牛の鍋日本料理

營業中

休息中

好耐好耐無大食特食，今次就同朋友一齊放肆一下！黎到牛之鍋，選了B餐（$248/位）2小時任飲任食，滿足打邊爐之餘又可以食日本放題食物！一入到餐廳，侍應好殷勤咁樣招待我哋，值得一讚！目測餐廳卡位居多，座位係軟墊質地，坐得幾舒服！餐廳除左提供一個大鍋俾客人選擇之外，客人亦可以選擇自己一個小鍋，夠晒衛生！火鍋湯底有10款選擇，我同朋友揀咗壽喜燒湯底，湯底濃郁香甜！打邊爐配料好重要，先用QR code 落單，叫左澳洲牛肩胛肉眼牛肉，每碟牛肉都有一張紙條提示涮燙5-8秒。牛肉有口感，肉味濃。另外美國肥牛肉嘅牛脂分布平均，亦係涮燙5-8秒，入口細軟，嫩滑。食日本放題，唔少得叫壽司，火炙三文魚壽司肥美，入口即溶，火炙芝士海蝦亦都好好味！我哋仲叫咗蝦、沙白、鮑片、生菜等等，全部都好新鮮！炸物方面，紫心香芋丸同芝麻雞翼我哋encore咗兩次。紫心香芋丸外脆內軟，紫薯蓉好清甜；芝麻雞翼香脆，咬一啖雞汁爆哂出嚟！除咗平時飲開嘅飲品牌子之外，餐廳亦提供好多韓國牌子嘅飲品，例如：忌廉溝鮮奶、梳打水同埋蘆薈飲品！據聞呢度甜品唔錯，女人食甜品係用第二個胃，所以我食完正餐就即刻試咗法式焦糖燉蛋、牛奶燉蛋白、宇治抹茶芭

任食放題有A B C餐可以揀 揀左B餐因為最抵食✨　 除左有得打邊爐仲有可以任食刺身、海鮮配料、壽司、炸物串燒同甜品(⁎⁍̴̛ᴗ⁍̴̛⁎)　呢度用QR code落單減少左人手漏單既情況🫶🏻食物都上得好快　｜肉類：美國肥牛、美國封門柳牛肉、美國牛肩胛肉眼、雞肉、豚肉同羊肩肉｜海鮮：海蝦、廣島蠔、魷魚、蜆｜自助吧區：蔬菜、汽水啤酒、自家制冷泡茶🥢湯底揀左「花膠荳香魚湯」　肉類都好有光澤都唔會過多脂肪 牛味濃郁🥩推廌牛肩胛肉眼；海鮮好新鮮🦪蠔鮮美 蜆無沙🍤 蝦肉都好彈牙　刺身同其他日式放題既質素一樣😻食左好多三文魚同甜蝦💚；炸物都係即叫即炸，推廌芝麻雞翼同榴連炸彈😽　最後一定要留肚食甜品‼️呢度既甜品都係即叫即整，而且款式都非常多🍨 明明好飽都食左2個宇治抹茶芭菲 ʕ •ᴥ•ʔ＝＝＝＝＝＝＝＝＝＝＝＝＝＝＝＝＝＝牛の鍋日本料理 (荃灣)荃灣荃華街3號悅來坊2樓202號舖＝＝＝＝＝＝＝＝＝＝＝＝＝＝＝＝＝＝

餐廳分店3種價位既餐，最平A餐已經有火鍋甜品，升一級就有埋日式刺身壽司串燒咁📒最貴既C餐其實都係300蚊左右，就會有埋澳洲和牛、雪花牛小排、珍寶赤蝦、珍寶帶子同埋朱古力火鍋任食，性價比No1入座後用QR code點好配料之後就出去自助吧行一圈📱有好大個櫃放住蔬菜、瓜果、豆製品同埋菇菌，唔使驚啖啖肉消化唔到，醬料吧包哂辣甜酸鹹多重滋味飲品方面有唔少罐裝同紙包飲品，日韓既入口貨都有，愛健康既仲可以飲自家冷泡茶或者清熱羅漢果茶🍻啤酒可以揀喜力或者加士伯，晚市每兩個人仲送枝韓國燒酒，小心醉到第二日返唔到工其他肉類就首推草飼牛脷👅簡單一焯就食得，食落彈口有咬口幾正，豚肉切得偏薄，五香雞件幾滑不過醃得幾重手🐓壽司都叫咗d黎打下底，老人家點都要補d飯氣先覺得一餐完整，加洲卷同芒果吉列蝦卷都幾好食🍘值得encore既味道，蟹肉蟹膏軍艦唔馬虎，蟹味夠濃郁，火炙類就可能烘烤味淡d但材料ok仲記得甜品都係佢地既招牌product😍有成超過廿款選擇，仲要有好多款都係即製既誠意之作，唔係就咁拎d攞貨甜品出黎，講幾款都已經夠fight低同區火鍋放題店，例如係榴槤芭菲😋入面都有幾款配料如紅豆、爆珠、椰果、朱古力脆餅

