牛の鍋日本料理

營業中

休息中

一年四季都咁鍾意打邊爐嘅我，今次同個牛肉控朋友去左一間抵食日式刺身🍣，火鍋🍲，甜品🍧等120分鐘任飲任食放題，仲要有200款嘅日式料理同火鍋配料選擇👅Order 了套餐B餐，成人HK$248 一位。但食物包括刺身，壽司🍣，炸物🍤，海鮮🐟，串燒🍡，沙律🥗，火鍋配料🥘，自家製甜品🍨，飲品🍺等等。而火鍋湯底更有九款選擇，可同行朋友選擇雙拼鍋或自己一人一鍋亦可🤩首先講下澳洲牛肩胛🐂，精選豚肉🐖，五香雞件🐓。澳洲牛肩胛肥瘦適中，肉味香濃。而豚肉入口非常鬆化。食左幾輪牛肉豚肉，都依然保持高質素👍點了幾款精選刺身，三文魚，甜蝦，泰式生蝦，赤貝，帶子，每款都幾新鮮，味道鮮甜。其他火鍋材料如丸類，海鮮，餃子等等就QR code 自己下單📱大家食幾多叫幾多，以免浪費啦🤡蔬菜類🥬就有一大個雪櫃自己選擇多，擺放整齊又乾淨👍飲品是自取，各款茶類🫖，汽水🥤，啤酒🍺都有提供。最後就係甜品，甜品選擇都多，除左有原味或宇治抹茶🍵味道等多款甜品，仲有榴連芭菲，榴連pancake等，建議大家留肚食甜品呀！ 🍨

荃灣對於住其他外區嘅人黎講大家都好少會離開各大商場搵食今次來到悅來坊 即是熊貓酒店的商場雖然唔近地鐵站 千色行5分鐘都到今次住荃灣嘅朋友介紹我有間火鍋放題店記得以前細個仲有八佰伴嘅時候黎過一於去食 順便跟朋友聚下舊餐廳位於二樓 舖位面積夠大枱與枱之間有相當距離適合家庭或朋友相聚我哋選擇了$248套餐除咗火鍋之外仲有刺身 壽司 日本料理同各式甜品可供選擇 應有盡有用QR code落單 想食幾多叫幾多另外菜類菇類就可以在出面自助吧枱自取餐廳亦可以供食客選擇一人一鍋或者一枱一鍋我哋選擇了一人一鍋湯底有好多選擇包括壽喜燒、豬骨湯、重慶麻辣湯仲有花膠荳香魚湯等等我地選擇了：//胡椒豬肚湯底//胡椒剛剛好不多也不少，豬肚酸菜等配料都很多，剛好天氣涼涼地，食胡椒豬肚湯暖身就最啱。//壽喜燒湯底//甜! 牛肉及響鈴索盡精華入口香甜 又唔會太淡肉類可以選擇：包括3款：極上封門柳牛肉美國肥牛和澳洲牛肩胛肉眼牛肉封門柳牛味濃 美國牛肉肉質嫰滑牛肩胛肉眼好似食緊薄切牛扒咁三款牛都是牛魔王必點任食可以有這樣高質的牛肉食十分不錯👍另外可以點其他火鍋配料：魚皮餃 芝士波波腸 稻庭烏冬炸魚皮 腐皮響鈴 家鄉蛋角午餐肉

早兩日經過熊貓酒店商場，周圍睇吓有咩食，本身諗住去茶樓飲茶，點知就比呢間嘢吸引咗入去。我居然比門口嘅價錢吸引唔到，佢五十幾$六十蚊可以食一個個人火鍋講緊係午市，佢有牛肉雞肉等等嘅火鍋主食，仲有蟹柳配菜，講緊係一個人一個火鍋，我同女朋友就一人一個鍋，居然仲包埋嘢飲同埋甜品，甜品仲要唔係一般嘅甜品，有楊枝甘露及其他手作嘅甜品，見到佢哋全部甜品都係人手做嘅唔係出邊買返嚟嘅。最後埋單都係$120到大約，真係蔗渣價錢燒鵝享受，下次如果再過嚟熊貓商場，一定會再食返呢間嘢。

