炑八韓烤 (屯門市廣場2期)

營業中

休息中

試過韓燒同普通下午茶餐，同樣有質素韓燒爐邊蛋同配菜有得refill， 嗌一個set都可以食到好飽下午茶有得跟特飲，最中意啲五顏六色嘅，見到都開心🤭但係屯門呢間人手好似唔係好多，成日都曾侍應理你，或者order完唔記得左🤔

之前因爲有學生優惠，只要前一日訂座，就有全單六折優惠，所以和三位朋友一起去吃晚飯。泡菜煎餅因為不夠熱所以味道一般。但其他牛肉和豬肉燒肉類都不錯，好抵食。最開心可以無限refill芝士同蛋！

兩個人6點左右到，直接walkin都有位～不過就個半鐘～ 兩個人食，都夠時間～一坐底就有一堆前菜上來而且有爐邊蛋同芝士粟米～沙律幾清新前菜都唔錯～ 原來有得添加，不過太多野食，冇再加～五花腩好靚咁～薯仔片係豬仔形～唔知靚仔哥哥係咪見我地掛住影相怕我地燒唔切，行埋黎幫我地燒五花腩～好有心機咁燒，仲好細心咁剪埋～ 我見隔離枱冇呢個服務架～唔通早入有著數？厚切牛舌係幾厚，唔錯～不過有點點”un”韓牛牛胸肉薄切～好味～加多次爐邊蛋同芝士粟米飽到呢🤣值得再食～

不嬲都不太喜歡韓國菜，不過約咗朋友走來試一試。入到去已經有沙律、芝士同埋煮蛋。芝士同蛋係可以添加，覺得都幾抵。食物點左最貴嘅牛、仲有三味牛肋肉、牛扒、豬大腸，仲有牛油蜜糖炸雞。除咗最貴嘅牛扒之外，其他牛肉都好多筋，唔太好食。另外點左一隻牛油蜜糖炸雞，份量好細，只有五件，剛剛好分俾我哋五個人。至於味道一般，只係比肯德基好食少少。呢間餐廳唯一嘅好處係唔算好多人等。不過，除非同朋友聚會，否則我應該唔會再去呢間餐廳。

因為佢晚晚都排曬長龍，所以我成日下午茶去食，佢個tea time menu雖然唔係好多choice但係樣樣都十分平！同個friend去食。叫一個燒肉一個飯餐，食到好飽都係$170。好正呀！

午餐諗住食韓國野就去左呢間分店，叫左個牛肋骨鍋同安東雞鍋，另外追加甜辣炸雞。估唔到既係，成餐最好食既野係泡菜。以前係荃灣分店食過牛肋骨鍋，印象中好好食，但今次完全唔夠入味。之前都有係屯門分店食過，啲質素都算係不過不失，今次食完只可以話啲質素愈來愈差。安東雞啲肉算係幾滑嘅，啲蘿蔔都唔錯，但最接受唔到嘅係兜雞真係勁甜，甜到食糖水咁。碟炸雞可以話係呢間野既招牌食品，食過一次唔會想再去食。一來賣相已經唔得，甜辣炸雞得少少汁淋係面都算，啲粉唔鬆脆，一咬就散，大半舊雞都係炸粉同膏，得果兩啖肉，真係未食過咁難食既炸雞。個碟仲有薯條，薯條好淋，不過已經係全碟最好食既野，真係極度失望。

韓式連鎖店推出的平價下午茶， 雖然價錢減但份量卻不減， 辣牛肉豆腐湯飯$48， 包前菜、湯， 還有飲品， 性價比極高。 鍋物熱騰騰端上， 裡面的材料不吝嗇， 有主角牛肉， 還有豆腐、洋蔥、青陽辣椒、翠肉瓜等， 相當豐富。 湯頭的味道剛好， 帶微辣， 很下飯。 另一款是韓式餃子下午茶， 主食配餃子只需$58， 點了豬肉湯餃 配 烤五花肉流心蛋飯。 餃子令人失望， 清水煮餃子， 味道略淡， 而且餃子的質感太軟， 內餡也普通。 烤五花肉則出色， 烤至兩面金黃， 香氣撲鼻。

