燒肉屋 (清風街)

餐廳和風設計，播放輕快歌曲，座位坐得蠻舒服的。前菜是辣泡菜芝麻茄子🍆冬菇和爽口蓮藕片，每樣都清新開胃。要了一份二人前：麵豉湯無限添加，主要有海帶腐皮香蔥等材料，麵豉味香不死鹹，不過濃，湯對板。八爪魚柚子醬醋沙律色彩繽紛，脆包粒很多，有爆汁小蕃茄和芝士粉，沙律菜配黑醋汁比較開胃，八爪魚🐙有柚子醬伴吃份外清爽。爽脆豚肉片我們用上餐廳預先給的和牛油燒吃，肥瘦交替，脂肪油香四散，肉質有嚼勁，配紫菜飯吃，滿足😌且完全無肉膻。超長日式牛仔骨足料250克一份，用上日式醃料調味，賣相漂亮，易熟，牛肉味挺濃，有肉眼可見的雪花，肉質細嫩，入口鬆軟，少少肥的油花部分特別嫩滑，完全不用再加調味料都可以吃，似醬燒骨的味道，推薦。三蛋燒汁紫菜飯好有睇頭，雞蛋黃還流心，紫菜加了芝麻拌飯吃，每棵日本珍珠米飯粒都有蛋汁，簡單加上燒汁也滋味。雪糕有海鹽芒果兩款，質地煙靭，芒果味不太甜，海鹽味像棉花糖，有少少咸和牛奶味。食後感：環境舒適，冷氣充足，上菜效率高。

同朋友去左一日位於天后既🔥韓燒除左一般韓燒野食 佢仲有海膽 即刻點左板試 冇念到咁鮮甜🫢 佢仲配埋紫菜食 隔一隔唔洗直接食落口 當然海膽控唔需要🤣超多開胃前菜 泡菜 例如🍆 蘿蔔 蓮藕 芽菜 食完超開胃之餘 仲好啱中途食得太滯時解膩💯主角之一 原條🐮👅牛舌 真係一大大大條 有界開 但冇分開 保持一件 雖然燒個陣有少少麻煩 要自己動手剪 但絕對原汁原味 油脂味重🤤 爽口 同出邊嘅牛舌心一樣 但係一大保㗎💯主角之二 四種口味嘅🐷腩肉 只可以話真係好肥美 油脂咁豐富 肥瘦好均勻 唔係好睇得四片 👬差啲食唔晒🤣飲品分別 荔枝梳打 提子🍇梳打 鍾意佢唔係好甜 梳打成份比較多 相對重口味嘅韓燒 覺得調得好恰當

🍀時令海膽 海膽顏色好鮮黃 入口即溶又軟滑 有微微嘅海水味 冇腥味 用紫菜包住海膽食味道更加濃郁☺️🍀原條厚切牛舌依個一定要食 一大條厚切牛舌真係好吸引🤩 如果人多一齊食都夠分😆 將牛舌原條放上爐燒一分鐘 之後反轉再燒一分鐘 然後沿刀痕剪開成條狀再燒兩分鐘左右 最後就切粒再燒每邊一分鐘 咁就食得架啦😝 口感彈牙好有咬口 點吾同醬汁食都好好食😋🍀四味五花肉有四種口味 分別係黑椒 韓式醬汁 蔥蒜 同埋果味醬汁 每種口味燒完都好入味好好食🤤 口感有嚼勁😉 而我最鐘意嘅就係韓式醬汁同埋蔥蒜口味🤣 多人食嘅話仲可以開心share添😎🍀熊仔漢堡包柑桔梳打有個熊仔造型嘅冰係表面 襯佢溶化之前打定卡先😜 野飲入面仲有幾粒漢堡包糖 幾特別🍔

