牛之鍋

營業中

休息中

踏入冬季又是打邊爐季節；住在銅鑼灣而又喜歡吃牛的朋友帶我去牛之鍋，果然可以滿足我這個貪吃的人；有刺身 / 小食 / 自家製飲品 /甜品/ 火鍋配料外，種類繁多過百款任君選擇首先自助區 ，有蔬菜/菇類 / 粟米/蕃茄/即食麵等；飲品有自家製茶 ，大大支有效消滯 ，；有啤酒汽水紙包飲品 及即磨咖啡機等今次我們選擇了 b 餐 ，看到牛的質素已經不錯；我們選了麻辣及蟲草花鴛鴦湯底封門柳牛肉肉質鮮嫩光澤，據說較為罕有，每一頭牛只有一條，牛味比較濃，脂肪也較少，不易變韌，所以煮熟後顏色比較深； 牛肩胛肉眼 肉味及油花比較豐富；美國肥牛滑身澳洲羊肩肉肉質結實，羶味不會過重，最適合麻辣湯底這裏最吸引也是刺身可以任食，三文魚、帶子、甜蝦、泰式生蝦、八爪魚、北寄貝、希靈魚、包片、壽司/ 軍艦 等…新鮮呈獻 打邊爐配料還有海鮮貝殼類 、豆類、響鈴、丸類炸物芝士雞翼不錯，把整隻雞翼釀滿沙律也有驚喜，海蜇沙律不錯，酸酸甜甜開胃，還有泰式鳳爪沙律燒物的燒菠蘿很消滯，雞軟骨香口入味另外，最驚喜莫過於是甜品題放，味道不錯不會太甜，分量不算大可以多吃幾款；法式焦糖燉蛋面燒得很香，雲呢拿籽也很濃味 ；芭菲也不能錯過

野食ok，咁既價位可以接受，甜品唔錯但我坐正洗碗位前面個張枱，唔知當時個洗碗係未心情唔好 勁大力掟碗碟，唔只是我留意到，當時我地一台人傾緊計，佢一掟個下我同fd你眼望我眼 心諗發生咩事，其實我地都食接近尾聲，印象都掟左至少4次，感覺似想趕人走

秋風起又是打邊爐的好季節，今晚便來到銅鑼灣這間以牛為主打的放題店。B餐成人每位$248 ，包括澳洲牛肩胛肉眼、美國封門柳牛肉、美國肥牛肉、澳洲羊肩肉、特選豚肉、五香雞件。另外有刺身、壽司、特選配料、自選蔬菜包、炸物、海鮮、沙律，自助飲品吧、串燒、火鍋配料、自家製甜品。湯底有九款、每人可選一鍋。胡椒豬肚湯，胡椒味道十足，湯底清甜。蟲草花松茸湯，帶有蟲草花的香氣，湯底不會過濃。澳洲牛肩胛肉眼、美國封門柳牛肉、美國肥牛肉、澳洲羊肩肉、特選豚肉，這幾款都值得推薦，其中以澳洲牛肩胛肉眼最為肥美可口。海鮮方面，生蠔和海蝦都非常鮮甜，其中以海蝦最為爽口彈牙。刺身有三文魚、甜蝦、泰式生蝦、赤背、帶子，其中以帶子最鮮甜味美。除了汽水和果汁之外，啤酒亦是任飲。燒物方面、有台灣香腸和菠蘿，其中以菠蘿最為好味。甜品是這裏其中一個賣點，吃完火鍋，當然是吃甜品。這裏的甜品種類繁多，有宇冶抹茶芭菲、楊枝甘露、台式仙草麻薯和法式焦糖燉蛋，全部都做得不錯，其中以宇冶抹茶芭菲的綠茶味道最為濃郁，兼且美味。

