炑八韓烤 (屯門市廣場2期)

營業中

休息中

呢間餐廳午餐免加一真係好抵。11點半開店, 未夠鐘已經響門口等食。店內座位舒適對上一次4月份食, 今次見個午餐menu轉左,  多左D新ITEMS前菜分別有泡菜同芽菜, 泡菜酸酸地好清新爽口; 跟餐有海帶湯, 碗湯熬辣辣, 有好多海帶.炑八烤牛肉半熟蛋蓋飯 $68, 呢個餐份量好大, 多牛肉又多飯, 配半熟蛋令口感豐富, 美中不足鐵板不夠熱, 做不到飯焦效果, 本來期待加醬油時會有"炸炸"聲, 其實之前食過呢個餐幾次, 唯獨今次失準, 有點失望大八爪魚炒拉麵 $78, 呢個係新餐, 顏色橙橙令人好開胃, 拉麵較咸, 麵有一點硬, 未夠熟由於今次真係有少少失望, 已向餐廳經理反映意思. 餐廳經理亦有解釋. 蓋飯餐鐵板不夠熱 - 原因係可能時間太早, 唔夠時間預熱; 拉麵未夠熟 - 同廚房反映及提議更換, 欣賞餐廳經理有即時回覆及解決問題二人埋單$150有找

又同家姐去食飯環境靚，5逼，抽油很好，5大煙有lunch menu, 好抵 我地叫左8爪魚同黑毛豬餐加左牛排， 有一個飯加錢轉冷麵， 加左2個飲品拌菜，好好味，係椰菜鹹左d. 其他好味烤爐邊有泡茶旦和芝士旦醬我叫左青檸梳打，家姐叫柚子梳打拎起左8爪魚至記得影，sorry. 餐有豬肉跟左上的是8爪魚，少少un, 同5太香。豬肉好味黑毛豬好香，但份量少加的牛排，4件25蚊，抵食冷麵，我一般，但家姐好中意2人350左右(寫時未埋單，自己計出來的)

五花肉流心蛋飯 $58流心蛋蛋醬一湧而出🤤再與飯一起攪拌均勻😍五花肉份量頗多😆 配上微辣的泡菜 滋味十足😋前菜更可以無限追加🤣泡菜豬肉炒粉絲 $58將流心蛋攪拌粉絲蛋漿一湧而出 配合微辣的泡菜豬肉😋令人胃口大開😍

平時lunch time間唔中都會黎依間炑八食嘅～之前質素唔錯，幾抵食，服務就唔算差啦，係埋單慢咗啲。但依排食完都好唔滿意！早排食咗三次，啲飯都好爛，好似未煲熟咁，一patpat,濕濕地今日去到見到出咗新menu, 有個芝士豬扒泡菜炒飯，就諗住試試佢～點知黎到已經見到同張相爭好遠。。。不過我都明「相片與事實不符」依個道理。。。就照食下啦。。。點知舊豬扒中間係透空咗嘅，中間塞咗啲芝士，但我食咗一舊之後，淨係覺得自己食緊啲炸粉，仲要係一舊好燶嘅炸粉根本就冇肉響入面咁濟！我再望下個價錢牌，原來依碟野值$88感覺非常搵笨，我唔會再黎啦

Rice Omelette with Eel ($68)The scrambled egg was a bit too well-cookedPerfectly grilled unagi with  warm steamed rice is the best match, making my mouth waterAppreciate its great amount of salad veggies, great balance of nutritionPork Gimbap (+$48)Wouldn't recommend this dish, served too coldThe rice is hard and the pork, veggies are just tastelessWhat's more disappointing is that the rice rolls aren't wiped with sesame oil on the top:'(By the way, you can get a special drink (+$6), I would rec