係哩間食午餐都吾係第一次了，上一次食嘢食都不過不失，今次第二次食，坐左係窗口位旁邊，一坐下拎餐牌睇，見到窗台通通都係老鼠🐭屎，都算拉，最多自己坐岀d，落左單無耐先屯到嘅係餐湯，入面係有一粒有腳嘅小動物，叫侍應換個個，之後嚟左兩個沙拉，一個沙拉入面有條活生生嘅蟲😡，立即通知侍應，個男侍應好無反應，只好哦了一聲，是什麼意思？然後我再問佢d菜有無得換過其他食物，佢話無🤷🏼‍♀️，都算拉，重要同我講菜係無限添加，咩意思？俾大家睇下d相。第二我見餐牌上有前菜，再問一問前菜係咩，佢答我一陣拎俾我，拎拎下吾知當我地係咩叫左兩個餐有成五碟前菜🤨，當我地係垃圾枱呀定係想點呢？都吾明點解哩間嘢要排隊等位，同埋d人會話好食嘅🤷🏼‍♀️上網睇過原來係富臨集團，打去投訴個職員敷衍了事，話會跟進食品問題，同員工做翻一些培訓，就算了件事。

原來屯門有間炑八分店，完全不知情，就來一下吧 ﹗係門口罰企等位，可能撞正晚市啦，15分鐘可以接受。黑色星期五韓燒﹗黑仔要黐住隔離檯，太窄無法一齊坐。坐對家，爆場勁嘈，傾計好辛苦！要大大聲講野，講到喉嚨痛喇，極度討厭﹗翻弄各本菜牌，大同小異吧，最緊要有醬油蟹比我嘆就夠滿足咯。曾經銅鑼灣劣質服務，趕客態度。荃灣生手不熟練，服務硬崩崩。尖沙咀親切有禮，耐心周到。屯門係幾間之中最好，絕對稱心滿意，職員們積極有衝勁有耐性，細心專業﹗天煞的揀飲擇食指定點名要加許這位金髮瘦削少年不太懶，服務有熱誠，雖然表情有點呆滯又沒怎麼笑容，但有衝勁，優質招待又有靈活變通的腦筋，可喜可賀。烤芝士粟米粒，其實我不太好芝士，可有可無的觀感。甜甜爽脆的粟米粒撞上咸香半溶的芝士十分有趣，味道既獨特又好味。烤泡菜滑蛋，我最愛雞蛋，每日最少食一日才安心，蒸水蛋、太陽蛋尤其最愛呢 ﹗所以此道菜未食已經加分不少，嫩滑的烤蛋，必須睇實不要過熟過老搞到鞋烚烚，剛剛熟、流晒心、熱騰騰就立即連泡菜粒塞入口﹗蛋香出眾又滑溜溜，夾雜著咸香微辣爽卜卜泡菜粒，堅好味道，全部食晒依然意猶未盡，好想添食呀 ﹗但要留肚食其他美食，忍忍忍。真露原味，冰

兩人點了一個恆生信用卡六折優惠黑毛豬Set (有五花腩肉、海蝦、護心肉、豬頸肉條.....一大條原條八爪魚......等等）另加點一客原切牛舌 及 辣味芝士炒年糕....份量十足！年糕偏硬 味道一般 我們還放在圍邊蛋位置加熱才能吃～～肉類味道不錯 這價錢值得得！圍邊芝士粟米 蛋 及泡菜可加添～

喺openrice見到好多好評，就滿懷歡喜去食叫咗薄切五花腩、蔥蒜牛、魚、海鮮蔥餅同埋海帶湯五花腩同牛不過不失，唔稱得上係好食。韓國魚就..... 喺街市買條紅衫魚嚟燒都會好食過佢海鮮蔥餅...只見其名不見其身，厚粉餅，唔見有海鮮存在，食落冇味，好似冇落過調味，口質淋淋的，煎得唔脆。食完一塊後，其他完全唔想食 88蚊完全唔值！酒樓10幾蚊嘅薄撐仲好食勁多！海帶湯.... 又係冇味！閉上眼食好似飲水咁 要自己落鹽勁健康最後，waiter服務態度真係世界級同佢講想要外賣盒打包個海鮮蔥餅（拎返屋企自己落調味再煎），個waiter淨係俾個膠袋我，一野dum落嚟，要再問另一個waiter先有膠盒提供永久blacklist 88

