烤魚工房 (旺角商業大廈)

營業中

休息中

旺角烤魚工房🌟鮮青椒味烤魚江團魚🐟小麻小辣，配菜豆腐，金針菇外脆內嫩滑🌟牛肉豬肉串燒串燒可口美味，外脆內軟鮮味多汁🌟烤茄子🍆入味鮮香必叫飲品至尊水果茶解渴解辣

原本仲諗住香港食烤魚好「肉赤」？OUT喇！旺角心臟地帶，「烤魚工坊」做緊你諗唔到嘅 「街坊價」！ 原條烤魚（自選辣度！） + 即燒串燒（雞牛豬海鮮樣樣齊！） 再加上冰凍啤酒，絕配丫👍🏻👍🏻👍🏻人均 $200有找，仲要 坐得舒服、冷氣夠凍，唔使焗住食街邊檔！ ✨ 點解晚晚爆場？秘密係：✅ 烤魚王者！新鮮魚現烤，香辣湯底/避風塘/酸菜任揀，滾住食超惹味！ ✅ 串燒即叫即燒！蜜糖雞翼、孜然羊肉、蒜蓉茄子... 即烤炭香，$10+起跳，狂點唔心痛！ ✅ 冰凍啤酒！青島、生力、Hoegaarden... 食燒烤點少得！✅ 旺角黃金位！*朗豪坊行過嚟5分鐘，血拼完/OT完直衝開餐，爽！ 🌃 夜貓注意！開到晚上11點！食完魚？加單！燒多轉串？No Problem！ 人均二百蚊，魚+串+啤齊晒，仲想點？ 唔使飛重慶，喺旺角一樣「麻」甩盡興！

Come to have lunar gathering, you choose different fish soup and we picked one not spicy haha, the restaurant is quite spacious but bad thing is your clothes will be left with smell after eating here sadRoasted Fish in Salt Egg Yolk soup is yummy haha with tender fish meats, you can even drink the soup haha, honestly pretty full only eating this fish we didn’t order any rice at all haha yes not fan of rice lollFried Pork Neck tastes appetizing with complicated seasoning and it is a bit spicy act

再戰「烤魚工房」，鐘意呢度裝修有四川風味而卡位闊落，坐得舒服，適合同三五知己辣住吹水。叫咗個鮮青椒烤魚，加$40轉江團魚，份量夠足，魚肉嫩滑又入味，不過魚皮就唔夠脆，有啲可惜。最正係啲黑豆豆腐，Ｑ滑又有黑豆香！串燒方面話就話「烤」，但食落似炸/氣炸多啲。羊肉串係最好食，孜然粉落得夠重手，完全冇羊羶味，正！台灣腸都正常，但烤茄子就好麻麻，蒜蓉多到滿瀉仲要勁油，食兩啖就頂唔順。烤小饅頭明顯係油炸版，不過佢真係好脆同唔算油淋淋，點煉奶食係正嘅，當甜品咁食都OK。服務正常，上菜速度合理。總括來講，烤魚水準keep到，串燒整體個味係唔錯，但就好睇介唔介意佢唔係真燒嘅！

烤魚工房係咁多內地過江龍競爭之下仍然人氣旺旺，主打中式烤魚同四川風味既創新魚料理。餐廳以工業風混搭中國元素，牆上仲有啲趣味標語，而且場地位置以卡位為主，方便朋友圍威喂傾計食飯。 鐵板包漿烤豆腐，透明廚房入面大廚用鐵板烤，濃濃既燒烤香味配上滑嫩豆腐，值得一試 烤茄子，每次燒烤必點，香。鮮青椒爽麻烤魚，大概二至三人份量，除左有唔用魚選擇外可以另外按自己喜好加添配菜。味道以青椒與藤椒的清香為主，相對無咁辣但就重麻味。📝TIPS:1. 湯底可揀辣度。2. 可以留意餐廳社交平台，間唔時會推出新口味。

有次去幫襯呢間餐廳，一坐低大位嗰個咩都唔講放低張單然後就走咗去，然後我舉勁耐嘅手都冇人理我，最終我等咗十分鐘終於搵到人踩我，我問下有咩好推介，個個人都好似啞，問非所答，邊度係廁所又冇人答，有清水飲又無人講，最恐怖嘅係，埋單嘅時候仲要收服務費，我完全感覺唔到有人服務過我囉，所以真心唔會推介人嚟食

