燒肉LIKE (新都會廣場)

🔥燒肉體驗，主打日式無煙燒肉食物款式繁多：黑毛和牛、美國安格斯肉眼扒、牛胸腹、牛小排、牛舌、豚腩肉及雞髀肉等，食材優質，份量十足另備有多款秘製醬汁，自行配搭，令燒肉的口感更香嫩惹味！價錢合理抵食，長期排隊多人等位， 建議提前去到攞飛。…查看更多

到店是星期三，八時十五分，四位食客，等了半小時以上，原因是主要安排兩位入座，兩位坐四位枱， 編排座位邏輯 不對，加上 店員態度不友善， 公司應派員 觀察 ，肯定有再進步空間。…查看更多

平時喺葵芳行街一直都見到好多人排隊，今日夜晚6:00左右見到比較少人，即刻同女朋友衝入去試吓。我哋坐喺最前面嘅吧台，兩個人一人一個爐，但我見到中間嘅一啲位需要兩個人共用一個爐，食之前可以注意一下。睇睇最平嘅100g燒肉套餐都只係五十幾蚊，套餐跟左個飯同碗麵豉湯，小食就可以揀沙律或者泡菜，我哋就揀咗沙律。我哋兩個平時就唔係食好多夜嘅人嚟講，食完就會覺得啱啱好飽。燒肉嘅調味料幾好，特別係個BBQ醬汁，幫個燒肉加好多分。總括係肚餓口痕冇咩錢想食燒肉嘅一個好選擇😋…查看更多

葵芳新都會店 明明寫9點半 last order9點未到 入坐要即刻落last order 並付款門口女侍應 落單時亦黑口黑面對答完全無禮貌 放一個咁既員工係門口趕客難怪香港經濟咁差唔係唔想支持本地餐廳但係咁樣既水平 完全不知所謂唔想做咪唔好開門囉 搞衰哂成個飲食業!…查看更多

叫左2份自選2款燒肉外賣，分別有牛板腱、牛小排、五花肉組合，但牛板腱、牛小排都好多筋！！😑我返屋企只係10分鐘路程，但啲肉又凍又乾，而50g嘅五花肉係3粒肥肉，完全食唔到…當初佢啱啱開去食過1次堂食好好食，今日諗住買返去食點知差咁多，埋單都$100幾一份…堂食唔知有冇差左，但外賣真係冇下次…查看更多

平時都係一大班朋友食燒肉，今次試吓呢個一二人輕食燒肉，女士建議份量就100-150g肉，男士就建議200g先夠飽，白飯可以填加飯，燒肉送到望落去唔多，不過其實食完都係啱啱好，有唔同醬料配搭，簡單鹽味醬已經帶出食物鮮味，店內油煙味唔重，係我最睇重㗎，就算幾好食，重油煙完全唔考慮…查看更多

今日去開葵芳做嘢，夜晚去咗新都會附近睇吓有乜嘢好食，大概5:00左右已經見到有間舖頭爬得好多人原來叫做燒肉like，出邊見到佢哋餐牌都尚算價錢合理，所以我哋即刻排咗張飛就等啦。咁大概5:00呢就等到6點就有得入去啦。咁我哋呢就叫咗佢個招牌牛五花啦最平我餐，50幾蚊都有交易。我哋都加咗唔少嘢，例如木魚飯啦，溫泉蛋。我哋最後埋單都係百零蚊左右都算幾抵食。再講吓佢啲嘢食，啲牛肉呢就一般般啦，但係呢個醬汁就十分之吸引，再加上個價錢呢，我下次都會再幫襯嘅！…查看更多

同朋友收工去食，order完問員工攞左兩杯水，因為收到嘅係熱水，所以問左位員工要冰，佢都好好咁俾咗冰我哋。係食緊途中問位女員工要杯冰水，佢話冇嗌嘢飲唔會俾冰，ok冇問題嘅，所以即刻嗌左個汽水，再搵多次個女員工要兩杯冰，我亦都講埋岩岩落左單，佢唔信就話去check下，都算 我咪等佢check埋先。點知8:51一罐汽水嘅order，去到9:05都未出到，見到個女員工去左帶其他客入枱，我搵其他員工問status，佢即刻攞個汽水俾我哋，見個女員工忙到咁米睇下佢忙完會唔會check完再俾冰我哋，點知9:30食完都係冇。？？想知點解要冰都咁難，佢叫我嗌嘢飲先有冰，我都嗌咗，再搵你多次要冰，你都係唔俾我，咁我嗌嚟做咩。因為平時食開其他分店會有自助式嘅常溫/冰水提供，等左成個幾鐘先食到，坐低都唔俾人飲水，大失望！…查看更多

