牛之鍋

營業中

休息中

上星期老公OT，得返我地兩母子嘅時候就緊係懶懶地唔煮飯，咁就等大少是日溫習畢，我地就去銅鑼灣嘅食個放題輕鬆一番。之前睇朋友介紹都覺得好吸引，嚟到到睇到我地眼花繚亂，因為既有我鐘意嘅火鍋，又有大少鐘意嘅日本料理，再加埋好多唔同嘅甜品，感覺都真係幾抵食。餐廳環境幾大，我地被安排坐卡位都好舒服火鍋係一人一鍋嘅，佢都有九個湯底選擇，大少就揀左蕃茄湯底，我就揀左胡椒豬肚湯。而佢地係用QR code 落單，上菜快手得嚟冇漏單。食物方面，其實種類都幾多，除左會有嘅牛肉、豬肉之外，仲有海蝦、蜆、蠔、青口，樣樣都好新鮮。日本料理方面都種類多，除左有刺身壽司外，仲有串燒、炸物、天婦羅，大少話每樣都好味哦。飲品就係任飲嘅，除左有啤酒、汽水、紙包飲品外，仲有自家嘅涼茶不過我地都好節制，因為要留肚食甜品。係眾多選擇中我地最後就食左榴槤芭菲、宇治抹茶軟雪糕同埋芒果綿綿冰。大少嘅戰鬥力比我強好多，佢密密食..密密叫，係90鐘內可以話未停過口，最後仲食左兩杯芒果綿綿冰作總結添。

同朋友嚟咗呢間餐廳，試吓打邊爐-放題-朱古力火鍋任食！我哋揀咗C餐：$308 試餐係B餐嘅升級，刺身選擇比較多，同埋有澳洲和牛及手切牛+朱古力火鍋👍🏻👍🏻火鍋湯底，我哋揀咗花膠豆香魚鍋，主要食材包括花膠、豆腐、鮮魚片、蔬菜等。花膠的口感柔軟，豆腐滑嫩，加上鮮魚片的鮮味，覺得呢個湯底真係幾唔錯，又健康又好味叫咗雪花牛小扒同埋澳洲和牛。每塊牛小扒都好薄身。不知不覺就叫咗四碟！另外叫咗好多蜆！！同埋魚滑另外我哋仲叫咗刺身、壽司。刺身我哋叫咗三文魚、希靈魚、帶子等等，質素都幾唔錯. 壽司我哋就叫咗魚子壽司、芒果炸蝦壽司、吞拿魚蓉壽司🍣、細細個，但係起碼可以任叫都滿足炸物方面，我哋叫咗炸墨魚餅，呢個真係好好食㗎，因為仲有啲紫菜喺上面。同埋大蝦天婦羅甜品梗係唔少得朱古力火鍋啦，有好多配料，譬如佢會送香蕉、士多啤梨、朱古力泡芙、棉花糖，超級滿足。最後仲叫咗個抹茶雪糕！個樣超級靚！必叫

位於銅鑼灣的火鍋刺身放題，分別有三個套餐選擇，不同時段入座離座也有分段收費，刺身、壽司、肉類、炸物、火鍋配料、飲品及甜品都是任飲任食。火鍋湯底可以選擇一人一鍋或者分享一個大鍋。個人鍋的話則可自選喜歡的湯底，自由度較高。湯底：花膠荳香魚湯一上枱，魚湯味已經撲鼻而來，湯底有驚喜，十分濃香，不帶魚腥味。湯底：香檸藤椒金湯味道及顏色都跟酸菜魚湯差不多，青黃色湯底，麻香而不辣，不過檸檬味不突出。火鍋配料區：外面的火鍋食材十分豐富，主要都是瓜菜及麵食，款式多，而且蔬菜都蠻新鮮的。而肉類、海鮮、刺身、熟食則在手機上下單，方便又快捷送到。飲品：外面飲品櫃有多款冷泡茶、果汁、汽水、啤酒也有。另外一邊有熱飲、咖啡等。甜品：選擇甚多，而且全部都是很有心思及特別，有雪糕、芭菲、班戟、奶凍、仙草、泡芺等，味道相當出色。