心思思想吃烤魚就會諗起呢間，呢間嘅口味就好似北上吃咁惹味，而且選擇亦多，值得嚟吃。一上到去餐廳就見到彩色的霓虹燈，設計型格，氛圍不錯。不過呢啲燈光下影相效果就會好怪🤣🤣🤣💚至尊水果特飲 $86大大一杯 水果亦很多 好豐富就咁吃水果都好飽💚紅糖糍粑 $42表面淋上紅糖漿 再點上黃豆粉入口是香脆軟糯💚蔥油拌麵(小辣） $36 整得好香好惹味💚烤豆皮 x2 (小辣）$52豆皮調味惹味💚烤肥腸 $39肥腸外脆又不會太靭💚鐵板包漿豆腐 $39熱辣辣 好多蒜蓉 食落豆腐好滑 又香又惹味 💚手打渣男鴨屎香檸檬茶x2 (少甜 少冰) $90大大一杯 足夠解渴💚芥末魚皮 $52比較少見 食落芥末味夠濃個感覺是辣與攻鼻之間魚皮都爽脆 不錯的💚錫紙花甲 $49滿滿蒜蓉同香蔥包住花甲底下仲有粉絲墊底味道濃郁 好味的💚紫蘇牛蛙 $319（清江魚小辣、少油、少鹽）牛蛙表面炸得香脆 而入面肉質嫩滑清江魚鮮甜 亦少骨魚有事前煎過挺香口的 而呢條魚的肉質較為實 大量的青椒 加上可選小辣少油少咸 味道剛好 不會太重💚另外加配薯粉 $20索晒啲汁吃又辣又正🌟Encore 指數：7.5/10—————————————————

食過好多好多次，但近兩次食完感覺呢間餐廳食物質素/出品同服務正在慢慢變差。 烤魚裡面嘅花生一食就知擺得太耐 好难食 如果为佐降低成本，咁唔加花生係裡面仲好過。味道鹹過以前，同埋條魚都冇以前好食…..

朋友話好耐無食烤魚，今次就帶佢哋嚟烤魚工房啦~ 呢間店號稱「烤魚界天花板」，一直都 keep 住有人氣，預咗要排一陣隊，還好今晚唔算等好耐~😋 鹹蛋蒜香酸菜味烤魚 ~ 因爲友人唔太食到辣，所以叫咗呢款要小麻小辣，一上枱熱辣辣聞到有陣陣嘅鹹香味，令人忍唔住吞口水！條魚肉質鮮嫩，又無乜細骨，加埋蒜蓉酸菜調配，直頭係越食越開胃！😋 酸辣泡椒味烤魚 ~ 呢款要咗中麻中辣，辣度適中，酸辣泡椒呢個組合又係好惹味，越食越辣，越食越上癮 🤣食完烤魚之後就食串燒，然後發覺呢度其他菜式都比烤魚更出色好味 🤣 🤣 而且份量都唔細，擺碟有心思，叫多幾款小食同朋友啤一啤又一個愉快嘅晚上 🍻

一家人去食，穿黑衫負責叫號個員工脾氣古怪，因現場吵，我冇聽清佢話：等等，執緊台，而向張台行去，畀佢呵斥：喂等一等！執台阿！埋單時，咁啱見有客人質疑入座安排：點解唔係我先，就畀佢呵斥：佢。。你。。（冇聽清，但黑衫員工表情很精彩，好似電視劇反派的表情）第一次幫襯雖然等左個半鐘，體驗都很好，今回第二次幫襯，食物依然美味，人差啲湊字數：黑衫員工是老闆嗎？他是老闆嗎？是老闆嗎？是嗎？嗎？？嗎？？嗎？？一定是了

突然想食烤魚就黎烤魚工房, 晚餐時間由17:00開始, 我地4點幾黎到都已經有10零人係度等😯今次3個人叫左一條魚, 加D配菜同串燒😋剁椒烤江團魚✨我地冇睇介紹就叫左個辣度天花板🤣江團魚本身冇乜骨, 而且肉質嫩滑, D汁亦好惹味又夠入味, 但真係越食越辣...串燒✨好夠蒜搭配孜然粉就係好食😋

