熊拉麵 (白加士街)

營業中

休息中

作為拉面控既我，基本上一個星期起碼都食三四次佐敦既熊拉面，係其中一間我鐘意既拉面店昨晚同朋友一齊食飯，不過大家都趕時間，唸住黎個快食傾两句計，順便醫埋個肚餐廳環境整潔，坐位唔算好多，大概十零廿個左右時間關係一坐低即刻嗌野食先叉燒可以有三種選擇，乎合個人口味面有两種粗幼選擇，可惜無我最鐘意既粗拉面健康人仕可選健康無油坐位前有啲配菜可自已加到拉面，有酸菜，芽菜，可惜我又唔記得影相我叫左個黑熊拉面基本上黑蒜油拉面係我至愛去每間拉面店有依個拉面我都会嗌黎試下黑蒜油好香，湯底夠濃而不膩飲得出係用長時間淆製，飲哂成碗湯都無咩口渴既感覺叉燒肥瘦適中，炙燒過夠香口我朋友嗌左招牌熊拉面湯底基本上同黑蒜一樣，不過無加黑蒜油，個糖心蛋完隻上，我見我朋友一咬開，啲蛋黃就流少少出黎，糖心程度我覺得掌握得幾好價錢都唔算好貴，好合理既水平

趕住睇戲所以附近搵左間拉麵店，水準與一般既拉麵店一樣咁掂，拉麵中既流心蛋夠入味👍🏻，叉燒可以揀肥肉，瘦肉，因個人喜好揀啦，我就揀左肥肉😋不過得一塊，但係都厚肉既，男仔都會夠食👍🏻，沙律醬蔥餃子夠大隻，我男仔都差啲一口食唔哂👍🏻，新出既芝士魚條幾特別幾q幾彈牙，略嫌細條左少少。兩個人食兩碗拉麵兩個小食兩支波子汽水300蚊有找，勝在上餐時間夠快。如果經過開又趕時間又唔想食得太多既話會再黎食多。

今日嚟到平時好少佢哋油尖旺區，竟然見到一間樣子幾正宗既日式拉麵店，入去叫咗個熊拉麵。拉麵幼兒有嚼勁，湯底濃厚，我直情覺得佢嘅水準可以比得上出名嘅一蘭或者豚王！但係價錢平啲同埋唔使排長龍聽講佢西環仲有一間分店，下次經過西環都可能去試吓

熊拉麵系我經常都光顧既拉麵店。佢d拉麵算系質素保証，雖然店員系香港人，但材料屬日本正宗。佢經常都有期間限定，每次也有小驚喜。今期天氣悶熱，呢款「海之幸焙煎芝麻醬拉麵」真系黎得合時！拉麵清涼爽口，生蝦肉口感都吾錯，加上有青瓜、火腿等配料，食完個人醒神左d!另外推介芝士魚肉條，味道可口吾油膩，連不嬲好怕煎炸野既老公都話好味！老公每次都會食既赤拉麵期間限定既野好快d去食！值得一提係態拉麵既廁所系好乾淨架！

成日行過屋企樓下街口呢間拉麵都想試下，早兩晚游完水就入去試左。叫左碗招牌白熊拉麵，啲叉燒好淋，湯底好濃，我要左幼麵，唔會糊埋一舊，食落有啲似一風堂，雖然要$85，但真係唔錯，值得一試。

湯底真係幾normal，唔算重豬骨味，但我都有照樣飲晒嘅而麵雖然就有分兩個唔同嘅粗度，但係其實差唔多，都係屬於比較幼身嘅拉麵。呢度嘅叉燒安排好細心，有三種款式供客人選擇，分別係肥、瘦同角切，呢個安排真係幾好，可以比唔同口味嘅客人揀自己喜愛嘅叉燒質感。而我就揀左瘦既，不過雖然話瘦咋，但塊肉都幾淋㗎，重點係一啲都唔會韌，呢樣真係值得一讚，不過我就略嫌佢唔夠入味。溏心蛋就幾流心，都幾唔錯。但個香葱餃子....就真係一般咋～

要數在香港受歡迎的食物, 拉麵應可佔一席位, 這天便走進佐敦, 試試這間拉麵店。踏入拉麵店，店子地方不算太大, 裝潢如一般日式拉麵店，店子一邊是開放式廚房，廚房外圍有一列吧枱，店內也有其他座位, 在平日晚上到來，店子已差不多坐滿客人, 可算旺場。飲品方面, 點了烏龍茶, 夠冰涼, 為這天較熱的天氣消消暑, 感覺唔錯。拉麵選了招牌熊拉麵試試, 先喝一口湯，湯頭的口感不太濃稠，味道甜美也有香味，也不太油膩。而幼身麵是用彈牙拉麵, 麵質口感是爽口。叉燒是大大塊而且是厚切的，口感嫩滑鬆軟，肉味濃郁好吃, 也帶有小許焦香的味道。溏心蛋先用醬油浸過, 然後再做到蛋黃成流心狀,入口軟滑而蛋味香濃，味道出色。這店的拉麵算是交足功課, 水準不俗, 價格也在合理水平。

有冇人同我一樣得閒就有舖拉麵🍜癮🤣🤣🤣今次黎到呢間拉麵🍜店 叫左個招牌熊🐻拉麵🍜 佢個湯底唔算話濃味 但真係好熱🤣 鍾意濃味既我 就覺得唔係好夠味la！ 而叉燒就嗌咗肥叉 幾林身又唔會過份油膩 肉同肥膏一半一半 口感都幾好👍🏻 但overall黎講就唔算突別岀色😳