荃灣悅來坊日式火鍋放題My families and I went to a Japanese restaurant called “Ushi Shabu” （牛の鍋日本料理） located in Shop 202, 2/F, Panda Place, 3 Tsuen Wah Street, Tsuen Wan(荃灣荃華街3號悅來坊2樓202號舖)There are 3 Japanese hotpot buffet dinner sets with price arrange from HKD$168 to HKD$288 per adult.We chose the B dinner set which costs HKD$228 per adult.Customers who chose B dinner setcan enjoy Australian beef chuck rib eye（澳洲牛肩胛肉眼）,US hanger steak(美國封門柳牛肉）,beef marbled beef(美國肥牛肉），Australian lamp shoulder(澳洲羊肩肉），selec

秋意起是時候發掘打邊爐之地，朋友介意熊貓酒店商場內一間2小時任飲任食火鍋店，一於相約男朋友一同試試。餐廳面積頗大且寬敞，座位闊落枱面空間十足，打邊爐時特別暢快得心應手，而且設備枱櫈都乾爽潔淨，沒有黏立情況。晚市放題共3款套餐，價錢隨涵蓋之食材種類及級數而增加，最多款式可多達100種，鍋亦可以選擇一人一鍋或分享鍋，最後我倆揀選一人一鍋及中等價錢B套餐，嚐嚐壽喜燒和蟲草花松茸湯。食物主要手機點餐，一些蔬瓜菇類可外出自取，雪櫃溫度足夠且分類清晰乾淨，另有調味料區，雖然沒什麼特別味料，但基本款有齊，還細心地提供刺身豉油及芥末。飲品亦有大約10款罐裝、果汁、熱茶及自家製凍茶添，非常適合怕甜的我。小鍋仍非常足料的中式湯底，蟲草花、松茸、紅棗都已經佔據了半鍋，湯底清新有味，濃度剛好特出之餘不會遮蓋食材味道。壽喜燒湯底沒帶湯料，內裡只是自落的蕃茄，味道有如置身於日式餐廳品嚐壽喜燒般帶輕甜的湯底。食材款式甚多未能一一品嚐，每類食材均點選數款試試：肉類方面品嚐了牛肩胛肉眼、美國封打柳牛肉、澳洲羊肩肉及牛舌。肉類均解凍足夠而不帶血水，顏色紅潤，薄薄肉片只需涮數秒熟度剛好，熟後尚算嫩淋，中式湯底加上淡淡肉鮮味

見openrice有餐飲劵優惠，第一時間買黎試試，滿4位仲有升級刺身送，超正。 呢間火鍋店長期都大排長龍，今日食過先知原來真係好掂，特別一提：記住留肚食甜品，每款都好出色即叫即整，尤其是綠茶芭菲，我encore左2次。

朋友介紹呢間位於悅來坊的火鍋店，無論日本料理、火鍋配料、即製甜品、飲品的選擇都好多。刺身壽司都好新鮮，火鍋推介極上牛肉，炸物必食香芋丸、榴槤炸彈，甜品方面不能錯過宇治抹茶芭菲。唯一要彈既地方係座位實在太迫。

好耐好耐無大食特食，今次就同朋友一齊放肆一下！黎到牛之鍋，選了B餐（$248/位）2小時任飲任食，滿足打邊爐之餘又可以食日本放題食物！一入到餐廳，侍應好殷勤咁樣招待我哋，值得一讚！目測餐廳卡位居多，座位係軟墊質地，坐得幾舒服！餐廳除左提供一個大鍋俾客人選擇之外，客人亦可以選擇自己一個小鍋，夠晒衛生！火鍋湯底有10款選擇，我同朋友揀咗壽喜燒湯底，湯底濃郁香甜！打邊爐配料好重要，先用QR code 落單，叫左澳洲牛肩胛肉眼牛肉，每碟牛肉都有一張紙條提示涮燙5-8秒。牛肉有口感，肉味濃。另外美國肥牛肉嘅牛脂分布平均，亦係涮燙5-8秒，入口細軟，嫩滑。食日本放題，唔少得叫壽司，火炙三文魚壽司肥美，入口即溶，火炙芝士海蝦亦都好好味！我哋仲叫咗蝦、沙白、鮑片、生菜等等，全部都好新鮮！炸物方面，紫心香芋丸同芝麻雞翼我哋encore咗兩次。紫心香芋丸外脆內軟，紫薯蓉好清甜；芝麻雞翼香脆，咬一啖雞汁爆哂出嚟！除咗平時飲開嘅飲品牌子之外，餐廳亦提供好多韓國牌子嘅飲品，例如：忌廉溝鮮奶、梳打水同埋蘆薈飲品！據聞呢度甜品唔錯，女人食甜品係用第二個胃，所以我食完正餐就即刻試咗法式焦糖燉蛋、牛奶燉蛋白、宇治抹茶芭