烤魚工房不愧為香港烤魚天花板👍😍首先講佢哋嘅毛血旺烤魚，簡直係神級美味！🐟🌶️ 配料多，份量又大，啖啖都係鮮味，辣得過癮！😋🤤仲有嗰個益力多沙冰，大大杯咁凍到爆！🥤❄️ 夏天食完烤魚飲返杯，一個字：爽！😇💦佢哋嘅串燒都係一絕！選擇多味道又正！🍢🍖 每次去都想試晒成個menu！😆最正嘅係間舖喺旺角，地點方便！🏙️👣 不過建議你7點前入座，最好仲要用Guru app提前拎飛，咁就唔使等喇！😉👌我覺得烤魚工房係我喺香港食過最正宗嘅烤魚！🇭🇰🐠 個味道同大陸食到嘅一樣！😋🇨🇳如果你想食正宗烤魚，烤魚工房絕對係你嘅不二之選！💯🙌

早前食過元朗烤魚工坊 味道不錯所以經過旺角就想再試下旺角分店味道較失色烤魚魚肉唔夠嫩滑串燒不錯 (牛舌 + 豆皮)芥末魚皮味道都令人驚喜同大陸烤魚工坊比 性價比會低少少

一直都好想試下「烤魚工房」呢間人氣餐廳，無論任何時候都好多人排隊。鮮青椒味烤魚🐟(中辣)🌶️🌶️店員一送到黎，就聞到香味了，魚既表面鋪滿很多青椒🫑，但試飲一啖湯底，又唔會太辣，辣度岩岩好😆魚肉食落肉質嫩滑，忍唔住一啖接一啖😋😋重慶把把燒串燒種類很多，有魷魚，粟米🌽，雞軟骨，豆干，雞腎，五花肉🥩，羊肉。搭配孜然粉，特別香口，送啤酒🍻🍻係一流選擇。至尊水果茶滿滿一大杯水果茶，顏色艷麗，有橙🍊，奇異果🥝，火龍果，西瓜🍉，藍莓🫐，士多啤梨🍓，口感豐富，味道清爽，絕對係解辣之選⭐️

間唔中都會食烤魚過過口癮🤤今次朋友生日就想試試呢間第一次食感覺都唔錯😚裝修搭配一系列彩色的霓虹燈💈連天花板都有💈💈設計非常型格 氛圍又唔錯😎餐廳主打烤魚及燒烤🔥鹹蛋蒜香酸菜清江魚🐟烤魚有2款，今次揀左清江魚(小辣小麻)，有大量的酸菜及炸蒜🧄完全舖滿成條魚🐟，蒜香味超濃厚令成個味道昇華🤩，隔左第二日個口仲有一陣蒜味齒頰留香😂，鐘意食蒜的朋友必食💯，但鹹蛋唔見蹤影要刻意去搵先食到少少比較失望，魚肉肉質厚實且啖啖肉，有啲魚骨要小心食，另加配火鍋粉(寬粉)，金針菇及萵荀片，萵荀片食落好爽脆，寬粉係每次食烤魚都會必點，食落煙韌又吸盡湯精華烤土豆片🥔土豆片🥔切開一片片，每串有3片土豆灑上孜然粉調味，食落好軟腍及香口，忍唔住一口接一口，好好食手打渣男鴨屎香檸檬茶🍹個名好搞笑🤣，好掙扎飲水果茶定鴨屎香檸檬茶，最後揀鴨屎香檸檬茶，之前係深圳有飲過好鐘意，未試過係香港飲，好奇味道會唔會一樣，勁大杯檸檬茶🍋加入鴨屎香獨有香味，飲落味道更加清新，冇令我失望😌至尊水果茶🍹呢杯水果茶勁足料💯，裝滿超多水果包括有橙🍊，西瓜🍉，藍莓🫐，蘋果🍎及百香果，連平時比較少見的士多啤梨🍓，奇異果，火龍果及椰果都有，就咁食水果都