牛大人台灣火鍋吃到飽 (偉華中心)

營業中

休息中

返工放lunch未諗到食咩，經過牛大人就話咁不如食牛大人啦！我地一行5個人，揀左食60分鐘定量火鍋。叫左2雞1豬2牛，有兩個湯煲4個湯底。揀左期間限定剝皮辣椒雞鍋、白玉酸菜鍋、蕃茄濃湯鍋同養生雞鍋。一入到去，冷氣好足，唔焗！湯底大概等左6-7分鐘先上，仲要等佢滾。所以60分鐘係有d急，不過平就無所謂啦😆我地第一次食，慢慢去攞野飲同火鍋料。野飲同配料同好多款。菜好新鮮，丸都好多款，仲有雪糕食！幾款湯底都好普通，唯一出色嘅係酸菜白肉鍋。佢啲魚會煎到金黃色，水滾再放落去。落其他配料，特別係菜，超好食。

響Openrice 搶購到牛大人限量1,500份嘅澳洲極上和牛120分鐘吃到飽買一送一優惠，跟餐仲有一份澳洲全血和牛一份😍🔸澳洲全血和牛🐮和牛片見到清晰嘅雪花紋理，薄薄嘅和牛片牛味好濃郁，肉質仲好柔軟🤤我哋今晚揀咗白玉酸菜鍋，湯底主要材料用五花肉、酸菜、大蔥熬製而成，味道溫和帶酸菜嘅酸味好開胃。🔸澳洲M9和牛牛丸🐮隨餐仲送每人兩粒和牛牛丸，牛丸結實彈牙牛味仲非常濃郁！😍完全唔需要點任何調味料🤤澳洲極上和牛套餐仲有好多其他牛肉嘅選擇，包括澳洲和牛M5牛肩卷、安格斯一口牛肉粒、美國PRIME極級肩里肌、手切封門柳、安格斯牛小排等等，牛肉款式多之餘仲有豬、雞、海鮮、羊肉片，亦有台灣特色火鍋配料，好多選擇🤭等緊火鍋料熟嘅時候，仲可以叫啲台灣特色小食食住先😋 台灣腸、鹽酥雞，不過甜不辣就同平時食開嘅帶啲唔同喇。飲品款式都好多。120分鐘確實食得無咁趕，食物款式多到食唔晒，趁住今次牛大人嘅優惠，偶爾嚟放縱一下🤭 🐾貓奴足跡🐾🌐牛大人台灣火鍋吃到飽 (偉華中心) (沙田)📍沙田正街11-17號偉華中心2樓9A-9B號舖

我和朋友吃的是120分钟吃到饱的套餐，我们是晩上9:30去的，按照两个小时是不是应该11:30走？但是他10:30就说要截单了！正常情况下应该是11:00截单！然后他们那些服务员就拿着单过来要我们给钱，然后10:50的时候他们还特别细心的说还剩10分钟呢，我们吃的很急，也是相信他们的。后来再看一次他们那个menu才发现我们少了30分钟，他们说时间的时候分明就是在赶我们走。我从来没有这么无语过😂，第一次去吃个火锅还一直被赶😅😅大家还是避雷这家沙田分店吧😂不去不知道，素质这么差😂😂😂

下午兩點鐘和三個朋友加一個小朋友去食下午茶。 已經等齊人先入座, 但由於第一次去大家都唔知道有啲咩食 ,餐牌比一個我哋, 五個人輪流睇完,決定埋都差唔多十分鐘。（入坐前要我地點餐就可以節省大家時間） 跟住到上湯底 ,畀佢滾又15分鐘。 頭25分鐘我哋都係等 。真正食到落口都冇20分鐘，就話 用膳時間完畢， 我哋明白只有60分鐘享用時間。 但係我冇估到係由入去門口嗰一刻開始計。 佢個湯滾都要15分鐘（如果可以勁滾放落我地到會慳時間）,55分鐘 唔畀我再攞嘢食我理解。 如果爆曬場，有人要排隊我都明白 。（當時有10幾張吉枱）個小朋友食咗一碗麵 ，想食埋啲餸 ，就已經話夠鐘要走。 望住你唔走都唔得。 煮咗嘅嘢又嘥曬， 跟住職員話係就公司規矩，佢都冇辦法 。真係一肚氣。

5點半入場平啲，人少啲，唔洗等位。台食幾特別嘅，但如果想食好味牛或海鮮，就⋯⋯我鍾意個黑松露油炸鬼，外脆內淋，雖然無咩黑松露味；甜不辣就唔太好味，唔知係味放太耐；響鈴夾嘅時候已經知佢放咗好耐。值得讚係調味料，有特色，平時我唔太點醬，今次都點咗兩碟。自助區唔算多嘢食，全部夾放埋一齊，個人覺得可以一個餸一個夾。凍飲都幾特別，但熱飲少，而且熱茶係凍嘅，無甜品，雪糕無得任食，買單前一杯，對鍾意食甜品嘅我嚟講，係有少少失望，不過都食到好飽～偉華唔知有無泊車優惠，我就無揸車，要揸車唔驚貴可泊商場，亦可泊大圍附近錶位，食飽行去車位幫助消化～