餐廳走和風路線，門口已經好多木系元素🛖仲掛咗好多塊木牌寫哂佢地有咩食，真係差d都睇唔到個尾咁多呀，已經流緊口水，店員好快就帶我地入咗卡位，最欣賞呢度可以比客人揀一人一小鍋獨立d或者一個大鍋成班人烚下烚下歡樂d都可以🥘湯底一共有十款🍲包括壽喜燒、三鮮豬骨湯、重慶麻辣湯同埋花彩荳香魚湯等等，無論想食辣定係清d或者補身d都有得揀，我地揀咗大鍋椰香沙爹湯底，一放埋黎沙爹香已經湧緊出黎😊火鍋肉類當然主打C餐最Top既澳洲M5和牛🥓油花分佈均勻，食落油香肉味相輔相成，仲有澳洲手切牛就會厚身d，食落有嚼勁肉味濃炸物方面首推芝麻雞翼🐔火喉控制相當好，外面夠哂脆香，入面嫩滑juicy雞肉，仲有試咗大蝦天婦羅🍤少見既雞皮餃子、甜點類既香芋圓，係墨魚餅就表現欠佳d串燒方面似乎唔係主力🙈可以過下口癮咁食下菠蘿同埋海蝦已經唔錯，好容易揀到自己心頭好朱古力火鍋係C餐獨享🫕平時出面食都唔平，呢度有埋棉花糖、泡芙、香蕉同哈密瓜🍈甜度適中，食落外熱內冷好惹味，屋企人都叫多份配料一齊share，其次仲有軟雪糕配熱辣辣既waffle就最過癮🧇可以有種冰火二重天既感受，特別係餅仲有脆脆既口感

🚩 牛の鍋日本料理呢間真係寶藏火鍋店😍雖然佢冇牛大人嗰啲咁出名，但質素真係好好，而且好抵食，一啲都冇將貨就價‼️〰️〰️〰️〰️〰️〰️〰️〰️〰️〰️〰️〰️〰️〰️〰️🌈晚市兩小時放題 — B餐 $248✨今次揀就係屬於中價位嘅放題，不過真係一啲都唔貴！7:30前走或者9:00之後入座仲可以-$20～✨其中一個特色就係佢可以一人一鍋，咁就可以食多幾種味啦🧡我揀嘅就係麻辣，男朋友嘅就係蕃茄～佢嘅麻辣都真係辣得幾正宗，而蕃茄湯真係好多蕃茄蓉係入面✨肉類方面都有幾多選擇，一份有四片，而且厚度適中，唔會淥到好柴！特別推薦嘅係牛肩胛肉同埋牛舌✨其他火鍋配料佢哋嘅種類都十分之多，特別係佢哋嘅手工餃粒粒都勁足料！牛丸同埋豬肉丸都係高質素嘅嗰一種！✨除咗火鍋之外，佢竟然仲有刺身壽司同埋熟食🥹真係好黐線😵‍💫三文魚係用魚腩位，魚油味十足，另外都特別推薦帶子，好鮮甜～壽司方面，雖然佢嘅紫菜唔係好新鮮嗰啲，但款式同用料搭救，竟然有三文魚籽嗰啲食！熟悉都好推薦雞翼同埋雞皮餃子，即叫即炸，充滿肉汁✨另外不得不讚嘅就係佢嘅甜品‼️佢應該係被火鍋店耽誤嘅甜品舖😆我同男朋友total簡左8款出黎試，冇一款中伏，而且真係可以媲美甜品店嘅質素！

