燒肉屋 (清風街)

天后出名多好嘢食，今次試吓呢間新開無耐嘅燒肉店，小店裝潢有特色掛滿燈籠好似去咗日本祭典，午市套餐選擇幾豐富，二人午市商務套餐$399幾抵食有錢菜餐湯飲品煮食同雪糕球. 店員先上三小碟韓式泡菜前菜仲有味噌湯，留意係可以添加. ⭐️八爪魚柚子醬醋八爪魚同麵包糠好有口感. 沙律菜配埋柚子醬醋清新開胃，芝士粉好香提升食慾. ⭐️韓式雞肉甜甜辣辣好有韓式風味，去骨雞肉彈牙. ⭐️果汁豬扒豬扒啖啖肉唔會韌，伴碟菠蘿燒嚟食好香甜. ⭐️超長日式牛仔骨主角登場🔥 長長牛仔骨掛在架上賣相夠震撼. 日式醃製配埋香蔥簡單燒一下味道已經好香濃好Juicy，肉質嫩滑牛味濃郁. 燒肉全部好惹味，下飯一流，紫菜碎日本珍珠米香噴噴. 真係值得一試啊.

昨晚order了一個$198的海膽，我都唔知神推鬼擁竟然冇影相，原本打卡就話影啫，細到咁我都唔好意思影，但係size其實俾佢廣告牌嘅得三份一，超後悔冇影相俾大家睇，但係不要order這個，菜式跟六、七塊紫菜，其實都唔需要因為一啖食完。另外order了六隻生蠔那個還可以雖然生蠔size比較較細，但是尚算新鮮及味道不錯。厚切牛舌，order了半份，份量亦都足夠。只是真的莫名其妙海膽198嘅價錢份量少過平時出街食嘅一嚿壽司

位於天后今年新開的非連鎖燒肉店—燒肉屋主打日式燒肉但亦都有部份韓式燒肉和前菜食物款式都好多元化而且自家製前菜 和包肉用生菜都可以refill啊店內環境係LED燈牌投射下 有種收工去玩的感覺好適合同朋友黎食晚飯飲番杯眼見隔離檯都好多人放工黎同朋友食飯或慶生🥢原板時令海膽40g👉🏻而家以優惠價$198就可以食到嘅海膽 味道非常鮮甜 一片紫菜包住一啖海膽已經是好味🥢四味五花肉👉🏻分別以黑椒鹽、韓式醬汁、葱蒜和果味醬汁預先醃製好的韓式五花肉 四片厚切的五花肉份量多 味道亦各有不同 4位分享都好足夠🥢原條厚切牛舌👉🏻啱哂牛舌熱愛份子 原條厚切牛舌/半條牛舌份量可供選擇 推薦燒至半熟 口感爽嫰 燒製時可自行加海鹽和黑椒調味🍺手工啤酒👉🏻食燒肉當然要飲番杯酒 推薦飲呢到嘅手功啤酒 Made in HK 嘅品牌 試咗「早晨」和「單眼佬話梅鋒蜜酒」 👉🏻個人鍾意「單眼佬」係有啲似梅酒嘅啤酒 酸酸甜甜帶有麥香 朋友則比較鍾意麥味較重帶些微果香氣的「早晨」

天后發現一家新開🔥日式燒肉，食物選擇豐富，除了有海鮮，豬肉，雞肉，牛🐮可以烤之外，小食的燒烤同揚物，飲品當然可以試下日本清酒，無酒精特飲都幾正🍹✨菠蘿配原條橫隔膜，有心思，🍍原條的橫隔膜放係菠蘿入邊裝住，菠蘿已經挖出同起片，橫膈膜切開小塊慢慢燒，配上獨特的醬料，口感好正😋海膽新鮮肥美，🥢店鋪有配上紫菜，可以包住一齊食口感鮮嫩，而且香甜可口。😘不會有腥味，是海膽鮮甜的味道。飲品這次選了百香果，😍有百香果果粒口感豐富，而且味道清新，果香開胃。

呢間”燒肉屋”餐廳嘅午市商務二人前套餐,真係值得一試!套餐包括四種唔同類型嘅五花肉同丼飯,份量十足,一對情侶夾都食唔哂㗎!🤩首先要提嘅就係佢哋嘅「四味五花肉」,肉質極之鮮嫩,配上四種獨特嘅醬汁,款款都好味,好正。🤩再來嘅「燒汁牛肉配吉列蝦丼」就同樣食得好爽口,個牛肉又嫩又香,個吉列蝦亦炸得好脆好香，配上酸酸甜甜嘅沙律醬，超好味。🤩最後一款就係「蔥鹽流心牛肉丼」,個牛肉外酥內軟,加埋鹹香嘅蔥鹽,真係一絕!除咗呢三道招牌菜之外,餐廳嘅環境更加值得一提,佢哋將隻五花肉掛喺竹架上枱,唔單止食得好味,仲可以一嘗打卡嘅樂趣㗎!啱晒放IG打卡🥰