地方正常大, 卡位比較舒服,不過冷氣有d凍.鍋底係一人鍋, 所以係疫情下都算比較旺場,大家食得安心, 湯底又可以各自叫自己喜愛的.湯底我叫左沙爹湯,味道正常, 唔算太淡. 但加湯係加清湯, 所以越加會越淡味.我地係食B餐: $248（200款日本料理+火鍋+甜品）價錢係任食黎講唔算貴.B餐最靚既牛可以叫到澳洲牛肩胛肉眼. 牛味正常, 口感小小彈牙, 薄切, 打邊爐黎講我覺得夠晒. 因為而家任食但其實好多人都只係會叫幾碟過下口引. 又唔會真係只叫牛. 羊肉騷味唔重, 有好少, 如果有d人對味唔係太敏感可能食唔出騷味.肉味本身唔算好濃, 建議可以點小小醬料食會更佳.加洲反卷. 我覺得呢到壽司算幾好食. 不過有飯既關係, 所以會比較飽肚.呢個仲會有埋沙律醬, 味道比較濃, 但會容易d有濟既感覺.其他雜菜配料係出面, 任人食, 種類正常同其他打邊爐既店差不多.宇治末抹茶芭菲, 算係呢間店既特色之一, 基本上必試.其他火爐比較少見, 配料仲可以自己加d 曲奇粉, 味道更佳.整體黎講算係近幾年來少數平價既任食之一!

今次是第二次食，第一次食時侯，食物是ok,最鍾意食甜品。但今次約埋朋友黎食，除了甜品和刺身、壽司可以keep 到，其餘食物質素差左，串燒黎到係凍，炸榴連入面餡料係凍、芝麻雞翼又係凍，每次叫份量，廚師自動減一半，四個人叫4件會物，會黎1、2件。落左單食物，又無黎，下次唔再幫襯！$248+10% 呢個價錢食兩個鐘，D食物又出唔齊，根本唔夠時間

Japanese all you can eat／hotpot buffet@near time square,CWBMy families and I went to a Japanese restaurant called “Oishi Shabu” （牛之鍋） located in Shop A, 2/F, Top View Mansion, 10 Canal Road West, Causeway Bay（銅鑼灣堅拿道西10號冠景樓2樓A號舖）There are 3 Japanese hotpot buffet dinner sets with price arrange from HKD$168 to HKD$288 per adult.We chose the B dinner set which costs HKD$228 per adult.Customers who chose B dinner setcan enjoy Australian beef chuck rib eye（澳洲牛肩胛肉眼）,US hanger steak(美國封門柳牛肉）,beef marbl

呢間火鍋店除左牛靚料多之外，最正係佢連甜品都又多花款又好味，竟然仲講究到有朱古力火鍋飲品火鍋料應有盡有一人一鍋，方便衛生澳洲手切牛肉好有口感，而且牛味香濃澳洲Ｍ５和牛牛脂充足，啖啖牛脂香雪花牛小排、牛肩胛肉眼牛小排充滿牛脂香而不膩，牛肩胛肉眼肉味香濃雞泡魚乾咸香中帶甜，送野飲一流鴨血又滑味道又香濃青口都幾新鮮，食落鮮味幾香帶子刺身，甜蝦剌身帶子滑溜又鮮味十足，甜蝦亦唔錯呢到Ｄ甜品又豐富又好味，而且都係即整窩夫配雪糕即整既窩夫永遠都係最好食，又香又脆比利時朱古力火鍋估唔到打邊爐都有得食朱古力火鍋仲要可以任叫真係超值

又到星期一,又到糧尾,之前來過貪佢靜靜地,又有平平地午市一人鍋,今日諗住來食多次。點知來到門口真係有驚喜,居然做埋買一送一,今次真係糧尾恩物好，就食豪D,叫個$75手切牛肉,又可以自選湯底,跟住出去雪柜拎一支飲品+自助醬汁,再睇定陣間食咩甜品,真係好忙食物到,牛肉6片,係薄咗D又少咗D,但什菜籃都唔少嘢,應有盡有,仲跟個自選麵底,咁食法,好多其它區舊同事會睇唔過眼以為食得好豪華甜品要咗個芭菲,真係唔食得都睇得,個樣好呀引,其實佢抺荼味都幾濃,加埋D脆米好夾,係D cream多咗少少個人唔太like最最最後高潮到,埋單兩位只收$90,我同朋友即刻嘩一聲,二人食都唔駛一百,真係以為食緊茶記定麥記後話：諗住趁佢今個月仲有優惠帶多D人去食多次,點知未到二樓樓梯已見幾十人係度等,所以要平、靚、正機會只有一次