任食放題有A B C餐可以揀 揀左B餐因為最抵食✨　 除左有得打邊爐仲有可以任食刺身、海鮮配料、壽司、炸物串燒同甜品(⁎⁍̴̛ᴗ⁍̴̛⁎)　呢度用QR code落單減少左人手漏單既情況🫶🏻食物都上得好快　｜肉類：美國肥牛、美國封門柳牛肉、美國牛肩胛肉眼、雞肉、豚肉同羊肩肉｜海鮮：海蝦、廣島蠔、魷魚、蜆｜自助吧區：蔬菜、汽水啤酒、自家制冷泡茶🥢湯底揀左「花膠荳香魚湯」　肉類都好有光澤都唔會過多脂肪 牛味濃郁🥩推廌牛肩胛肉眼；海鮮好新鮮🦪蠔鮮美 蜆無沙🍤 蝦肉都好彈牙　刺身同其他日式放題既質素一樣😻食左好多三文魚同甜蝦💚；炸物都係即叫即炸，推廌芝麻雞翼同榴連炸彈😽　最後一定要留肚食甜品‼️呢度既甜品都係即叫即整，而且款式都非常多🍨 明明好飽都食左2個宇治抹茶芭菲 ʕ •ᴥ•ʔ＝＝＝＝＝＝＝＝＝＝＝＝＝＝＝＝＝＝牛の鍋日本料理 (荃灣)荃灣荃華街3號悅來坊2樓202號舖＝＝＝＝＝＝＝＝＝＝＝＝＝＝＝＝＝＝

餐廳分店3種價位既餐，最平A餐已經有火鍋甜品，升一級就有埋日式刺身壽司串燒咁📒最貴既C餐其實都係300蚊左右，就會有埋澳洲和牛、雪花牛小排、珍寶赤蝦、珍寶帶子同埋朱古力火鍋任食，性價比No1入座後用QR code點好配料之後就出去自助吧行一圈📱有好大個櫃放住蔬菜、瓜果、豆製品同埋菇菌，唔使驚啖啖肉消化唔到，醬料吧包哂辣甜酸鹹多重滋味飲品方面有唔少罐裝同紙包飲品，日韓既入口貨都有，愛健康既仲可以飲自家冷泡茶或者清熱羅漢果茶🍻啤酒可以揀喜力或者加士伯，晚市每兩個人仲送枝韓國燒酒，小心醉到第二日返唔到工其他肉類就首推草飼牛脷👅簡單一焯就食得，食落彈口有咬口幾正，豚肉切得偏薄，五香雞件幾滑不過醃得幾重手🐓壽司都叫咗d黎打下底，老人家點都要補d飯氣先覺得一餐完整，加洲卷同芒果吉列蝦卷都幾好食🍘值得encore既味道，蟹肉蟹膏軍艦唔馬虎，蟹味夠濃郁，火炙類就可能烘烤味淡d但材料ok仲記得甜品都係佢地既招牌product😍有成超過廿款選擇，仲要有好多款都係即製既誠意之作，唔係就咁拎d攞貨甜品出黎，講幾款都已經夠fight低同區火鍋放題店，例如係榴槤芭菲😋入面都有幾款配料如紅豆、爆珠、椰果、朱古力脆餅

