炑八韓烤 (屯門市廣場2期)

營業中

休息中

知道屯門市廣場開左，即刻同老公去試! 第一次黎本來好想食烤肉，尤其是牛~ 但因為11點幾就食烤肉好似有啲heavy，所以叫左個牛肋骨煲，意外地好味! 啲肉好腍，用筷子吉開已經骨肉分離，配埋啲甜甜地嘅汁同紫菜送口白飯，真係好享受呀～ 杯特飲又夠大杯，好滿足。老公話個五花肉流心蛋都唔錯~ 我唔食得辣，只食左一啖仔，啲蛋黃撈落泡菜同豬肉又真係幾惹味。見午市套餐可以用優惠價食小食，我地就叫個蜂蜜牛油炸雞，點知原來好大碟，仲有薯條……係正常嘅好味，但兩個人真係食唔落要take away。如果4、5個人就應該唔錯~

果次我好晏先去食晏 個人就話佢地要準備晚市 冇得燒 叫我地要快啲落單 咁我就叫左個唔知咩牛肉蓋飯 個飯應該係要好熱一邊食一邊熱既 但係唔知係咪佢地趕住食晏 個飯就唔夠熱既 冇幾多飯焦 同埋唔知點解隻杯有啲黑色 好似燒野果啲黑色 我飲左啖先見到 我用隻手抺左下就甩 真係好似燒野果啲黑色 之後就有個人講好耶終於食晏 仲見到隔離枱啲人都淨係食左好少 同好似都有不滿咁 仲有個冷氣真係超凍 因為冇人燒 我諗去呢啲地方都係自己燒好過叫野食

雖然開了一段時間，但今天朋友生日，才第一次食。3個人食，就叫了一set(3-4人) $785有三四碟前菜海帶幾好食但個煎蛋餅口質就比較粉，不太好食，好濟爐旁邊的粟米芝士 同 泡菜蛋就可以任refill全場最好食肉的水平不過不失如果再食燒肉 我會揀番金舌八爪魚口質不太好，可能雪藏了很久見到咁多野味既野食，就順手叫支蘋果酒飲$29肉質不過不失，其實燒肉就本身食原材料，如果呢個價錢，也有好多放題燒肉選擇。不過不得不讚，我地成晚refill左4 5次粟米芝士同蛋，服務員態度也得好。

黎到先係點餐，野食上晒但爐，抽氣冇人幫你開，可能因為接近九點，全體員工安排晒喺後面收檔，但客人安排係前場，但前面完全零睇場，都唔緊要爐邊既粟米芝士，泡菜蛋叫先有人行過嚟落，完全零服務，自己開爐燒，後來有員工發現好大煙先走過嚟話我哋個爐開得大，再發現冇開抽氣，最精境埋單先發現送漏湯及雜菌，問職員，同我哋講個餐聽日先賣，咁我問仲乜咁快換餐牌呢？價錢照收，個員工反話你應一早問，我哋同你跟返，責任落晒我地身上，好似完全唔想出返俾我哋咁，反而埋單就識主動過嚟問，但唔問啲野食到齊未嘅？隔離枱吼晒杯要加水，完全冇人聽到，請問係咩服務呢？7百幾蚊完全唔值囉！最後想話啲牛肉堅韌，好難咬囉！

今日中午黎食lunch, 以為要等一陣位， 點知餐廳只是半滿， 兩人坐四人枱， 鬆動又舒適。 每枱枱面都有支檸檬水，飲住檸水慢慢睇menu，完全無人催落單， 很有悠閒的感覺。 落單後先黎兩碟大大碟前菜。之前係到食過炸雞覺得唔錯， 今日揀左烤雞， 估唔到都烤得好好。 雞皮烤成微脆，雞肉香嫩唔會乾， 而且烤的過程把雞肉的脂肪迫了出來， 感覺很健康，配上沙律同吃更覺清新。至於個蛋， 睇落好靚似十足出面嫩滑既蛋包飯， 點知一食， 個底實既， 蛋味亦唔香， 只屬一般貨色。 個飯用上珍珠米而且伴了適量的蕃茄汁，都算係有誠意。朋友的牛肉年糕粉絲都唔錯， 牛肉幾香又唔怕煮得老， 粉絲個汁好香濃， 年糕QQ的又唔會太硬。整體都算好食， 份量幾大， 仲免加一，係lunch 既好地方。

梨汁雞肉燒后有梨香又滑，包生菜加粟米芝士，泡菜疍，好吃，又有沙津，韓国粉絲任添，可惜午市或下午茶套餐在晚市無得吃。多春魚燒后近頭部位有些苦可惜座位太迫，又無隔油設備，油彈到用身都是不列明每張票等候時間，令太多人在店外久等·

