脆肉鯇魚片&脆肉鯇魚腩🐟：食落肉質軟滑、爽脆、有嚼勁🤩✨美人花膠🪞：可以一邊打邊爐一邊食花膠補皮膚，花膠彈性高，具嚼勁，口感爽滑，我地encore左好多轉🤤✨鮮甜海蝦🦐：肉質鮮美，食落口感Q弹😋台式小食✨麻辣鴨血：口感非常滑嫩，有咬口，唔會好辣，下次想試下放係辣湯底，應該更加惹味🥰✨真豬小香腸：肥瘦比例均勻，清脆有嚼勁，必食☺️飲品✨台灣直送西鬼啤酒

耐唔耐就會想打下邊爐，台式火鍋名店牛大人永遠都係我嘅首選。肉類、海鮮、丸類、小食多款式就大家都知，佢嘅飲品都係遠近馳名，唔飲多幾枝都唔安樂。今次去仲有一個台灣手工啤酒推廣，手工啤配火鍋絕對係無敵嘅配搭。今次揀咗「澳洲極上和牛120分鐘吃到飽」套餐（$318/head)，每位贈送兩粒澳洲M9和牛牛丸。牛味濃、肉丸彈牙，呢兩粒我每次都珍而重之咁食🥺🥺BUBU推介🔥👍 台中蒜頭雞鍋今次湯底揀咗之前未試過嘅台中蒜頭雞鍋，入面足足有半隻雞。湯底雞味好濃，蒜頭味重，無論係肉定係蔬菜都好入味。👍 北海道十勝豚（期間限定）期間限定嘅豬肉款式，惠顧澳洲極上和牛套餐先會有得食。十勝豚源自北海道，肉質嫩滑，配上薄薄一層油脂，令豚肉入口即溶，配上湯底好入味，食多幾塊都唔會膩。👍 撥雲霧見蓬萊仙島 HAZY IPA $68打邊爐配啤酒真係一絕！呢一隻係台灣手工啤酒，果香味好重，好易入口。一班朋友傾偈想開心啲，不妨飲幾杯盡興下。📍牛大人台灣火鍋吃到飽沙田沙田正街11-17號偉華中心2樓9A-9B號舖

雖然而家少左出街食飯，但有時又想轉換下心情出下街食下飯先返屋企！今日就放肆下食左嘢先返屋企！仲要火鍋任食，真係好放肆🙈就腳揀咗牛大人（沙田），之前食過荃灣分店幾次，今次第一次食沙田呢間！星期日既沙田真係好多人，已經提早到，但都已好多人係到攞籌啦！餐廳1700準時安排客人入座，今次我哋選擇嘅湯底係台中蒜頭雞鍋，個湯底一上到嚟非常足料有半隻雞喺到，雖然今次邊爐嘅主角唔係隻雞，但雞肉都唔係好鞋。如果你今次選擇嘅係澳洲極上和牛套餐 $318呢個餐嘅回本位，當然係M5牛肩卷 同 手切封門柳。跟餐每位都會送兩粒和牛牛丸，食落牛味香濃，有肉汁唔會好乾。澳洲M5牛肩卷：有豐富嘅油花，肉質軟滑。手切封門柳：肉甜味濃，點食都唔夠呀！沙白：肉甜冇沙，餐廳前期功夫都做得唔錯，值得不停 encore !仲叫咗個手工啤：撥雲霧見蓬萊先島 $68飲落有熱情果味，就算唔太鍾意飲啤酒嘅人都容易會接受到。最後就食返個Movenpick 嘅雪糕，作為呢餐嘅完美句號。

事緣，我生日朋友知我夜晚會同屋企人食晚飯的，所以就同我中午試下呢間任食火鍋慶祝生日，我都知中午得90分鐘食，我覺得都夠食的所以去試，但係食到55分鐘就叫我哋買單先我問買咗單係咪可以仲叫嘢食佢話唔得，咁我話我叫佢啲嘢仲未來到喎⋯⋯咁快就叫我埋單？之後佢又等左5分鐘又來吹埋單，我就講仲未來囉，咁我又叫多一次嘢食先囉，又等了5分鐘仲未到，真係好失望！我哋4個大人，你理得我哋大唔大食吖，我叫幾多你應該送來，我哋又唔係食唔晒真係無下次，相我都唔影