餐廳走和風路線，門口已經好多木系元素🛖仲掛咗好多塊木牌寫哂佢地有咩食，真係差d都睇唔到個尾咁多呀，已經流緊口水，店員好快就帶我地入咗卡位，最欣賞呢度可以比客人揀一人一小鍋獨立d或者一個大鍋成班人烚下烚下歡樂d都可以🥘湯底一共有十款🍲包括壽喜燒、三鮮豬骨湯、重慶麻辣湯同埋花彩荳香魚湯等等，無論想食辣定係清d或者補身d都有得揀，我地揀咗大鍋椰香沙爹湯底，一放埋黎沙爹香已經湧緊出黎😊火鍋肉類當然主打C餐最Top既澳洲M5和牛🥓油花分佈均勻，食落油香肉味相輔相成，仲有澳洲手切牛就會厚身d，食落有嚼勁肉味濃炸物方面首推芝麻雞翼🐔火喉控制相當好，外面夠哂脆香，入面嫩滑juicy雞肉，仲有試咗大蝦天婦羅🍤少見既雞皮餃子、甜點類既香芋圓，係墨魚餅就表現欠佳d串燒方面似乎唔係主力🙈可以過下口癮咁食下菠蘿同埋海蝦已經唔錯，好容易揀到自己心頭好朱古力火鍋係C餐獨享🫕平時出面食都唔平，呢度有埋棉花糖、泡芙、香蕉同哈密瓜🍈甜度適中，食落外熱內冷好惹味，屋企人都叫多份配料一齊share，其次仲有軟雪糕配熱辣辣既waffle就最過癮🧇可以有種冰火二重天既感受，特別係餅仲有脆脆既口感

🚩 牛の鍋日本料理呢間真係寶藏火鍋店😍雖然佢冇牛大人嗰啲咁出名，但質素真係好好，而且好抵食，一啲都冇將貨就價‼️〰️〰️〰️〰️〰️〰️〰️〰️〰️〰️〰️〰️〰️〰️〰️🌈晚市兩小時放題 — B餐 $248✨今次揀就係屬於中價位嘅放題，不過真係一啲都唔貴！7:30前走或者9:00之後入座仲可以-$20～✨其中一個特色就係佢可以一人一鍋，咁就可以食多幾種味啦🧡我揀嘅就係麻辣，男朋友嘅就係蕃茄～佢嘅麻辣都真係辣得幾正宗，而蕃茄湯真係好多蕃茄蓉係入面✨肉類方面都有幾多選擇，一份有四片，而且厚度適中，唔會淥到好柴！特別推薦嘅係牛肩胛肉同埋牛舌✨其他火鍋配料佢哋嘅種類都十分之多，特別係佢哋嘅手工餃粒粒都勁足料！牛丸同埋豬肉丸都係高質素嘅嗰一種！✨除咗火鍋之外，佢竟然仲有刺身壽司同埋熟食🥹真係好黐線😵‍💫三文魚係用魚腩位，魚油味十足，另外都特別推薦帶子，好鮮甜～壽司方面，雖然佢嘅紫菜唔係好新鮮嗰啲，但款式同用料搭救，竟然有三文魚籽嗰啲食！熟悉都好推薦雞翼同埋雞皮餃子，即叫即炸，充滿肉汁✨另外不得不讚嘅就係佢嘅甜品‼️佢應該係被火鍋店耽誤嘅甜品舖😆我同男朋友total簡左8款出黎試，冇一款中伏，而且真係可以媲美甜品店嘅質素！

天氣開始轉涼， 謙謙話補習後想食打邊爐，但我又想食壽司，諗一諗之前有人提過熊貓酒店樓下有間幾抵食又可滿足到我地兩樣都有齊的 牛之鍋。我地今次選擇一人一鍋，謙謙要左沙嗲湯， 我就要芫荽皮蛋下火， 因為我見到外邊有大量芫荽可以拎😂， 呢到用 QR Code 落單好方面，話咁快就落好哂d 野食。打邊爐料我地每樣叫dd。， 最最最正係牛肩胛肉眼❤️， 肉質嫩度僅次於牛柳但肉味及油花都比牛柳更豐富，所以我地不斷叫。刺身我地就叫左三文魚，帶子，甜蝦，北寄貝，希靈魚等等， 壽司連花之戀都有，質素又ok 喎，仲有小食芝麻雞翼，台灣腸。當我食到好飽時🫣謙謙見到對面食甜品，嘩！！！我唔記得原來呢到仲有好多款甜品的，謙謙選左焦糖燉蛋 ，燉蛋白， 榴槤pancakes, 雪糕窩夫， 每樣一口我已經好滿足， 謙話呢到幾款甜品真係好正。