【沙田區】【牛大人】講起牛大人，其實都冇咩好講，因為香港嘅台式火鍋已經愈開愈多。而好似佢呢種咁嘅形式嘅餐廳，亦都有啲比佢哋做得更好。當然，始終佢哋都係有班死忠客人，就算冇好似以前咁排到咁誇張，晚市時都係座無虛席，滿晒嘅。我同朋友都唔係嗰啲對飲食有極高要求嘅人，所以求求其叫個 $248 嘅「精選嫩牛吃到飽」套餐就算喇。叫最平嘅套餐有樣好，就係以最少嘅價錢，享有同其他客人一樣嘅自助吧、自助飲品等服務，反正啲貴嘢都食唔得多啦。而鍋底方面，我哋又唔需要兩個味，又唔使食麻辣，所以淨係叫咗一個鍋底。我哋要「台灣鳳梨雞鍋」，食落感覺好普通，冇鳳梨味出到嚟，啲雞亦都唔吸引，成件事唔知喺到做乜。打邊爐食配料嘅時候，都冇乜注意到佢。肉類都係豬牛羊為主，啲豬肉片有啲質素，畀到驚喜我。而佢哋都有少量海鮮供應，一向欣賞佢哋嘅「真台灣鯛魚片」，佢同其他幾款魚片我覺得都幾好。甜品包每人一杯雪糕或者一碗糖水，連加一 $546 埋單，都唔算好貴嘅。。。（地址：沙田沙田正街11-17號偉華中心2樓9A-9B號舖）

「60分鐘定量午餐」及「90分鐘午餐吃到飽」，當要食到飽啦！菜類、醬料、飲品等要自助，另外就掃code 落單，點完基本上都上齊❤️⭕️極上和牛吃到飽（$208，90分鐘）。有9款湯底可以選擇，最後選了「阿嬷養生濃湯鍋」，湯料有娃娃菜、雲耳、枸杞、紅棗等等。❣️小食類（非常多，講下其中兩個）🔅士林鹽酥雞脆炸雞肉粒，酥脆香口，內裡有肉汁！🔅真豬小香腸豬肉餡吃來軟嫩，油脂適中，配上香蒜片提味，吃完嘴裡濃濃香氣久久不散，讚！我與朋友都是牛肉控，所以主攻牛肉，再加小量配菜！❣️上腹牛五花：油花分布均勻，肉味濃郁，軟腍嫩口，可選！❣️安格斯特選牛板腱：肉味香濃，但有少許根！❣️澳洲和牛M5牛肩卷：肉質軟嫩緊實，但脂肪比例相對較高！❣️蟹籽墨汁漿將滑一勺一勺放下鍋，撈起入口多汁，墨魚香醇濃郁，蟹子粒粒口感，整體彈性絕佳👍🏻

如果同其他任食火鍋店比，牛大人晚餐有2小時，比有些只得9 0分鐘嘅好，而食物上菜速度就中等，要等3個字以上先有，有時又會留單。飲品選擇都多，有不同嘅自家冲茶，唔會只得汽水。牛肉質素幾好，對得住個價錢，而家湯底一如以往係正嘅。推薦牛大人湯底，少辣而濃骨湯好適合配牛肉及菜菇湯料。呢度座位多數卡位，坐得舒服，而通度都闊，去拎食物飲品都方便啲。

第二次食呢間邊爐！上菜速度好快喎！ 90分鐘午市放題時間真係唔係好夠！早30分鐘佢就會last order，咁我哋好難遇到其實同埋好快就會過咗一個鐘，等埋開爐整嘢拎嘢等佢滾，嗌咗兩轉已經要落order最後！佢上菜嘅速度好快，每一件食物除咗肉類牛肉即係，你點一份就會比兩件，好似醉雞件，一份就兩嚿，牛肚一份都係兩片！牛肚好好味呀，我哋嗌咗四份total出面有好多蔬菜拎，都幾新鮮！養生湯底其實係有啲雜菜少少藥材，但係唔係好食得出藥材味整體質素唔錯！好在臨尾去廁所見到有個雪糕櫃，唔係真係唔知有得食！不過最後冇時間佢真係準時叫你走！拎咗杯雪糕食兩啖就走啦！有個牛大人代理咗嘅一杯杯雪糕香芋味幾好味喎😍🤗埋單$188 +1一位

