熱點點心專門店

營業中

休息中

突然間晚上點心癮起, 就喺openrice上面search附近有咩點心,發現太子有間叫熱點點心好似幾出名。入到去雖然樓面比較細，不過又好有懷舊感覺牆上嘅畫全部都係舊香港。我哋叫咗大概七至八款點心。燒賣蝦餃嚟嘅份量都好大份,雖然只叫咗兩粒,但係每日一粒已經好滿足，特別係蝦餃佢嘅蝦嘅份量，係我見過都算頭三位。呢度嘅鹹水角個形狀好可愛，係用一個梨嘅形狀造成嘅, 鮮炸起皮薄餡多裏面嘅料鹹水角嚟講係好充足！呢度仲有出面比較少見嘅灌湯餃同金沙米網腸, 米網腸外層米香,炸好既網卷好脆, 面頭亦都有蝦滑蟹籽響上面食落去嘅口感十分多元化。灌湯餃裏面嘅濃湯同料都好多,每一啖了你都食到海鮮嘅鹹香味最後仲食咗蘿蔔糕同牛肉球, 牛肉球有拳頭咁大分而蘿蔔糕都十分啲脆口, 加上木魚別有一番風味！

夜晚想食點心，來呢d點心專門店就啱啦， 有啲特色手作嘅點心比酒樓更加好味。呢間位於太子，點心都即叫即蒸，上枱熱辣辣，香噴噴，而且價錢唔貴， 大部分都係卡位，環境都算乾淨。蝦餃 $16好飽滿，蝦肉彈牙。但皮太薄，一夾就好容易穿。蟹籽燒賣 $14大大粒，上面舖滿蟹子， 有陣陣香菇的鮮味，豬肉唔會好肥。鮮蝦腸粉 $29白裏透紅，大大隻蝦，仲有幾條韭黃。腸粉好滑，但唔夠米香。瑤柱菜苗餃 $29裏面有滿滿嘅菜同瑤柱，仲有1隻蝦，食到乾瑤柱的鮮甜， 夾埋菜苗食好juicy，下次再encore。燒汁百花釀茄子 $29上面加左柴魚，旭下旭下咁好得意。 蝦膠彈牙，但有d過油。雪山叉燒包 $19包低煎過，有微脆口感。蜜汁叉燒唔會過肥，外層酥皮香脆。原籠馬拉糕 $25充滿空氣感，好香，好軟熟，淡淡黑糖味同雞蛋味，非常好味。海底椰燉雞湯 $30可以清熱去濕，個湯好香，好夠味，真材實料，唔會好多油。

#熱點（太子）餐廳*今日去旺角行街,經過一間點心店鋪,於是日會試下😀1）蜂窩炸芋角：外表炸得非常香脆,內裏非常軟滑,餡料一點也不輸蝕,芋蓉包着有蝦米和新鮮的豬肉粒,芋蓉份量非常多,鮮味十足。2）千島醬香脆蘿蔔糕：切成粒粒狀的四方體,蘿蔔糕配上芝士、千島醬和木魚,煎到外脆內軟,吃起來有種耳目一新的感覺。3）蟲草花燉雞：用真材實料熬製而成,味道鮮甜,滋潤潤肺,更可以抗衰老。4）楊枝甘露糕：非常足料,包括有芒果、西柚和西米,一試難忘。5）蝦餃：大大粒的蝦餃,外表晶瑩通透,內裏全都是彈牙的鮮蝦,口感十足。6）蟹籽燒賣皇：燒賣有切細的虾、冬菇和豬肉,吃起來啖啖肉,鮮味十足。7）雪山叉燒包：熱騰騰大大隻脹卜卜的包,吃起來包皮最上層是甜的,底部煎過,內裏滿滿的叉燒餡,非常惹味。8）春風得意腸：即叫即拉,材料豐富,腸粉皮包著甜甜的粟米和彈牙的鮮蝦,上面灑上爽口的蟹籽,好味😋😋9）香芒炸蝦卷；炸得非常香脆,但並沒有一點油膩,蝦肉彈牙,與甜甜的芒果夾起來非常合拍。