燒肉屋 (清風街)地址: 天后清風街10號清風大廈地舖電話: 燒肉屋唔洗多講就知是食燒肉啦，出名在有日本宮崎和牛！喜歡吃和牛及其豐富油脂，切定要來品嚐一下和牛滋味。前菜好韓式feel ,食住打底先，仲可以refill 鰻魚自己燒，皮厚充滿彈性，燒時刷上汁。三味生/燒蠔，肥美好食，預先調味連dressing 也不需要。呢塊菠蘿牛肋好大塊，的好快轉顏色，食入口是夾著重重的肉汁與油脂，富牛味另外加飲品，賣相幾吸引重油脂蛋白質品係好夠,好岩用keto 減肥架人

牛角燒肉以外的好選擇！天后呢條街本身已經多嘢食，估唔到仲隱藏咗一間昭和風嘅小居酒屋，燒肉多部位選擇，有好好飲嘅本地啤同居酒屋親自調味嘅多款小菜，收工後嚟呢度放鬆飲返杯🥹，絕對有返咗鄉下嘅感覺！🥚小菜 含泡菜、麻油芽菜、漬茄子香菇、燉煮大根、涼拌蓮藕每款都非常好吃！特別欣賞燉煮大根，似關東煮一樣燉到軟熟入味，咬下非常juicy，甜味湧曬出來，忍唔到口再追加，原來小菜都可以無限追加，好佛心！A5牛眼蓋第一次試食呢個部位，肉質淡粉紅兼色澤均勻，未燒已非常治癒。大約每邊5秒已經滲出油香，肉質係偏薄柔軟，燒到有少少窿邊外焦最正！大愛呢款骰仔牛，雪花都非常美麗，記得每邊都要燒得勻稱，出面有少少焦香，咬落入口即溶😭食肉的幸福就係咁了！白鱔肉質非常厚身，燒到鱔皮焦脆點蒲燒汁一齊入口甜甜鹹鹹，肉汁和魚油滿溢，非常香口！五花肉總共有青醬、韓式、蔥蒜和果味醬汁，腌得非常入味，肥瘦比例剛剛好，而且豬油香和汁的濃厚度剛好，連生菜包一起包入口爽口、軟嫩，目測每枱都叫了一碟！本地啤酒夠薑 薑汁啤酒芒椰奶西本來不太喜好啤酒，但這兩款非常有驚喜！即使本身不太嗜酒也很好入口，芒椰的椰汁和甜芒味重，剛好可以平衡了啤酒的澀度

同朋友一齊嚟咗呢間燒肉店食燒肉午餐🤣叫咗呢度嘅「午市 - 商務二人前」 $399 🤣八爪魚柚子醬醋沙律（小份）：沙律菜幾新鮮，同埋好似加咗係柚子醋，食得幾開胃🤣流心熔岩蛋三文魚飯：好大碗，加咗好多蛋黃醬，食晒會好飽🤣果汁雞扒：雞扒去咗皮，燒得幾容易👍紫菜碎日本珍珠米飯：大大碗👍四味五花肉：四種味道係 黑椒鹽、韓式醬汁、葱蒜、果味醬汁😋；五花肉 半肥瘦，4種不同方法醃製，仲好似晾衫咁晾喺個木架上邊，幾好玩🤣梳打水、可樂：凍冰冰就梗係好飲啦🤣雪糕：芒果雪糕甜甜哋🤣

好耐無出港島，所以搵左間燒肉試下生菜同前菜都係任加👍🏻味覺激價3味法國生蠔（$198）見到係人氣之選就叫。有三種口味：分別係雞尾酒醬，酸汁啫哩，泰式醬。個人最愛係酸汁啫喱，同生蠔好襯，而蠔都唔腥又唔算好瘦菠蘿配原條橫膈膜（$239）份量有200g，除咗牛舌之外，平時燒肉最愛食橫膈膜，事關口感好，配上菠蘿可以解膩爽脆白鱔片（$168）今餐最推薦🥰，事關魚片好爽好彈牙，配上浦燒醬汁無得輸海中錦鯉梳打（$48）幾特別，要攪勻先飲，甜甜地百香果荔枝梳打（$58）百香果味佔重，味道ok