好耐冇食燒肉啦本身就諗住睇吓邊度有啲裝修環境比較有特色嘅燒肉店食飯，跟住就俾我搵到呢間係天后嘅燒肉屋啲裝修擺設都幾得意，有少少感覺係去咗日本嘅橫街窄巷啲特色小店。上菜嘅時候上咗韓國菜最有特色嘅嗰幾款小食，強烈推介個牛舌，非常好食，我同朋友都不斷問店員在拎嚟食。第一道肉就係菠蘿配牛嘅橫膈膜，我本身自己都比較少食橫膈膜都係朋友叫到想試吓所以到試吓，都覺得不錯！跟住就係燒白鱔，店員特別吩咐個皮要去到最後先燒，確保脆皮好食，我跟咗店員嘅建議去燒，個白鱔好Juice幾好食！見好耐冇食過生蠔，所以都叫咗三款調味嘅生蠔嚟試吓，三隻味道各有特色， 建議大家三隻都試吓，同埋本身生蠔都算新鮮，唔使太多調味都OK

今日去左清風街~燒肉屋🔥~食燒肉，自問自己真係食肉獸，肉類係我主食糧要食好啲。🤣前菜有泡菜、醃蘿蔔、芽菜、茄子同蓮藕，可以無張添架🤚法式生蠔 🦪，優惠價48蚊買一送一，生蠔爽口新鮮彈牙，清新一下味蕾先。超長日式牛仔骨 🥩，肉質嫩滑，肉汁豐富，用生菜包住點左醬汁既牛仔骨食，口感豐富。蒜蓉牛油烤帆立貝 🍤燒既時候好香蒜蓉牛油味，帆立貝燒到啱啱熟，放埋啲飯落去撈埋食，超邪惡。薄切A5宮崎和牛後腰配特製月見燒汁 🥩和牛有獨特嘅霜降紋理，入口即化，搭配特製月見燒汁，簡直係極致享受。食燒肉最好都係配返冰凍既啤酒，試左呢度既手工啤酒，絕對要試試。特別支夠薑口味，甜甜地又有薑味，好match. 另一支叫“早晨”，好清新，啖啖花香味。呢餐好正好滿足🥰

呢間燒肉屋新開係港鐵天后站 A2 出口，行出去先3-4分鐘就見到，出面裝修好有日本風，環境都幾靚，佈置好多日式擺設🎎😋前菜係任食, 小菜自助式例如有爽口豆芽、大根、茄子、泡菜，可以根據自己口味再加🥩推薦一試超長日式牛仔骨(日式醃製)！呢個牛仔骨係一條連住咁上，盤極精緻，打卡一流📷。而味道亦相當不錯，牛肉新鮮，肥瘦適中，醬汁濃郁，烤出黎外脆肉嫰，超正!另外叫左一份牛舌，牛舌份量都幾多多大約十片，仲有一片檸檬夾住🍋，幾有心思，另加一碗紫菜珍珠米飯，份量十足👍🏻再加一份豚肉片，份量都大碟，大概有十片，足夠兩人分享，豚肉夠厚🍖，燒出黎油香滿滿，非常滿足✨🌟整體黎講，一個燒肉lunch 食到呢個質素非常高，飽肚又滿足，值得黎試一試💗~

燒肉屋，位於天后清風街，都幾近地鐵站，日系燒肉店，裝修好靚🇯🇵啲燈飾好吸晴，個吊落既燒肉紙巾筒好得意🤣坐位舒服，有啲韓日式前菜，幾醒胃，太熱飲杯特飲先🍹波子乳酪汽水之綿花雲朵，賣相真係⼀朵花咁🌺波子汽水係童年味道！百香果荔枝梳打，唔太甜幾有荔枝香👍🏻人氣之選，法國生蠔🦪三種食法，泰式醬唔太濃，幾提鮮，令到蠔味好濃好正😍魚子醬加少少雞尾醬，味道多元化左，酸汁就好有和風感覺，好味既生蠔👍🏻忍唔住配返枝酒，店員推介買⼀送⼀既時令酒，匠既夏酒，無濾過生貯藏，酒體厚，入口香，尾段爽身，啱夏天亦都啱配食😋開爐🔥爽脆白鱔片燒鰻魚配蒲燒醬汁，每日返貨，新鮮保證，好厚肉🥺燒完⼀咬落去大爆汁，肉質嫩滑，濃味🤤好正，菠蘿配原條橫膈膜，好驚人既擺盤，真係成條橫膈膜掛起，燒完勁香😮‍💨肉味好濃，就咁食又得，包生菜又另一個風味👍🏻相當有特色而高質既燒肉店，又靚又好食🫶🏻仲有好多清酒飲，聚會好選擇😗

