燒肉屋 (清風街)

服務好親切，令到全晚都開開心心咁食完去睇舞火龍😁食物又好，好滿意👍🏻叫左套餐，薯仔沙律，一般。其他小菜店員好樂幫我地續添，我好欣賞。唔係貪心，係正常一坐底，上小菜就會食啲先，到食燒肉嘅時候，基本上小菜已剩少量，配燒肉，無小菜伴下會好漏。主角牛同豬，好食，一定好食過連鎖店，超滿意！跟餐可選麵或飯，我地揀左麵，可能係其他野食已經好滿意，所以覺得個麵可食可唔食，留反啲位食其他野。我食左兩啖就讓左比身邊個位了結佢。個清酒蜆湯，好香清酒味，食咗好多肉，飲啖湯中和下。我哋另加左生蠔盤，新鮮。甜品係雪糕，店員好貼心，等我去完洗手間先上。一般係唔會咁得閒理你。多謝店員嘅招待👍🏻令到我哋過左個開心嘅一晚🙇🏻‍♂️

上星期happy Friday特登走落天后搵嘢食，清風街呢頭都有好多嘢食，行過見到有間燒肉就入去試吓，星期五好應該比自己放縱吓🤣見到個午市商務二人餐（$399）都幾豐富，包沙律、兩個定食、一份燒肉、兩個雪糕同兩杯飲品～八爪魚柚子醬醋沙律個柚子醬幾好食同開胃，八爪魚亦都唔韌～燒肉就揀咗四味五花肉，有黑椒鹽、韓式醬、果汁醬、同埋蔥蒜味，我就比較鍾意果汁醬調味，食落比較fresh啲同埋冇咁油膩～因為最主要想食燒肉，所以定食淨係叫咗個火焰四色刺身丼，另一個都係叫咗個爽脆豚肉。刺身丼質素正常，三文魚同埋左口魚啲油香都唔錯～飲品方面就揀咗Coke Zero，而雪糕就係本地品牌，芒果味都幾香，啱晒食完燒肉之後食😋

今晚約咗朋友食燒肉chill下見到天后呢間燒肉屋價錢唔貴款式又多都幾吸引🤩店內有好多燈籠裝飾幾有日本元素不過坐無虛席所以都無特別影了一枱大約一至兩人一個爐爐仔細細火力幾夠一坐低已經有6小碟前菜味覺激賞3味生蠔特價$198菠蘿配原條橫隔膜 $239 爽脆白鱔片（配浦燒醬汁）$168棉花雲朵波子乳酸汽水 $68百香果菠蘿梳打 $58一睇menu就比菠蘿配原條橫隔膜 $239 吸引住橫隔膜肉質柔軟 肉味香濃個樣仲勁打咭able😌之後見到味覺激賞3味生蠔 買一送一六隻生蠔特價$198咋有雞尾酒醬 酸汁啫喱 泰式醬汁 三款味生蠔肉質爽滑幾鮮甜我最鍾意 雞尾酒 酸酸甜甜咁 好正 同啲蠔好夾最後燒埋白鱔店員會教埋點燒差唔多九成就可以搽浦燒醬汁啦☺️燒完出嚟香脆又肥美 鮮甜好味🤤仲有一人一杯飲品我叫左杯超吸睛嘅棉花雲朵波子乳酸汽水個樣勁夢幻 酸酸甜甜 波子汽水味都幾突出朋友揀咗百香果菠蘿梳打超濃百香果味 上面仲有片菠蘿冰賣相吸引 食完燒肉飲好爽天后區燒肉都算抵食 下次燒肉癮起又可以再去食過燒肉屋 (清風街) (天后)天后清風街10號清風大廈地舖