呢間餐廳有日本祭典既感覺，入到去入面環境都幾靚，有好多日式擺設，紅白藍波波球造型好搶眼，顏色好sharp仲寫左燒肉兩個字好特別既環境好似去左日本小店甘，我地叫左一份牛五花，牛五花切到擺盤精緻，客人可以自己用爐慢慢燒黎食，另外叫左份牛舌，牛舌都算份量多大約十片加一碗紫菜白飯，白飯用左珍珠米，另外一碗三蛋飯超大碗，呢度前菜係任食既，牛舌都係其中一種前菜仲有蘿蔔同大豆芽等等，飲品加左5蚊任飲檸檬茶都抵飲既。

星期五晚訂咗7:30 4位 Open Rice確認咗訂位 去到嘅時候佢話冇位 話full booking諗住唔理我 我再三強調我訂左位 咁我點算都唔太理我 我冇即場噴粗口已經好仁慈 最後4條友星期五30幾度要周圍搵野食 都未幫襯你 連呢啲訂位都出哂事 冇誠信仲點做生意呀

成日嚟呢邊食野 今次見餐廳新開 裝修都幾特別就試下🏮小菜無限Refill (爽口豆芽、大根、茄子、泡菜) 作為開胃前菜已經好正🥰🍴蒜蓉牛油帆立貝一份有4隻帆立貝 厚身又鮮味🥰附上一碗紫菜飯本身以前帆立貝配飯有少少唔夾🧐點知 燒完之後殼上嘅牛油蒜蓉汁🥹配埋鮮甜帆立貝真係可以送到成碗飯!🍴超長日式牛仔骨(日式醃製) 呢款擺盤極精緻 打卡一流📸放上爐後稍微燒到外面脆身💥入口超軟嫩 而且本身都調好味 就咁食都夠濃郁👐🏻🍴薄切A5宮崎和牛後腰配特製月見燒汁油花超靚 😍油脂分佈平均 輕輕一燒 入口即融🤭點埋月見燒汁加蛋黃 滿滿大幸福感!👏🏻📌燒肉屋📍天后清風街10號清風大廈地舖

早一晚訂位，但當日早一小時才知會只會安排入坐bar 枱，當日星期五，又點夠時間book新餐廳，打亂左成個plan。食燒肉都唔想同人撘枱，枱闊啲都好叫野食啲，book枱要坐bar枱唔係問題，問題係一開始我唔知，知個刻都已經last minute，咁我仲有選擇咩？

🕰️今日中午,我同同事去咗天后嘅燒肉屋餐廳,食咗一個豪華嘅商務燒肉二人餐。估唔到平日中午餐廳客人都好多,一入門我哋就被濃郁嘅燒肉香氣迷倒咗,😋已經忍唔住要叫野食。先來嘅係餐前小菜,包括脆口嘅韓式泡菜、彈牙滑溜嘅醃製年藕片同埋清清甜甜嘅紫菜湯等。😋呢啲開胃菜真係好美味,而且🍽️仲可以無限任食。緊接著上嚟嘅就係我地點嘅新鮮嘅韓式雞肉同埋爽口鮮香嘅豚肉片,配搭住兩碗香Q彈牙嘅紫菜日本珍珠米飯,燒熟後一齊食,個味道都好正啊!🤤然後,明星級嘅超長日式牛仔骨終於登場啦!剩係個樣都要瘋狂打卡啦,🥩牛仔骨嘅肉質鮮嫩多汁,燒烤之後焦香嫩滑,讓人食慾大增。最後,我哋仲點咗一碗生脆爽口嘅八爪魚柚子醬醋沙律,醬汁非常獨特吸引,為呢個豐富嘅燒肉套餐畫上完美嘅句號。🥗另外,套餐兩罐清涼爽口嘅汽水,服務員怕汽水不夠凍還給了冰杯給我們,🍹為整個用餐過程帶來一絲清涼感。天后嘅燒肉屋提供咗高質素同正宗嘅燒肉料理,唔單止菜式新鮮美味,連服務態度都好親切周到。🍽️喺呢度食飯,無論係商務應酬定係同朋友聚會都最適合唔過。以後有機會一定要再嚟光顧!🥳午市-商務二人套餐 HK$399

喺OpenRice訂枱，入座嘅時候店員有提我最低消費$200 ，咁我兩個人，一個set lunch大概90幾蚊，我覺得可以，點知埋單之後OpenRice 計我缺席。問清楚，原來係人均$200先至可以計我出席，我唔明點解要set啲咁苛刻嘅條件，如果你一個set lunch只係90幾蚊，點解要set每人食$200？同埋消費金額同客人有否出席有什麼直接關係呢？ 我2個人叫了2個set lunch外加一份燒魚，埋單$340，當我缺席，食咗一肚氣！