燒肉LIKE (新都會廣場)

營業中

休息中

今日去左食人氣燒肉，次次行過都排長龍，今日行過終於唔洗排，今次叫左個五花牛，塊牛肉好重油香，試咗佢幾款汁，都係鍾意鹽味，同埋佢個燒烤爐設計好好，食完都唔會有好大油煙。

今日出開葵芳meeting完中間有空檔時間，突然好想食久違嘅燒肉，即刻openrice search下附近有咩燒肉店，見到新都會有燒肉Like係我之前bookmark左好耐想去試，就二話不說衝過去拎飛先，因為都聽過好難食到，好快就截飛，去到門口職員話暫停拎飛，心裡sad左下🥲不過好彩十五分鐘後可以恢復翻攞飛，我就決定企定定喺門口旁等（想食燒肉的心好強大😆），終於大概五點鐘第一個攞到飛可以即時安排入座（想食建議早過晚飯時間黎)，睇menu d肉花多眼亂唔知點揀好，就決定叫個LIKE套餐250g($125)，有牛舌、牛五花同橫隔膜肉🤤睇見都流晒口水，正正正！套餐有埋白飯、味噌湯、泡菜，性價比都唔錯調味架上有各式各樣嘅醬同海鹽&黑胡椒可自助調味，岩哂唔同口味嘅客人。三款肉都唔同部位，口感豐富，同樣都重牛味，牛五花油脂分布平均，好好味😋題外話：雖然爐頭細細，但一人燒岩岩好，好夠火力，而且周圍都唔會好大油煙味，大讚會再食，不過希望可以易d食到就更加好

成日見到排長龍丶今日心血來潮同阿媽走去試吓，喺門口攞咗張飛，最後等咗一個鐘頭15分鐘先入，好耐都冇試過咁排法丶不過當中我哋梗係去咗行街再返嚟啦！自閉位對住牆，兩個人嗌咗兩個餐另外追加一碟豬，啲價錢見到都好平三合一嘅set分別有牛舌牛腹牛五花$128份量都幾多，白飯係可以揀100至300克份量，可以選擇泡菜或者沙律其中一款，三隻牛都好好食，不過其實最好味嘅原因係因為佢啲調味料隻隻都幾好食，不過全部都係甜嘅，另外叫咗一個壽喜燒牛五花$52呢個真係性價比好高勁平，又好味！另外追加左一豬五花$28/100g呢個可以唔使叫，一人一個燒烤爐，方便快捷簡單好味，冷氣夠強勁唔使驚熱，牛肉當然咁嘅價錢唔會係上等質素，但係真係叫好抵，排咗個半鐘好彩都覺得值嘅，唔使下下都任食三$400一個人頭

平日下午4點幾經過號間日式燒肉食，唔洗拎籌就可以直入。平時晏少少既時間去到已經無得派籌添，價錢平又可以自已燒肉。佢有好多獨立座位，一個人食都唔會唔好意思，因為身邊好多都係一個人主要用手機掃 QR code落單，好多就送到你面前。簡單叫左個壽喜燒牛肉加一罐肥仔水。總共$60，好抵食....燒肉套餐本身有一碗飯、味噌湯、沙律或泡菜、生蛋一隻..不過我覺得個湯好難飲，好淡既味，唔飲都無所謂。0另外枱面有好多調味料可以自已加落飯或肉度。牛肉大約有7塊，飯可以選大、中、小飯。不過燒既時侯唔好掛住玩電話，因為一唔覺眼就會燒濃d肉...雖然肉類唔多，但整體食物質素都唔錯，一個人都可以燒肉*餐廳不收現金，只收電子貨幣。

呢間新開嘅日式烤肉，朋友話好多人食，口碑唔錯，所以諗住試下。 上星期日去沙田嗰間燒肉 Like , 真係超多人，6 pm 左右去到都話冇哂位，排都冇得排，加上沙田係冇得上網拎定籌嘅。😒 今次下午四點幾已經開始上網攞定籌， 雖然有朋友可以早啲去，但係去到亦要等埋我哋一齊入，因為係限時。 5pm 左右，即情上網攞籌都已經停咗😫 放工一路不停咁 whatsapp 朋友，跟進等位情況，真係好似打仗咁 😅有多款套餐揀，價錢不貴，一百元左右。😊檯面有各款嘅醬料套餐有白飯，泡菜同紫菜湯仲有汽水，都算豐富，個湯係一般嘅味精湯 ，不過啲肉就少啲囉。 我哋三個人食，每人叫咗一款套餐，唔食泡菜亦都可以揀沙律菜。呢個份量男士未必夠飽。我哋三個女仔，都另加咗牛舌同埋兩碟牛肉排。☺咁嘅價錢 ，整體嚟講食物質素唔錯，不過就真係好趕， 大約仲有十分鐘夠鐘，會有侍應生走過嚟提醒你， 侍應嘅服務都算有禮，環境都乾淨，不過就唔算大。☺