今日同朋友去開沙田行街，食飯時間突然間好想打邊爐。鍾意食牛嘅我於是就揀咗食牛大人。台灣火鍋喺香港都有好多選擇，我自己就特別鍾意食牛肉。最推介就係安格斯特選牛板鍵，肉質係有口感嘅牛肉，我就幾鍾意，朋友就比較鍾意五花肉。另外仲叫左牛五花肉，佢嘅肉質比較多脂肪分布，食落去比較鬆化，都算不過不失。但係我哋都係叫咗唔算多，因為都驚食完太漏，食唔落其他嘢😂其他嘢食同普通打邊爐嘅菜式都差唔多，冇乜特別，選擇相對比較少。

平時成日經過都見到好多人喺外面等位，今日終於有機會一試，而且唔駛企門口等位添！咁啱今日兩公婆可以早收工，約埋5點半入去食，平日walk in唔駛排隊，！第一次食就揀個$248美國特級安格斯餐，有多啲肉類款式選擇，如安格斯特選牛板腱、美國PRIME極級肩里肌等。我哋揀咗阿嫲養生濃湯鍋，湯底入面有紅棗杞子，滋補養顏，湯頭濃郁好好味！！唔講咁多住，落order先啦！叫咗新鮮海蝦、沙白，另外，牛、羊每款都叫咗啲，涮10秒即食，好！幾乎食咗一年嘅牛肉quota！即場做會員，仲即刻有9折coupon 迎新禮物！甜品係movenpick或哈根大師雪糕！！可惜120分鐘食得太趕，唔太啱我哋呢啲鍾意慢條斯理嘅人呢，哈哈！好好味，有機會再嚟大擦一餐！！

今日食個午餐，打單入座到上湯底已經用咗10分鐘左右，剛食咗十幾分鐘（即是打單計起半個鐘左右），職員就叫我哋埋單，搭正一個鐘就要我哋交枱，我睇吓隔離左右都有大把吉枱，問可唔可以遲少少，職員話公司規定冇計，咁真係唔夠人性化喇，下次考慮下先。

今日嚟食lunch好彩12:30前到如果唔係就攞唔到飛一入咗就即刻爭取時間叫湯底今次叫咗麻辣同清湯當然有叫佢嘅小食有台式腸！我叫咗三份！之後就狂食牛手嘅質素真係對得住佢嘅價錢平靚正最後一定要食王子麵同埋佢嘅芋頭雪糕！

同家人一齊去食，家人有腳傷拿住拐杖，等位時店員拎張凳俾家人坐，暖心，未食先加分。入座後，叫左養生湯底，好多滋補材料，如紅棗、杞子等，湯都幾甜、冇苦味。花膠，雖然厚身，和滋補湯底非常夾，但口感過黏，唔吸湯味，一般般。安格斯牛小排，唔算好厚，但亦唔係好薄，幾有口感，有牛肉香味，老人家同小朋友食都唔難咬。澳洲和牛M5牛肩卷，牛味係三款牛中最濃，但唔太鍾意佢中間一大片肥😜美國SRF黑牛，係三款中我最鍾意，牛肉夠濃香，油花較少，但肉質鮮嫩不靭，各方面都比較平均。麻辣鴨血，放入鍋後其實麻辣味已經近乎沒有辣味，不過仍然有麻辣嘅香味，只係唔辣，都幾好味。澳洲M9和牛牛丸，好香濃嘅牛肉味，但略為偏鹹。黑松露墨魚滑，黑松露味好香，味道都不錯，只係完全唔彈牙，食滑我都係鍾意彈牙啲。兩個鐘真係食到飽，嘢飲除咗汽水之外，仲有黑糖薑母茶、洛神花茶，選擇都尚算多。打完邊爐仲有雪糕或者甜品送。一家人都食得好飽、好開心，7:30前埋單離座，每位大人都係二百幾蚊，好抵食，下次都會再嚟😊😊😋

台式火鍋開到成行成市，仲要成日大排長龍今次同朋友就試左位於尖沙咀嘅牛品台式火鍋吃到飽喇！湯底有十一款選擇，各有特色，今次我哋就揀咗元氣養生雞湯鍋呢個元氣養生雞湯鍋好足料，雞湯同人蔘鬚味極濃 食物分為自助火鍋配料吧同手機落單上菜速度快, 亦無漏單自取區有唔少選擇，有多款新鮮蔬菜，包括有我哋最鍾意嘅萵筍，好豐富。食物種類齊全我哋今次就揀咗”晚市牛極品吃到飽套餐” – HK$279牛肉非常嫩滑，肉味香濃，油脂分佈平均西班牙粟飼豬梅肉and 豬五花好好食, ️就算煮過龍都仲係咁好食台式火鍋又點少得鴨血鴨血非常嫩滑，放入湯鍋內越煲越入味甜品除咗可以揀Haagen dazs 雪糕亦可以選擇台式仙草凍，有仙草、寒天、 愛玉、 西米、 椰果、 紅豆等好滿足飲品除咗汽水，台式火鍋又點少得冷泡茶呢？選擇有洛神花茶、桂花烏龍、白桃烏龍，打邊爐最啱飲白桃烏龍解解膩