男友係食肉獸 我係甜品怪 🙋🏻‍♀️成日會為咗食正餐先定食甜品先有爭拗✨牛之鍋✨就可以滿足哂我哋嘅願望✨晚市 C 餐任食✨時間兩小時 可以慢慢食除咗有升級牛肉、過百款食材、升級刺身及日式料理選擇仲有好多好有多款甜品可選擇芭菲、奶凍、燉奶、雪糕 🍨最正係有🍫朱古力火鍋🍫抹茶芭菲 抹茶味濃 🍵有朱古力脆脆、麻糬、紅豆、忌廉，榴槤味芭菲（男友的）榴槤味重 仲有榴槤果肉其他甜品質素好高 有啲未影相已經俾我食咗😋火鍋湯底揀咗✨椰香沙爹湯底✨可選擇一人一鍋 或者一大鍋Happy Share 🍲✨升級刺身有好多款 好新鮮珍寶赤蝦、珍寶帶子、三文魚、劍魚腩、油甘魚等等✨升級牛肉 有澳洲M5和牛，澳洲手切牛、雪花牛小排牛肉味濃 質素高特別推薦✨炸物紫心芋頭波波好煙韌 大蝦天婦羅炸得薄脆雞皮餃子好香脆 日式墨魚餅啖啖墨魚肉另外仲有壽司、海鮮、火鍋配料、蔬菜吧等餐廳風格以和式為主環境寬敞舒適 食物質素高 值得推薦👍🏻

今日去咗YouTube推介平過大家樂大快活位於銅鑼灣嘅牛之鍋食個買一送一嘅午市火鍋套餐，埋單兩個人$90真係非常超值。我哋11:45上到去已經有30人排緊隊，之後陸陸續續都有幾十人排隊， YouTube嘅影響力真係驚人😜我哋等到差不多12:15才可以入座，一坐低就點餐，我哋不約而同都揀咗個精選海鮮拼盤價值$75包湯底(七選一)今日我揀了一個三鮮豬骨湯朋友選擇了皮蛋芫荽清湯，套餐另外包配菜一客，有啲生菜黃芽白一嚿響鈴一片粟米兩粒香腸仲有一舊冬菇一條蟹柳和金菇菜同埋最重要嘅烏冬一個因為冇咗佢真係食唔飽😂。主菜海鮮拼盤包括鮮蝦，青口，鮑魚片，魷魚，魚片和蜆。海鮮好差~蜆好多沙完全食唔到仲整到成口都係沙，魚一d彈力都冇應該係唔新鮮，魷魚都算新鮮爽口， 青口正常，蝦有啲霉應該都係唔新鮮，如果唔係買一送一應該冇咩人會幫襯。

呢間放題火鍋店特別之處係除左火鍋料任食，仲有刺身都不特止，竟然仲有Ｄ唔ＨＥＡ既甜品都係任食中等價錢，選擇都唔錯多款火鍋料，醬料同飲品重慶麻辣湯都真係幾辣下，唔食得辣既要小心牛肩胛肉眼口感實在，肉味香濃，脂肪相對少，減肥人士都可以食雪花牛小排牛脂味同肉香味都香濃澳洲手切牛肉口感同牛肉味都高品質澳洲Ｍ５和牛脂肪分布平均，可以享受到牛脂香之餘唔會膩另外仲有刺身任食，帶子質素都唔錯，味道鮮甜其他火鍋料都唔錯仲有自家製冷泡茶，打邊爐都唔洗怕熱氣甜品一律即叫即整，窩夫又香又脆仲有比利時朱古力火鍋任食，夠晒ＨＩＧＨ　ＣＬＡＳＳ

又到左 Happy Friday，又想吃到飽，原來係銅鑼灣有間任飲任食火鍋仲連甜品都有放題餐廳裝飾以和式為主，有大量日本擺設及貓貓和風窗簾，相當有日式居酒屋既味道除左設有大量卡位，仲有包廂套房，情侶或者一大班朋友上黎放題都非常合適火鍋放題有過百款食材及日式料理選擇，仲可以升級享受味道更佳既刺身、牛肉及甜品而且湯底有十多款，一人一鍋又得，一大鍋 Happy share 又得，隨大家鐘意當中甜品放題仲非常有驚喜，大家記住要留返時間同個肚仔試多幾款甜品啦食物方面:選擇了椰香沙爹湯底及晚市 C 餐任食，升級了刺身、牛肉及甜品升級刺身 : 有珍寶赤蝦、珍寶帶子、劍魚腩、油甘魚，剌身款式少見，新鮮美味升級牛肉 : 有澳洲 M5 和牛，澳洲手切牛、雪花牛小排，細細塊，質素高，可以食好多碟得得升級甜品 : 有比利時朱古力火鍋，放題有得食朱古力火鍋比較特別刺身 : 有三文魚、帶子、甜蝦、泰式生蝦、八爪魚、北寄貝、赤貝、希靈魚、鮑片，選擇非常多，又夠新鮮壽司 : 有花之戀、三文魚親子軍艦、香蔥吞拿魚軍艦、蟹肉蟹膏軍艦、壽司細細件，唔怕會太飽炸物 : 雞皮餃子香脆、日式墨魚餅啖啖墨魚肉、大蝦天婦羅外皮薄脆，