我同朋友都係10月生日，可以一齊諗下食咩做生日飯，揀左呢間位於荃灣既牛之鍋日式放題，餐廳最近更新左餐牌加入多款美食，超過200款日本料理、火鍋配料同甜品，2小時任飲任食好滿足，我同朋友揀左個中價位既B餐，有齊美國肥牛片、澳洲牛肩胛肉眼、美國封門柳牛肉、澳洲羊肩肉、特選豚肉、五香雞件可供選擇，仲要一人一鍋夠哂方便，可以揀兩款唔同既湯底打邊爐超正，我唔食辣就揀左椰香沙嗲，朋友食得辣就叫左重慶麻辣湯底🌶🌶🌶晚市2小時任飲任食放題 - B餐 ($248/person)🌟火鍋配料主打火鍋放題當然有好多火鍋配料啦，平時食龍蝦丸、蟹籽丸同海膽丸，粟米湯丸都係第一次見，食嗰陣小心爆汁，有淡淡既粟米湯味，另外必點蛋餃、餃子同麻辣鴨血，鴨血都係仼食，口感滑溜，朋友話配麻辣湯底好夾👍🏻👍🏻👍🏻🌟刺身先來一round刺身先，揀左三文魚、甜蝦、帆立貝、北寄貝，三文魚厚切，紋路好靚夠肥美，甜蝦新鮮唔會霉，貝類刺身好彈牙👍🏻👍🏻🌟壽司三文魚腩壽司好肥美，炙燒三文魚都好高質，仲有炙燒芝士大蝦都好好食，壽司飯份量好足一定飽肚💯🌟炸物全部炸物都係即叫即炸，推介墨魚餅，炸粉唔算好厚，墨魚餅仲有粒粒墨魚既口感，仲有天婦羅炸蝦

老實講，自從熊貓酒店變成左檢疫酒店之後都已經好耐冇去過荃灣近大窩口呢一邊今日咁啱行過呢邊見差唔多晚飯嘅時候，所以就去到悅來坊呢度睇吓仲有冇嘢食見到2樓呢度就有任食嘅打邊爐現金肚餓就即刻入去醫肚呢度係主打一人一鍋，所以一坐低之後就即刻選擇自己喜歡嘅湯底因為想選擇一啲比較清新嘅味道，所以就選擇左幾重絨湯底諗住佢唔會有其他湯底咁油淋淋同埋咁Heavy入面嘅材料都非常之咁多，唔單止有好多姬松茸仲有紅棗同埋其他菇，所以聞起上嚟都充滿咗菇嘅香味 之後就用電話可以點嘢食呢度分咗ABC餐，今晚就選擇左B餐B餐入面就可以選擇刺身同埋比較好少少嘅肉類個人較喜歡嘅就係牛脷同埋牛板腱估唔到呢度嘅牛脷質素都非常之咁好，雖然係用上了博切嘅方法，但係就依然食得出去爽口彈牙嘅感覺，而且肉質仲係非常之咁好另外再試左呢度嘅蠔嘅味道非常之咁濃郁，雖然淥熟咗之後有少許縮水，但係蠔嘅味道就唔走失另外呢度嘅熟食都非常之唔錯，叫咗榴槤炸彈炸墨魚餅估唔到呢度嘅咋嘛，係即叫即做，所以上到枱嘅時候仲係熱辣辣非常之咁好食，尤其是榴槤炸彈落去簡直係後巷度引化咗個榴槤咁最後甜品方面簡直係唔可以錯過我奉勸各位簡直要留肚食返佢哋嘅甜品叫咗一個榴槤