熱點點心專門店

太子區近年湧現左好多點心專門店，呢間餐廳親民價格，全日免加一, 即叫即蒸。餐廳格局四正，雖然柱位較多，但整體整潔。🥟 金牌蝦餃皇外皮晶瑩通透，內餡相當足料。每隻蝦餃都包裹着完整彈牙的蝦肉，鮮甜可口。🐮 鮮竹牛肉球牛肉球口感扎實，肉香十足。鮮竹吸收了牛肉的汁液，更添風味。🐔 薑汁雞包仔包子外皮鬆軟，內裏是薑汁調味的雞肉餡，薑汁味道溫和。🥚 豬嘜流沙奶皇包招牌甜品之一，撕開包身金黃的奶皇餡即刻湧出，鹹蛋黃與奶香恰到好處，不會過甜過膩。🍖 雪山叉燒包外層的牛油酥皮微甜鬆脆，包身鬆軟，內裏的叉燒餡料飽滿。🥬 白灼西生菜 脆嫩口感配上淡醬油，簡單健康。🥟 鮮蝦菜苗餃 皮薄透光，內裏鮮蝦與菜苗比例均衡。🍲 海底椰燉雞湯雞湯清澈見底，湯頭清甜而不油膩，有清熱、除燥、潤肺的功效。🥢生煎包包底煎得金黃香脆，內裏的肉汁頗為豐盈。豬肉餡料調味得宜，鹹香適中。🌟人均消費約$100左右，以現今香港的消費水平來說，確實是經濟實惠的選擇。而且點心即叫即蒸，新鮮熱辣。…查看更多

周五晚，兩公婆都唔想煮，出街食就乾手淨腳，近近哋過到嚟太子試吓啲點心店，都無特別刻意搵，隨心晌彌敦道就遇到「熱點點心專門店」，我記得5、6年前到訪過一次，今次算叫做故地重遊，哈哈！餐廳話大唔大，話細唔細，喺柱位多，格局都可以一眼睇晒，左右兩邊喺啲四人卡位，中間就喺啲活動式二人散枱，裝修簡潔，環境四正，牆上就有好多本土風情彩繪，都喺百姓日常場景。雖然全院滿座，人手又似乎唔多，但幾個阿姐都好快手快腳，亦好有禮貌。一張點心紙就羅列晒所有款式，大部分會喺見慣見熟嘅款式，數數吓，都有超過50款之多，睇落定價都算相宜，外賣自取仲有88折添。順帶一提，茗茶每位收$6，全日無加一，只喺標示咗繁忙時間用餐50分鐘，一般而言，食呢類點心專門店都差唔多喺呢個時間左右。楊枝甘露糕 $24打算點嚟當飯後甜品，點知第一道點心就喺佢，所以，就當冷盤啦。入口清甜嘅芒果味都幾濃，糕身本身做得幾挺實，混入西米自然令口感唔錯，最正裡面有唔少柚肉，冰冰涼涼，當前菜冷盤都OK喎！虎皮煎釀尖椒 $29呢個喺老婆至愛，一客有4件，有啲辣，有啲唔辣，無樣睇，煎得好香口，有少少辣勁喺好食啲，而且釀入好多鯪魚肉，打得彈牙，全晚最欣賞嘅點心。何解叫「虎皮」尖椒，因為以高溫油炸後或煎過，青椒嘅表皮焦乾得嚟似虎紋，但似唔似就見仁見智喇。蒜蓉墨魚頭 $36少有食呢款點心，亦非常見，所以，專登點一客試試。相比起其他點心，佢份量唔多，不過，又真喺幾好食，一來啲墨魚頭（其實有唔少喺墨魚鬚）咬落爽口煙韌，二來滿滿蒜香，下面仲熱咗少少粉肚絲，當要唔好錯過啦。香茜牛肉腸 $27腸粉相信喺嚟得飲茶嘅人都會必點菜式，幾款選擇中揀咗香茜牛肉腸，睇落唔覺，但食起嚟腸粉皮有少少厚，不過，都幾滑，至於啲餡料，牛肉落得一啲都無手緊，塞滿晒牛肉，非常足料，有相你睇，而且，加咗芫荽，更添一份清香味。蒜蓉開邊蝦籠仔蒸飯 $48正諗緊嗌盅頭飯定籠仔蒸飯，最後，都喺後者有啲特色，蒜蓉開邊蝦喺老婆較心水嘅口味。其實就唔喺咁覺啲荷葉味，但食落啲飯粒，感覺都有少少荷香，加上飯粒軟熟，淋上秘製豉油，再撈埋啲蒜蓉，齋飯都好好食呀！而啲開邊蝦雖然細隻咗啲，但份量多，個飯都好抵食。薑汁千層糕 $22最後，點都要嗌番個甜品食，就後加薑汁千層糕。一層又一層做得細緻，唔難做，但都喺功夫嘢，入口糕身煙韌而有彈力，又唔黐牙，薑味非常突出，但就唔會重到焫口嘅感覺，幾合小弟胃口，老婆就更鍾意佢夠薑。普遍上，點心專門店嘅定價點都比去酒樓抵食，所以，是夜見咁多捧場客。加上地理位置好，晌太子嘅大街之上，咁旺場都不無道理，服務又唔錯，人少少嚟過吓點心癮都幾唔錯。…查看更多