今次已經係我第三次嚟呢間喺天后清風街嘅燒烤店... 次次都冇令我失望... 佢哋嘅封門牛柳真係好有牛肉味... 燒白鱔同牛仔骨都好好味... 有discount係extra bonus ... 上次飲嗰個單眼佬手工啤酒味道都好正 😆 下次一定會再嚟 ~

天后出名多好嘢食，今次試吓呢間新開無耐嘅燒肉店，小店裝潢有特色掛滿燈籠好似去咗日本祭典，午市套餐選擇幾豐富，二人午市商務套餐$399幾抵食有錢菜餐湯飲品煮食同雪糕球. 店員先上三小碟韓式泡菜前菜仲有味噌湯，留意係可以添加. ⭐️八爪魚柚子醬醋八爪魚同麵包糠好有口感. 沙律菜配埋柚子醬醋清新開胃，芝士粉好香提升食慾. ⭐️韓式雞肉甜甜辣辣好有韓式風味，去骨雞肉彈牙. ⭐️果汁豬扒豬扒啖啖肉唔會韌，伴碟菠蘿燒嚟食好香甜. ⭐️超長日式牛仔骨主角登場🔥 長長牛仔骨掛在架上賣相夠震撼. 日式醃製配埋香蔥簡單燒一下味道已經好香濃好Juicy，肉質嫩滑牛味濃郁. 燒肉全部好惹味，下飯一流，紫菜碎日本珍珠米香噴噴. 真係值得一試啊.

昨晚order了一個$198的海膽，我都唔知神推鬼擁竟然冇影相，原本打卡就話影啫，細到咁我都唔好意思影，但係size其實俾佢廣告牌嘅得三份一，超後悔冇影相俾大家睇，但係不要order這個，菜式跟六、七塊紫菜，其實都唔需要因為一啖食完。另外order了六隻生蠔那個還可以雖然生蠔size比較較細，但是尚算新鮮及味道不錯。厚切牛舌，order了半份，份量亦都足夠。只是真的莫名其妙海膽198嘅價錢份量少過平時出街食嘅一嚿壽司

位於天后今年新開的非連鎖燒肉店—燒肉屋主打日式燒肉但亦都有部份韓式燒肉和前菜食物款式都好多元化而且自家製前菜 和包肉用生菜都可以refill啊店內環境係LED燈牌投射下 有種收工去玩的感覺好適合同朋友黎食晚飯飲番杯眼見隔離檯都好多人放工黎同朋友食飯或慶生🥢原板時令海膽40g👉🏻而家以優惠價$198就可以食到嘅海膽 味道非常鮮甜 一片紫菜包住一啖海膽已經是好味🥢四味五花肉👉🏻分別以黑椒鹽、韓式醬汁、葱蒜和果味醬汁預先醃製好的韓式五花肉 四片厚切的五花肉份量多 味道亦各有不同 4位分享都好足夠🥢原條厚切牛舌👉🏻啱哂牛舌熱愛份子 原條厚切牛舌/半條牛舌份量可供選擇 推薦燒至半熟 口感爽嫰 燒製時可自行加海鹽和黑椒調味🍺手工啤酒👉🏻食燒肉當然要飲番杯酒 推薦飲呢到嘅手功啤酒 Made in HK 嘅品牌 試咗「早晨」和「單眼佬話梅鋒蜜酒」 👉🏻個人鍾意「單眼佬」係有啲似梅酒嘅啤酒 酸酸甜甜帶有麥香 朋友則比較鍾意麥味較重帶些微果香氣的「早晨」