天氣開始轉涼， 謙謙話補習後想食打邊爐，但我又想食壽司，諗一諗之前有人提過熊貓酒店樓下有間幾抵食又可滿足到我地兩樣都有齊的 牛之鍋。我地今次選擇一人一鍋，謙謙要左沙嗲湯， 我就要芫荽皮蛋下火， 因為我見到外邊有大量芫荽可以拎😂， 呢到用 QR Code 落單好方面，話咁快就落好哂d 野食。打邊爐料我地每樣叫dd。， 最最最正係牛肩胛肉眼❤️， 肉質嫩度僅次於牛柳但肉味及油花都比牛柳更豐富，所以我地不斷叫。刺身我地就叫左三文魚，帶子，甜蝦，北寄貝，希靈魚等等， 壽司連花之戀都有，質素又ok 喎，仲有小食芝麻雞翼，台灣腸。當我食到好飽時🫣謙謙見到對面食甜品，嘩！！！我唔記得原來呢到仲有好多款甜品的，謙謙選左焦糖燉蛋 ，燉蛋白， 榴槤pancakes, 雪糕窩夫， 每樣一口我已經好滿足， 謙話呢到幾款甜品真係好正。

我同朋友都係10月生日，可以一齊諗下食咩做生日飯，揀左呢間位於荃灣既牛之鍋日式放題，餐廳最近更新左餐牌加入多款美食，超過200款日本料理、火鍋配料同甜品，2小時任飲任食好滿足，我同朋友揀左個中價位既B餐，有齊美國肥牛片、澳洲牛肩胛肉眼、美國封門柳牛肉、澳洲羊肩肉、特選豚肉、五香雞件可供選擇，仲要一人一鍋夠哂方便，可以揀兩款唔同既湯底打邊爐超正，我唔食辣就揀左椰香沙嗲，朋友食得辣就叫左重慶麻辣湯底🌶🌶🌶晚市2小時任飲任食放題 - B餐 ($248/person)🌟火鍋配料主打火鍋放題當然有好多火鍋配料啦，平時食龍蝦丸、蟹籽丸同海膽丸，粟米湯丸都係第一次見，食嗰陣小心爆汁，有淡淡既粟米湯味，另外必點蛋餃、餃子同麻辣鴨血，鴨血都係仼食，口感滑溜，朋友話配麻辣湯底好夾👍🏻👍🏻👍🏻🌟刺身先來一round刺身先，揀左三文魚、甜蝦、帆立貝、北寄貝，三文魚厚切，紋路好靚夠肥美，甜蝦新鮮唔會霉，貝類刺身好彈牙👍🏻👍🏻🌟壽司三文魚腩壽司好肥美，炙燒三文魚都好高質，仲有炙燒芝士大蝦都好好食，壽司飯份量好足一定飽肚💯🌟炸物全部炸物都係即叫即炸，推介墨魚餅，炸粉唔算好厚，墨魚餅仲有粒粒墨魚既口感，仲有天婦羅炸蝦

老實講，自從熊貓酒店變成左檢疫酒店之後都已經好耐冇去過荃灣近大窩口呢一邊今日咁啱行過呢邊見差唔多晚飯嘅時候，所以就去到悅來坊呢度睇吓仲有冇嘢食見到2樓呢度就有任食嘅打邊爐現金肚餓就即刻入去醫肚呢度係主打一人一鍋，所以一坐低之後就即刻選擇自己喜歡嘅湯底因為想選擇一啲比較清新嘅味道，所以就選擇左幾重絨湯底諗住佢唔會有其他湯底咁油淋淋同埋咁Heavy入面嘅材料都非常之咁多，唔單止有好多姬松茸仲有紅棗同埋其他菇，所以聞起上嚟都充滿咗菇嘅香味 之後就用電話可以點嘢食呢度分咗ABC餐，今晚就選擇左B餐B餐入面就可以選擇刺身同埋比較好少少嘅肉類個人較喜歡嘅就係牛脷同埋牛板腱估唔到呢度嘅牛脷質素都非常之咁好，雖然係用上了博切嘅方法，但係就依然食得出去爽口彈牙嘅感覺，而且肉質仲係非常之咁好另外再試左呢度嘅蠔嘅味道非常之咁濃郁，雖然淥熟咗之後有少許縮水，但係蠔嘅味道就唔走失另外呢度嘅熟食都非常之唔錯，叫咗榴槤炸彈炸墨魚餅估唔到呢度嘅咋嘛，係即叫即做，所以上到枱嘅時候仲係熱辣辣非常之咁好食，尤其是榴槤炸彈落去簡直係後巷度引化咗個榴槤咁最後甜品方面簡直係唔可以錯過我奉勸各位簡直要留肚食返佢哋嘅甜品叫咗一個榴槤

