燒肉LIKE (新都會廣場)

營業中

休息中

@yakinikulikehk係來自日本東京人氣一人燒肉店, 店內採用無煙烤爐, 先進除煙技術, 食烤肉唔駛再怕食到成身烤肉味!..燒肉LIKE最近愈開愈多分店! 我都終於忍唔住去試下喇! 原來11月份新推出「🥩和牛 LIKE套餐」同「🍖牛小排&牛板腱套餐」, 每款套餐都會配一個麵豉湯 🥣+ 沙律/泡菜 🥗+白飯🍚..【牛小排&牛板腱套餐】200g HK$158 有兩款牛肉, 啱晒貪心嘅我😎牛板腱牛肉味好濃, 牛小排脂肪分佈好平均, 唔會燒完乾爭爭!..【牛五花套餐】200g HK$85食肉獸仲想試多款唔同嘅牛✨呢個餐性價比夠晒高! ..【雞腿肉】100g HK$25食完牛又食完豬, 追更一個單品🐔大大滿足!🌟..仲可自由配搭不同自家製醬料🤩整體黎講, 食物高質得黎價錢親民, CP值夠晒高✅..°°°°°°°°°°°°°°°°°°°°°°°°°°°°°°燒肉LIKE @yakinikulikehk @maximshongkong#MrsLong #hk #hkmami #hkbloggermama #Longs #hkbaby #influencer #hkmom #mamablogg

葵芳出名多野食,依間燒肉LIKE 就開正響葵涌廣場對面 新都會地下有日行過,諗住見咁多人排無死 ...排埋一份 ; 點知就奶晒伏果日嗌左以下個SET 燒肉汁醃得極其難食,極甜白飯就好硬 好似未煲熟咁雖然一人燒肉不嬲選擇唔多,但依個質數就覺得好似過格離掃街會仲好唯一要讚就係調味料都算多 ..完

近日，我探訪了一家名為燒肉LIKE的餐廳，這是一家以日式自助燒肉為主題的餐廳。我對這家餐廳的價格平實、質素高超感到印象深刻，因此我想與大家分享這次美食體驗。進入燒肉LIKE餐廳，我立刻被其簡潔而現代的裝潢所吸引。餐廳的環境舒適，桌椅整齊排列，給人一種寧靜和舒適的感覺。服務人員熱情友善，迅速引導我到座位並解釋自助燒肉的流程。菜單上擺滿了各種肉品選擇，包括牛肉、豬肉和雞肉等。這些肉品看起來新鮮且質量上乘。餐廳以平價自助形式提供，讓客人可以根據自己的喜好盡情享受美味的燒肉。我在燒肉LIKE餐廳品嚐了多種肉品，而每一種都令人驚艷。牛肉的質地鮮嫩多汁，豬肉則帶有獨特的香氣，雞肉則滑嫩可口。肉品的質量和味道超出了我的期望，讓我感到非常滿意。除了肉品，餐廳還提供了多種配菜和醬料，讓客人可以根據個人喜好調配風味。新鮮的生菜、泡菜、大蔥以及特製的醬料，提供了豐富的選擇，使整個用餐體驗更加豐富多樣。令人驚訝的是，儘管價格平價，燒肉LIKE餐廳的服務質量並不妥協。服務人員始終保持笑容和禮貌，隨時關注客人的需求，迅速補充肉品和炭火。他們的專業態度和周到服務讓我感到賓至如歸。總的來說，燒肉LIKE餐廳以其平價高

同朋友去到葵芳，唔想每次都去掃街😂😂就去新都會廣場搵食，揀左燒肉like,幾吸引，啱哂我咁細食or 唔太食好多肉既朋友仔😊👍雖然要排隊，但都都唔會等太耐，因為佢有限時90分鐘，我覺得90分鐘就一定夠時間食，唔需要好似放題咁趕住或者怕蝕要食多d 咁傷自己個胃。而且差唔多夠鐘佢地都無特登去催我地，當然我地食完坐左一陣都走😂佢既肉好高質，唔似放題既燒肉餐廳，每款肉都會比你揀幾多g 既肉，佢㨂完set 之後都仲可以加配肉的，所以絕對夠食😋只係因為今個我地係1人1爐，所以會比較忙😂

食過兩次，今日全部單叫，牛小排，和牛肩肉 好好味，肉好林，份量係好少，再叫牛五花，黑毛前胸肉。最好味當然係上級和牛肩肉 牛味真係好濃郁，牛小排都幾好有咬口少少牛味，黑毛胸肉ok林林地，當然無上級肩肉甘好味。而牛五花就一般。加25升級白飯套餐，其實有好多套餐都好抵食，係今次想單叫試左4款牛。好過尖沙咀間燒肉8X1

