影片
更多
2018-08-16
1259 瀏覽
原來屯門有間炑八分店，完全不知情，就來一下吧 ﹗係門口罰企等位，可能撞正晚市啦，15分鐘可以接受。黑色星期五韓燒﹗黑仔要黐住隔離檯，太窄無法一齊坐。坐對家，爆場勁嘈，傾計好辛苦！要大大聲講野，講到喉嚨痛喇，極度討厭﹗翻弄各本菜牌，大同小異吧，最緊要有醬油蟹比我嘆就夠滿足咯。曾經銅鑼灣劣質服務，趕客態度。荃灣生手不熟練，服務硬崩崩。尖沙咀親切有禮，耐心周到。屯門係幾間之中最好，絕對稱心滿意，職員們積極有衝勁有耐性，細心專業﹗天煞的揀飲擇食指定點名要加許這位金髮瘦削少年不太懶，服務有熱誠，雖然表情有點呆滯又沒怎麼笑容，但有衝勁，優質招待又有靈活變通的腦筋，可喜可賀。烤芝士粟米粒，其實我不太好芝士，可有可無的觀感。甜甜爽脆的粟米粒撞上咸香半溶的芝士十分有趣，味道既獨特又好味。烤泡菜滑蛋，我最愛雞蛋，每日最少食一日才安心，蒸水蛋、太陽蛋尤其最愛呢 ﹗所以此道菜未食已經加分不少，嫩滑的烤蛋，必須睇實不要過熟過老搞到鞋烚烚，剛剛熟、流晒心、熱騰騰就立即連泡菜粒塞入口﹗蛋香出眾又滑溜溜，夾雜著咸香微辣爽卜卜泡菜粒，堅好味道，全部食晒依然意猶未盡，好想添食呀 ﹗但要留肚食其他美食，忍忍忍。真露原味，冰
曾經銅鑼灣劣質服務，趕客態度。荃灣生手不熟練，服務硬崩崩。尖沙咀親切有禮，耐心周到。屯門係幾間之中最好，絕對稱心滿意，職員們積極有衝勁有耐性，細心專業﹗
天煞的揀飲擇食指定點名要加許這位金髮瘦削少年不太懶，服務有熱誠，雖然表情有點呆滯又沒怎麼笑容，但有衝勁，優質招待又有靈活變通的腦筋，可喜可賀。
烤芝士粟米粒，其實我不太好芝士，可有可無的觀感。甜甜爽脆的粟米粒撞上咸香半溶的芝士十分有趣，味道既獨特又好味。
烤泡菜滑蛋，我最愛雞蛋，每日最少食一日才安心，蒸水蛋、太陽蛋尤其最愛呢 ﹗所以此道菜未食已經加分不少，嫩滑的烤蛋，必須睇實不要過熟過老搞到鞋烚烚，剛剛熟、流晒心、熱騰騰就立即連泡菜粒塞入口﹗
蛋香出眾又滑溜溜，夾雜著咸香微辣爽卜卜泡菜粒，堅好味道，全部食晒依然意猶未盡，好想添食呀 ﹗但要留肚食其他美食，忍忍忍。
真露原味，冰凍真露送韓燒當然係絕配，燒前先來幾杯濕濕口，酒香醇厚不嗆不辣，再邊食烤肉邊飲酒，爽到不得了。真露原味禮盒裝比正常細樽少少，我唔想飲太多，剛剛好。還有優惠醬油蟹平 $50 蚊，不過無飯無湯囉，散叫條數係返度，相差不大。
泡菜，清涼爽脆多汁，口感一流。咸味特強霸道，淨食有點嗆，送飯或捲生菜包配烤肉食必定好味道。酸大白菜，即時聯想到酸菜白肉鍋，好想食呢。先來酸溜溜，再來少少甜，爽爽多汁，非常開胃的前菜。
大豆芽，不腥不嗅，肥美多汁脹卜卜，爽甜無比，每啖爆汁帶咸香，仲趙到索索聲，非常過癮 ﹗淨食好，捲生菜包食都好，開心暢快。
胡麻醬雜菜沙律，因為太普通平凡，正常我都要求不用了，因為要留肚食更多肉麻。泡菜煎餅，我的第一次送給您。煎餅異常地清淡，無味道既？而且食不到泡菜，更食不到泡菜酸辣味道，不香口亦不吸引，實頭想放棄，似普通咸 pancake 乍喎。
