熱點點心專門店

營業中

休息中

自從尖沙咀冇咗豪隍點心之後，都唔知仲有邊度可以夜媽媽食點心， 朋友就推介咗太子呢間熱點 門口仲見到堂食有88折啲嘢又幾抵食冇加一首先我覺得款式都幾多， 同埋有一啲點心都幾特別，我哋最期待係豬麥紫薯流心包+小李子鹹水角， 呢兩件嘢真係好睇又好食隻豬乜個樣都幾可愛同餐紙上面嗰個樣係似嘅， 是豬冇變妖，裏面嘅紫薯，有勁紫薯味，好食唔會太甜小李子鹹水角個皮夠煙韌，裏面嘅餡料都夠多，個皮又夠脆燒賣同蝦餃可以每樣叫兩粒，咁就可以再食多啲嘢楊枝甘露糕真係好足料，裏面有啲芒果 、西柚、 西米，食落真係好似食緊楊枝甘露咁菜苗餃有原隻蝦，饀全部都係菜苗，鍾意食菜苗餃嘅就知道係好食食點心有個好重要嘅位，就係一定要夠熱，都好肯定真係即叫即蒸，因為每件嘢到檯面都係熱到入唔到口， 同埋都要等一陣先出到大滿足點心癮

今日收工想食點心，但係晚餐時段酒樓已經冇點心食，咁岩係太子站附近經過一間叫做「熱點」嘅點心專門店，於是決定同男朋友試試佢💪7時入席，餐廳入面已經有過半嘅人，少少茶餐廳風格嘅裝修，燈火通明！ 咁講下我哋叫咗咩野食啦😋原籠馬拉糕：以為係一塊塊咁上，點知係成嗰蛋糕咁上，好特別！上緊嗰陣都仲冒緊煙👍 馬拉糕食落有一陣淡淡既黑糖味，聞起黎好香。用筷子一夾既時候，已經感受到馬拉糕既鬆軟😋雖然大件但唔會令人食到好飽，入口既有淡淡既蛋香味🥚一啲都唔膩😋潮州蒸粉果：粉果既外皮好通透，可以見到入面紅綠既餡料，咬起嚟亦都幾有咬口，加埋饀入面既爽脆沙葛，同埋少少鹹嘅花生同豬肉，令人食飽都忍唔住食多一兩粒😋瑤柱菜苗餃：有新鮮嘅菜苗作為餡料，餃子上面佈滿咗瑤柱。一入口新鮮菜苗嘅味道就會填滿個口。慢慢咀嚼，瑤柱嘅味先會滲出嚟，中和返菜苗嘅味道。鍾意菜苗嘅朋友一定要一試👍 熱點蝦餃王： 皮簿通透👍透過塊皮都睇到一隻隻蝦係入面👍🦐咬落去好爽😋蟹籽燒賣皇： 大大粒😋上面有鋪滿蟹籽😋食落有陣陣香菇嘅鮮味😋入面都好多料😋雪山叉燒包：上面嘅酥皮幾酥脆👍餡料非常多👍😋魚翅灌湯餃：成隻碗咁大嘅灌漫湯餃，入面都好多餡😋當然唔少得魚翅

放假好想飲下茶，食下點心。上網見到呢間點心專門店有好多好評，決定去試一試。~~雪山叉燒包即叫即整，熱辣辣，食落好脆同好鬆軟，叉燒份量都好多。好味道。~~鮮蝦韭王腸D腸粉好滑，加埋d蝦大大隻，食落好彈牙。加埋甜豉油，味道好夾。~~魚翅灌湯餃灌湯餃好大隻，好足料有魚翅，冬菇同蟹柳等等。湯底好清甜。~~鮮竹牛肉球大大粒，食落好濃味，加埋喼汁，啱啱好。~~熱點蝦餃皇皮薄餡靚，隻蝦好大隻，食落好爽口。~~蟹籽燒賣皇大大粒，好足料有蝦，豬肉同蟹籽。食落啖啖肉，蝦肉好彈牙。~~薑蔥牛柏葉牛柏葉好爽口，吸曬d汁好好味。~~香芒炸蝦卷即叫即炸，食落勁脆口，唔會好油，d蝦好彈牙，估唔到芒果同炸蝦味道可以咁夾。餐廳全日都唔收加一服務費。但d姐姐服務都好好。讚