收左工之後係附近揾左呢間燒肉Like 食飯。唔記得左可以用app攞飛，現場攞飛等左半個左右先入得。入去之前店員話要用手機攞單同俾錢，無就同佢講俾現金。我揀左300g 牛五花+豬五花。d牛好靚好大片，豬就比較多肥膏🥲有人會鍾意，我就麻麻地好。300g好多，食到好膩，下次都係食200g。Ps. 碗湯好油，麻油落太多啦，好似油撈水咁…查看更多

唔知有冇朋友仔同我一樣都勁鍾意食燒肉呢？我覺得來自日本嘅「燒肉LIKE」👍🏻真係好適合香港人 因為香港人最緊要平靚正同快 超值嚟講平時食日式燒肉起碼$200-300先食到咁上下質素嘅肉同夠飽 但我喺呢度食咁多次都係大約$100-200到 或者食豪啲之前出過嘅近江牛都未去到$200已經飽晒 靚就唔洗點講啦大約$200就食到靚牛 快捷嚟講佢一來位置多上餐又快 個流轉速度做到好快 以我嘅經驗就算等廿張飛都係大約廿零分鐘到 而且一人一個爐就可以快啲燒完啲肉我覺得最正係佢嘅除煙技術 以前食完燒肉都會成身油煙味 比人聞到都好尷尬 但呢度就唔怕食完會有油煙味♡牛小排＆牛板腱套餐🥩100g $118♡日式牛肉漢堡配生蛋黃🥚/芝士🧀/咖哩🍛 +$29♡轉紫菜飯 150g + 溫泉蛋🥚 +$15今次我就揀咗牛小排&牛板腱套餐 加咗佢最新出嘅日式牛肉漢堡 呢個漢堡都係加$29就食到 真心勁抵 佢仲有得揀配生蛋黃、芝士或者咖喱 我就揀咗生蛋黃燒漢堡扒係要有一定嘅技巧 如果唔係會整到舊肉散晒 我原本都擔心呢個問題 但原來呢到係會幫你燒熟咗先 上到檯先自己再加熱 咁炒車機率就降到接近0個漢堡呢每邊燒番佢兩分鐘 加上黑胡椒同原味BBQ汁 燒到表面焦脆之外佢入面仲保留到好多肉汁 而原味BBQ汁燒過之後喺漢堡到添上咗一陣甜味 呢個食法亦係官方推薦 大家可以跟住去試 至於牛小排&牛板腱套餐我覺得係入面性價比最高 肉嘅質素有番咁上下之餘仲要一百頭就埋到單 牛小排同牛板腱我個人覺得最夾係蒜香醬汁 簡簡單單加小小鹽🧂、黑椒已經好好味…查看更多

每個星期一定要食一次燒肉like，佢個牛五花真係好抵食，一個人燒都幾方便，好鍾意佢醃肉嗰個醬汁，食得出醬汁味之餘都會食到好香嘅牛肉味，佢啲牛用料幾靚油脂分布好平均，每次食完都會覺得好飽。…查看更多

🥰又想食燒肉又想食韓式拌飯！行過見到呢間嚟自日本東京嘅一人燒肉專門店燒肉LIKE有晒。雖然我唔係一個人，但一人一個爐燒肉真係好好，事關我好唔鍾意👦🏻燒肉燒5秒就夾晒出嚟話食得😑我鍾意燒耐啲熟晒🤣自己燒自己食最好😎·🦐醬油味虎蝦配韓式拌飯套餐（$188）最新出嘅期間限定套餐，韓式拌飯好！出！色！好怕有啲拌飯落咗厚重嘅韓式醬料，呢個嘅調味啱啱好～配料有胡麻菠菜、泡菜、木魚絲、紫菜碎同生蛋黃，惹味又開胃🤤大大隻虎蝦開邊已經挑走蝦腸，以特製醬油連殼醃，燒完都食到淡淡香醇醬油味。套餐仲包含牛五花及牛板鍵非常豐富。·🐮壽喜燒牛小排&牛五花套餐（$142）牛五花肉味濃郁口感軟嫩。牛小排脂肪比例平均。套餐轉了木魚絲紫菜飯，淋上自助醬料好滋味·📍燒肉LIKE @yakinikulikehk 葵芳興芳路223號葵芳新都會廣場1樓112號舖…查看更多