一行7人聚舊，去嘆氣氛熱鬧既燒肉就最適合不過，前菜不停加，叫咗個餐，再後加牛肋肉，鰻魚，護心肉，煎餅，豬大腸，樣樣都特別係鰻魚，厚肉肥美，煎至脆卜卜，無得輸呀！個餐有既八爪魚以為好un，點知又幾爽喎，估佢唔到好食，真係可以一食再食

再黎食下午茶 $48一個餐有湯 前菜 魚糕串 主食 真心抵食記得之前黎食d湯真係好清 冇咩味但今次見到加左魚乾 味道更香韓式炒粉絲味道唔算濃 至少相比其他唔濃粉絲好彈牙 份量都幾大但係可能寡左d 可能加d辣面豉醬多d味流心芝士年糕大蜆拉麵汁有少少辣 用左黎配上面個粉絲食年糕入面既芝士就唔流心 蜆幾大隻下濕濕地 辣辣地配面食唔錯而且味道都十分明顯烤牛肉蛋包飯牛肉好大好大好大片 有隻碟2/3直徑長而且多汁 鹹鹹地 配飯食一流仲要有成5至6片咁多蛋既顏色十分深色 蛋味香濃感覺十分豐富芝士炸雞黎個係用積分換 拎到黎滋滋聲然後就係拉絲拉絲拉絲 邪惡邪惡邪惡(冇圖冇紫薯同海膽記得趁熱食因為係韓式炸雞 唔多油脂唔算滑皮比想像中冇咁硬就係咁就食到好飽好飽

放假想喺屯市食野都唔係一件簡單嘅事，一來太多人，二來好食嘅野唔多，所以每次都好掙扎。週六下晝冇乜選擇下食炑八，點零鐘去到即時有位，仲有卡位坐，開心。週末一樣有午市套餐，十幾款，有石鍋飯，拌飯，拉麵同海鮮鍋等等，價錢由$58至$78，仲要免加一。價錢吸引啦，難怪我地入座冇耐都開始等位，然後我先知原來都有唔少人午餐食燒肉~午市套餐都一律附韓式清湯及前菜。韓式清湯比較鹹，我都飲唔哂。泡菜味道唔夠濃，唔夠辣，只係食到甜甜地。覺得灣仔同太子分店嘅比較好食，但唔係應該同一貨源嗎。小菜款式都算多。分別點左兩份套餐，套餐加$6有「特飲」菠蘿梳打、青檸檬梳打有喺其他分店飲過相同飲品，覺得呢度嘅沖得比較甜。但由於只係加6蚊，可以接受。因為月頭去過韓國，食過幾餐海鮮豆腐辣湯，番到黎成半個月，每次食韓國野我都點呢樣，可惜間間都做唔到韓國嘅味道。辣海鮮豆腐湯配飯 $78睇落就色水唔錯，仲有少少期望，可惜飲落味道好淡，隔硬喺啲滾水落辣粉咁，但又融合唔到，好稀身，完全唔辣，太多水。海鮮份量都唔錯，有蝦、青口、size唔迷你嘅沙白，本來有咁嘅配料，如果湯底做番韓國嘅味道，相信會正好多。有時食韓國野，都預左會辣辣地，唔

這幾日天氣忽冷，又心思思想去BBQ。但BBQ雖要集齊一爐朋友先夠happy。人大了，上班後，這種臨時起義當然無人show你。唯有去著韓燒頂下癮~一坐低就送上滿桌的前菜配料。除左常見的泡菜、豆芽、醃蘿蔔外，還送來一盤沙律。食肉前食啲菜打打底，自我感覺良好。另外，提供一壼檸檬水，雖然也不錯，但心想如果是凍麥茶更正！特級牛肉眼 $198牛味重，油花亦多，燒岀來沒有想像中厚身。炑八薄切五花腩 $98爐邊真多用途，除了可烤蛋，又另外有個網讓食客放已烤熟的肉類，一來避免燒焦，二來可以隔隔油，三來更可保温，巧貼心。這是我韓燒最愛的一味，易燒易熟又可口，食落並沒有剛才牛扒的膩。豬腩肉果然是全豬最正的部分，不愧一直為亞洲人所愛。牛肋骨煲 $88牛肋骨有好幾舊，份量很足。牛肉不但鬆化，有肥有瘦，亦炆得恰如其分，味道不會太濃烈，還有些些來自紅蘿蔔的甜味。配上紫菜飯同吃，大滿足！石頭鍋飯(牛肉) $118由於眼闊肚太窄，這個鍋飯便原封不動咁打包左返屋企第一次光臨<炑八韓燒>，各方面都頗佳，難怪是晚食客不斷，分店亦愈開愈多。