今日同老公去左這間日式燒肉食，位於葵芳新都會廣場地下，我地下午2點去到攞飛，等左45分鐘才有位，點餐用手機掃 QR code落單，落單後唔使5分鐘已陸續送上枱，非常有效率，但用餐時間只有60分鐘，2個人一個爐燒就食得有點急，如果1個人60分鐘，2個人90分鐘應該會好 d, 希望這方面可以改善下(只係個人建議).我地叫左一個 LIKE套餐(250g) 與牛小排&牛板腱套餐(200g) + 1罐可樂; 味噌湯比較咸左 d, 牛既肉質唔係算話超級好味，但以這個價錢算不錯，牛舌都ok; 白飯仲可以選不同分量，有100g, 200g和300g選揀，細食既女士們選100g已夠飽，視乎個人既食量去選揀，不要浪費食物哦; 本人比較鍾意牛板腱，横隔膜肉&牛舌；整體來講算係平有平食之選

上次去咗沙田食，等到發霉咁滯，唔知係咪因為葵芳末有咁多人，等咗嗰半鐘左右就有得食🥰🥰 唔好好奇😯已經好快架了😂 今次叫咗和牛扒套餐，已經係最貴嗰個餐😂 老實說牛嘅賣相一啲都唔吸引，啲血色有點黑，但食落都okay嘅，性價比去計有5分，10分滿分，如果下次嚟食，我會叫返啲平啲嘅選擇，牛小排嗰類嘅簿肉仲好食😋 叫嗰温泉玉子撈飯/生蛋點牛，都係一嗰唔錯嘅選擇😍 可以考慮下不過記得嗌嘢飲呀！咪會好渴！同唔好叫和牛扒😂

新開燒肉店，趁放假去排隊試下。12:30拎左飛，173號，見仲有百幾張，我2:30再返去等。2:30坐係門口開始等，得兩張枱走左，一直無行開過，仲未到我，中間又會有啲人過左飛又衝返黎，店員又會俾佢地插返隊，安排極差。等到3:30終於入得，點菜，啲餐極快上枱，嘩，啲肉個質素仲衰過佳寶特價肉🧐白飯、泡菜同醬汁都幾好，價錢都好平，但我係黎食燒肉，啲肉咁嘅質素都敢serve客？食咗30分鐘，明明仲有食物，店員係咁想收我啲碗筷，我仲食緊㗎喎….明明我係出門等位果一個鐘都無見啲店員收其他人碗筷，忽然做乜咁趕翻枱？不可一，不可再。

早一個半小時網上拿票，一點半可以入場。真的有夠誇張，好的食翻枱很快，因為食用時間只有60分鐘。坐下之後，自己用手機下單，下完單很快就送餐過來，肉肉不錯，湯是有喝到味精，米飯是珍珠米，米飯可以選大中小size，女孩子吃小size 就好夠了，飯很好吃。牛五花有再encore，因為真的很好吃，脂肪夾雜住肉很balance，而且價格便宜30蚊有100g，一個套餐然後再加一份牛五花已經很飽了。套餐裡的橫膈膜肉脂肪比較少，口感沒有很軟，不過也是不錯的。如果不用等那麼久就好了。

前一日見到有開張優惠，第二日趁早放工去試新野！五點左右去到，唔使點等就入咗去。用餐時間45至60分鐘，時間偏短，但一個人食燒肉其實都足夠。餐廳用手機自助落單，都幾user friendly.最後一日嘅開張優惠，點左牛五花豬頸肉套餐試吓。同行友人就點左LIKE！套餐， 可以試吓唔同嘅牛肉。餐牌上嘅價錢見到，套餐比單點抵，同埋分量越多越抵食。貼心嘅係佢跟足日本，飯嘅份量按照各人需要，有100g 200g 300g任你選擇，唔使加錢。餐桌上有不同燒肉汁任你配搭，個人較喜歡蒜香醬油，味道較濃。如果鍾意食清淡啲，可以揀鹽味醬。等咗5分鐘左右個餐到了。個托盤陷入枱面，設計幾有趣。前菜可以選擇沙律和泡菜，沙律汁混合了麻油，好食。豬頸肉正常，爽口彈牙。牛肉就一般貨色啦，點完醬汁都幾好食。另一份係LIKE!套餐，有牛舌、牛五花和橫隔肌肉，牛五花和上面個餐的肉質相同， OK啦。相比下牛舌就令人失望，刀工精細（相信係機刨，好薄），燒完冇乜肉汁，比較乾身。由於切得太薄，口感都唔夠。橫隔肌肉肉味濃郁，不錯。整體來講，咁嘅價錢食到咁樣嘅質素，絕對冇得投訴。平有平食，貴有貴食。見隔離枱叫咗澳洲和牛扒，望落油脂分布均

呢個真心抵食，晚餐都係$80一個人，已經係三種肉嘅拼盤。三種肉都好正，牛肉係五花，豬肉係豬頸肉，雞肉係比雞俾肉。三種肉都冇雪藏味，即係話處理得好好，有少少調味，但唔會醃過龍。我加咗隻生雞蛋撈飯，好食到冇朋友。有五六款醬汁任你㗎，我自己最鍾意就係蒜蓉醬油汁，芝麻醬有少少酸味配肉好正。除咗超級抵食，仲有一點不得不提，就係全店嘅抽氣通風真係一流，唔會好似平時咁食完烤肉成身煙味連啲衫都係，呢度真係一啲咩都冇，食完乾乾淨淨。一定要再嚟！