夜晚既時候，黎到依間點心店，特別鐘意店內既牆紙，有好多傳統既特色畫左係牆上面，好有香港味春風得意腸依個真係好好味，好鐘意果種外層係軟滑既腸粉皮，入面係香脆既內涵，而且料好豐富，有蝦有少少肉。依個係非常推薦燒賣 & 蝦餃食得點心必點既兩樣野~值得一讚既係可以每樣叫兩粒，人少少兩個食都可以試多D唔同野~ 燒賣大大粒，又係好足料，而且D蝦肉都好彈牙香口，合格!蝦餃個皮略略厚左少少，但都係好味既其餘食左豬肚啊，鳳爪啊，都不過不失既值得介紹下佢個八寶籠仔飯，一個飯入面包左八樣主菜，岩曬有選擇困難症既我香芒炸蝦卷最尾要介紹多樣我好鐘意既野食~佢芒果既香甜中和左炸卷既油膩感覺，而且炸得好香，D蝦肉調得好夠味，依個都係非常推薦整體依間餐廳既炸物係好出色，好味道~最後附上點心紙乙張XD

喺屋企附近搵食見到有點心舖，寫住即叫即蒸就決定試一試佢價錢收費同一般新式點心舖類同茶介幾蚊位，全日免加一楊枝甘露糕呢碟係較失望嘅可能柚子唔當造食落明顯有苦澀味虎皮煎釀尖椒魚肉煎到少少脆邊剛剛好個人偏好辣，如果尖椒有少少辣會更好蟹籽燒賣皇蝦同肉好足料，燒賣成舊漲卜卜好juicy，亦唔會蒸過龍，好食！雪山叉燒包包內餡料唔太鹹太多醬上面皮亦都有少少脆不過不失，無驚喜八寶飯內有鳳爪、排骨、臘腸、肉餅、冬菇、雞肉、粟米、蝦米等呢個一開蓋見到好多料好吸引而且各樣料調味都恰到好處熱辣辣蒸出嚟好正我哋2個人好快就食完😆呢間點心性格比幾高員工服務態度亦都幾好👍🏻值得再嚟~

太子地鐵站附近都有唔少點心店，但係講到CP值高就一定係熱點。夜晚時段既熱點主要係做街坊生意，但佢日日都好爆場，去熱點既年齡層好闊，你會見到70/80歲既老人家又會見到年輕人，原因係佢既保留到傳統點心的款式，但又會有一啲特色點心，重點係佢好實惠，仲有88折！真係好推薦！蝦餃-大粒，多蝦，足料燒賣- 有懷舊既味道魚翅灌湯餃-分量十足豬麥紫薯流沙包- 紫薯味好出，咬入去會爆出黎，呢個好推薦，要試！小梨子鹹水角-呢個真係好有特色，而且味道不錯，同傳統鹹水角味道一樣但係配有現代嘅創意。讚！香芒炸蝦卷- 蝦係大大隻係入面家鄉炒米粉- 本身對呢個興趣都唔係好大，但係見到差唔多枱枱都有叫一碟，好奇下都叫左黎試下，未食就聞到味道好香，當然食落都無令失望，係好出色！蟲草花燉雞- 滋補湯，中意飲湯都可以一試其實呢間點心店佢用料真心充足，平靚正并不誇張！如果都中意食點心，推薦一試！環境衛生，做足衛生措施！

疫情底下好耐無去飲下茶咁啦，於是約左朋友去左太子一間點心店飲下茶。睇下個餐牌，應有盡有，仲有獨家意新點心食添！事不宜遲！肚餓啦，去落單先！熱點蝦餃皇新鮮熱辣，蝦肉爽口彈牙，豬肉入味，唔會唔新鮮，皮薄陷靚唔痴底！蟹籽燒賣爆晒啲肉出黎，皮又包得靚唔會漏！咬落口多汁肉香！原味馬拉糕大大件夾抵食！好香濃既黑糖味，熱辣辣又勁鬆軟！好食停唔到口！豬嘜紫薯流沙包店舖招牌得意點心之作，軟軟熱辣，紫薯蓉香濃幼滑，甜得黎唔膩！正！雪山叉燒包店舖推薦之作！皮香脆可口！肉多汁香！口感一流！強烈推薦大家一定要叫！小梨子鹹水角香脆可口！材料勁飽滿豐富！好味一流！蜂巢炸苧角呢個好味到不得了，外皮香脆，內裡芋頭肉飽滿香濃，外脆內軟！鮮蝦腸粉蝦肉大大粒，爽口彈牙，腸粉幼滑，點埋甜豉油一流！八寶仔蒸飯材料勁豐富！有東菇，雞肉，臘腸，鳳爪，粟米，排骨，蝦米同肉餅！飯仲有荷葉香，味道一流！必叫既盅頭飯！鍾意飲茶🫖既後生仔既你，一定要試試啊！