與同事午膳去了太子彌敦道782號麗英大廈C號舖熱點 點心專門店 飲茶室內似茶餐廳裝潢，走大眾化路線，港式點心，每位茶4元，全日免收加一，服務員很忙招呼客人，點心迅速上枱。潮州粉果，饀料豐富，極似舊式茶樓的味道，饀皮彈牙，比現時一般酒樓大隻。遺忘已久的灌湯餃，上湯內有魚翅邊和陣陣的瑤柱味，皮薄饀靚，好食。熱點蝦餃皇，值得推介，饀料飽滿，鮮蝦爽脆，餃皮彈牙夠薄，正。香芒炸蝦卷，外皮夠酥脆，熱騰騰上枱，好食。蜂巢炸芋角真有驚喜，外型睇得，食落鬆化，饀料夠味，現在的酒樓幾乎絕跡因功夫甚多。虎皮煎釀尖椒，魚膠彈牙，尖椒爽口，口感極佳。鮮竹牛肉球，肉質嫩滑多汁，與馬蹄混和合併，爽口美味。鮮蝦韮王腸，蝦夠新鮮，腸粉夠薄身軟滑，配上甜豉油特別好味。楊枝甘露糕，新鮮芒果蓉及濃濃的奶香加西米，糕身幼滑可口，甜度剛剛好，是餐後必吃的甜品。

以前細個成日都會飲茶,最鍾意係望住各式各款既點心係點心紙上再慢慢挑選.相反大個左就少左去飲茶,今日難得經過太子偶爾間見到呢間點心店好熱鬧,就心血來潮去飲下久違既茶.蟹籽燒賣皇燒賣大大粒,內裏豬肉彈牙唔會過實,加上蝦肉彈牙令整體口感都好爽身彈牙.燒賣咬入充滿肉汁,小店經營既點心店都充滿驚喜！魚翅灌湯餃灌湯餃湯底清晰帶一陣雞湯香味.灌湯餃燉盅內有塊小素翅,入口幾彈牙.灌湯餃皮薄內裏帶蝦,肉,木耳,入口爽彈香濃.雪山叉燒包外層係雪山牛油酥皮,入口鬆化香甜唔會好膩.內裏充滿叉燒醬汁既鹹香味,蜜汁味香而且內裏亦好多叉燒肉.成個包既口感好豐富又惹味.燒汁百花釀茄子茄子上饟既蝦滑好有驚喜！比起平時常用既鯪魚肉,蝦滑鮮香味及口感更豐富.再加上少少燒汁及木魚碎令味道更香更濃郁.鮮蝦韭黃腸每一小塊腸粉都食到蝦肉,蝦肉入口彈牙爽身.腸粉入口好香綿又帶米香.如果腸粉內多返少少韭黃會更香.楊枝甘露糕帶住一陣芒果及柚子既香味,入口酸酸甜甜又唔過甜膩,作為甜品都唔會有好大負擔.紅棗桂圓豆漿豆漿香滑帶豆香,紅棗同桂圓味都好突出又唔會過甜.

舊同事返新工後約出黎呻, 近近地揀咗離太子站只需一分鐘內步程嘅一間點心店。餐廳裝修偏港式茶餐廳style, 自行click點心紙落單, 一般平時去酒樓飲茶食開嘅款式都有。【熱點蝦餃皇(4隻)】HK$29皮晶瑩剔透, 很夠薄, 蝦肉餡料鮮甜彈牙【蟹籽燒賣皇(2隻)】HK$13豬肉彈牙, 鮮甜肉香又多汁, 而且仲好有層次【醬汁蒸鳳爪】HK$20醬汁鹹中帶甜, 入味, 鳳爪很有膠質, 連帶軟筋, 唔錯!【鮮竹牛肉球】HK$20牛肉球質地林, 極之多汁, 混入了莞茜, 多一點清香。【春風得意腸】HK$34腸粉皮包住薄脆層, 口感還是脆口, 再包住蝦粒、粟米粒、莞茜、蟹籽, 集鮮甜、清甜、清新, 豐富層次於一身, 很喜歡!【小梨子咸水角】HK$28熱辣辣上檯, 外層鬆化, 入面有juicy肉碎餡料【雪山叉燒包】HK$18包暖暖地, 軟熟, 嫌面層焗得唔夠透, 冇咗微脆口感, 入面叉燒餡料甜甜地。【瑤柱珍珠雞(2隻)】HK$26糯米很濕潤, 有淡淡燒汁肉碎, 幾惹味。

呢間餐廳點心畀酒樓係平嘅，因為佢唔使加一，另外如果五點後嚟食會有88折，再加上呢度茶錢只不過係4蚊一位，所以計計下條數係畀酒樓平好多㗎。呢度啲蝦餃同燒賣可以兩粒兩粒咁叫，咁變咗可以食多啲款式。個楊枝甘露糕呢度做得唔錯嘅，佢做得幾香口呀，同埋嗰個芒果味同埋楊枝甘露味都係做得夠香濃牛肉好有牛肉味，同埋有馬蹄系里面，幾爽口呀呢度啲點心都係即叫即蒸嘅，叫咗之後大約十分鐘啲點心就會嚟㗎啦，其實都係算幾有效率。

