烤魚工房 (旺角商業大廈)

營業中

休息中

心思思想吃烤魚就會諗起呢間，呢間嘅口味就好似北上吃咁惹味，而且選擇亦多，值得嚟吃。一上到去餐廳就見到彩色的霓虹燈，設計型格，氛圍不錯。不過呢啲燈光下影相效果就會好怪🤣🤣🤣💚至尊水果特飲 $86大大一杯 水果亦很多 好豐富就咁吃水果都好飽💚紅糖糍粑 $42表面淋上紅糖漿 再點上黃豆粉入口是香脆軟糯💚蔥油拌麵(小辣） $36 整得好香好惹味💚烤豆皮 x2 (小辣）$52豆皮調味惹味💚烤肥腸 $39肥腸外脆又不會太靭💚鐵板包漿豆腐 $39熱辣辣 好多蒜蓉 食落豆腐好滑 又香又惹味 💚手打渣男鴨屎香檸檬茶x2 (少甜 少冰) $90大大一杯 足夠解渴💚芥末魚皮 $52比較少見 食落芥末味夠濃個感覺是辣與攻鼻之間魚皮都爽脆 不錯的💚錫紙花甲 $49滿滿蒜蓉同香蔥包住花甲底下仲有粉絲墊底味道濃郁 好味的💚紫蘇牛蛙 $319（清江魚小辣、少油、少鹽）牛蛙表面炸得香脆 而入面肉質嫩滑清江魚鮮甜 亦少骨魚有事前煎過挺香口的 而呢條魚的肉質較為實 大量的青椒 加上可選小辣少油少咸 味道剛好 不會太重💚另外加配薯粉 $20索晒啲汁吃又辣又正🌟Encore 指數：7.5/10—————————————————

食過好多好多次，但近兩次食完感覺呢間餐廳食物質素/出品同服務正在慢慢變差。 烤魚裡面嘅花生一食就知擺得太耐 好难食 如果为佐降低成本，咁唔加花生係裡面仲好過。味道鹹過以前，同埋條魚都冇以前好食…..

朋友話好耐無食烤魚，今次就帶佢哋嚟烤魚工房啦~ 呢間店號稱「烤魚界天花板」，一直都 keep 住有人氣，預咗要排一陣隊，還好今晚唔算等好耐~😋 鹹蛋蒜香酸菜味烤魚 ~ 因爲友人唔太食到辣，所以叫咗呢款要小麻小辣，一上枱熱辣辣聞到有陣陣嘅鹹香味，令人忍唔住吞口水！條魚肉質鮮嫩，又無乜細骨，加埋蒜蓉酸菜調配，直頭係越食越開胃！😋 酸辣泡椒味烤魚 ~ 呢款要咗中麻中辣，辣度適中，酸辣泡椒呢個組合又係好惹味，越食越辣，越食越上癮 🤣食完烤魚之後就食串燒，然後發覺呢度其他菜式都比烤魚更出色好味 🤣 🤣 而且份量都唔細，擺碟有心思，叫多幾款小食同朋友啤一啤又一個愉快嘅晚上 🍻

一家人去食，穿黑衫負責叫號個員工脾氣古怪，因現場吵，我冇聽清佢話：等等，執緊台，而向張台行去，畀佢呵斥：喂等一等！執台阿！埋單時，咁啱見有客人質疑入座安排：點解唔係我先，就畀佢呵斥：佢。。你。。（冇聽清，但黑衫員工表情很精彩，好似電視劇反派的表情）第一次幫襯雖然等左個半鐘，體驗都很好，今回第二次幫襯，食物依然美味，人差啲湊字數：黑衫員工是老闆嗎？他是老闆嗎？是老闆嗎？是嗎？嗎？？嗎？？嗎？？一定是了

突然想食烤魚就黎烤魚工房, 晚餐時間由17:00開始, 我地4點幾黎到都已經有10零人係度等😯今次3個人叫左一條魚, 加D配菜同串燒😋剁椒烤江團魚✨我地冇睇介紹就叫左個辣度天花板🤣江團魚本身冇乜骨, 而且肉質嫩滑, D汁亦好惹味又夠入味, 但真係越食越辣...串燒✨好夠蒜搭配孜然粉就係好食😋