又係每個月一次既放縱日 今次係去銅既呢間牛之鍋~~ 呢間之前都食過好幾次，因為覺得佢啲野質素唔錯性價比高，最重點就係佢地個甜品放題喇!!佢地個SET 包火鍋+放題+甜品，A: $208/B: $268/C: $328 我地揀左中間，C餐就有再多啲升級刺身、靚牛肉同埋朱古力火鍋~~ 📍湯底一人一鍋，我地揀咗皮蛋莞茜清湯+魚湯因為清啲可以試真啲食材味道~ 📍牛肉我地就主力叫極上牛同封門柳 肉質都唔錯 肥瘦比例剛好📍海鮮呢，選擇都唔少，有蜆蠔青口全部質素都唔錯~~ 仲有蝦滑同墨魚滑📍跟住就係刺身，大路野三文魚甜蝦帶子全部齊，而且厚切同新鮮📍再黎就係料理好似係日式前菜沙律/燒物/壽司天婦羅，我地一定係推薦燒雞泡魚乾，佢燒得好香次次都必叫～～仲有仲有燒菠蘿都係，清甜多汁又消滯~📍如果以上既食物都未夠，咁呢個時候你就可以出自助區攞啲邊爐必備大量丸SSSS 餃SSS 蔬菜SSS 魚皮同麵佢太多選擇，總有一款啱你📍最重點黎喇！就係佢地既痴線甜品ITEMS，款式係多到嚇死你，皇牌一定係佢: 宇治抺茶芭菲，另外其他推薦有法式焦糖燉蛋/楊枝甘露/仙草等等~~📍飲品都係比較大路選擇，自家製茶品/而且仲有啤酒!

收工好想打邊爐，上網見到銅鑼灣呢間任飲任食火鍋唔單止有海鮮，仲有埋刺身同其他食物同甜品放題😍價錢$2xx，而加喺香港好難搵到呢個價位既放題所以我都抱住無太大期望⋯⋯⋯點知⋯⋯⋯⋯😍食完大推介！！大家要睇落去！同朋友一人一鍋，一人一個湯底，好多湯底選擇湯底我揀咗花膠荳香魚湯，因為好少見到火鍋湯底有魚湯做選擇🤣完全係喜出望外！超香濃魚湯味，未打邊爐我就淨飲咗湯底一碗😂最緊要係⋯⋯⋯食完成餐飯我無口渴，即係唔係靠味精，係真材實料煲呢個魚湯出黎！誠心推薦比鍾意飲魚湯既你🥰火鍋蔬菜配料區好齊全，有寛粉仲有皇帝菜輕輕夾咗一配蔬菜盤，食材新鮮來了來了，同友人食既係$268既餐可以任食美國封門柳牛肉、草飼牛舌、極上牛肉、肥牛、雞件等鍾意食羊既朋友仲可以任點澳洲羊肩肉！肉品方面，推薦封門柳比大家，牛味香，涮幾秒就食得，叫完一盤再一盤☺️炸物overall炸得出色，炸粉薄薄一層，仲食得出有香料調味炸蠔大家一定唔好錯過，size偏大隻炸完仲保留到蠔汁，好食到我encore再encore雞皮餃子🥟都係我另一個encore之選！刺身方面，睇到三文魚既色澤就知道新鮮，厚厚一片，淨食三文魚都回本壽司方面係細細件，飯量

牛之鍋 (銅鑼灣).晚市C套餐任食.少有地有一個放題我幾推薦，服務態度好，仲要係食材質素好。依家食放題其實係想食多啲種類，但其實食得唔多。.呢到刺身選擇你話非常多唔係，但勝在夠新鮮又夠凍另外仲有一啲冷盤小食，蟹籽沙律🥗海蜇等.想飽肚壽司都有好多，最鍾意佢每件唔算好多飯，花之戀都係小小的一口.到肉類部份，呢到嘅肉又係夠高質，我倆都係食牛為主，牛小排，手切牛肉以及澳洲m5和牛都好好食😋 食夠肉，丸類可以再落order，蔬菜就可以係出面任夾.炸物佢有炸榴連球，燒日本甜薯等。順帶一提呢到嘅甜品絕對可以獨當一面，榴連/抹茶芭菲，仲有pancake，每樣份量唔多就可以食多啲！.牛之鍋 (銅鑼灣)銅鑼灣堅拿道西10號冠景樓2樓A號舖

<抵食火鍋刺身串燒甜品放題>🤩位於銅鑼灣樓上這間火鍋店, 集火鍋, 刺身, 壽司, 串燒& 甜品放題於一身🤩 選擇十分多, 想食乜都可以, 完全滿足晒所有願望一次過食晒咁多款, 正.分左A, B, C 放題套餐, 我揀左中間價位既B 餐{$268}位. 😋 可以選擇一人一鍋或大鴛鴦鍋. 牛肉方面有好多選擇: 牛舌, 肥牛, 封門柳等, 仲有其他多款火鍋配料可以選擇, 蠔, 青口, 蝦等海鮮類都有.😋刺身方面亦選擇多又鮮甜, 有三文魚, 帶子, 赤貝, 甜蝦等, 正! 🥰最令人期待係放題既甜品選擇多, 而且又好味, 連綠茶芭菲, 台灣仙草麻糬, 梳連pancake 都有. 整體食物好味, 而且性價比高, 絕對值得一試.🫕餐廳 : 牛之鍋地址 : 銅鑼湾堅拿道西10號冠景樓2樓