天后發現一家新開🔥日式燒肉，食物選擇豐富，除了有海鮮，豬肉，雞肉，牛🐮可以烤之外，小食的燒烤同揚物，飲品當然可以試下日本清酒，無酒精特飲都幾正🍹✨菠蘿配原條橫隔膜，有心思，🍍原條的橫隔膜放係菠蘿入邊裝住，菠蘿已經挖出同起片，橫膈膜切開小塊慢慢燒，配上獨特的醬料，口感好正😋海膽新鮮肥美，🥢店鋪有配上紫菜，可以包住一齊食口感鮮嫩，而且香甜可口。😘不會有腥味，是海膽鮮甜的味道。飲品這次選了百香果，😍有百香果果粒口感豐富，而且味道清新，果香開胃。

呢間”燒肉屋”餐廳嘅午市商務二人前套餐,真係值得一試!套餐包括四種唔同類型嘅五花肉同丼飯,份量十足,一對情侶夾都食唔哂㗎!🤩首先要提嘅就係佢哋嘅「四味五花肉」,肉質極之鮮嫩,配上四種獨特嘅醬汁,款款都好味,好正。🤩再來嘅「燒汁牛肉配吉列蝦丼」就同樣食得好爽口,個牛肉又嫩又香,個吉列蝦亦炸得好脆好香，配上酸酸甜甜嘅沙律醬，超好味。🤩最後一款就係「蔥鹽流心牛肉丼」,個牛肉外酥內軟,加埋鹹香嘅蔥鹽,真係一絕!除咗呢三道招牌菜之外,餐廳嘅環境更加值得一提,佢哋將隻五花肉掛喺竹架上枱,唔單止食得好味,仲可以一嘗打卡嘅樂趣㗎!啱晒放IG打卡🥰

燒肉屋 (清風街)地址: 天后清風街10號清風大廈地舖電話: 燒肉屋唔洗多講就知是食燒肉啦，出名在有日本宮崎和牛！喜歡吃和牛及其豐富油脂，切定要來品嚐一下和牛滋味。前菜好韓式feel ,食住打底先，仲可以refill 鰻魚自己燒，皮厚充滿彈性，燒時刷上汁。三味生/燒蠔，肥美好食，預先調味連dressing 也不需要。呢塊菠蘿牛肋好大塊，的好快轉顏色，食入口是夾著重重的肉汁與油脂，富牛味另外加飲品，賣相幾吸引重油脂蛋白質品係好夠,好岩用keto 減肥架人

牛角燒肉以外的好選擇！天后呢條街本身已經多嘢食，估唔到仲隱藏咗一間昭和風嘅小居酒屋，燒肉多部位選擇，有好好飲嘅本地啤同居酒屋親自調味嘅多款小菜，收工後嚟呢度放鬆飲返杯🥹，絕對有返咗鄉下嘅感覺！🥚小菜 含泡菜、麻油芽菜、漬茄子香菇、燉煮大根、涼拌蓮藕每款都非常好吃！特別欣賞燉煮大根，似關東煮一樣燉到軟熟入味，咬下非常juicy，甜味湧曬出來，忍唔到口再追加，原來小菜都可以無限追加，好佛心！A5牛眼蓋第一次試食呢個部位，肉質淡粉紅兼色澤均勻，未燒已非常治癒。大約每邊5秒已經滲出油香，肉質係偏薄柔軟，燒到有少少窿邊外焦最正！大愛呢款骰仔牛，雪花都非常美麗，記得每邊都要燒得勻稱，出面有少少焦香，咬落入口即溶😭食肉的幸福就係咁了！白鱔肉質非常厚身，燒到鱔皮焦脆點蒲燒汁一齊入口甜甜鹹鹹，肉汁和魚油滿溢，非常香口！五花肉總共有青醬、韓式、蔥蒜和果味醬汁，腌得非常入味，肥瘦比例剛剛好，而且豬油香和汁的濃厚度剛好，連生菜包一起包入口爽口、軟嫩，目測每枱都叫了一碟！本地啤酒夠薑 薑汁啤酒芒椰奶西本來不太喜好啤酒，但這兩款非常有驚喜！即使本身不太嗜酒也很好入口，芒椰的椰汁和甜芒味重，剛好可以平衡了啤酒的澀度