炑八韓烤 (屯門市廣場2期)

營業中

休息中

6月23號 9:00攞票 9:17mins可入席 2個人食總共$821攞80號票 先3十幾號 以為有排 點知好多人攞完票走左 所以先甘快先可以入去食野 暫時去甘多間韓燒店 哩間會想去多次食醬油蟹💪🏻💪🏻😋😋服務方面會有人主動幫你燒但係坐太近佢哋換衫既房間 D員工出出入入系有DD吾方便因為我坐嘅位就係房間門口前面 不過佢哋都好有禮貌會講聲唔好意思 🤗有播韓國生日歌應該係有客人生日🤔🤔

父親節爸爸話想食韓國野...咁見屯門新開左炑八, 近近地就去試下啦~我地叫個$785 韓牛4人set....肉類份量同味道都ok, 但係年糕得4粒.... 秀珍菇得4條... 所以我地另外再叫左碟牛舌同石頭鍋飯...石頭鍋飯味道一般....係牛舌幾好味, 但份量少...好薄得8片..... 另外原來refill 生菜泡菜等都要order... 唔緊要....order完仲要等勁耐先黎....無生菜果d夾肉食唔好食架麻....一路等...d肉就一路係度燒....好快燒到乾哂.... 野食再好食我都唔會再黎⋯集團式既餐飲服務做到你地咁差我都係第一次見⋯ 加埋一埋單$1200...但真係唔太飽.... 想食韓牛可以有其他更好既選擇~

和友人到屯門打ball, 運動完後的節目就系去 食~韓~燒~韓燒的重點便是牛牛， 今次我門選了位於屯門的燒烤分店。先前嘗過其他分店覺得他的價錢合理，而且食物較新鮮和總類會較多，所以推介朋友來吃。我們一行三人共点了牛舌， 牛肉眼， 海鮮湯和韓色拌飯。 牛舌和牛肉眼都是脂肪比較少的地方， 所以經燒烤後， 點上醬汁也没有太多油， 牛也不瘦不肥，十分野味。牛舌十分有咬口， 很爽也很厚實， 肉很新鮮， 烤醬微辣， 甜甜的， 與烤肉十分配搭。牛肉眼部分則十分嫩口， 比牛舌更好吃!附上的小菜， 海鮮湯也很好味! 海鮮湯和拌飯有一點辣， 我是很不吃得辣的， 但配上湯和飯吃其實十分野味，料很多，足够三个人的分量

上次試過尖沙咀呢個韓燒既分店，點知屯門又新開左一間，就同啲fd心思思去試下！上次無叫「簿切五花腩」，今次一於試試佢。燒左一陣啲五花腩已經自己出曬油，賣相好吸引，咬感十足。我地試下加左唔同既醬汁黎燒仲好入味！肉既分配都岩岩好，半肥瘦！跟住再推介下「韓國鰻魚」，平時唔係點食鰻魚既話，被屈服左試食下，點知又好入味！唔同平時壽司果隻，完全唔腥！呢間同尖沙咀果間分店，水準差唔多，下次唔洗特登出市區食嚕！

I brought my sister-in-law and little princess 👧🏻 (一行三queen👸🏻👸🏻👸🏻) to Korean BBQ. As second time visitor, I was quite enjoyed with the overall experience. The beef tongue was really a good choice. Cook for two minutes until soft. It depended the heat what you adjusted. The beef tongue was nice, tender and flavorful , it was amazing to add the season with salt and pepper! Besides, the green tea shaved ice was a bit expensive but worth to try , the green tea was very pure and crisp taste, generou

去完屯門醫院探朋友，順便約埋嫁左入屯門既家姐食個飯~倆姊妹好耐無傾過計，大家都掉底老公仔女輕鬆一下~上次試過炑八其他分店覺得ok，知道屯門開左間新店，仲係正家姐附近，最岩不過平日七點到唔駛等位，睇黎呢區平日都唔多人，我地可以好安心慢慢燒慢慢傾~ 兩個女人志在吹水，所以剩係叫左霜降牛小排同護心豬肉霜降牛小排($190)得八片~成廿幾蚊塊，真係每一口都係$呀 不過質素同我上次食既牛肋骨肉比又真係高好多既，脂肪分佈平均，油花細密，味道爽口嫩滑，唔需要任何調味料，輕輕一燒，五六成熟左右既時候放入口，充滿幸福滿足既感覺，入口即溶 護心豬肉($120)，顏色睇落一D都唔似豬肉，初時仲以為黎錯 ，可能新心臟，血流量較多，顏色比較深，望落好似牛肉~不過始終都係豬肉，我地都燒到熟晒先敢食，燒完後肉味濃郁而口感豐厚，油分不多，爽滑彈牙，呢個用生菜包住黎食一流~再加埋泡菜辣辣地非常開胃~