牛之鍋 (銅鑼灣).今次要介紹呢個係個人覺得好高質嘅放題，食物種類選擇多，仲要食材高質！.▪️晚市C套餐任食▪️.呢個套餐仲包刺身，珍寶赤蝦，赤貝，希靈魚，珍寶帶子等，全部都出乎意料地高質！.呢到都仲有好多壽司，花之戀，炸蝦卷，蟹肉蟹膏軍艦等.肉類高質，有牛羊豬等，我地呢個set係最貴嗰個所以食物選擇比較多，牛小排，手切牛都好腍身，入口半化.打邊爐嘅配料同菜除左可以喺出面自助，仲有得落單叫一啲午餐肉蟹柳丸類等.特別一提，呢到嘅甜品係非色常之出色，抹茶雲尼拿各類嘅芭菲，佢嘅榴連類都勁出色，味道好濃郁勁香，呢度竟然主要有榴槤pancake，勁好食！.📌 牛之鍋 (銅鑼灣)銅鑼灣堅拿道西10號冠景樓2樓A號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

這間位於銅鑼灣的火鍋店，主打一人一鍋任飲任食火鍋放題，價錢超親民，任食配料選擇超多，性價比高，帶埋一家幾口一齊吃也不肉赤。晚市兩小時全飲任食任食火鍋套餐低至$188位起，我選了$248 套餐，超過200款日本料理、火鍋配料及即製甜品。湯底共有９款選擇，我選了蟲草花松茸湯，朋友則選了壽喜燒湯底，蟲草花松茸湯幾清甜，壽喜燒湯底甜甜地配牛肉一流。極上牛肉，牛味濃，牛魔王首選推介；封門柳脂肪低，富嚼勁；牛舌切得如紙薄，快滾五秒即食。任食刺身有三文魚、希靈魚、赤貝、北寄貝、甜蝦、赤貝、八爪魚、生蝦、帶子等，一品料理有沙律、燒物、天婦羅、揚物等，還有多款火鍋配料，自助蔬菜區及自助汽水啤酒區，2小時任飲任食一定吃到飽。 一人一鍋，可以揀自己喜歡的湯底，乾淨又衞生。QR code手機落order好方便，還可以逐件逐件單點，每款都淺嘗一下，不怕浪費食物，抵讚。最欣賞餐廳甜品款式超多，有綿綿冰、抹茶芭菲、抹茶雪糕、榴槤芭菲、榴槤班戟、榴槤甘露、芒果糯米飯、仙草芋圓、焦糖燉蛋、咖啡奶凍等等，樣樣都細細杯，一次過可以試多幾款。抹茶雪糕好好味，抹茶控記得留肚吃。

今次同朋友去銅鑼灣食$308任食刺身，壽司，火鍋~1.環境舒服，有卡枱，枱可以選擇共爐或獨立爐，十分細心！2.服務侍應們十分有禮貌，服務速度快！3. 食物壽司，刺身：種類都算多，而且新鮮。火鍋：湯底都有9 款，非常豐富。我揀左壽喜燒湯，唔會太咸，味道剛好~牛肉：肥瘦均勻，口感不錯， 而且每款牛肉都有紙條標明是什麼肉，十分細心！飲品：種類繁多，每人都包有一支酒，非常開心！甜品：記得要留肚食甜品，甜品都好多選擇，我最愛奶凍！其他火鍋食材都包羅萬有，熟食亦有多款選揀，味道ok! 總結：$308任食，選擇都非常多，食材都吸引，性價比高，值得推薦！

真心：改名做大腸桿菌樂園算啦,食兩舊即刻感覺唔對路, 煮幾耐都係搞到我食物中毒,食左幾舊就出左去出面樓梯休息(因為比左個又窄通風又差既位我地，透氣都難）我有唔妥之後冇再食,都係逃唔過又痾又嘔既命運。另外,野食無論外貌定係質素都係低到冇得再低,叫牛肉片係比牛肉碎,比D沙硯同死硯我地食。服務差，環境差，仲好意思收一個人兩舊幾水。奉勸大家去食D正路D既放題算，再唔係有可能似我依家一樣肚痛到訓唔著。二百幾食垃圾真係呃錢, 奉勸大家去食正常 D既放題算, 無謂有買難受既風險。