有日做完facial, 十二點鬆d, 去食個拉麵先！可能時間仲早，冇咩人，好快就坐低左叫左個黑熊~唔洗5分鐘就有野食lu, 賣相都真係幾黑，但食落覺得冇咩味，可能我應該叫個特濃黑熊先得。但麵質都算ok, 肉唔會俾你揀肥中瘦，都幾自由配搭~

想不到這裏那麼多人排隊，實情是一點也不好吃。星期五晚上，大概七點多，門外經已有10人左右，排隊排了大概30分鐘有多。以為是很值得一吃拉麵，怎要面底一點也不特別，湯底也沒有什麼味道，點了這碗白熊拉麵，就連一隻糖心蛋也沒有，都已經$78了。拉麵份量不多，味道也一點也不特別，叉燒亦不好吃，一點也不軟熟。覺得排了這麼久一點也不值，定價很貴，座位也坐得不舒服。我所坐的位子是對着其他食客，感覺很奇怪，不推介。

某日放學見到好多人排，好奇之下就走左去食。呢個係期間限定，我食左其他拉麵因為呢個和洋混合嘅拉麵好似有啲重口味。我叫左最普通嘅豚骨拉麵，盛慧七十五蚊。如果想要蛋有款貴十蚊嘅包埋蛋。叉燒可以揀肥同瘦，我就揀左厚切叉燒。雖然佢寫係肥叉燒但塊叉燒唔算好肥，入口即融，好好食。湯底好厚但食落冇膩嘅感覺。另，因為個人鐘意硬嘅麵質揀左硬質，但可能我食得慢，食落同普通冇乜分別，不過都係好高質。總而言之呢間係我食過最好食嘅拉麵鋪之一，非常推介。

見到咁多好評， 諗住入去試下， 點知失望而回。首先選擇麵條是硬， 但送上來是偏腍的; 肉應該是先煮好， 只是用火槍燒燒， 肉還是偏凍的， 但口感還是可以的; 最大問題是湯底， 只是黏口的， 完全沒有豬骨的香味， 也稱不上濃郁。雖知道現在是手機不離手年代，無論食肆或零售舖每個人都偷偷或明目張膽去玩手機。拉麵店內樓面的staff至少還可以，在煮麵bar枱的staff就不得了，一無野做就機不離手。對於一間日本拉麵舖來說，完全沒有專業或尊重可言，希望管理人仕能作出改善。

上次經過已經想入去試，但見有人啱啱等唔想等就下次先到，今日8點幾經過見冇人排就埋去，等咗陣就安排入去，未入去先比張紙選，好啦～選完等入去等咗五分鐘左右就入去，入到去就收咗張菜紙，收完就同另一個講，要煎餃呀，咁就睇住個男仔入去咗整，隔咗五分鐘員工就話漏咗煎餃呀，用咗10分鐘到食完個麵，到等到我食完個麵，等多3分鐘見佢出碟餃子，係拎去第二枱，好啦，咁我再望入去，就見到個師傅行出黎，我就走去埋單位問我張單，當時即時睇我張枱，幫我入機兩碗麵！我話咁即係冇落單啦，佢仲問我係咪漏野，我就話漏咗餃子，明明比單侽口員工同仲另一個講話有餃子要出，個員工話而家整比你？（當時語氣係冇唔好意意𠴱啲），而當時唔爆，員工又有6-7人，我唔明點解都可以漏單，咁下午、晚飯時段咁點？係咪漏單漏到七彩？唔知整點電腦落單黎做乜。

每個星期六都會黎佐敦返工，但每次lunch hour 都會好多人排隊，唔夠時間等黎食，所以一直都有啲遺憾🙈🙈但勁好彩唔知點解今個星期六排隊既人唔多，所以即刻衝入去試下😋入到去坐左係啲bench 度，感覺上人與人之間都有足夠間隔，唔會好容易撞到隔黎既人，另外枱上面仲有水壺，方便我地自己汁水飲☺️因為第一次黎既關係，於是叫左個招牌熊拉麵（$85），然後真係完全冇後悔😍首先佢既叉燒入口即溶，加上好濃郁既豬骨湯底，令到成件事昇華左。唔單止係啲叉燒，麵條麵係拉麵重要既一環，佢可以揀幼麵/標準麵，強烈建議揀標準麵，因為好彈牙，好好咬口，好味到我連湯麵飲晒！好肯定入面唔係用味精調味，因為飲完啲湯都冇好頸渴😂

聞說這裡的拉麵很多人推薦，決定放工試一試，未到7點已經要在門口排隊，等了大約20分鐘。期間限定的廣島蠔豚骨湯拉麵，蠔可選2隻或4隻，身為蠔控的我當然要4隻，反正價錢差不了多少。 蠔算是大隻飽滿，煮得剛好，肉質creamy。火灸肥叉燒不算大塊，亦不會太肥，肥瘦均稱，燒得很香口，不喜歡脂肪的朋友可以選梅頭瘦叉燒。  廣島蠔拉麵沒有配糖心蛋，但吃拉麵怎能沒有糖心蛋? 因此另加一隻糖心蛋($10) ，糖心蛋是原粒上，從蛋的顏色已經能看出蛋不太入味，不過勉強合格地做出半熟效果，蛋白部份幾乎全熟，蛋黃有少許流心。說到湯底，算不上很濃郁，對比其他拉麵店，略為稀薄，但豚肉味也突出，這要看個人口味，個人認為這種濃度的湯底是很不錯，連湯底也喝了也不覺得口渴。本來叫了一份餃子，但整個麵吃完仍未到，應該是漏單了，不過我們吃得很飽，也就算了😉