燒肉LIKE (新都會廣場)

營業中

休息中

我真心嬲到第一次打食評仲要係差評😡！話說食親次次都會叫300g既飯係會裝滿成碗，今次一樣都叫300g飯啦，點知黎到得個半碗飯？我就舉手叫職員問點解咁少飯？佢話幫我問下，然後返黎講「因為唔係好夠飯所以比得咁少飯」然後急急腳走左去。我都未講完就走左？😅咩事？如果真係唔夠飯，咁點解當時擺低野食時唔同個客講聲😅？一開始講聲我都無咁嬲！然後聽到隔離都係一樣情況，但個職員就換左比佢，我就黑人問號？？睇我細個啲善良樣好蝦啲？ 然後舉手問返職員點解人地就加得飯？佢反駁唔到，但態度勁差咁換比我，一粒聲都無放低就走左！啲飯仲要係凍既！牛又爛又無乜牛味！呢間分店真係無下次！

自己一個食燒肉又有乜好怕喎咁岩行開葵芳見到呢間燒肉店新開 就行左入去試下佢地主打一人前燒肉套餐🙈套餐有白飯、沙律/泡菜、海帶湯付送仲可以因個人既食量而選擇唔同份量既肉同飯🤤唔想食白飯都冇問題 可以加錢轉木魚絲紫菜飯+生蛋/溫泉蛋我簡左 壽喜燒牛小排&牛五花套餐100g配生蛋、迷你沙律+木魚絲紫菜飯150g配溫泉蛋枱面雖然有咗好多醬料可以俾你選擇但係咩都唔㗎就咁食已經好有味😋👍🏻店舖採用自助落單 埋單形式可以享受me time時間🫣不過當我諗住起身走果陣有個店員推住架車執我坐緊個位🫠感覺有啲急同唔啱時間囉😮‍💨 因爲我都準備走

來自日本的平價實惠燒肉店與日本店舖一樣 每個座位都有分隔 一人用餐也不會尷尬🙋🏻主推牛肉各部位 有雞肉豬肉供應可選各式肉品自由配搭 或選定量套餐☀️壽喜燒牛小排套餐 100g/$105 200g/$168☀️LIKE套餐 (牛舌 牛五花 橫隔膜肉）150g/$95 250g/$125No.1之選 享用3個部位套餐均包括白飯 和風湯 泡菜或沙律精確至gram的份量 避免叫得太多🍽更可按自己喜好 試多款肉類調味料款式多 重口味星人最愛🥓一人一爐日式無煙燒肉食完不會一身烤肉味雖然座位較窄 但環境衛生性價比高 絕對值得一試🍻環境: 💗💗💗💗美味度:💗💗💗💗推薦度: 💗💗💗💗

唔明點解咁多人會肯排咁耐去食依間燒肉,今日親身經歷足足等個半鐘入去,食既只係一D冇味牛肉, 唔點汁唔會想食, 最好味既係蒜香醬油並唔係牛肉, 荃灣個兩間品質有保證好多, 唔會再中伏

堂食用手機點餐冇問題，但俾錢都要用手機，入信用卡號碼或八達通，搞一大輪，咁不如我自己入埋廚房切肉啦。大大個收銀檯響到，好忙咩？問職員就話上網俾唔到可以去搵收銀幫手，咁點解唔一開始俾個選項可以去收銀俾錢？麥記都得啦

主打一人前日式燒肉🎏 Lunch set可以按自己食量選擇肉同飯嘅份量，各種燒肉汁都擺哂係枱俾你自由配搭，整體都幾抵食👐🏻✅推薦✅牛小排&牛板腱200g套餐💰128以呢個價錢牛小排嘅質素算有驚喜✨ 肥瘦適中，燒完都唔會太韌😆 牛板腱就薄身大大片，唔會太肥膩👅 配埋飯食係一個幾滿足嘅lunch🥰🪄 燒肉Like 葵芳興芳路223號新都會廣場L1層112號舖🗺地區：#porkbelly_foodie_葵芳🍽菜式：#porkbelly_foodie_日本餐#porkbelly_foodie #hkfood #hkfoodie #香港美食 #香港好去處 #葵芳 #葵芳好去處 #葵芳美食推介#葵芳美食 #燒肉 #日式燒肉 #一人前 #bbq #一人燒肉