香港人喜歡食點心，歎一盅兩件，除了去酒樓，還有很多點心店舖選擇，不單價錢優惠，茶芥也相對便宜，絕對抵食。今日和朋友來到太子的「熱點點心專門店」，點心款式多，每日即製，由上午至晚上都有得食，每様點心熱辣辣上枱，點心控一定要來試試。《蜂巢炸芋角》$28外皮炸到金黃酥脆，內餡是香滑的芋泥，甜而不膩。《春風得意腸》$37薄薄的腸粉皮包著脆卜卜的春捲，淋上甜豉油，又爽又滑，正。《金牌蝦餃皇》$17蝦餃的外皮晶瑩剔透，內餡的鮮蝦肉質彈牙，口感極佳。《薑蔥牛柏葉》$31牛柏葉經過精心醃製，配上薑蔥的香氣，爽口彈牙。《蜜汁叉燒包》$21叉燒包的外皮柔軟，內餡的叉燒肉味道甘甜，汁多味美。《鮮竹牛肉球》$24三粒大大的牛肉球柔軟，口感非常滑嫩，加入鮮竹的清香，口感更加豐富。《蟹籽燒賣皇》$16燒賣真是香港人的至愛，必吃。燒賣皮包著猪肉及蝦，蟹籽的點綴讓這道點心更加高級。《鮑魚汁鮮竹卷》$25鮮竹卷包裹著豐富的餡料，鮑魚汁的香氣滿溢。《魚翅灌湯餃》$39灌湯餃皮薄餡多，湯汁鮮美。加了點醋，味道更讓人陶醉。…查看更多

對於香港人黎講食點心真係無分朝早定夜晚，係太子見到呢間都真係唔少人。見佢地點心價錢其實幾實惠幾親民，全部手工點心即叫即蒸，所以特別好食。另外無加一收費，茶錢都係幾蚊位完全唔貴金牌蝦餃皇4隻 $34蟹籽燒賣皇4隻 $32蝦餃同燒賣都包得好大粒，蝦餃個水晶餃皮唔易穿夠煙韌，入面蝦肉夠大夠多。燒賣都好好食，肥肉唔多，豬肉同菇都夠多所以咬落幾結實，同埋個味都唔鹹唔覺得有好重味精嘅味，幾好食雪山叉燒包2個 $20個雪山包皮夠酥化夠脆，個叉燒餡個味幾香幾唔錯千島醬香脆蘿蔔糕 $29蘿蔔糕切到一粒粒細粒煎得幾脆，蘸左個千島醬食幾特別皮蛋瘦肉粥 $25不過不失，好大碗，好多瘦肉肉絲，如果多D皮蛋就正蒜蓉墨魚頭 $36墨魚頭好爽彈，蒜蓉好香好好食，另外有D粉絲索起晒成個味花膠螺頭燉木瓜湯 $32個湯好清甜木瓜香味，真係幾足料，螺頭同花膠都燉到淋晒可以食埋…查看更多

和朋友經過太子見到這間點心店，順路試下～薑蔥牛柏葉，口感爽脆，薑蔥味較濃，本人鍾意藥膳燉鳳爪，藥材味夠晒濃但唔苦，鳳爪燉到啱啱好，食完個嘴黏黏哋，膠原滿滿魚翅灌湯餃，湯底鮮甜，入面餡料足，加d紅醋，飲晒湯先滿足豬麥流沙奶黃包，個包身鬆軟，咬開真係流沙流出嚟，甜度剛好，食完唔會膩雪山叉燒包，外層個酥皮脆到掉渣而且好鬆軟，入面叉燒餡蜜汁香甜楊枝甘露糕，芒果同柚香好清新，口感Q彈鮑魚汁鮮竹卷，炆得夠入味，鮑魚汁掛滿晒鮮竹卷，入面啖啖菇香同蔬菜金牌蝦餃皇，皮薄透光，蝦肉爽彈，仲有少少筍粒添蟹籽燒賣皇，豬肉同蝦比例剛好，面頭蟹籽卜卜脆豆漿，豆味濃又唔會太甜，配點心好夾…查看更多