🥩山竹牛肉球牛肉球配搭喼汁味道唔錯🤤裏面仲有一粒粒嘅馬蹄，推薦👍🏻🦀蟹籽燒賣皇燒賣裏面有好多豬肉，肥瘦適中😽🦐熱點蝦餃皇蝦餃比出面嘅更加大隻，裏面有好多蝦，冇雪味😻都唔錯架🐥醬汁蒸鳳爪鳳爪俾濃濃嘅醬汁包住，煮得好軟淋入味🙌🏻🐣薑汁雞仔包外層包體軟熟，薑汁味濃，但又唔會搶味😽整體唔錯，相比叉燒包係個比較特別嘅選擇，值得一試🍯蜂巢炸芋角咁多款最驚喜嘅係蜂巢炸芋角👍🏻炸成金黃色，外層香脆🤗裏面除咗芋頭蓉仲有啲肉粒，唔會過鹹🤫🐮芫荽牛肉腸、腐皮卷🥟瑤柱菜苗餃菜苗餃好飽滿，裏面亦都有唔少蝦肉🥰表面亦都有唔少嘅瑤柱，整體好juicy餐牌：環境：

搭巴士出旺角的時候經過太子有間食點心今晚同朋友想飲個晚茶 係地鐵站出口轉個彎就到 茶記的店面 但係都有得開返壺茶飲 幾surprise 兩個人叫左8 樣點心 基本上的點心都可以食到 連店面裝修都用返點心同香港交通拼湊而成去營造廣東味道掛我諗最令我值得記錄係e 兩樣點心 好似菠蘿包脆皮的雪山叉燒包同埋小梨子熱辣辣咸水角比較有gimmick 蝦餃燒賣有得叫半份兩粒 可以有一個相宜價錢食多幾樣野其他點心都有返茶樓水準 最後食埋個涼浸浸楊枝甘露糕 好滿足如果想平平地同朋友食個晚茶 都係抵食之選

上次食過好食唔貴今次食嘅嘢係一半都同上次唔同今次食咗煎蛋牛肉飯、 潮州粉果、 蜂巢炸芋角、 瑤柱菜苗餃、 燒賣上次講過唔講講，今次講新嘅嘢食煎蛋牛肉飯有驚喜， 上面嗰個牛肉有一啲芫茜，感覺就好是一大舊的山竹牛肉一樣， 吃得非常爽皮潮州粉果皮軟，饀夠爽蜂巢炸芋角都好食， 皮好脆好鬆，裏面有很多 芋頭，仲有一啲肉碎同埋蝦米今次燒賣叫四粒，分咗兩籠上，覺得好搞笑今次早咗食飯，冇上次食咁多嘢，兩個人食咗百零蚊嘢大滿足有機會下次再食其他

今日要去太子交收 一落巴士就見到呢間係彌敦道嘅點心店 門口有個大大嘅牌寫住1700-2200 有88折😮 飲夜茶仲要有折 所以就入咗去試吓店舖有好多張細枱 而且冇諗過有咁多客人 只係得返cashier隔離嘅枱有位 環境坦白講有少少逼 坐得唔係太舒適 但我地都係想食個快飯啫 所以都okay😺點心紙有好多食物 而且墊枱紙有部份食物照片比我地參考 結果我地叫咗8樣點心😂蜂巢炸芋角 好耐冇食過 好傳統嘅感覺☺️ 個餡料係咸水角嘅肉碎千島醬香脆蘿蔔糕 份量都幾多 不過覺得千島醬嘅份量都多咗少少 有少少掩蓋咗蘿蔔糕嘅味道醬汁蒸鳳爪 呢碟幾好 冇太多醬汁浸住底下嘅花生 而且隻隻鳳爪都算有厚肉瑤柱珍珠雞 一籠有兩隻 入面有雞絲 瑤柱就好似唔係好食得出😮瑤柱菜苗餃 呢個餃嘅賣相幾特別 食開嘅菜苗餃都係將所有餡包住 呢間冇完全包晒全部嘅餡 食得出少啲皮 冇咁飽🤓豬麥紫薯流沙包 呢個包好得意 紫薯餡真係好流沙 甜度剛好😋蜜汁叉燒腸 叉燒好多 腸粉皮好薄又夠滑海底椰燉雞湯 都幾清甜 餐紙上寫左呢個湯既功效就係清熱 除燥 潤肺😂整體嚟講 呢間點心店樣樣都好熱辣辣 味道都唔錯☺️ 晚市時間食仲更加抵