烤魚工房不愧為香港烤魚天花板👍😍首先講佢哋嘅毛血旺烤魚，簡直係神級美味！🐟🌶️ 配料多，份量又大，啖啖都係鮮味，辣得過癮！😋🤤仲有嗰個益力多沙冰，大大杯咁凍到爆！🥤❄️ 夏天食完烤魚飲返杯，一個字：爽！😇💦佢哋嘅串燒都係一絕！選擇多味道又正！🍢🍖 每次去都想試晒成個menu！😆最正嘅係間舖喺旺角，地點方便！🏙️👣 不過建議你7點前入座，最好仲要用Guru app提前拎飛，咁就唔使等喇！😉👌我覺得烤魚工房係我喺香港食過最正宗嘅烤魚！🇭🇰🐠 個味道同大陸食到嘅一樣！😋🇨🇳如果你想食正宗烤魚，烤魚工房絕對係你嘅不二之選！💯🙌

早前食過元朗烤魚工坊 味道不錯所以經過旺角就想再試下旺角分店味道較失色烤魚魚肉唔夠嫩滑串燒不錯 (牛舌 + 豆皮)芥末魚皮味道都令人驚喜同大陸烤魚工坊比 性價比會低少少

一直都好想試下「烤魚工房」呢間人氣餐廳，無論任何時候都好多人排隊。鮮青椒味烤魚🐟(中辣)🌶️🌶️店員一送到黎，就聞到香味了，魚既表面鋪滿很多青椒🫑，但試飲一啖湯底，又唔會太辣，辣度岩岩好😆魚肉食落肉質嫩滑，忍唔住一啖接一啖😋😋重慶把把燒串燒種類很多，有魷魚，粟米🌽，雞軟骨，豆干，雞腎，五花肉🥩，羊肉。搭配孜然粉，特別香口，送啤酒🍻🍻係一流選擇。至尊水果茶滿滿一大杯水果茶，顏色艷麗，有橙🍊，奇異果🥝，火龍果，西瓜🍉，藍莓🫐，士多啤梨🍓，口感豐富，味道清爽，絕對係解辣之選⭐️

間唔中都會食烤魚過過口癮🤤今次朋友生日就想試試呢間第一次食感覺都唔錯😚裝修搭配一系列彩色的霓虹燈💈連天花板都有💈💈設計非常型格 氛圍又唔錯😎餐廳主打烤魚及燒烤🔥鹹蛋蒜香酸菜清江魚🐟烤魚有2款，今次揀左清江魚(小辣小麻)，有大量的酸菜及炸蒜🧄完全舖滿成條魚🐟，蒜香味超濃厚令成個味道昇華🤩，隔左第二日個口仲有一陣蒜味齒頰留香😂，鐘意食蒜的朋友必食💯，但鹹蛋唔見蹤影要刻意去搵先食到少少比較失望，魚肉肉質厚實且啖啖肉，有啲魚骨要小心食，另加配火鍋粉(寬粉)，金針菇及萵荀片，萵荀片食落好爽脆，寬粉係每次食烤魚都會必點，食落煙韌又吸盡湯精華烤土豆片🥔土豆片🥔切開一片片，每串有3片土豆灑上孜然粉調味，食落好軟腍及香口，忍唔住一口接一口，好好食手打渣男鴨屎香檸檬茶🍹個名好搞笑🤣，好掙扎飲水果茶定鴨屎香檸檬茶，最後揀鴨屎香檸檬茶，之前係深圳有飲過好鐘意，未試過係香港飲，好奇味道會唔會一樣，勁大杯檸檬茶🍋加入鴨屎香獨有香味，飲落味道更加清新，冇令我失望😌至尊水果茶🍹呢杯水果茶勁足料💯，裝滿超多水果包括有橙🍊，西瓜🍉，藍莓🫐，蘋果🍎及百香果，連平時比較少見的士多啤梨🍓，奇異果，火龍果及椰果都有，就咁食水果都

烤魚工房 旺角經過旺角食飯見到烤魚工房嘅招牌就諗住入去試吓🤪餐廳入邊嘅裝修都幾特別 有好多霓虹燈 食嘢都幾有feel 一入到去職員就又同我哋講用餐時間最多90分鐘QR code 落單第一樣就叫左鮮青椒味烤魚因為唔朋友都唔係好食得辣 所以叫左小辣小麻！烤魚份量都唔少 魚質都算滑 雖然淨係叫左小辣小麻但係感覺都好入味 👍🏻👍🏻另外佢會keep住熱個爐 啲魚有啲位會煎琴金黃色 個人覺得最好食🥰我哋冇叫到其他配料 入面就只有啲芽菜～另外再叫咗個燒茄子 $36同普通燒烤店嘅茄子差唔多 都好香 好夠蒜🥳最後叫咗個韭菜 $26呢個韭菜就咁冇咁好食 個醬汁係偏咸 冇咁香最後兩個人埋單$386如果想食烤魚又想食燒烤嘢、辣嘢過下口癮 覺得都值得一試👍🏻👍🏻