🥟🥟韓式餃子下午茶（$58)一直都覺得 呢間#炑八韓烤 既午餐同下午茶都非常抵食！👍🏻👍🏻 今次試咗呢個韓式餃子下午茶，58蚊就有一份餃子🥟及一份主食🍽，咁我就叫咗煎餃子同烤牛肉蛋包飯，蛋包飯既蛋煎到好滑，好似早餐食既滑蛋咁，包飯係用茄汁炒過，烤牛肉味道恰到好處👌🏻都幾好！ 不過煎餃子就普普通通，餃子皮太厚，似炸過，多油，呢個就可以唔洗試。整體其實都唔錯，仲附有前菜同湯，性價比高👌🏻

今日好想食燒肉，就去左食炑八烤肉。難得少人只係等4個位就有得入座。環境不錯，一直播放最新最潮的韓文流行歌。聽到有個小朋友跟著節奏舞動一坐下已經有侍應主動來幫我們點單，我叫左一個套餐，加配兩款肉類再加埋爐邊芝士一定要叫芝士任添，我總共添加左3次，撈飯一流!叫完餐即刻上湯同前菜，湯是魚乾芽菜湯🐟，而前菜分別是泡菜，芽菜，蘿蔔同埋薯仔。A餐牛五花，建議大家叫餐吾好加配肉，$25加配的肉次一級。牛五花賣相同口感都比較另外兩款肉好食，下次我都會叫餐吾會另外加配肉。$25加配牛小排，賣相不錯但冇牛味。$25加配豬頸肉，賣相一般而且超難嘴嚼！最後終於到壓軸美食芝士生蠔。一上桌就見到肥美生蠔，賣相滿分。真係重量級生蠔，超級肥美放落去煮已經見到滿滿芝士，我仲要再加爐邊鍋d芝士粟米落去一啖食落肚。個刻真係超~級~滿~足~啊(⊙o⊙)甘就完左一餐啦～成餐有好有壞，建議叫正價肉類吾好貪平加配肉，會中好~大~既伏~

提前慶祝父親節，爸爸話要食炑八，就緊係去食啦一入去職員超快上哂d配菜同泡菜蛋漿，仲有我哋2父女都超大愛嘅芝士粟米係食配菜嘅時候先慢慢點餐我哋簡咗個套餐再加多咗個原條豬、芝士蠔同牛，其實套餐都好多嘢食，但媽咪話要慶祝父親節，叫多少少套餐配埋大蝦海鮮煎餅呢個套餐真係好正，尤其係d牛，仲配埋海鮮，唔駛單單淨係食肉咁悶大蝦海鮮煎餅都好好食後加嘅原條豬同芝士蠔，又係冇得輸好滿足的父親節餐呀其實都唔係第一次食炑八，不過今次比起以往真係正好多，今餐個個都讚，牛肉真係好正，全部超靚位，海鮮我嫌佢略咸，但都可以接受，唯一唔好就係今次d牛呀豬呀用嘅碟係一塊牛型豬型嘅碟，係，影相打卡係一流，但係重點超啞位，張枱完全放唔落

屯門市中心嘅美食好多，簡直係五花八門，中西日韓全部都有，唔怪得逢星期六日都咁多人啦。好耐冇去食個韓燒啦，次次經過炑八都好多人等位，難得今日唔使等位，就去試吓啦店內環境舒適而且座位好闊落，佢嘅抽風系統做得好好，唔會周圍都一陣燒肉味。點完餐之後職員就好快幫我地倒入蛋漿，本來我加左芝士但係職員唔記得咗，唯有等下次先再試過啦。前菜有海帶湯，泡菜，芽菜，青瓜，仲有一個沙律🥗，但係泡菜就有啲偏鹹。但係唔可以唔讚嘅係佢上菜嘅速度十分之快。呢個鰻魚蛋包飯，CP值十分之高，鰻魚好大條，而且個蛋包顏色好吸引，唔會好乾身，仲配上下面嘅茄汁飯果然一流，一望到已經流晒口水啦果然係色香味俱全。流心蛋牛肉飯，個飯雖然細細地，但係勝在個套餐都好多肉絕對夠晒食流心蛋名副其實真係好流心，牛肉味夠晒濃味。配上流心蛋淡淡都滑溜溜牛肉色澤紅潤，又鮮艷，肥瘦均勻，而且牛味好重，味道吾錯荔枝玉露夠晒冰凍，而且甜度適中，梳打又好新鮮完全夠晒氣，消暑一流呢個價錢食到咁高質素嘅韓式燒烤，絕對物超所值。