排隊排超耐4點拎飛要晚上8時先有得食張飛上寫明過左十個號碼就無得補飛，一定要人差唔多就企門口等，但有時叫得超快，浪費人時間仲有3個號碼到我，就一直喺門口等，見面裏面好多人都係得個坐字，未叫野食，有張枱就本身6人枱，中間有隔板，但由於中間張二人枱未走，佢地想一齊坐，就一直坐住左右兩張枱喺度等，我覺得係員工唔識得變通，既然呢個客想坐埋一齊咪出黎繼續等，比另外2組二人入座我一坐低，就見到個燒烤爐極其污糟，好多污跡，即刻搵員工過嚟清潔，員工話這些要晚上才可擦甩，仲話你燒肉用中間，完全唔影響，但我覺得好污糟。叫咗兩款餐有牛小扒有牛肋肉，質素唔係講到咁高級，好多肉都發黑，不新鮮，好硬，唔會有下次

突然心癢癢想食日式燒肉，但得一條友， 諗起附近有呢間，好彩有app攞飛，邊等邊行，行咗一個鐘左右就有位喇下晝兩點，都仲係好多客，店員安排我去一人位坐低， 本來想試下佢哋嘅招牌菜極黑和牛，點知賣曬，我最後叫咗牛小排加牛板腱， 跟住見到可以加錢upgrade木魚絲紫菜蛋飯， 睇相好似唔錯就加埋嘢食好快就到喇， 一睇個飯，嘩點解同張相爭咁遠，碗飯上面只得零星紫菜木魚，但要加成廿蚊，真係搵笨！老實講牛角飯真係好佢好多好多倍，人哋仲要係任食， 果刻真係超後悔。。。至於啲肉呢就不過不失啦， 但都冇寫清楚係邊款打邊款肉， 結果擺落口都唔知自己食緊邊樣前菜泡菜就不提也罷，得一兩撮， 而個味噌湯就更差， 都飲唔到有味噌，純粹好似鹽加水咁嘅味道，完全睇唔到有幾用心做好食物，收百六七蚊 諗住貴精不貴多，早知比多少少去食放題好過點解個飯可以同張相差咁遠，重要加我成廿蚊

香港而家都開咗一人燒肉了～第一次walkin唔成功，人龍好長，但發現原來有得gulu拎飛，下次已經知點做，今次平日嚟食，雖然號碼隔咗50幾個，但跳得好快。🥩壽喜燒牛五花套餐200g / $82牛肉沾滿壽喜燒汁，有啲似大塊嘅肥牛，肥瘦肉比例大概55比，所以肉唔會韌，可以揀溫泉蛋/生雞蛋，識揀一定係揀生雞蛋，燒完塊肉再浸落雞蛋，食落滑lu lu。🥩Like 套餐250g / $125有牛舌、牛五花、橫膈膜肉，牛舌太薄，口感欠奉，吃了個寂寞，牛五花上面提咗唔多講了，橫膈膜肉正常，唔會韌。呢個套餐其實都唔係咁like🤣🤣白飯大小有得揀份量，大中小，今次都係揀咗中碗，食晒冇浪費～平時一人火鍋食得多，一人燒肉都幾特別，試吓無妨。