以前都已經食過呢間牛肉火鍋，不過當時仲係剩係得打邊爐，而家發現佢竟然多咗放題嘢食，一個價錢享受晒兩種食物🤩抵到爛🐮晚市火鍋放題B餐 $248🐮湯底可以揀一人一鍋或者一個大鍋一齊食🍲。當然我想試兩個湯底，所以就同朋友一人一鍋😋我就揀左芫茜皮蛋湯，清甜入味。朋友嘅麻辣湯辛口惹味$248 已經包左任食澳洲牛肩胛、美國封門柳同肥牛，牛肉質素唔差，牛肩胛油脂較少，但食起上黎都好滑唔韌。當日封門柳售罄，所以試唔到。而美國肥牛就肥瘦均勻，入口即溶😚火鍋菜料同飲品都係可以係自助區自己拎，飲品方面有成數十款，自製茶就有白桃烏龍、蕎麥茶同羅漢果茶等，清熱解膩。除左茶類仲有多款汽水果汁，二人同行仲可享有一支韓國燒酌🤩超正另外仲有唔少配料同放題食物都係掃QR code落單。刺身都算新鮮，炸物同燒物同壽司都有齊，放題食物質素穩定呢到最大特色係甜品款式夠多。甜品有綿綿冰、麻薯、班戟、奶凍等等，熱嘅甜品有冰糖木瓜雪耳糖水。我就試左佢個抹茶芭菲🍨，抹茶牛奶味好濃，入面有啲朱古力粒粒脆米同麻薯，好有口感，個底就有忌廉同紅豆蓉🫘，香甜可口。另外榴槤班戟都有好豐富嘅忌廉餡。最抵讚係落單後食物都黎得好快，絕對唔拖單，性價比極

有食肉獸在，食放題特別盡興！去了我最喜歡的牛之鍋，可以令我一再回頭的日式火鍋、甜品放題店，晚市2小時任食，選了B餐，每位$248加一，這裏的甜品必須留肚吃，超好味的！而火鍋可選一人一鍋，配合不同朋友的口味。先點湯底，我們一個豬骨湯，一個蟲草花松茸湯，裏面材料都很豐富，細細鍋的更快滾起，不用等太久就可以食。用QR code下單更環保。食物上菜速度很快，喜歡先吃一點熟食，才開始火鍋。這裏的炸物和串燒都不錯，最喜歡是雞翼，炸得外脆內滑有肉汁，要翻點。要說說這裏的泰式無骨鳳爪，非常好吃，酸酸甜甜又爽口，沒有正宗泰式的辣味，變成適合香港夏天的開胃前菜，吃完又再翻點。B餐可選的肉類也很豐富，全部試了一遍，都很新鮮，有我最喜歡的牛舌，煮完爽口有嚼勁；美國肥牛脂肪分佈均勻，很香牛肉味；封門柳牛肉味濃又煙韌；牛胛肉眼肉質細緻嫩滑；豚肉有彈性又有豬肉香；另外大讚第一次吃的五香雞件，非常好味，醃過五香粉，咸香適中，煮完雞肉十分嫩滑，也要翻點。平時也很喜歡吃水餃，這裏的手工水餃十分推介！韭菜豬肉餃很有口感，有韭菜香又有豬肉鮮甜汁液；粟米餃味道更香甜，更爽，連食肉獸都喜歡。吃放題少不得有刺身和壽司，最喜歡帶子刺

朋友介紹下先知有間咁隱世咁多款式又咁抵食既火鍋放題店係悦來！😍見店長都認得唔小街坊，先知原來都唔小街坊keep住黎幫襯，好日唔去依個商場，真係唔講唔知！餐廳環境闊落，座位多坐得舒服，枱都好大，一次過叫多啲都放得哂🤣食物款式真係勁勁勁多😵‍💫😍，超過200款日本料理+火鍋配料+即製甜品🥹包括：刺身、炸物、燒物、壽司、天婦羅、及多款火鍋配料等，2小時任飲任食！-晚市2小時任飲任食放題🫶🏻🐮Set A：$188(weekdays) 🐮Set B：$248(weekdays) 🐮Set C：$308(weekdays) ✨19:30前離座或21:00後入座(-$20/人)✨星期五六日、公眾假期及前夕(+$20/人)-🐮Set C (120mins)升級刺身+牛肉+日本料理+火鍋+甜品💵Weekdays：$308💵Fri-Sun：$328✨另收加一-🧡湯底:香檸藤椒金湯/壽喜燒/三鮮豬骨湯/重慶麻辣湯/蟲草花松茸湯/椰香沙嗲湯/花膠荳香湯/濃香蕃茄湯/皮蛋芫荽清湯/胡椒豬肚湯💛 一人一鍋椰香沙嗲湯: 閒落有沙嗲香，味道唔算濃，食得耐都唔膩濃香蕃茄湯:偏清甜，如果想濃啲可以去自助區拎蕃茄🍅🤣-💕