一早BOOK左牛大人台灣火鍋吃到飽，收工後同朋友準時到就有得入座！想食既記得要BOOK定位啦～沙田分店都坐得幾舒服，卡位夠闊落。每次都揀極上和牛吃到飽套餐！有得任食澳洲和牛M5牛肩卷、北海道十勝豚等等，勁正！！湯底揀阿嬤養生濃湯鍋，好多新鮮蔬菜烹製，食落清香回味，比較岩女仔～掃QR CODE落單環保又方便，另設食品、飲品自助區，有大量台灣直送食品、自家製花茶等等。澳洲和牛M5牛肩卷脂肪平均又夠肉汁，而且牛味十分濃郁～安格斯特選牛板腱富油花且肉質嫩，略帶嚼勁，細嫩又多汁北海道十勝豚豬肉味道濃郁，脂肪平均分佈，口感好軟腍，食落有自然清甜味～大推套餐送既和牛牛丸，彈牙又帶肉香，濃厚脂香，彈力十足～漿類同樣推薦，尤其蟹籽墨汁漿，鮮美彈牙，爽口又有咬口，正。私房鴨血滑嫩又入味，飽滿好多汁！最後食埋免費送既雪糕杯，超級滿足～

今日去開沙田 見到有間舖頭好多人排隊 發現原來係牛大人🐮心郁郁想食下牛 又想食佢個甜品 所以就入去打個邊爐🫕澳洲極上和牛餐 澳洲和牛M5牛肩卷呢個牛肩卷嚟到已經覺得佢嘅肉質好靚 放落個鍋到第後 唔使等好耐好快就熟咗🥰 佢帶有少少油脂 所以咬落好淋😋 而且仲好重牛肉味 所以我地都不停encore😁澳洲和牛牛丸呢個係咁多樣野食中既MVP 牛味好濃郁😋牛丸仲好juicy添 咬落唔會話好實啱啱好🤤可惜佢每人只限兩粒 如果唔係應該會係咁食😆北海道十勝豚呢個十勝豚係限定既 都幾好味😋因為佢肥肥地 所以食落好淋 而且佢既豬味仲好濃添🤤紐西蘭羊肉卷佢嘅羊肉卷都係薄身 所以好快就熟🤩雖然佢係薄薄地 但佢既羊肉味都幾濃 唔會有陣怪味 而且咬落都係好淋😆台中仙草凍每次去牛大人我都係必食佢 因為真係幾好味😍今次仲有芋圓 口感唔會好硬唔錯👍🏻 裏面既仙草好爽 打完邊爐食就啱晒🤩撥雲霧見蓬萊仙島呢啤酒🍺另外加嘅 大大杯真係好正 味道微甜 幾容易入口😆 配埋火鍋一齊食啱晒🤤

想食台灣小食又想食火鍋🍲牛大人一次過滿足囇兩個願望🤩呢度嘅火銅套餐食物款式種類繁多🥘而且性價比高💰就算要排隊入座都值得👍🏻🔸2小時澳洲極上和牛吃到飽套餐📆星期一至四🕠17：00～21：30👨🏻成人（$318/位）👦🏻小童（$218/位）♦ 台灣鍋底 ♦🐔台中蒜頭雞鍋朋友同我都係蒜頭控🥰排隊見到呢款湯底時就已經好想試💫湯底蒜頭味非常香濃🧄鍋內亦有原隻鮮雞🐓配上紹興酒提味🥃味道瞬間昇華不少❣️P.S.湯底款式共有十款之多🔟總有一款啱你口味👀♦ 肉類 ♦🐮安格斯特選牛板腱、北海道十勝豚、紐西蘭羊卷肉、西班牙豬梅肉片、西班牙豬五花片、花雕酒雞件個人認為安格斯特選牛板腱最為吸引🥩肉質係眾多款肉類中最軟腍嘅😋油花分布均勻✨牛肉味特別濃厚👏🏻而且入口即溶💋其次係紐西蘭羊卷肉🐏肉質嫩滑🎉羊味濃郁而不羶🎖令人無法抗拒😝♦ 海鮮類 ♦🐠台灣鱸魚片、新鮮沙白、鮮甜海蝦、脆肉鯇魚腩、脆肉鯇魚片、美人花膠海鮮方面不得不提沙白、海蝦同鯇魚片💁🏻‍♀️蝦隻體型相當有驚喜🦐質感爽彈味道鮮甜⚡️沙白鮮味十足🐚大隻且冇沙😻鯇魚片肉質厚實🐟香滑脆口😃高質推介🆙♦ 丸類/漿類/滑類 ♦🍡澳洲和牛牛丸、章魚珍珠漿、乾貝鮮魚漿、蟹籽墨