之前曾在此食店吃過韓國餐，感覺味道很不錯，好友亦曾吃過這裡的韓烤並大為讚賞，最近亦很想吃韓烤，所以便電話訂座吃韓烤。我們於7:00pm到達食店不需要等位，上次竟然等了45分鐘但今晚不需要等位，莫非韓風已過？看一下二人套餐，一個是豬肉海鮮套餐($468)另一個是牛肉海鮮套餐($528)，我倆都比較喜歡吃牛肉，於是便點選了牛肉海鮮套餐，除了燒物外，老公想試下炸雞，所以亦點選了聖誕初雪炸雞($65) , 因為我們只有2人，所以預期要打包。侍應生隨即奉上了4碟前菜：泡菜、白蘿蔔、黃牙白、大豆芽菜，全部都可以免費添加的，我很喜歡吃泡菜，所以吃完之後又再加添，而老公則喜愛吃大豆芽。另外有一碟生菜，燒完的肉可夾着生菜吃以減油膩。還有雜菜沙律，餐前吃點沙律先醒一醒胃。吃過前菜後，侍應生便奉上韓牛牛胸大醬湯，湯以鐵鍋盛載，可保存湯的溫度，色澤微微金黃色，很欣賞其酸酸辣辣味道，非常開胃，配菜有椰菜、番茄、豆腐，份量每人有3-4小碗。等了不久，老公很想吃的聖誕初雪炸雞($65)亦送上，名如實物，炸雞像放在一堆雪裡，這堆雪其實是芝士加粟米粒，炸雞沾上芝士汁一起吃格外惹外，雞的粉漿不算太厚，但比較骨感雞肉部分略

食物賣相份量味道其實都ok~但屯門分店員工態度超差，經常圍住聚埋傾計，完全無視顧客，叫餐叫勁耐都扮睇唔到，當時係半場以上都係吉枱，落單指張圖俾佢睇佢竟然叫你讀出黎，真係未試過食飯咁受氣！下次唔會再去

入冬同閨蜜圍住韓燒係一件美好的事平日食飯walk in有位晚飯有8成入座最好無限定用餐時間而服務員不斷主動添加芝士粟米及蛋無限添加芝士粟米及蛋😍芝士味香，芝士迷一定食唔停蛋加入泡菜碎味道不錯牛肋骨肉 （中上）牛肋骨肉質淋身，食落唔全鞋口護心肉 （左下）口感結實而且不硬入口香甜肉味濃厚薄切五花腩燒過五花肉不膩包埋生菜泡菜食魷魚魷魚好大，不過一定係急凍貨少一份鮮味韓式芝士年糕普普通通，如果汁多芝士味或泡菜味更好

韓燒韓燒韓燒🍴三個90後吃貨祝大家聖誕節快樂🎅聖誕節當然要食好d😂去左食 #炑八韓烤🙆🏼👍🏻三個人點了二人套餐 再加左個泡菜芝士煎餅😄二人套餐 有大蝦 原隻八爪魚 薄切五花肉 厚切牛舌 牛肋骨 豬頸肉 韓牛大醬湯 聖誕初雪炸雞 仲要係無限refill 芝士粟米 泡菜蛋😝 致肥物 但芝士粟米真係好好味😂.而泡菜芝士煎餅 就芝士味蓋過泡菜味 一般般 煎得不夠香口 粉漿也太多了🙄😢.燒烤材料 都算新鮮 肉類都入味 最愛吃五花肉😍💓平均每人$200左右 間唔中食一次開心下 都唔錯👍🏻.三個90後吃貨不斷開心share美食💓大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies #三個90後吃貨_屯門美食推介.炑八韓烤 (屯門)屯門屯隆街3號屯門市廣場二期1樓12及15-17A號舖

一向鐘情韓牛，響釜山返嚟更加想食，於是趁老公生日一於去食！雖然呢間食評話服務態度差，但唔理喇，最緊要有韓牛食由於我哋早食，所以無咩人，我哋一坐低，店員好快咁響爐邊加芝士粟米同泡菜蛋，同時前菜都一齊放低埋。。。點餐了，當然係韓牛餐啦！再加埋阿女鐘意食嘅芝士年糕！總括店員工作係散漫，但總算一叫會有人理你，比預期中好！反正我主要係食嘢，唔係嚟食服務質數！