炑八韓烤 (屯門市廣場2期)

營業中

休息中

不嬲都不太喜歡韓國菜，不過約咗朋友走來試一試。入到去已經有沙律、芝士同埋煮蛋。芝士同蛋係可以添加，覺得都幾抵。食物點左最貴嘅牛、仲有三味牛肋肉、牛扒、豬大腸，仲有牛油蜜糖炸雞。除咗最貴嘅牛扒之外，其他牛肉都好多筋，唔太好食。另外點左一隻牛油蜜糖炸雞，份量好細，只有五件，剛剛好分俾我哋五個人。至於味道一般，只係比肯德基好食少少。呢間餐廳唯一嘅好處係唔算好多人等。不過，除非同朋友聚會，否則我應該唔會再去呢間餐廳。