平日終於敢係屯門出現，周末真係多人到唔想經過，想搵個舒服d既地方坐，都要等好耐位。難得今日平日，又搵到間好似幾舒服既韓國，咁就一試佢真偽。環境暗暗地幾好，但一入去已經有燒烤味，睇黎吸煙唔係幾好。坐底，枱上面已經放左有泡菜、芽菜、葉蘿蔔。落完order後，服務員隨即就幫我地落料去爐邊燒。一邊係芝士粟米，一邊係泡菜蛋。未開始已經比呢個無限refill爐邊蛋而興奮。滿滿既蛋，食左兩轉，肉就開始上枱啦。呀....記得生菜同配菜都係可以endless refill。肉我地叫左套餐，入面有牛肩肉，五花腩同豬頸肉。佢份沙律好開胃，但都係要叫佢加多d麻醬.醒完胃之後當然要燒肉啦！先燒左豬頸肉，已經有肉汁醃製，直接燒完已經好夠味。但係真係太大塊，變相難燒左，薄薄地燒至香脆會更好味！牛肩肉肉質係最好味，燒完都仲鎖得住肉汁，唔會鞋，點下枱面醬料食，更多滋味。重頭戲就五花腩，油份煎完已經變到好香，夾住芽菜泡菜再用生菜包住食 加d醬 真係好好味啊！一口一淡，食到唔想停！整體黎講算唔錯，但材料始終唔夠新鮮，上枱肉都仲係雪硬左，但服務員都幾細心，要幫你refill配料，同換爐。

週末屯市食晏人太多好煩，而且好食嘅野唔多成日都唔知食乜好，最後黎左炑八烤五花肉流心蛋飯五花腩微辛加上脂肪比例啱啱好唔會太肥膩，而且生菜夠新鮮爽脆，蛋黃亦的確流心撈飯勁正烤牛肉蛋包飯雞蛋夠滑仲有蛋汁同蛋香，牛肉唔會太韌醬汁亦都好惹味雖然係下午茶但真係好大碟好足料，加埋前菜同清湯真係飽到嗝好抵食!!坐位寬闊採光幾好，不過服務的確差少少，送漏左前菜仲要催左好幾次先有，態度亦冇好好，不過價錢公道食物質素唔差係個唔錯嘅選擇

話說食完呢度嘅午餐(溫泉玉子牛肉飯+餐湯)，之後翻屋企嘔左五次，嘔翻碗餐湯出黎，跟住去睇醫生話有機會係食物中毒，其實係都唔出奇，之前黎呢度食過幾次佢嘅雞排蛋包飯，次次食落都有陣鐵味，真係唔知佢個碟定啲食物唔乾淨。

難得同男朋友一齊收早睇戲，睇戲之前又大把時間，所以我地決定食好d😝於是選左之前一直想試又試唔到既*炑八韓燒我地叫左個2人牛肉套餐，發現原來個份量好多，完全可以3個人食如果係女仔，4個食都好ok👍🏻個set入面有蝦有豬有雞，不過牛會比較多.牛方面最好食個人覺得係牛肋骨，燒一燒肉，包埋生菜，生蒜，泡菜食真係好好味呀🤤🤤🤤泡菜，牙菜等等既配菜仲可以任追加。另外值得一提既係佢既雞用左大量新鮮香草醃過，所以燒既時候勁香👍🏻👍🏻👍🏻不過如果可以多d菇類同菜用黎燒就更正太多肉食唔晒，最後要打包反屋企😂

行過見到menu價錢唔算太貴見到餐廳入面好多人於是決定等一陣入去試叫左個五花腩流心蛋飯 ＋ 藍天使梳打又有前菜又有湯杯藍天使梳打好好飲五花腩都勁多勁足料認真抵食 會再黎！

👫女朋友👱🏻‍♀️嘅媽媽👩🏻話呢到嘅下午茶好抵，仲大大份夠曬飽👀 而且👱🏻‍♀️都好喜歡食韓國嘢，所以就嚟左呢到食啦🙈#烤牛肉蛋包飯 <$48>Rice Omelette With Grilled Beef▫️韓式清湯及前菜清湯飲落一般，無咩味鹹鹹地🤨 前菜有泡菜同豆芽，👱🏻‍♀️幾鍾意食泡菜，酸酸辣辣咁好開胃！主食餐內有少量沙律，食落酸酸甜甜咁😛 而牛肉飯就勁大碗！牛嘅份量都好多下，食落有啲甜甜地，唔會好韌！而且烤得好香，啲洋蔥都好好食，用嚟送飯一流❤️ 飯係用茄汁撈過，上面鋪左塊半熟嘅蛋，食落好正仲有啲流心效果🙈，唔駛$50食到咁多嘢，真係好抵！不過，成個飯最美中不足係唔夠熱，暖暖地咁🤔▫️魚糕串 <+$8>Fish Cake面頭鋪左啲醬，辣辣地咁～魚糕串食落一般般咁，不過都幾抵食，食完飯驚唔夠飽可以加$8就有一款韓式小食👻▫️藍天使梳打 <+$6>Angel Blue Soda👱🏻‍♀️叫左少冰都勁多冰😫 杯嘢好靚，係藍色㗎💙 飲落甜甜地咁，好難形容係咩味😂 不過飲完都消到膩嘅🤣🗣：下午茶餐免收加一服務費喔💜