媽咪話依家韓風熱潮咁勁，佢又心思思想學人去食韓燒，好啦，一於近近地帶佢去試下新開炑八開餐。等候：6:30去到，唔洗等位環境：都幾寬敞，唔會燒完成身味食物：邊爐蛋好味，推介特級牛肉眼， 牛舌 (厚薄適中，口感唔un)味道：燒肉味道剛剛好，不過個芝士生蠔就麻麻地飲品：有特飲，青蘋果梳打ok服務：差少少，叫左幾次先叫到人比水好彩媽咪都對今餐好滿意，仲話下次帶埋老豆黎等佢試下喎

今日約左朋友喺屯門食飯，佢知我鍾意食韓國餐，就提議去新開既炑八，試試係咪真係咁好食。佢既邊爐蛋好滑好味，我地都refill左兩次特級牛肉眼，都有手掌咁大塊，侍應姐姐仲幫我地又燒又剪， service不錯，同埋可能佢塗左層油喺面，燒完又唔算好癡爐， 之於塊牛亦都比我想像中好味。厚切五花腩，望落好似好肥咁，不過燒完又啱啱好，半肥瘦就最好食總括：呢間韓燒我會比4粒星，可以再食！

老友話加左人工，所以請我食返餐好喎，我話食乜都無乜所謂，最緊要有牛食啦，因為我地兩個都係牛迷嘛，於是今晚食韓燒都主力揀靚牛，睇睇menu，花多眼亂，最後揀左牛小胸肉同霜降牛小排。牛小胸肉隻粉紅色好靚，睇到人個人卜卜跳，將薄薄既牛胸肉放係爐上面燒到滋滋聲，好快就食得，肉質比較堅韌有彈性，嫩滑無渣，好唔搭得咁快食晒呀~~~老友見到牛小排既油花就為之瘋狂，牛小排其實即係牛仔骨去骨囉！睇到D色同花紋好靚，朋友專家上身話煮到7成熟最好喎，我唔識搞架，任佢發揮，我等食架咋！食落肉質香、鮮甜同結實，好味！兩款都各有特色，宣佈打成平手啦！

山長水遠陪朋入屯門大會堂睇展覧，睇完朋友話附近有間新開韓燒，請我食返餐飯算係多謝我咁遠水路過黎陪佢，我就緊係卻之不恭啦話說朋友一年前開始戒左食紅肉，所以我地既選擇其實唔多，橫掂有人請就等佢決定食咩啦~今餐韓燒變左海鮮大餐，有醬油蟹，芝士生蠔同海鮮煎葱餅首先試個醬油蟹，老老實實咁大個人都未食過，一上枱好香醬油味，先食一啖蟹黃，十分鮮味，一d都唔腥，再試蟹肉，肉質黏黏糯糯，滿口鹹鮮，用黎送飯確係一流芝士生蠔有個錫纸兜裝住，生蠔大大隻，兜底鋪滿芝士，佢呢個擺法抵讚，如果芝士放面d生蠔就會過熟，而家咁岩岩好，d芝士溶晒d生蠔6，7成熟既時候食最fit海鮮煎葱餅就普通，略嫌唔夠脆身，我地自己再燒一燒再用生菜包黎食，又有另一番風味

難得老公今晚唔駛OT, 今晚我就早d去攞飛等位食炑八，等左半個鐘終於入得去。環境好寬尚，有別一般韓國BBQ小店。邊爐蛋同埋芝士都可以無限refill，依家間間都係咁架啦，不過佢地既蛋汁調得幾滑既～老公點醬油蝦；我點燒肉。個醬油蝦（大虎蝦）都幾底食，啖啖肉又鮮甜，d蝦應該有coat左層油響面，唔會燒到chi殼，燒得都幾有成功感啊！我點既燒肉更加oishii，肥得黎都唔太腻，燒耐d反而更加可以鎖在d肉汁。呢度都有service既，佢地見到d客order左大件既燒物會好主動咁走過黎幫我地又剪又燒！