今晚同朋友去左悅來坊既牛之鍋，係熊貓酒店個商場，好容易搵！朋友話唔知食咩好，我好果斷咁揀左呢道，因為可以一次過滿足曬三個願望：打邊爐、日本料理、甜品由其佢地既甜品，絕對係令人難忘，無黎一段時間，唔知保唔保持到？兩小時任點任食，有ABC餐揀，豐儉由人，A餐唔包日本料理，C餐就再多d靚肉；我地揀左中間既B 餐，有火鍋有日式料理有甜品卡位坐得舒服，環境乾淨衛生，冷氣夠調味料選擇好豐富，少見既花椒油、泰式醬汁、乾蒜油都有乾淨衛生，安心享用飲品選擇，紙包、罐裝、啤酒都有重有涼茶、茶包開頭見餐廳有d靜都擔心食材會唔會唔夠新鮮，但我既擔心係多餘刺身新鮮好食，點左兩轉，都一樣質素，唔會有雪藏口感，每款都有自己既鮮味QR code落單，方便快捷，上枱快，收碟都快，無漏單，侍應們都親切有禮壽司都好食，飯軟熟有醋味；日本料理唔算超多款式，但夠食，基本要有既都有火鍋配料都新鮮，肉類都有唔少選擇，講真話就話唔算超多選擇，但樣樣試下都已經試唔曬湯底可以揀一人一鍋，疫情下都幾好；親蜜d亦可以揀一大鍋根據之前經驗，留左1/3個胃食甜品，無黎一排，仍然keep到高水準，真心呢道甜品高質過好多甜品店，而且份量適中，可以試

今日自己嚟呢間吃，價錢都算幾平。餐廳環境有啲暗,一開始叫了刺身,味道都算唔錯,但係芥辣好辣,仲漏單,不過上菜速度都幾快。食完刺身就開始打邊爐，鍋底叫咗沙嗲味嘅,鍋底嘅沙嗲好重,肉嘅話就封門柳同埋豬肉就麻麻地,其他都幾好味,鴨血、魚片同青口都不賴,菜我就無試。飲品種類就少咗啲。甜品除咗奶茶凍之外其他都值得一試,由其是朱古力慕絲。炸物就無點試就試咗炸榴槤同雞翼啫都好好味。總括而言200幾蚊就食得到刺身同打邊爐要求真嘅唔需要太高,下次都會再嚟食嘅。

本周餐廳推介: #牛の鍋日本料理 #中產窮L 去左荃灣悅萊坊既 #牛の鍋日本料理 食A套餐火煱120小時放題，平日成人128，紅日加10蚊。呢個價錢都是抱著食得飽就算，假日顧客都唔算太多不用等位，湯底都有幾款選擇，湯底材料都真材實料，食物就真係唔可以有咩要求，勉強中等啦，勝在價錢實惠街坊價，甜品都是任食，不過，侍應送到埋位已經熔左一半。總括來說，如果大家行經荃灣又好肚餓，但荷包又冇咩子彈，都不妨食下呢間抵食火煱放題，但如果求高質，就搵下其他附近餐廳啦!

劣食放題永世難忘又貴又唔好食壽喜燒湯底已經係最無技巧的做法成個湯 甜到飲糖水咁食完之後 同同行朋友都口渴左好耐揀左A餐有刺身，有炸物，有火鍋嘢食但係數埋每個category 都無十樣刺身每件都好細 唔知食左咩啲牛無乜特別 薄到透底蜆有幾隻有沙又壞左炸魚皮有疏左氣既味 真係劣得好出色！雞軟骨串燒 都唔好食 最基本既野食都唔好食上菜又慢 已經無野揀 都慢到keep住無野食每樣野逐件點 又上得慢未飽都已經唔想食從未試過放題坐左15分鐘就想走到甜品雪糕係冰 唔係雪糕綠茶芭菲 好難食 綠茶味可以咁假 真係好勁！係得窩夫入得下口請我都未必會再去！！！同一價錢我一定唔會黎尼度