召喚所有燒肉LIKE 愛好者❤️唔知由幾時開始燒肉LIKE 已經成為咗我嘅一人燒肉飯堂🤣最近發現燒肉LIKE推出咗「醬油味虎蝦配韓式拌飯套餐 」🤤馬上衝去食😆◽️ 醬油味虎蝦配韓式拌飯套餐 200g $188Lee個期間限定嘅新年組合套餐包括2隻醬油味虎蝦、牛五花、牛板腱、蒜香牛油醬同韓式拌飯🤤超豐富今次點Lee個set 絕對係比隻超大虎蝦吸引咗🤤好大隻🦐香醇特製醬油連殼醃製，燒出香濃撲鼻嘅虎蝦香氣，超級惹味呀！🤤另外仲有色彩繽紛嘅韓式拌飯 配料有胡麻菠菜、泡菜、木魚絲、紫菜碎及生蛋黃，加埋韓式辣醬🤤真係食到停唔到口😆一邊撈起一邊食肉，新年愈撈愈旺！🧧醬油味虎蝦可以＄52單點，其他套餐都可以＄28優惠價加配韓式拌飯！📍 燒肉LIKE (新都會廣場) (葵芳)葵芳興芳路223號新都會廣場1樓112號舖 @yakinikulikehk #燒肉LIKE香港 #yakinikulikehk #一人燒肉 #日式燒肉 #醬油味虎蝦＃韓式拌飯 #醬油味虎蝦套餐…查看更多

燒肉like是一人前燒肉，這間燒肉我已經吃過很多次。經常會心思思想吃這間的烤肉🫣之前我一直都是叫牛肉，因為上次來朋友說豬肉味道也非常不錯，所以這次來試試牛五花+豬五花腩套餐吧☺️🍽️套餐我選擇搭配上木魚絲溫泉玉子白飯，和風湯和迷你沙律🥗醬汁可以自己選擇檯面上提供的醬汁，我尤其喜歡芝麻醬，和牛肉的味道非常夾，再配上木魚絲溫泉玉子白飯，簡直吃得停不下來🤣牛肉or豬肉質素都非常滿意，雖然份量比較少，但可以追加，價錢能接受，吃完保證滿足💁🏻‍♀️試了新出的鹽味雪糕🤤職員端上來說在爐上左右烤30秒即可享受雪糕，小火烤完之後雪糕餅皮變脆，雪糕有一點點融於表面🤭確實有鹽味，甜甜鹹鹹，搭配起來很match，不會那麼快膩😍😍出色…查看更多

之前已經聽同事講燒肉LIKE性價比高又好食😋最近見到推出咗近江牛套餐，睇相已經好吸引，重點人均一百鬆啲就食到，絕對係超抵食高質日本近江牛😍✅近江牛套餐包括近江牛肩肉、赤身、胸腹同美國牛五花，特選部位都係平時坊間燒肉店少見嘅稀有部位，牛肉軟嫩，雪花分佈平均，肉香同油脂完美配搭，一路食一路滿足😌另外燒肉LIKE所配搭嘅醬汁非常美味🤤特別喜歡蒜香醬油，同燒肉嘅味道好夾，又甜甜地咁；如果想保留肉質鮮味，其實加少少鹽已經好好味😜另外我仲額外加咗木魚絲紫菜蛋飯，夾埋牛肉一齊食層次更豐富😋聽講佢地係不惜工本由日本購入16 隻近江牛🐂以震撼燒肉界嘅價格為大家帶嚟可遇不可求嘅和牛聖品🈹而且「燒肉 LIKE」進口嘅每頭近江牛🐂都得到認定證書，列明產地、等級同養殖場，絕對係信心保證💖🐻總結性價比真係非常高，啲牛好味到係咁餸飯食，本身諗住保守啲叫200g飯，點知原來好味到要添飯，低估咗自己🤣一人一爐，萬一真係想自己一個燒肉癮起，想食燒肉都唔怕尷尬🥩🥩🥩💛好味指數:4.7/5💜回頭指數:4.8/5📍燒肉LIKE（葵芳新都會）葵芳新都會廣場L1層112號舖…查看更多