天后一向有不少隱世美食，這次在附近工作完，就去了這間新開張的日韓創意主題燒肉店午膳。小小一間店內掛滿日式燈籠，讓人感覺猶如置身日本的祭典當中。燒肉屋破格採用韓燒風格，為食客提供三小碟無限添食，包括韓式泡菜、醃製年藕片及海帶。午市商務二人前 ($399)❥ 八爪魚柚子醬醋沙律以新鮮的八爪魚粒及沙律菜作基底，加入脆麵包粒增添口感，配上柚子醬，酸酸甜甜的味道非常開胃。❥ 柚子豚肉丼豚肉片份量不少，厚切煮得軟嫩，以柚子調味，令豚肉的味道更加突出。❥ 流心熔岩蛋三文魚飯拌了壽司醋的米飯外面包裹著一層肥美的三文魚片，上面放了一顆流心溫泉蛋，蛋黃慢慢滲進米飯裡，蛋液與米飯、沙律醬、海苔及芝麻拌勻，包上三文魚來吃，每一口都十分滿足。❥ 超長日式牛仔骨 (日式醃製)🥩長長的牛仔骨掛在架上，單是賣相已足以震撼視覺。牛仔骨肉質鮮嫩多汁，日式醃製非常入味，經燒烤後更添一份焦香口感。套餐還包括汽水及雪糕，為這頓豐富的午餐劃上圓滿句號。◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿燒肉屋 @yakinikuyatinhau𖤣𖤥天后清風街10號清風大廈地舖味道 ♥ ♥ ♥ ♥ ♥ ♥ ♥ ♥

今日去咗天后清風街一間叫「YAKINIKUYA 燒肉屋」嘅餐廳食晚餐，餐廳嘅裝修充滿日式居酒屋嘅風格，背景播住韓文歌曲，睇完就知道呢間餐廳係食日式同韓式嘅混合菜。餐廳座位位置寬敞，每張枱都有獨立嘅燒烤爐頭，可以一邊燒嘢食一邊同朋友傾偈。前菜好似韓國料理咁樣，可以無限添加，包括泡菜、醃蘿蔔、醃蓮藕、醃芽菜同醃海帶。🍊生蠔法國生蠔做緊買一送一優惠，$48就食到兩隻，生蠔充滿濃郁嘅海水味，味道鮮甜🍊薄切A5宮崎和牛後腰配特製月見燒汁薄切宮崎和牛切到好薄身，輕輕燒已經食得，肉質幼嫩同嫩滑，味道充滿濃郁嘅牛味，配埋日本生雞蛋混合日本醬油嘅月見燒汁，味道好夾🍊蒜蓉牛油烤帆立貝每粒帆立貝嘅肉都好大粒，一碟有四隻，配上滿滿嘅牛油同蒜蓉，加入白飯喺帆立貝上烹煮，令到白飯給滿咗牛油嘅香味同帆立貝嘅鮮味，煮法特別得來又好味🍊超長日式牛仔骨呢條牛仔骨拉出嚟之後好長，有一條大骨連住好多肉，用咗，日式醬汁去醃製，醬汁嘅味道偏濃味，牛仔骨嘅肉質肥美，燒完出嚟好香🍊百香果菠蘿梳打百香果同菠蘿嘅味道好清新，配上梳打水混合而成嘅特飲充滿夏日感覺，酸酸甜甜嘅味道好開胃，可以中和燒肉嘅油膩感🍊波子乳酸汽水配棉花雲朵好耐冇飲過

心郁郁好想食燒肉，搵到附近有間日式燒肉店，衝衝衝！我地叫咗個二人餐，包咗好多items，麵豉湯同前菜都係無限添加㗎▪️午市商務二人前▪️ 原價$530 特價$399🔸八爪魚柚子醬醋沙律（小份）🔸酸酸甜甜，幾開胃🔸四味五花肉 - 黑椒、鹽、蔥蒜、果味醬汁🔸每一塊五花肉隔肥隔瘦，好平均，可以食到油脂嘅脆口，又可以食到滿瀉嘅肉香，細心啲燒到啱啱好熟，仲好juicy添。咁多隻味，其中果味醬汁真係好特別😋這個餐仲可任選價值$88午市定食兩份😗🔹流心熔岩多三文魚飯🔹半生熟蛋+蛋黃沙律醬+鋪滿超香嘅三文魚+滿滿紫菜碎，咁樣真係超邪惡好食，啱哂我嘅口味～🔹果汁雞扒 配 紫菜碎日本珍珠米飯🔹甜甜帶少少橙味嘅果汁雞扒，燒得啱啱好嘅話唔會鞋口，真係適合配飯食。隨餐仲有汽水&雪糕🍧食到飽到癲又返翻去返工啦～燒肉屋 (天后)📍天后清風街10號清風大廈地舖