夜晚想食好食點心唔一定只有速食外賣店今日就黎到點心店林立嘅太子距離地鐵站好近 好易搵有好多卡位 環境乾淨 呢張係墊枱紙 但同時係menu 側邊有疊點心紙可以剔蝦餃皇有得揀2粒或4粒皮薄 白裡透紅 入面啖啖彈牙鮮蝦蟹籽燒賣皇同樣係有蝦肉加豬肉咬落啖啖肉 有鮮味 唔會話過度調味蜜汁叉燒腸就咁睇就知足料叉燒唔會話得肥肉腸粉皮薄而滑雪山叉燒包面頭咬落甜甜地個包底係煎香過入面又係滿滿叉燒蜜汁叉燒同雪山皮都甜甜地蜂巢炸芋角一咬落去非常鬆脆入面有層芋皮包住芋蓉同餡料芋蓉份量多 食落會好飽瑤柱菜苗餃一款開口嘅餃 入面同樣有蝦 滿滿嘅菜同瑤柱比蝦餃fresh同juicy鳳爪排骨飯超多排骨 飯唔會乾爭爭味道都係少調味為主原汁原味魚翅灌湯餃大大片魚翅 喜出望外灌湯餃有半個碗咁大入面都有唔同嘅菇 肉 呢間點心又平又抵食 可以試好多唔同嘅點心款款都高質好味

食點心唔一定要去茶樓，香港地都有好多小店等待被發掘！今次食嘅呢間點心店，位置係旺角警署隔離（太子站），行2-3分鐘就到，真係幾方便，只係一般人較小去果頭食飯！叫咗9款點心，計埋折扣，200蚊都唔洗，其實幾抵😍枱墊 (a.k.a. 餐單) 點心紙：雖然密密麻麻，不過尚算清楚！小梨子咸水角造型出色，打卡一流，味道係一般嘅咸水角， 勝在上菜時熱辣辣🔥春風得意腸必食推介，即叫即拉，用好多材料製作而成，有粟米，鮮蝦同蟹籽👍👍 以春卷型式烹調，推薦！！燒賣皇＋蝦餃皇有4粒/2粒的選項，可以按人數而order，非常貼心😘 食落口，大大粒，豬肉彈牙，用心製作！豬麥紫薯流沙包 Very cute dim sum 🤩，影左一大輪先捨得食🙊 紫薯餡都幾多，塞滿晒成個包蜂巢炸芋角懷念芋角，手工精細唔馬虎，食落真係好有童年回憶🤠雪山叉燒包和其他點心相比，這款比較失色，肉餡略小，咬落去欠缺一種材料快要傾盤而出的豐富口感😶薑汁千層糕每一舊都散發住濃郁嘅薑味，魚膠粉個比例岩岩好，唔會食落去好粉，甜品可以一試🤔總結：其實點心紙好多款點心，筆者建議一路食一路叫，d點心就無咁易凍咗，影響水平🤨

疫情之後都好少同阿媽去飲茶，見到熱點由早到晚都係食點心，今晚就陪阿媽嚟嘆番一盅兩件。餐廳裝修茶餐廳形式，牆上壁畫風格懷舊。點心，蒸飯款式多，茶位都係$4一位，價錢實惠。瑤柱菜苗餃：餃內有鮮蝦，好彈牙，餃面鋪了一層瑤柱，材料十足。小梨子鹹水角：平時飲茶我唔會食鹹水角，但見佢賣相吸引，諗住叫嚟打吓咭😂但食落又唔差噃。春風得意腸：彈牙嘅蝦，滑捋捋嘅腸粉，再加上入面卜卜脆，口感豐富。仲有雪山叉燒包，蜂巢炸芋角，燒汁百花釀茄子，全部即叫即做即蒸，去洗手間經過廚房見到即做點心，全部都新鮮熱辣兼好味。估唔到除咗點心好味外，依個五指毛桃燉瘦肉都一樣出色，真材實料老火靚湯。點心晚餐一樣可以好豐富和滿足。店員姐姐個個都殷勤有禮，食物新鮮，而家仲有88折，會再去食。