呢期追韓星真係追到人到顛，一係唔鍾意，一旦飯上真係好難甩身，好似上個禮拜就去左深圳睇iKON演唱會，下星期又要總動員去搶Bigbang黎緊7月喺香港既演唱會飛。我地成班犯傻既忠粉，今晚就出黎商量一下搶飛攻略，為左配合主題，自自然然又係食韓菜啦！因為有幾個團員都係屯門友，佢地就揸主意黎呢間開左十幾日既韓燒店食。大家掛住吹水都無乜影相，係影左鮮帶子同厚切五花腩。鮮帶子有8隻，158蚊，目測又新鮮又肥美，好似喺高級日本餐廳食果d刺身級帶子，真心想問係咪可以生食架？朋友叫我唔好咁心急，其實輕輕燒下表面再食會仲正，咁又係喎，燒過下有d外熱內冷、外脆內軟feel，又幾得意喎，同埋真係好鮮甜。而五花腩就128蚊，一層肉一層肥膏好吸引，雖然個個都話怕肥，但問邊個想食又個個都舉手喎！奇怪！果種鬆化口感都非筆墨所能形容架喇，只係覺得佢真係太邪惡o者，食完一次唔知又要跑幾多K先level得返lu！期間一邊食，大家已定好跟住落黎既追星大計，荷包又要大出血了~~~~

瘦人真係好奇怪，明明已經食好多野，但都係唔長肉，又成日好易餓，d fd都笑我係咪肚生虫@@~~好似今晚大家食肉獸上身食韓燒，我就堅持要叫d飽肚既野，因為之前真係試過淨食肉，返到屋企沖穿涼竟然係要煮公仔面食，好怕食肉果種虛飽~我揸主意叫左兩款好受歡迎既韓國街頭小食，最緊要係飽肚嘛!!! 之前睇過韓劇話呢樣係韓國媽媽好鐘意整既家常菜──海鮮煎蔥薄餅($88)，上台即聞到陣陣酥香，煎到金黃鬆軟，餅底唔會太腍或太韌，配料仲好豐富添，yummy!韓式年糕($88)又辣又甜，味濃但唔過火，芝士係呢度成兜野更好味，好like果種煙煙韌韌既Q彈口感，唔覺唔覺久唔久放一舊入口，好快就比我地消滅左!

放假老公帶我同呀仔去屯門公園爬蟲館，行完玩完一輪，大家都又攰又餓，即刻走去最近gei屯門市廣場醫肚~去二期見到炑八新開張，老公同阿仔見我上次去tst食團購d相已經嘈住話想試，雖然我lee兩個月已經食左2次韓燒，不過擇日不如撞日，就滿足下兩仔爺啦兩仔爺未試過新式韓燒，一坐底就搞lee搞路，係gum玩個抽風，真係比佢地激死……我同老公都鍾意食牛，所以叫左個牛肋骨肉，之前試過護心豬肉好味道，今次決定再 encore，比呀仔揀一樣，佢揀左多春魚…… 雖然覺得好豬，不過既然比得佢揀就由佢決定啦~兩仔爺不停食d前菜，連平時唔鍾意食菜gei仔都不停食沙律，睇黎真係餓到傻左……牛肋骨肉（$128）係我至愛，肉味濃又嫩滑又唔so，燒耐左都唔會嚡護心豬肉（$128）保持水準，爽得黎唔un, 配埋泡菜食一流多春魚（$68）食晒d肉先開始燒，因為叫gei時候已經幻想到d多春魚燒到甩皮甩骨個樣……但係比我想像中好wor, 可能因為魚身已經預先塗油，未至於慘烈到魚春四散，味道就正常啦，燒多春魚味道可以有咩特別丫…:最後阿仔竟然話最鍾意食係芝士粟米，早知我屋企整比佢食啦~同兩仔爺食韓燒成餐飯未停過，老公unun腳等

Had a quick dinner with Kris last night and tried to catch the movie on time. We supposed to have a MacDonald but we couldn't eat too much junk food, we decided to come back to MeokBang Korean BBQ & Bar but this is a new shop located at Tuen Mun. Last time we ordered the eel which was nice. We ordered some sushi, beef and dessert to share. Simply put: affordable, quality beef and other assorted kimchi salad and reasonable sushi. The strawberry snow ice was yummy, price is reasonable. Special to