今日經開沙田，又想食打邊爐，諗起這裡有間牛大人仲可以訂座，決定食早17:00來吃，最後2人食最平果個餐連加一$436，整體有點失望，感覺平時食開的荃灣店質素會好點。肉頭一二轉仲好好食，肉味不錯，之後再叫已變成一大片，不講仲以為食豬肉。養生湯底味道不錯，不會太咸或太淡，出面的菜都幾新鮮和牛大人平日必飲茶類飲品，用電話點的柑桔檸檬沒想到有梅，味道有點咸，付款後可叫甜品，雪糕反而有4款選擇或台式甜品，2款甜品都好味道。

牛大人真係從來都未令我失望過啊已經漸漸變咗每個，話都要必食嘅餐廳了！今次都係經OpenRice book位，方便快捷。首先我哋揀好咗個湯底，今次係食蒜頭雞一坐低，已經即刻叫咗個澳洲和牛M5牛肩同個湯底好match呀，只需要擺喺湯底大約10秒，牛嘅熟度就啱啱好，再配埋喺出面嘅自助醬料，心情簡直大喜悅呀！仲有炸魚皮，炸午餐肉，鴨血，當然唔少得就係王子麵啦！然後再食咗個北海道十勝豚，估唔到啲牛咁出色，啲豬都好好食，完全今晚變咗食肉獸。每樣小食都必須要落單，皮蛋豆腐，鹽酥雞，台灣腸，真係每次嚟都必備，仲有好難喺出面食到嘅蔬菜水蓮，果然係牛大人先會食到呢啲咁特別嘅台灣蔬菜。必須要encore！牛大人台灣火鍋世一丫

香港台式火鍋世一今日終於食到牛大人啦！話說其實上次食完一次之後都好想再食多次，因為佢既食物選擇都幾多之餘，其實我同男朋友都覺得個鴨血相當吾錯。今次我地早左一個星期預約早段時間去，原因晚飯時間真係滿座無得預約，而咁岩男朋友係石門放工過黎都好近。大概等左5分鍾左右，會由職員帶入座並解答有咩新既限定湯底，不過其實我地都幾OLD SCHOOL，叫返D大眾野。我地兩個人坐卡位夠哂寬敞舒服，ORDER左個 極上和牛吃到飽套餐！任食澳洲和牛M5牛肩卷，岩晒食肉獸既需求。除咗掃QR CODE落單之外，出面仲有自助區FOR調醬料，可以任食台灣直送食品同飲品。坐低無耐職員會比每人兩粒和牛牛丸，勁多汁﹐好重牛味。和牛M5牛肩卷好鮮嫩又多汁～ENCORE 左好多碟食吾定口!!海蝦新鮮鮮甜肉質扎實…。手打墨魚滑都好香墨魚味…吾錯。台灣手工啤，幾好飲。金桔椰果～😋。最後會有一人一個甜品，可以揀雪糕/仙草。而台式火鍋放題黎講，佢都算係香港世一。

成日都心絲絲想打邊爐就近近地去附近牛大人食任食任飲加上空間又夠大 食得舒服我哋最鍾意『$198嘅極上和牛吃到飽』湯底叫咗麻辣中辣好香濃又夠辣 仲有香麻花椒味 正！.套餐火鍋料：🔸 安格斯牛板腱、澳洲和牛M5牛肩卷、上腹牛五花、牛柳粒：牛肉油花均勻、入口好鬆軟、牛肉味明顯。牛柳粒有嚼頭，一口一粒。🔸西班牙文豬肉片、花雕醉雞件、羊肉片：豬肉片肉味香濃，肉質軟滑。雞件大件，帶微微酒香，幾好食。🔸鴨血：好滑溜，我鍾意加入麻辣湯煮耐啲先食，會好入味。🔸滷牛筋牛肚、豬大腸：口感幾煙韌。🔸墨魚滑、干貝滑、蝦滑：火鍋必點，墨魚滑好彈牙，中間仲有啲墨魚肉，好味！🔸台灣夜市小食：鹽酥雞、台灣腸，好有夜市風味。.自助區：🔹有自家養生茶、汽水、紙包茶，選擇多。🔹熱茶有紅棗桂圓茶、綠茶，健康！🔹蔬菜有十幾款選擇。🔹台灣直送丸類，有花枝丸、貢丸、芝心丸等，貢丸好好食！又彈又香，配沙茶醬正！