多謝曬你全家，卑凍飯凍肉，乜宜家openrice等外賣都要45分鐘？等咁耐就算，都體諒你哋可能忙，要重新燒肉，但係成個飯同埋肉凍曬係想點？肉都硬曬，唔會有下次！

香港越開越多一人燒肉店 咁而家疫情期間 每人各自有一個爐燒都幾衛生 又唔怕你啲朋友叫你幫佢燒埋 今晚就嚟咗試呢間燒肉like😹其實之前已經想嚟試 放工嚟到門口先發現佢截咗飛 今日我未放工五點三就已經喺手機排隊app攞定飛 六點半就可以入座啦👻餐廳位置唔多 大部分都係吧枱 我地一行四人都係坐吧枱 傾計就唔係好方便㗎啦😅 不過用餐時間得六十分鐘 又要食又要燒 都唔係好得閒吹水😛第一次嚟食就叫晒最大gram數嘅套餐啦🥰 happy together呀嘛 不過都有好多單點嘅肉可以揀 套餐連白飯 沙律或泡菜 加多個海帶湯 個人認為個泡菜幾fresh 沙律呢就有好多麻醬喺面 都幾好食牛五花套餐作為所有套餐入面最平嘅一個 肉嘅質素真係唔算太差 係望落比較肥 但係燒起上黎 啲牛油好幫到手 同埋牛肉夠薄身 可以燒到脆卜卜 不過燒起嚟比較快燶 底嘅肉仲有好靚嘅雪花添 真係幾驚喜😝 呢個價錢有呢個質素算超值牛五花&橫隔膜肉套餐呢個除咗比較肥嘅牛五花 仲拼咗有返咁上下厚度嘅橫隔膜肉 食落就真係多啲肉味 不過佢油花唔夠多所以咬落口就比較實😹牛小排&牛板腱套餐牛小排就非常之好食 牛肉未夠重 又唔會太韌 相對牛板腱

其實之前食過2次, 食過真係返吾到轉頭, 吾想再去果間燒肉放題喇, 專心幫襯呢度算. 雖然都要排左一段時間, 不過因為有朋友一齊陪住等, 時間就過得好快甘. 入座掃CODE點餐, 我今次都係選了佢地既NO.1之選, LIKE套餐(牛舌, 牛五花, 橫膈膜肉)$125/250G. 加左汽水同另外再叫了一份橫膈膜肉$68/100G. 朋友跟我點了一樣的餐, 只係佢選了沙律, 而我點了泡菜. 另外還有一份點了牛五花套餐$78/200G.  真心推介佢D醬汁撈飯, 款款都甘鐘意, 款款都甘惹味.

有時會心思思想食燒肉，諗住平平地一餐，呢間就幫到你收工大約5點鐘左右，等25分就入到一坐底用QR Code點餐，當然係揀肉類先(有份量揀)，仲可以揀大、中、少飯🍚沙津或者泡菜🥗今次就叫基本牛五花同埋豬肉併雞肉🥩🥓醬汁有好多選擇，我個人覺得當中最好味既係蒜香醬油，夠哂八搭整體黎講，肉類就一般貨色，但口痕痕想食燒肉都係一個唔錯選擇，性價比高

每次經開葵涌新都會廣場地下果層，都會見到呢間人山人海嘅燒肉like，我之前已經試過佢哋上環嗰間分店，今次咁好彩一去就即刻可以有枱所以就要試吓啦！佢哋有自閉位,亦都有兩人或者四人嘅座位，今次我就嗌咗個燒肉like套餐250g再加牛小排及牛板腱套餐，亦可在自選要泡菜或者麵豉湯，亦有唔同白飯嘅size，如果要加汽水就另外加$9。佢嘅份量就唔係算好多，不過一個人食就啱啱好！整體都算唔錯啦！如果突然想食燒肉百零蚊嘅價錢都算OK嘅！

❤️‍🔥LIKE 套餐（150g) $95（牛舌•牛五花•横隔膜肉）每一隻肉牛味都非常濃郁，橫膈膜肉好厚切，肉味香濃，最有驚喜係牛五花，切得好薄但最重牛肉味，薄切牛舌嫩滑軟腍令人食上癮，如果可以厚返少少會更好。❤️‍🔥壽喜燒牛五花套餐配生蛋 (200g)$82肉質味道同上，但係配生雞蛋用黎點肉，將肉既味道多一份層次感，同埋會甜甜地幾好味。🤍雞腿肉 (100g) $25雞腿肉夠滑夠彈牙，可以一試。🤍LIKE 芝士咖喱 $12芝士咖喱呢個醬汁用黎點肉，再撈埋白飯食都係一流，建議每次都係撈少少，唔係就會好膩。🤍雪碧 $8🤍Zero $8📍燒肉Like YAKINIKU Like葵芳興芳路223號新都會廣場L1層112號舖✨評分：7.5/10💰人均消費：$120