今日同男朋友去咗呢間專食烤魚嘅餐廳試吓本身自己都好鍾意食辣同埋魚 所以就嗌咗個麻辣豆花烤魚入面有老豆腐整多辣椒同埋花生仲有蔥點綴 鍾意食辣嘅一定覺得勁正！魚好嫩滑夠晒入味。豆腐索晒啲麻辣汁👍超正

烤魚工房係元朗一早已經街知巷聞，但因為佢長期排隊，所以一直都冇去試過。咁岩有朋友想試又見早早地，應該可以唔使等，於是走去試吓啦。旺角呢間分店位於2樓，出𨋢真係見冇咩人，靚仔就帶我地直入。咁我地睇完就決定叫個鮮青椒味烤江團魚，海苔響鈴，同埋介紹話必吃既椒鹽烤粟米同2杯野飲啦鮮青椒味烤江團魚黎到係幾吸睛👀既，大大一盤望落都唔錯😌入口江團魚都算滑身，魚質亦唔會好散，味道唔錯，但魚既配菜唔多，有幾舊豆腐同少量芽菜。豆腐係有五香味個種，未必人人都岩。海苔響鈴同大部份餐廳既一樣，冇太大特別，放落個魚到浸過，我覺得俾個魚湯蓋過咗個海苔味。椒鹽烤粟米呢個我係有啲失望，見佢係有塊板仔話係推介，我滿心期待😅因為我曾經係一間餐廳食過一個好好味嘅🙈但出黎既效果係冇乜味2杯野飲我就叫左杯水果茶，水果茶係整得好靚，見到係覺得有誠意既🤣女人都係對靚野心心眼😍叫左少甜佢係有做到既，咁所以都幾好飲😋最後我地都加左2個串燒，豬頸肉同韭菜，豬頸肉做得好出色，烤既火候控制得好好，唔會整到好乾身，而韭菜個味加左少少辣粉都唔錯👍🏻整體嚟講，我覺得佢嘅串燒係較為出色😂

香辣豆花烤清江魚豆花勁重豆味魚都多肉無配料嘅 所以要額外加烤土豆+烤肥腸土豆正常發揮肥腸一口咬爆油所以怕肥可以唔洗嗌串燒組合肉類ok 不過魷魚就勁幼 無肉粟米應該係糯米粟 比較煙韌至尊水果茶都大杯 有幾粒生果係面不過有啲貴味道同連鎖店買其實差不多想食烤魚過口癮 呢間可以encore味道同大陸差唔多 一樣味精多雖然少貴 不過一大班朋友食都唔錯

今次介紹人氣烤魚餐廳，由四川師傅研發嘅獨特口味配方，喺香港都可以食到正宗嘅川渝烤魚味道🤤我哋三個人嗌咗個好抵食嘅 SET B 宵夜套餐，價錢只係$399❣️1. 鮮青椒味烤魚👉🏻江團魚(+$40)十分推薦江團魚，肉質嫩滑，重點係冇乜骨！🥹對我呢啲唔鍾意噒骨嘅人嚟講，真係好加分🙌🏻我哋order咗小麻小辣，湯底辣度啱啱好，聞落好香好惹味，令我哋食唔停口，一啖接一啖😋個人建議加配火鍋粉(+$20)，同麻辣湯底真係好夾😝煙煙韌韌又索咗啲湯汁又抵食～2. 串燒宵夜套餐包埋自選串燒，我哋揀咗烤羊肉串、烤雞中翼、烤雞腎串、烤韭菜、烤娃娃菜、烤薯仔片，每款串燒都沾滿香料，有辣椒粉、孜然粉，食落好香口🔥3. 紅糖糍粑仲包一款自選小食，我哋揀咗紅糖糍粑🥢糍粑表面淋上紅糖漿，點一點黃豆粉再放入口，感受佢嘅香脆軟糯😚如果紅糖多啲會開心啲～4. 飲品(每款正價-$10)🍎至尊水果茶(+$33)水果茶勁足料！有蘋果、香橙、西瓜、藍莓、火龍果，當飯後生果食都冇問題🤣🍊金桔青檸特飲(+$26)勁大杯💯酸酸甜甜好解渴😆🍹冰爽葡萄紅柚(+$26)賣相好有心思，重西柚味又唔太甜～

餐廳環境優美服務態度良好烤魚毛血旺超級推薦 非常足料 又多牛栢葉 又多午餐肉 又多鴨血 辣度啱啱好 飲品叫咗三杯分別係水果茶拿鐵同埋芒果沙三杯都各有特色十分好飲另一個重點就係串燒超級好食