紫菜肉碎湯，大量紫菜非常濃郁，濃到有點咸咯，肉味飲不到，整碗湯已被咸味淹沒，呷兩口算吧。韓式牛尾湯，首次品嚐要認真細味。芳香清徹的湯底，極濃極甜牛骨牛肉味道，真材實料慢餚湯汁，雖然有一點點牛精味道，依然美味可口。蘿蔔牛腩湯，淡淡然的牛腩味湯水，蔥味及蘿蔔味更強，濕濕口都還可以。
醬油蟹，主角閃亮登場 ﹗永遠都係優先處理，還有空位剩才陸續消滅其他佳餚。竟然比銅鑼灣、尖沙咀更大隻，跟荃灣的蟹差不多﹗爆膏又爆肌，橙紅色的蟹膏燦爛燿眼，半透明的蟹肉濕潤立立令，目不暇給，唾液三呎。
牡丹雖好，但都要綠葉扶持。淨食重口味，醬油太濃，但一撞上香噴噴白飯，鮮味出晒黎 ﹗暖笠笠的珍珠米飯味香濃，黏著蟹膏蟹肉與其同化融合，戰鬥力激增萬倍﹗甘甜無敵蟹膏，鮮咸醬油蟹肉，撈得火熱、混得精采，那種神秘味道使到越食越起勁，實在太美味啊﹗
韓國大蝦，沒有期待，就沒有失望，雪藏貨已在計算之內。師傅有誠意地將蝦殼褪去，更易烤亦更易熟。沒有怎樣的驚喜，烤得蝦味濃濃散發焦香，微弱的爽帶點嚥韌，鮮味削就當然的了，免強合格，可有可無。全熟的蝦肉捲成生菜包，搭上泡菜或大豆芽或醬汁，對色香味都幫助不大呢。
大八爪魚，只係小部份已經非常巨形啊，每條觸鬚都大大碌，畫面非常震憾。當然整件燒，厚身必須有耐性，不然未熟先燒焦咯。慢燒使得兩面變得金黃，機會黎喇飛雲﹗手起刀落成一段段再多陣搞掂，得左。
半脆半爽又帶少少嚥韌，清爽的海水味道撞埋八爪魚肉純天然甜味，還有陣陣醬油清香，食得下喎，趙得不亦樂乎，津津有味，不讚不得。
豬護心肉，頂級無甩拖，原汁原味無添加，慳水慳力不用任何醬汁醃製，豬甜味特強，油脂甘香霸道，嚼勁非凡，彈滑緊緻，無可抵擋的魔力。烤得肉邊焦香，味道更濃更惹味吸引，忘我地只管吃吃吃，停不了的節奏。
淨食好味道，捲成生菜包更美味更健康更多姿多采。搭上爽脆多汁泡菜，泡菜豬肉夾到絕，大聲讚好。再來升級版，夾泡菜蒜片加添了辛辣味道更滿足，大愛。
厚切豬梅花肉，見到全身打冷震，眼晴閃閃發光，色澤鮮明非常新鮮，層次分明而肪肪平均，靚靚嫩肉真的君子好求。首先將豬皮燒香微焦微脆，金黃吸引香噴噴，再燒三面將肉汁緊鎖在內，最後慢火迫熟。聽到油肪爆裂發滾的悲鳴，時機到喇，剪開炒兩下，禮成﹗
極度肥美多層次，先來微脆膠彈的豬皮，繼而甘香滑溜無比的脂肪，最後嫩滑微爽的瘦肉，每層油潤甜美，半點聲都哼不出來，淘醉在美食之中。油潤腩肉加爽嫩大豆芽、辛辣洋蔥、烤肉醬作點綴，頓時化身為韓式生菜包，健康指數颷升，減低油膩燒烤感，別俱風格好味道。
頂級牛肋骨肉，天煞的揀飲擇食拒絕食牛，我一個人的頂級牛肋骨肉，好味到暈得一陣陣，益晒我 ﹗但孤獨食硬係欠了點味道，味吉陽一同味皇都話過要跟喜歡的人一齊食一齊分享先係人間最好味食物。
賣相已經一流，嫩紅色保證極極新鮮，密集的油花平均分佈，掉到爐上即時不停跳動，還咋咋聲地叫囂添。自燒自剪自嘆，真的十分無癮，倒不如各有各食，無必要約埋同檯食飯啦，哼﹗
耐心烤好頂級靚肉，釋出芬芳氣味，食欲不增，細心地剪好大小平均牛肉片，先來幾片原味。滾熱辣掉入口細味，牛味非凡，鬆軟滑溜感覺使人抗奮非常，無比香甜的天然牛肉汁，回味無窮。
沾上岩鹽、沾上烤肉醬，別有一翻風味，但都不及原汁原的無敵狀態。生菜包堅係包咩都得，鮮嫩蔬菜配烤肉無得輸。牛肋骨肉撞上大豆芽、泡菜、洋蔥、蒜片、烤肉醬、等等，沒有最好食，只有更好食。