朋友想打邊爐，但又貪心想食唔同種類既野我就揀咗牛の鍋，一個價錢可以體驗哂火鍋同放題，今次去銅鑼灣分店同樣大推，晚市有3個套餐可以選擇🔺B餐 2小時任飲任食 $248加一一品料理、刺身、燒物、壽司、炸物海鮮多達100款，一應俱全，連甜品有十幾款選擇，完全可以當埋甜品buffet，用QR code落單，食物黎得好快基本上無漏單情況另外仲有自助區可以拎火鍋蔬菜同自家冷泡茶及汽水啤酒🍻打邊爐除左提供大鍋選擇之外，亦可以選擇自己一人一鍋，咁就更多選擇 火鍋湯底有10款選擇，我就揀咗壽喜燒湯底，朋友就揀咗胡椒豬肚湯🔸壽喜燒湯底入口甜甜地，幾有日式壽喜燒既feel🔸胡椒豬肚湯底未食已經聞到胡椒味 好岩天氣涼涼地食，暖胃的🫶🏻牛肉質素都唔錯，最推一定係澳洲牛肩胛肉眼牛肉，牛肉重牛味，肥瘦剛好，美國肥牛牛脂都好正‎ (´ސު｀)最貼心係餐廳係每碟牛肉上面有張紙條提示涮燙秒數甜品係必食 基本上除左榴槤甜品之外 每款我都點左一樣 ᐝ (๑⃙⃘´༥`๑⃙⃘) 甜品份量細細，可以試多唔同款式 必推一定係宇治抹茶芭菲 抹茶味勁濃郁🍵 ，芭菲有紅豆🫘 忌廉 椰果超豐富，另外仲推介法式焦糖燉蛋 ，牛奶燉蛋白，軟雪糕窩夫

朋友介紹銅鑼灣有一間好多款式嘅打邊爐放題，今日就同老公去試吓，佢哋喺鵝頸橋附近好易搵一入到去座無虛席好熱鬧，相信水準應該唔錯！佢哋呢度係以一人一鍋為主，有10款唔同嘅湯底，我就揀咗麻辣湯底，老公就揀咗豬骨湯底，佢哋呢度用QR code落單除咗有打邊爐火鍋配料之外，仲有唔同嘅食物可以揀包括：刺身、一品料理、燒物、壽司、天婦羅、仲有自家冷泡茶及汽水啤酒㖭！我哋揀咗B餐（ $248 加一 ）可以揀澳洲牛肩胛、美國肥牛肉同牛脷，本來仲有封門柳，不過可惜已經賣晒！牛肩胛好有牛味我哋叫咗好多碟，鴨血同沙白都係必食推介😋刺身都好新鮮另外炸物水準都唔錯，如果響社交平台like左仲會有一碟澳洲手切牛送。呢度有好多款甜品揀，我哋就叫咗芒果布甸、楊枝甘露、芒果綿綿冰、榴槤芭菲及藍莓芝士杯等….老公話呢度啲榴槤甜品好好食，佢每樣都嗌咗兩杯食完之後飽晒，一次過可以食到火煱同日式食物非常滿足！

選擇性做生意👎🏽👎🏽餐廳午市推出一人一鍋，買一送一優惠。但嚟到現長大排長龍👫🏻👫🏻，經詢問後原來佢先會放放題入場😟，但全條隊都喺排一人鍋。餐廳又唔肯放一人鍋入去🙃，餐廳內有大半空枱但唔俾人入，最終企咗一個鐘都未入得。排隊人士有大有細，但餐廳未有開放俾一人一鍋，其實負責人如果行出嚟聽吓就知咩叫「怨聲載道🫤」根本佢就只喺想做放題生意🙃🙃，推出一人一鍋只喺想吸客。不推介👎🏽👎🏽👎🏽👎🏽