今日lunch time經過天后呢間日式燒肉店決定同同事入嚟試下，入到門口已經覺得裝修好有心思，好似去咗日本嘅餐廳咁。今次我哋就叫咗個午市商務二人前，$399有無限任添嘅前菜、燒肉、兩份午市定食、甜品同飲品，真係超抵食！前菜有任添嘅泡菜、蓮藕、海帶同埋麵豉湯，但我哋想留肚食主食，所以食咗一round就冇嗌，而且有時仲會有豆芽、茄子、大根唔同嘅款式，唯有下次再嚟試。另外仲有個柚子醬醋沙律，面頭仲有啲芝士粉同埋麵包粒，超好食！燒肉方面，今次呢個set可以揀超長日式牛仔骨同四味五花肉，我哋今次就揀咗牛仔骨，烤肉調味仲有提供日式烤汁、豆瓣醬、黑椒岩鹽同埋蒜片，不過牛仔骨本來已經醃製好，唔洗額外醬汁都好入味，牛仔骨肥瘦均勻，有肉眼可見嘅雪花，一放入烤爐已經香氣撲鼻，每一啖嘅牛肉都軟腍入味，鮮嫩多汁，絕對會想再encore！另外枱上仲有鉸剪，可以剪成一塊塊咁慢慢燒。主食方面，可以揀$88嘅午市定食一份，今次我哋就嗌左吉列豬扒配黑松露忌廉石鍋烏冬，吉列豬扒每一啖都好香脆，炸得啱啱好，肉質細嫩，而最有驚喜嘅係呢個黑松露忌廉烏冬，一上碟，黑松露嘅香味已經撲鼻而黎，配埋邪惡嘅忌廉，口感豐富，簡直係人生組合

食過一次就夠 食物質素同份量都對唔住價錢經openrice買咗二人餐 集中品評當中品項烤肉：厚切A5和牛粒三拼（原價＄536） - 三拼中共有 三小塊牛肉，4粒牛柳粒，3片厚切牛舌雖然牛柳粒同牛舌質素都ok，二人餐比三片真係好難分同吝惜。如果原價可以寫到係536hkd，定價可以話超級進取。無見過咁低性價比嘅拼盤。你可能會問原價有咩意義，但個set嘅加一係跟佢mark 嘅「原價」。唔知店主mark 原價做hkd536對唔對得住自己良心果味醬汁五花肉（一條）荔枝五花肉（2件）五花肉普通，放題質素，醃料無特別燒雞翼（2件）二人set 雞翼得兩隻 咁平嘅食材唔知點解唔可以比多d，亦都係普通放題質素豬肥腸（小份）原來係兩條台灣腸湯：清酒煮蜆湯 - 超級鹹飯/麵：三蛋燒汁紫菜飯或 辣醬辛辣麵嗌咗紫菜飯，三隻蛋熟度不一，有全熟，有d蛋白未熟。更甚係三隻蛋完全無蛋味。街市湖北蛋仲好過佢。似係用黎塞飽個肚。都真係需要因為其它野份量偏少燒烤甜品雪糕兩份似係牛奶公司-無野好講環境幾靚，近乎無抽風，侍應態度唔覺有禮貌有好多好d嘅選擇，例如同價位放題