呢間專門食點心嘅餐廳位於太子地鐵站附近，平日夜晚去亦都好多人，七點嘅時間已經座無虛席。蜂巢炸芋角，外皮炸得好鬆脆，有炸豬網油嘅口感，內裏非常之綿滑，一層樓芋頭蓉包豬肉碎，好香芋頭味。蝦餃亦都十分之推介，鮮蝦大大粒，皮薄餡靚。平時奶黃流沙包就食得多，紫薯流沙包都係第一次見，唔會太甜味道適中。雪山叉燒包新鮮出爐，外表鬆脆，麵包嘅部位唔會太厚，食完仲有quota食多啲其他嘢。楊枝甘露糕，有啲似芒果西米布甸

鍾意食傳統點心，一盅兩件，慢慢嘆。熱點夠平民化，價錢抵食，2點仲有下午茶！點心選擇都幾多！▶️蜆蚧鯪魚球$20宜家已唔多酒樓有了，蜆蚧汁夠咸，鯪魚球肉有魚鮮味！▶️蜜汁叉燒腸$20腸粉皮夠薄，熱辣辣好食！叉燒切成碎粒，充滿腸粉。▶️千島醬蘿蔔糕$25有柴魚及千島醬，幾有日式風味。蘿蔔糕切成方塊，份量都幾多！▶️蟹籽燒賣皇2粒$13鍾意佢有啲點心可叫2粒，如果兩個人食就可以叫多啲款式。▶️瑤柱珍珠雞$26糯米夠林，都幾大隻，入面幾足料！▶️藥膳燉鳳爪$26藥膳味好重，鳳爪夠林充滿藥膳味！▶️原籠馬拉糕$24呢個好大個，馬拉糕夠甜夠鬆軟！▶️海底椰燉雞湯$29好夠味，燉湯幾好飲！

夜晚都要食點心😌今日就試呢間咗💃🏼🔖豬麥紫薯流沙包💰26豬仔造型夠哂可愛🐽入面嘅紫薯蓉甜度唔會話好甜，而且質感幾幼滑😛💫推薦指數: 7.5/10🔖紫菜海鮮卷💰29第一次食呢款點心~入面係包住鮮美嘅蝦肉，成個配搭比想像中有驚喜，好味😚💫推薦指數: 8.5/10🔖熱點蝦餃皇💰15入面嘅蝦肉大大隻😆又爽彈~特別講一講呢到嘅蝦餃有分2隻同4隻，嗌2隻就可以再試多啲點心啦😝💫推薦指數: 7/10🔖鮮蝦韭黃腸💰29腸粉皮晶凝通透，清楚見到啲蝦肉㗎🦐質感夠滑，而入面嘅蝦肉就夠彈牙☺️💫推薦指數: 8/10🔖鳳爪排骨籠仔飯💰38呢個飯會唔會太抵食🤣飯底夠多之餘，鳳爪同排骨同樣都係好足料🤩調味方面都做得唔錯🙌🏼熱辣辣蒸出嚟好正啊😇💫推薦指數: 8/10

依家想食點心多咗好多選擇，呢間勝在位置就腳，太子站行一分鐘就到！✨ 鳳爪排骨飯得一隻鳳爪煮到好入味同好腍，排骨肉幾滑，大大小小都有四五舊，落少少豉油就好夠味✨ 熱點蝦餃皇、蟹籽燒賣皇、白灼西生菜叫得蝦餃皇果然係有咁上下份量，每隻餃有兩隻爽口嘅蝦，皮薄但有少少易爛。燒賣同生菜就冇乜特別，正常發揮～最中意係蝦餃燒賣呢啲必食之選有得揀要兩粒定四粒，兩個人去食就唔洗焗住食多粒喇 🤣✨ 雪山叉燒包其實本人唔多喜歡飲茶食包，因為好易太乾或者搞到食滯咗。呢個叉燒包都算「皮薄」餡靚，包面甜甜哋，細細個過吓包癮✨ 春風得意腸腸粉皮唔算好薄，但包住咁大舊餡反而啱啱好，唔會冇哂存在感。蝦膠彈牙，有啲甜粟米喺入面爽爽哋咁✨ 薑蔥牛栢葉、鮑汁鮮竹卷、燒汁百花釀茄子牛栢葉同鮮竹卷都係正常發揮，味道剛好。釀茄子好似fusion菜，但試無妨，蝦膠又係好彈牙