今日同屋企人嚟到太子食點心讀大學嘅時候成日喺九龍城食呢啲點心舖，好懷念呢我哋兩點入座，啱啱好撞正下午茶開始嘅時間，啲嘢食即刻更加抵食呢雪山叉燒包2件($16)：上台嗰陣熱辣辣，面頭嘅酥皮非常鬆脆，叉燒餡亦非常足料呢因為諗住食得健康啲，我哋就叫咗一份白灼菜心($20)熱點蝦餃皇2件($14)：覺得餐廳都幾貼心，可以兩件兩件咁叫，兩個人食就可以啱啱好一人一件！蝦餃皮夠薄，入面隻蝦都大大隻㗎鮑汁鮮竹卷($19)：啲腐皮吸晒啲鮑汁，好味蟹籽燒賣皇2件($13)：燒賣大大粒，咬落去啖啖肉魚翅灌湯餃($18)：18蚊一隻灌湯餃！！！我就係因為呢度有平價嘅灌湯餃慕名而嚟嘅！雖然呢度嘅灌湯餃同大多數酒樓嘅一樣，都唔係咬開隻餃先有湯，不過隻餃足料，個魚翅湯都幾好飲，所以我都好滿意鮮竹牛肉球($18)：彈牙咬開有肉汁鳳爪排骨籠仔蒸飯($38)：見到呢度除咗盅頭飯仲有其他地方少見啲嘅籠仔蒸飯就決定試下～個份量大到我哋嚇一跳，餐廳職員擺低嗰陣話呢度嘅籠仔蒸飯好受歡迎最後叫咗個楊枝甘露糕($23)做甜品，正

同同學打算返學前食野，睇咗一輪，見呢間食評幾好，入去試咗7款點心，個八寶飯好有驚喜，覺得佢好有創意，將所有款式嘅蒸飯，有蠟腸、雞肉、排骨、鳳瓜、冬菇、肉餅、粟米同蝦米，放晒喺一個籠上面， 之後仲有牛柏葉、 蜂巢芋角、 蝦餃、 燒賣、牛肉腸同灌湯餃。整體食物普通水平，芋角有D太油同好厚皮，食物比較濃味，之後好口乾

順路, 一出地鐵站行幾步就見到lee間熱點點心。 就入去試下。 之前都唔太覺有間食點心既係度。 但原來係勁正野。 之前有報導都講過太子, 深水埗區既點心舖，竟然都漏左lee間。 佢既食物真係好足料，而且冇味精, 勁新鮮。我地試左個湯: 五子毛桃燉雞腳瘦肉, 同海底椰燉雞。好鮮味，放底已聞到勁香椰香味同五子毛桃味。 好清甜, 連雞骨都燉到入口即溶既程度。新鮮炸: 香芒炸蝦卷, 冇油溢味, 大大隻蝦，同好甜既芒果肉。今日勁大主角: 魚翅罐湯餃。 好快就賣晒。 個皮好結實, 浸左一陣都冇話散晒, 但食落又唔厚皮, 好滑嫩。 最正係個湯好清。 當個餃爛開, d涵同湯一齊飲時真係剛剛好, 唔會鹹或太濃, 仲有好大塊翅。藥膳雞腳又係好好味. 藥膳味唔會好重。舊式點心: 豬肚燒賣。 好淋滑既豬肚，又大件。 下面既"燒賣"根本係蝦丸咁大。 好好味。超足料雞扎楊滋甘露糕，一定要試。 超好味。 冇糖精水味，好清香。 真係好少有咁好食既。

星期五放工，到太子 “熱點” 點心專門店晚膳，餐廳吾使加一，仲有八八折，質數高，價錢合理。 八寶飯︰有多種材料的蒸飯，內有臘腸、內飯、冬菇、雞肉、鳳爪、排骨、蝦米…等，一次過滿足晒多個願望。 蝦餃︰兩粒一籠，外型非常飽滿，皮薄餡靚，蝦肉爽口。 尖椒︰從未見過咁巨型的尖椒，每碟有4件，每件有一隻手咁長。 豬肚燒賣︰一碟有2件，美味的豬肚配上大大粒的豬肉燒賣，充滿懷舊情懷。 芋角︰又係另一種我非常喜愛的懷舊點心，外層蜂巢造型，賣相相當吸引，內裏餡料美味。

熱辣辣一嚟到就叫咗兩杯豆漿 估唔到真係鮮榨 加咗燕麥嗰個好香麥皮味 無糖嗰個都好好飲 雖然$12來講有啲細杯 但係勝在即磨瑤柱菜苗餃 瑤柱超多 好足料 仲有帶子同蝦 必食蝦餃燒賣 蝦餃超級大粒 皮薄餡靚 燒賣都好多蝦肉 彈牙爽口海底椰圓肉煲雞 飲得出冇味精 夏天飲滋補又清熱 好多計都好足了春風得意腸 腸粉皮好薄 裏面蝦肉春卷超級脆 口感又脆又軟熟好正 白灼西生菜超大碟 兩個人真係食唔晒最後值得一讚 全部點心上枱都熱辣辣 果然係即叫即蒸 啲質素甚至比酒店點心更好