第一次寫評價因為真係太過分！比大家睇吓我一啖都未食過嘅外賣自取 收我$82 一個便當結果打開得嗰幾粒雞肉，3片豬肉menu寫明係100g 肉但係呢到肯定50g都冇😡真係搵笨呃錢！一定唔會再幫襯😡

其實開左咁耐，我成日去葵芳都係第一次食Yakiniku Like既一人烤肉，個日去到葵芳已經8點幾，餓到死，但係唔係即刻入得，店員話要叫哂拎左飛既先比walk in入，咁好啦等啦，諗住如果8點半都未入得就放棄，點知等左25分鐘8點25分入得，入到去叫左2個價錢中上既套餐，冇記錯一個140幾，一個160幾，2個都冇牛舌既，我太鍾意食牛舌了，啲肉水準都唔錯，份量都夠，飯仲有大細比你揀，又包埋前菜同湯，個人覺得幾抵食。

今次同女朋友過嚟葵芳新都會廣場嘅一人燒肉，每次見到都好多人排隊但係今次比較遲黎，walk in都要等半小時，要等到嗌飛冇人入先至會畀你入，八點半入座限時一小時一入到去即刻嗌野食餐廳性價比非常高。有肉類拼盤唔怕唔夠食，而且餐廳仲有白飯。牛肉很送飯推薦142元和的165元的牛肉拼盤142和165分別就係在於平嗰個係牛五花比較肥，貴果個係普通牛肉但係質素都唔差最大驚喜係個牛舌比較薄但係燒出嚟好香，而且配佢嘅醬料有好多選擇的性價比十分高

🔥今次嚟葵芳新都會廣場，沙律菜生配啲肉特別好味！肉一放上爐燒着火，但燒出嚟更香。300g飯男仔夠食，朋友細食揀翻150g都啱啱好～主角神戶牛牛，我就燒到八成熟，再配燒烤汁溝蒜汁，燒完再燒新一塊～✨下午2點都好旺，還好有The GULU拎飛，周圍行下商場差唔多叫到再行翻嚟。雖然話主打一個人食，但朋友一齊孖台排排坐都得，互share嘢食可以～✅QR-code落單都方便，落單Apple Pay埋就可以，嘢食大約一個字就送到，再要翻張收據for商場積分。爐下有籃擺背囊/手袋喺腳邊，安全可以！#燒肉LIKE #燒肉LIKE香港 #yakinikulikehk #神戶牛 #日本和牛 #期間限定 #THEGULU燒肉LIKE 兩周年限定 #神戶牛套餐 🔥今次嚟葵芳新都會廣場，沙律菜生配啲肉特別好味！肉一放上爐燒着火，但燒出嚟更香。300g飯男仔夠食，朋友細食揀翻150g都啱啱好～主角神戶牛牛，我就燒到八成熟，再配燒烤汁溝蒜汁，燒完再燒新一塊～✨下午2點都好旺，還好有The GULU拎飛，周圍行下商場差唔多叫到再行翻嚟。雖然話主打一個人食，但朋友一齊孖台排排坐都得，互share嘢食可以～✅QR-co

新都會廣場美食林立，每間都要等位等好耐。呢間燒肉如果要食就要好早拎飛等位，至少需要等一個鐘。舖頭位於地舖，距離葵芳站只係隔一條馬路，極之方便。肉類款式多選擇，當然主打牛肉。調味汁可以自己調較份量，方便唔同口味人士。今次叫左牛舌，牛胸花。加上少量蔬菜同味噌湯，味道一流。如果少肉時間控制得好，每款都非常可口，喜歡牛肉既人士一定不能錯過。大大碗飯配合牛肉唔覺唔覺就食晒。如果唔夠想在添燒肉，咁就要盡快，因為有限時。座位整體感覺舒適，而且又貼心服務，側邊有籃可以放袋。整體感覺7.5/10。