真的不是一開門就去的話，很難可以有位！ 最近新開的日本燒肉店，晚晚都大排長隊，網上的攞飛統統都要暫停，太厲害吧！ 店內裝修以木色為主，簡單舒服，每個座位都有一個爐在前面，方便一人前食客。素描二維碼落單，這店出名的是牛，很多牛的套餐選擇，絕對是牛魔王的選擇！雖然我唔食牛，但有五花腩和雞髀肉套餐可選。素食者亦有植物肉的選擇，誰說素食者不能去食燒肉。這燒肉店賣點是可按重量計算，不論肉和飯，都可按自己的食量決定！ 反而飲品不是太多選擇，只有幾款汽水和茶可選。點了100G套餐，大概有4片五花腩和7-8塊雞脾肉，套餐已包湯、沙律或泡菜和飯，飯亦選了最少的，怕浪費！五花腩味道醃得很好，雞髀肉很滑，$48套餐絕對超值！ 還有，這店不收現金的。

之前一直想食呢間喺沙田嘅分店知道佢喺葵芳新都會開咗 中午時間排隊過嚟食 因為新開張關係有一個29蚊嘅套餐 每枱只可以點一個 我哋點咗一個另外就係爭一個 125嘅套餐叫做like 呢度全部都係手機自助落單 等咗十分鐘左右就送上嚟 呢度都係自己燒 飯可以選擇大中細價錢一樣 大家可以自行調教火力 燒雞肉大概需要十分鐘其他牛豬一般十分鐘內 大家可以試下呢度嘅調味醬韓式辣醬 唔係太辣 整體呢度都係調味醬料比較特別 食過一次可以唔使再食 男仔唔會飽 因為貪新鮮所以一試

足足兩年冇去過日本呀😩得知東京人氣燒肉店嚟到香港開店一於泥試下先一到葵芳就嚟咗拎飛先提一提係可以用gulu apps拎定票先㗎📱葵芳分店新開張7月1日至7月7日每張單可以$29買牛五花豬頸肉套餐100g (原價$70）難得遇到依個優惠梗係試下佢啦📔餐牌除咗已經set好咗既套餐，另外都可以自由配搭不過廢事煩叫套餐都好夠餐廳有樣設計好想讚一讚日本人嘅智慧燒烤爐上下分別都有一條鐵係到咁係有咩用途架呢？原來係頂住過咗膠嘅餐牌咁落完單職員唔會收返張餐牌當職員送餐泥會直接將餐放係餐牌上面條鐵係會頂住個餐咁唔洗驚餐會郁泥郁去架🤩日本人真係好細心👍🏻🐮like套餐（No.1之選！！）250g $125包括有牛舌、牛五花、橫膈膜肉😇每一隻肉牛味都非常濃厚🤩橫膈膜肉好厚切，肉味濃郁最有驚喜係牛五花，切得好薄但最濃厚牛味😋🐷牛五花豬頸肉 100g $29 (新開張優惠）原價$70厚切豬頸肉又係好有驚喜，食落啖啖肉，肉質彈牙爽口，真係好正，推介👍🏻👍🏻🐮另外加咗100g牛舌 $65薄切牛舌嫩滑軟腍 令人吃上癮🤗如果可以厚返少少會更好食😋餐廳總共有幾種醬汁提供：燒烤味醬、蒜香醬油、鹽醬、辣味噌醬、黑椒、鹽、每個

由於疫情關係，香港人不能去日本旅行，日本商店食店就直接來港開店一解大家相思之苦😆🙈這間燒肉like在日本也是有名氣方便一人去食燒肉的店由於只是開業第三天，有好多人慕名而來😱居然剛近晚市的開始時段下午5點左右已經停止派籌😵我由4:15PM開始等了足足個半小時才可以入座，新店開幕地方整潔乾淨，店員禮貌地講解手機點餐方式，餐具調味料位置，最後特別提醒用餐一小時限😅⋯⋯因為在等位時間已經想好食乜嘢，所以不用浪費時間直接點了一個「Like套餐250g」Like套餐包括有牛舌+牛五花+橫膈膜肉…另外套餐可以用$18追加一份牛五花50g(值得加👍)套餐差唔多食完，就再追加牛小排和雞腿肉😋套餐內的～牛舌：相比一般燒肉店size細好多，因厚度也太薄也影響口感味道😝牛五花：牛肉鮮美質感柔軟，燒五成熟最佳😋橫膈膜肉：油花重肉片薄，用嚟配飯食會帶來幸福感覺🥰🤤😋麵豉湯和泡菜：算可以接受，不差喎！散叫追加～牛小排：相比要$82/100g，真心覺得值得要食，肉質鮮嫩牛肉味濃😋👍👍👍雞腿肉：無雪味雞肉嫩但味淡，肉件細又碎粒😆整體我都滿意😋覺得不比日本分店差，需要有其改善空間，但一定會再來排隊食🙈🤣💪👍👍👍