今日去完 銅鑼灣SOGO 用埋d coupon 就黎到期， 剩係諗點使左佢 都諗到頭都爆， 我個fd仲要我諗今晚食咩好， 個腦只係諗住 食d咩係可以唔使煩。 唯一出現係我腦海既 就係打邊爐放題。上網睇左睇 發現原來除左荃灣之外， 牛之鍋係銅鑼灣都有分店， 咁點可以阻止到我里個咁懶得諗食咩既人， 加上疲累嘅身軀。 諗都無諗就去walkin簡潔嘅裝修 實用大於花巧， 位置寬敞 唔使驚同隔籬枱會好迫好接近。 整體上來講都係舒適，傾偈都唔會驚隔籬枱聽到。 時間關係，我已經即刻落咗湯底， 晚市一共九款湯底 一人一鍋， 我就梗係要兩隻味都想試。 我自己就叫咗胡椒豬肚湯， 我朋友就叫咗重慶麻辣湯。 十分足料， 以為返左屋企飲呀媽d湯咁勁多款牛肉任你揀 我就咩都叫咗一d黎試， 當然唔少得嘅就係刺身啦。 非常之新鮮 帶子三文魚，甜蝦， 應有嘅水準都有當然點少得軍艦同埋壽司 仲有一大堆串燒同埋炸物 自製嘅烏龍茶 最意外嘅就係佢竟然有佢哋自製嘅甜品俾你揀， 咖啡味珍珠布甸， 綠茶紅豆麻糬雪糕。鮮奶布甸好精緻既焦糖布甸仲有我10分推介嘅軟芝士蛋糕 必食雖然我哋今次唔係最貴嘅餐， 但都足夠令我試晒咁多嘢之餘仲食

唔知你有冇一啲朋友，想一齊dinner嘅時候，又唔知食乜，就會揀去打邊爐 （因為乜都有唔使諗😂），我諗牛之鍋應該係一個幾好嘅選擇。其實佢個地理位置係近銅鑼灣站Times Square，係Tiffany嗰邊個出口出，一過鵝頸橋就係。喺地下嗰度左邊係樓梯右邊玻璃門一推入去，其實係lift嚟嘅(我以為係住宅入口，所以行樓梯），大家可以留意返。晚市兩小時任飲任食放題，有ABC三個選擇。因為係星期一夜晚，有啲Monday Blues又唔算太肚餓，所以揀咗保守的B餐，但其實都係極多嘢食好豐富。湯底有10款，我地揀咗麻而不辣嘅香檸滕椒金湯，同中女最愛蟲草花松茸湯（可揀一人一鍋或兩人一大鍋）任食嘅肉類用手機，丸丸同埋菜個啲，可以喺出邊凍櫃任揀，啲嘢多到我都唔知點講，大家可睇圖🤣 任食嘅牛肉肉，我強烈推介牛肩胛肉眼同埋封門柳，質素高，有牛味，肉質唔會韌。 凍櫃有好多唔同種類嘅菜，值得一讚嘅係佢有豆苗同蟲草花！！！好少打邊爐嘅地方，會有豆苗俾人揀，夾咗勁多嚟食，好滿足。 除咗火鍋配料，佢都有魚生串燒，仲有佢嘅甜品，一定要嗌佢個鮮奶燉蛋白！唔好睇佢好似唔打卡able，但其實超好味！

哩一間銅鑼灣嘅火鍋🥰放題幾高質，除咗可以任食牛肉，同埋各種打邊爐嘅配料之外，仲有好多日式料理😙和甜品！今晚同朋友嚟食🥩buffet，佢都都大贊哩一間的甜品好多款式~放題採用每人一個🔥細鍋嘅方式，可以同朋友各自打邊爐，我都幾鍾意呢種方法。🥘可以食得更加方便，又衛生。🐮肉類方面，我哋試咗美國肥牛肉、封門柳、牛肩胛肉眼等。而壽司，原來仲有🍣花之戀，創意卷物，軍艦等等。佢哋嘅炸物，🍢揚物都好出色，記住試埋呀！

深夜來個美食炸彈🤭上星期終於可以同老公打邊爐發現鍋鑼灣都係抵食火鍋+放題講緊係多達百幾款任食😧都只需$268所以誇張到我要拍片分享😂先從湯底講起 一人一鍋 有10款可選多人嘅話 可以個個唔同 我就要蟲草花松茸湯香味幾濃 味道都鮮味 自己可以再放啲菌類火鍋配料都好多種類 我自己推薦👇🏻美國牛肩胛肉眼 八爪墨魚滑至於放題方面 刺身壽司炸物 樣樣齊我最滿意係酥炸廣島蠔👍🏻皮薄 夠酥脆🙌🏼最後甜品有我最中意嘅榴連😹 芭菲好味😋每樣都細細份 但最重要係試到好多款滿足哂想咩都食啲嘅我🫶🏻