啱啱去完日本又掛住日本嘅美食，今天到葵芳閒逛Shopping，忽然想食日本正宗燒肉，於是與好友到訪了嚟自日本東京嘅一人燒肉專門店「燒肉LIKE」品嚐是日晚餐❗
餐廳分店眾多，提供優質食材，牛肉選擇豐富，更提供追加各項單品食物，餐廳採用「無接觸」自助手機點餐及付款系統，以及配有除煙技術嘅無煙烤爐！我們惠顧了以下套餐：1️⃣🌟日本產和牛肩胛肉＆牛板腱套餐100g $155嚴選日本產優質和牛肩胛肉及牛板腱，和牛肉味濃郁，牛肉與油脂比例恰到好處，形成霜降紋理，套餐跟配白飯、和風湯及迷你沙律，更可另行加配香濃幼滑溫泉蛋，配搭豐盛，非常抵食！2️⃣🌟牛五花＆宮崎牛肩胛肉套餐100g $136呢個定食同樣豐富，嚴選優質牛五花＆宮崎牛肩胛肉，和牛肉質鮮嫩，牛五花油脂分佈均勻，優質宮崎牛肩胛肉味香濃，套餐同樣跟配白飯、和風湯及迷你沙律，配搭豐富抵食！總括而言，此日本過江龍燒肉食物種類繁多，而且食物質素好及上菜速度快❗️餐廳鄰近葵芳站，絕對是葵芳一帶高質抵食日本燒肉餐廳之選❗

雖然仲未到我去日本旅行🧳，不過香港都有唔少日本嘅過江龍餐廳，🇯🇵日本東京嘅一人燒肉專門店「燒肉 LIKE」🎌愈來愈多分店，仲好多間都開喺鬧市，地理位置十分方便，每日都好多人，不過可以手機拎飛，今日拎完飛去到試一試，就連落單同畀錢都係全自助，一部手機搞掂勁方便📲真心覺得性價比高，又好味，又快捷，仲有靠牆嘅一人座位，就算一個人燒肉都唔尷尬，真心推介👍🏻👍🏻👍🏻燒肉 LIKE選用優質食材，牛肉選擇種類都好豐富，仲可以追加唔同嘅單品，一次過試到最多唔同嘅部位，就算唔食牛嘅朋友都可以選擇豬同雞，總有一樣啱你😉我最欣賞餐廳嘅除煙烤爐，真係做到無煙，食完唔會全身烤肉味，就算返工中午去食都唔怕食完有油煙味套餐包咗和風湯🍲、泡菜或迷你沙律🥗、白飯🍚，仲可以選擇多飯同少飯，咁就唔怕唔夠飽或浪費食物啦壽喜燒牛小排🥩&牛五花🥓套餐，呢個餐配咗温泉玉子，唔係每個餐都有得配㗎！牛小排肉嫩味濃，牛五花軟滑有油香，追加半份牛舌，爽口彈牙，而且好大塊添，真係不得之了呀，鍾意食牛嘅你一定要試下，總有一個部位滿足到你🤩三部合奏套餐包含左豬五花肉🍖、豬頸肉、雞腿肉🍗，五花肉油香肉爽，豬頸肉夠厚身，燒完又香又有口感，雞肉燒完都

排長龍燒烤店去到葵芳新都會廣場，有一個側門入口就見到呢間餐廳，係星期六嘅五點幾，拎咗籌號要等30個位左右，等咗大半個鐘終於入坐，需要用電話落單，並且要俾咗錢先會送上食物，俾完錢出單先知道原來係集團食品公司，並非什麼過江龍，各位可以去衡量一下，限時1小時醬料選擇有好多，BBQ醬，鹽味醬，辣味噌醬，蒜香醬油…LIKE 套餐250g 牛舌• 牛五花 •橫膈膜肉牛舌有4塊超級薄，如果厚d就好啦，個人鐘意有厚度嘅牛舌，不過咁樣就會快熟d牛五花係我覺得最好食嘅肉，有啲似平時嘅肥牛，但更冧至於橫膈膜肉我就覺得一般，Total有三舊，可能我只係食咗一舊冇咁靚，感覺有啲韌豬五花腩肉100g感覺都唔係太肥，不過就要燒耐少少雞腿肉100g配胡麻醬好好味，但比較厚身，似雞粒，同樣要燒耐啲

其實講真冇食過幾間燒肉 但係呢間真心好鍾意無論係服務 定係菜品都非常之好味🤤不過用電子支付有啲麻煩 建議自己帶嘢飲入去食 因為啲嘢飲真心好貴 不過無論係邊間分店 只要係like燒肉服務都唔錯 不過每次都要排好耐隊 所以一定要記得先用排隊app排隊先

無論肉嘅質素、湯、沙律🥗、飯都好好食，尤其D沙律菜很新鮮、湯有昆布芝蔴好入味👍，多款醬汁任揀，本人較喜歡蒜香芝蔴汁😋性價比高，一個來吃，也好適合👍😋😋😋