今日經過天后清風街，聞到陣陣烤肉香味，一睇原來係這間《燒肉屋》的餐廳傳出來，咁啱又肚餓，唔使諗一於入去開餐。入到餐廳，裝修好有日式風味，座位雖然唔算多，但都坐得幾舒服，店員又好禮貌。頭盤～法國生蠔，size適中，肉質Creamy，非常新鮮。跟住係～超長日式牛仔骨，Size真係好長，一路燒一路聞到肉香，食落口肉質好嫩滑，又冇渣，再用塊生菜夾住嚟食，冇咁肥膩，又另外一種食法。薄切A5宮崎和牛後腰肉～呢片肉比較薄身，上下興一下即刻可以點雞蛋和醬汁一齊食，呢片和牛入口即溶，好有牛味，加埋蛋漿更加滑口。蒜蓉牛油帆立貝，帆立貝加上蒜蓉牛油香味，原來可以咁夾，又冇冚咗啲海鮮味，超好食。我哋仲嗌咗兩杯特飲～葡萄愛梳打，海中錦鯉梳打，兩杯都好特別，飲完感覺好清新。總括嚟講，呢間餐廳，食材新鮮，款式又多，同朋友食飯傾偈，不錯的選擇！

收工經過天后食街～ 提早咗黎，終於遇到冇咁多人，可以舒舒服服入黎食番個午市商務二人套餐。個餐幾抵食，而且麵豉湯、前菜都係無限添加~~🥢頭盤：八爪魚柚子醬醋沙律。酸味味刺激胃口🥢燒肉：超長日式牛仔骨。燒肉店當然要有燒肉～ 擺盤非常吸引。長長一條鮮嫩牛仔骨肉質鮮嫩多汁。預先經過精心醃製，一放入爐燒烤就感覺到香氣撲鼻。簡簡單單好易就燒完。每一口咬落都能感受到牛肉的豐富油脂，軟腍入味，真係抵食🥢定食@吉列蝦配燒汁牛肉丼。雙拼有齊吉列蝦同多汁的燒汁牛肉～ 好味@燒菠蘿炒牛肉丼。勁大片切好嘅菠蘿。燒烤後大大增加甜味，微酸感覺更加刺激味蕾。與牛肉的鹹香相得益彰～ 🥢套餐最後仲包埋飲品同甜品，抵食

<<韓式前菜>>共五款: 韓式泡菜,  涼拌豆芽, 涼拌海帶芽,涼拌蓮藕同大根.個人最鍾意大根,  夠入味, 又無渣!  <<熊仔漢堡包柑桔梳打>>遇溺熊仔嘅造型, 加埋漢堡包糖, 令到成杯加哂分. <<波子乳酸汽水之棉花雲朵>>顏色好靚, 仲有一片片嘅糖仔響棉花糖上面, 又睇得又飲得. <<時令海膽>>見佢海膽做緊半價, 即刻點左一板. 海膽新鮮, 顏色鮮黃, 入口帶微鹹嘅海水味.用手捲落紫菜包嚟食, 仲好食. <<四味五花肉>>上枱好形好睇得, 肥瘦好均勻.店員教埋我哋先燒比較淡味嘅先, 仲要用細火, 要有耐性. 燒靚兩面後, 要再剪細燒哂六面.加埋泡菜,蒜片, 烤汁; 再用生菜包嚟食. <<原條厚切牛舌>>大大碟牛舌!入口好有牛味, 口感彈牙爽口,  唔點醬汁都已經好好食! 

天后清風街～食街之第一選～燒肉屋有Set有散叫+仲有鮮花牛肉花呢個系人均$350，真心特色又美味葡萄愛梳打～系人極推介，原汁原味-圓圓的葡萄冰粒，男友似女孩😂😂😂心受pinylady吸引的草梅棉花糖特飲前菜系無限追加三味三蠔～特價$198本人比較喜歡魚子夠曬矜貴係咩呀？俾我呀？鰻魚～厚切慢燒加醬汁隆重登場🫶🏻🫶🏻🫶🏻推原條橫隔膜加原個菠蘿🍍加埋就100分肉好淋滑冇渣有肉味，爆汁加埋菠蘿的甜酸推至極限