韓牛貝身肉，從未聽說過，是什麼部位啊？嫩紅顏色鮮艷，牛脂亮麗閃爍，雪花像瀑風雪般兇猛，淨係賣相已加分不少。誇張油潤到差點用筷子夾起都有點困難呢，免強全部掉到熱鍋上烹調。油脂立即溶化，立立令反晒光，燒牛芳香氣味無處不在，聞到口水流。
薄身牛肉要加倍留意免得過熟變乾變硬呢 ﹗先煎第 1 面，見到邊位開始熟而中間血水微滲就立即轉身，反一次便好，不要反來反去使到肉汁大量流失，起筷喇﹗暫時食過炑八靚牛最好食既部位，比頂級牛肋肉更肥美嫩滑油潤，滑嘟嘟溶化的感覺，鬆軟牛味突出非凡。捲生菜包好味道，但配飯更出色，因為牛油極度豐富，特別甘甜呢。
辣海鮮豆腐湯，預期過熟的大蝦、青口、沙蜆及魷魚。青口熟透都還可以，彈彈不粉，散發微微青口味。沙蜆膠韌沒有味道，大蝦過熟鞋鞋的，腍腍魷魚毫無鮮味。
海鮮不行在預計之內無緊要，湯汁才是靈魂。辛辣韓式辣椒醬為湯膽，夠濃夠辣，飲得到淡淡海鮮味，混在一起味道蠻不錯，醒神開胃。變奏成為辣海鮮豆腐湯飯發出意想不到的效果，熱騰騰大啖大啖地讓湯汁豆腐飯粒送入口，嫩滑嚥韌濕潤香辣共冶一爐，食材發揮極致，好好味啊。
辣豆腐泡菜湯，烘烘石窩駕到，噴煙氣勢澎湃，於低依然吱吱咋咋叫個不停 ﹗血紅色的湯汁非常濃郁，泡菜味道強烈出眾重口味，趁熱飲刺激微辣惹味，胃口大開啊﹗軟棉泡菜搭嫩滑豆腐撈飯必然無得頂，幻想一下先非常雀躍興奮。不要猶豫盡快消滅，越凍越咸呢。
飲得太飽，食得太醉，完全發呆，四肢無力非常疲倦，變得目無表情，反應慢幾秒鐘。離不切回應天煞的揀飲擇食，幻想我因為要洗錢、因為要銷費，所以我黑面發脾氣，自己氣衝衝粒聲唔出走左去﹗有無搞錯，您妄想症發作呀？次次食飽就鬼上身，次次去完旅行臨上飛機回港就跳製﹗您邊個星球黎架？
真露原味禮盒裝
32 瀏覽
0 讚好
0 留言
真露原味
16 瀏覽
0 讚好
0 留言
泡菜
12 瀏覽
0 讚好
0 留言
大豆芽
22 瀏覽
0 讚好
0 留言
酸大白菜
15 瀏覽
0 讚好
0 留言
泡菜煎餅
25 瀏覽
0 讚好
0 留言
紫菜肉碎湯
28 瀏覽
0 讚好
0 留言
韓式牛尾湯
37 瀏覽
0 讚好
0 留言
蘿蔔牛腩湯
27 瀏覽
0 讚好
0 留言
醬油蟹
36 瀏覽
0 讚好
0 留言
醬油蟹
25 瀏覽
0 讚好
0 留言
韓國大蝦
12 瀏覽
0 讚好
0 留言
韓國大蝦
72 瀏覽
0 讚好
0 留言
大八爪魚
114 瀏覽
0 讚好
0 留言
大八爪魚
122 瀏覽
0 讚好
0 留言
豬護心肉
31 瀏覽
0 讚好
0 留言
豬護心肉
24 瀏覽
0 讚好
0 留言
厚切豬梅花肉
21 瀏覽
0 讚好
0 留言
厚切豬梅花肉
25 瀏覽
0 讚好
0 留言
頂級牛肋骨肉
64 瀏覽
0 讚好
0 留言
頂級牛肋骨肉
47 瀏覽
0 讚好
0 留言
頂級牛肋骨肉
26 瀏覽
0 讚好
0 留言
韓牛貝身肉
52 瀏覽
0 讚好
0 留言
韓牛貝身肉
23 瀏覽
0 讚好
0 留言
辣海鮮豆腐湯
21 瀏覽
0 讚好
0 留言
辣豆腐泡菜湯
34 瀏覽
0 讚好
0 留言
張貼
