影片
更多
2021-07-27
56 瀏覽
依家想食點心多咗好多選擇，呢間勝在位置就腳，太子站行一分鐘就到！✨ 鳳爪排骨飯得一隻鳳爪煮到好入味同好腍，排骨肉幾滑，大大小小都有四五舊，落少少豉油就好夠味✨ 熱點蝦餃皇、蟹籽燒賣皇、白灼西生菜叫得蝦餃皇果然係有咁上下份量，每隻餃有兩隻爽口嘅蝦，皮薄但有少少易爛。燒賣同生菜就冇乜特別，正常發揮～最中意係蝦餃燒賣呢啲必食之選有得揀要兩粒定四粒，兩個人去食就唔洗焗住食多粒喇 🤣✨ 雪山叉燒包其實本人唔多喜歡飲茶食包，因為好易太乾或者搞到食滯咗。呢個叉燒包都算「皮薄」餡靚，包面甜甜哋，細細個過吓包癮✨ 春風得意腸腸粉皮唔算好薄，但包住咁大舊餡反而啱啱好，唔會冇哂存在感。蝦膠彈牙，有啲甜粟米喺入面爽爽哋咁✨ 薑蔥牛栢葉、鮑汁鮮竹卷、燒汁百花釀茄子牛栢葉同鮮竹卷都係正常發揮，味道剛好。釀茄子好似fusion菜，但試無妨，蝦膠又係好彈牙
依家想食點心多咗好多選擇，呢間勝在位置就腳，太子站行一分鐘就到！
✨ 鳳爪排骨飯
得一隻鳳爪煮到好入味同好腍，排骨肉幾滑，大大小小都有四五舊，落少少豉油就好夠味
✨ 熱點蝦餃皇、蟹籽燒賣皇、白灼西生菜
叫得蝦餃皇果然係有咁上下份量，每隻餃有兩隻爽口嘅蝦，皮薄但有少少易爛。燒賣同生菜就冇乜特別，正常發揮～
最中意係蝦餃燒賣呢啲必食之選有得揀要兩粒定四粒，兩個人去食就唔洗焗住食多粒喇 🤣
✨ 雪山叉燒包
其實本人唔多喜歡飲茶食包，因為好易太乾或者搞到食滯咗。呢個叉燒包都算「皮薄」餡靚，包面甜甜哋，細細個過吓包癮
✨ 春風得意腸
腸粉皮唔算好薄，但包住咁大舊餡反而啱啱好，唔會冇哂存在感。蝦膠彈牙，有啲甜粟米喺入面爽爽哋咁
✨ 薑蔥牛栢葉、鮑汁鮮竹卷、燒汁百花釀茄子
牛栢葉同鮮竹卷都係正常發揮，味道剛好。釀茄子好似fusion菜，但試無妨，蝦膠又係好彈牙
張貼