抱住試下咋，因為近屋企而食～網上寫服務好差，諗住入去都伏伏地，點知成個過程離奇愉快，唔知關唔關我地夜食事，冇咁多人。訂左八半，餐廳唔算坐好滿，一嚟枱面就有好多配菜，蘿蔔都幾好食，啲泡菜都唔錯！未叫野食之前我地已經忍唔住去食個泡菜蛋同芝士粟米爐邊仲要係可以無限refill，想唔要泡菜淨蛋亦得，叮！得咗～ 我地研究倒芝士粟米煮膿啲變芝士波波係最好食，大家可以試下圍到個爐邊一個個波波！哈哈，喺未燒肉嗰時我地已經食咗三條蛋邊嘞！肉類方面我地叫咗三款，五花腩、豬頸肉，同埋戶心肉，本身熱愛豬頸肉嘅我，開頭唔係好食得慣咁粗又咁厚嘅豬頸🤡 食食下都覺得ok嘅，不過真係慣咗薄片裝，最後剪粒食好似好味啲！另外兩款肉都係5星評分，五花腩係肥㗎嘞，但真係燒完好juice，就算唔沾醬汁，都一樣有豬油香，好鬼彈牙，肥就肥啦！最愛係呢隻戶心肉，肉味最濃，燒完仲有咬口，香味充斥口腔，絕對係今晚亮點。店舖有洋蔥燒汁，鍾意洋蔥嘅朋友會愛死佢！我成碗用曬另外叫咗兩款食物啱啱首爾返嚟，對紫菜包飯嘅要求係高啲，呢款蘿蔔味太搶，如果少返啲，加芝士午餐肉之類會好啲，但係唔差嘅～海鮮煎餅蛋味重，有魷魚、蝦同蚵仔～ 差緊隻燒餅燒汁，但

同朋友一齊去食韓燒，到找錢嗰陣個女職員拎住本簿同錢過尼。佢個樣而且黑晒面又串，跟著我拎錢嗰時佢成本簿拎起，啲錢跌晒落枱同地，枱仲要好多油。之後佢望左一眼就走啲態度差到冇人有。一句sorry都冇。係到恰學生。

大家一見到【炑八韓烤】，一定即刻諗起爐邊芝士、韓燒and好貴。的確，香港要食韓式、日式野就要一定價格先食到！今日放學就同朋友行行屯門市廣場，見到難得清靜的【炑八韓烤】，決定停留看看餐牌。下午茶價格大約在$45-55左右，同一般韓燒一樣，就係會提供一堆五顏六色既前菜，例如：沙律、芽菜、蘿蔔同埋一定有既泡菜！除此之外，餐湯飲品都包埋，真係超抵食。賣相就俾大家睇左幾張，係時候到我講一講味道！首先，講好聽係濃味，夠味；唔好聽，呢個係一份重口味既蛋包飯。頭幾啖，你會覺得津津有味，想接住食。大概食到一半左右，你會開始覺得油膩，牛肉既醬汁偏鹹，炒蛋太多，蛋黃比例高，容易膩！最後不得不講，服務員態度超差，愛理不理，黑口黑面，好似欠左佢咁。現場不錯，地方空曠，陽光充足，冷氣都ok，亦播著K-POP增加氣氛！味道雖然一般，但係價格我覺得對得住，就是希望公司能更加注重員工的態度，謝謝😊

以為公眾假期去會好多人，點知唔使排隊就入得… 一坐低就聞到油煙味好重，好熱仲有d焗 因為得兩個人，所以冇叫套餐…叫咗牛肋骨, LA牛扒，仲有豆腐湯同野飲… 兩款牛肉都好韌，熟哂都咬唔斷，要剪粒狀再燒個湯出餐好慢，懷疑漏單，過左20分鐘，一追單就有食咗成餐，最好味既竟然係d配菜 燒芝士粟米，雞蛋…埋單更差，等足15分鐘，睇住張單出左，但個職員掛住喺個位同同事吹水 走果時，佢送左coupon，但肯定唔會有下次……