終於等到9月開學，仔女返哂學梗係要同老公撐枱腳啦！搬咗去東區之後發現原來港島真係美食天堂，而今次就同老公嚟到天后清風街嘅 #燒肉屋 食午餐。店內係日式居酒屋嘅裝潢，我入店仲有陣陣燒肉嘅香氣。坐低快睇餐牌就諗到食乜！一於叫個 #午市商務二人套餐 啦！落咗 order 之後會先嚟件菜 + 湯，有酸酸辣辣嘅 #韓式泡菜、爽脆嘅 #蓮藕片，仲有海帶，同埋我好鍾意嘅 #麵豉湯。跟住再嚟就係超開胃嘅 #八爪魚柚子醬醋沙律，超開胃又好味！跟住就嚟主菜啦！身為三文魚愛好者就叫咗個 #流心熔岩蛋三文魚飯，飯面仲有大量紫菜碎，成個飯係估唔到咁好味。嚟得呢到個個都係想食燒肉，我哋就叫咗個 #爽脆豚肉片，燒到底面都脆卜卜，加啲泡菜配埋個紫菜飯，真係好食到停唔到口。仲有好靚又一定要影咗相先嘅 #超長日式牛仔骨，咁長點燒呢？唔洗怕，枱上有鉸剪提供，客人可以將牛仔骨剪開做細細件，再慢慢燒，牛仔骨肉味超香，用嚟配飯一流。至於飲品我哋就飲汽水，店員仲會配埋冰底 (平時冰底要加錢)，呢到唔洗，隻杯仲要好靚添呀！總結：店內環境舒適，望咗好耐諗點解頭頂咁多沙包，原來係紙巾嚟㗎！搵機會一定要帶埋仔女嚟食先！

店名: 燒肉屋地址: 天后清風街10號清風大廈地舖天后站A1出口，行4分鐘環境: 4.5/5價錢: 4/5味道: 4/5今次同朋友黎到YAKINIKUYA ，佢哋主打創意日式燒肉店，裝潢以日本為主＋少少韓風。全間餐廳度度都是打卡位😌燒肉醬汁有日式麵豉、日式烤汁同蒜片，仲有多款韓式小菜，有泡菜、蘿蔔、海帶等，都係無限refill架😚菠蘿配原條橫隔膜(200g)❤️❤️❤️❤️$239原條橫隔膜上枱好吸睛👁️足足成200g😆燒過後有咬口又有層次，肉味濃郁，配上酸酸甜甜嘅菠蘿🍍就更好食😍味覺激賞3味生蠔❤️❤️❤️❤️$198生蠔🦪有3種味道👅肉質creamy新鮮，帶有陣陣海水味，加上醬汁味道就更為鮮甜突出🤩爽脆白鱔片(配浦燒醬汁）❤️❤️❤️❤️❤️$168有4大舊，店員推介先燒肉再燒皮，最後搽上浦燒醬汁，肉質超厚實，咬落啖啖肉又夠哂彈牙🥰百香果菠蘿梳打❤️❤️❤️❤️$58飲落唔會太甜，有陣陣菠蘿🍍同百香果嘅香甜味，加上梳打味道清新🥳波子乳酸汽水之棉花雲朵❤️❤️❤️❤️$68打卡必點‼️ 棉花雲朵☁️充滿空氣感，配上波子乳酸汽水，夏天飲一流😙

用餐期間無主動提供任何一款小菜生菜，食到最後見隔離台有泡菜同生菜，我地問先卑咗一碟仔泡菜，肉品質素差到離譜，799套餐裡面和牛只有4片，似手指尾咁闊又薄，其他單點嘅肉質一般，單點海鮮蠔無蠔味，海膽無海膽味最後買單人均360，成檯人平均體重不超過55kg，但係無一個人係食得飽，食物質素差到唔想再落單，出咗間店立即去另一間食糖水填個胃，呢間燒肉係我自己搵，見評價幾好就來試下，食完自己都覺得對唔住朋友，果然網上d好評應該都係買返來，紅日晚飯時段全場只有2檯客，係有原因嘅