炑八韓烤 (屯門市廣場2期)

營業中

休息中

復活節的第一天，相約了友人觀看電影。欣賞電影前先醫飽肚子，就選擇了附近「炑八燒烤」來個韓食午餐。午巿套餐包括了海帶湯和前菜，甫入座便已奉上了。海帶湯味道正常。泡菜入口偏酸，未感太辣，更可以refill。湯飯是其中一款傳統地道的韓食，只需一碗湯跟一碗飯，便可以提供豐富的營養。湯料非常多，有豆腐、牛肉、蘿蔔、翠玉瓜、菇類等等，味道頗為鮮甜。各種食材經熬湯後，質感很腍。紫菜飯可以直接空口吃，但大醬湯就在眼前，當然是拌上湯才放進口。湯飯滋味，一口一口的下肚，很快便有飽意了。午市套餐加錢換來的凍奶茶，筆者要求了少冰，但還是大半杯冰。奶茶味道正常，不過疑惑韓國也有奶茶的嗎？

燒烤餐集結濟州風情, 推介特級牛肋骨, 濟州軟滑黑毛豬梅肉,爽口豬背,五花肉, 惹味豬排骨,芝士八爪鱼及鲜鱿魚。特大韓牛扒,選用1++韓牛肩胛近肉眼位, 以蔬菜伴碟為燒肉解膩配有梨汁洋蔥和蒜香味既韓式燒汁。鰻魚紫菜包飯, 韓式紫菜铺上利川米飯和蛋皮, 原條鳗魚,蘿蔔絲和蟹柳絲真絕配。濟州青口湯, 用海蝦,蜆和鮮鱼等配料慢火熬製數小時,特别濃郁鮮味。欣賞雙味炸雞籃, 甜辣口味, 炸雞外皮香脆, 內理肉質嫩滑。柑橘水蜜桃特飲,柑橘和水蜜桃汁打成沙冰,有奇異果和橙片,豐富濃郁果味。還有醬油蟹, 芝士生蠔很高質，值得一試再試。

第一次有咁差既體驗！第一次用app訂位，因為有75折既關係，入坐前職員已經講左4至5次(有1次係自己聽唔到問既)有咩食品係冇折，我地都講左幾次ok明白。入坐後，見到餐廳唔滿座(6-7成滿)，出面又冇人等位，所以同職員講想調去個兩邊都係卡位既位(我地係三個人，比左張一邊係卡位，一邊係圓櫈既枱)，一開始就話未執好，過一陣就話有人訂左位嫁啦，但由我開始食到我食完都冇人入坐啦首先，其次難道我地就冇計位？唔係一定調比我先叫好服務，但咁樣講就有啲唔舒服，直接講唔好意思冇得調咪得。而且，食左咁多次炑八，第一次水同碗筷要問先有。。。叫野食果陣，職員不停咁講，呢個冇折果個冇折，講左10次以上，我地已經多次表明冇問題，而且又唔係同唔同職員分次落單，再十強調令人感覺唔太受尊重。其實如果唔想比折人就唔好開放呢個選擇，食左咁多次炑八都冇試過咁既服務，如果話咁既服務係唔關用左個app有75折事，我自己都說服唔到自己。講清楚邊啲食品冇得折係好事，但重覆14次就唔洗啦，就算以後會再去食都唔會再用個app訂位啦

同男朋友食完晚餐之後，男朋友十二點幾就嘔左出黎。我就成晚好唔舒服，忍到凌四點幾見到佢message 話嘔左出黎，我一坐起身就衝左去廁所嘔，嘔哂啲泡菜出黎🤮🤮🤮🤮🤮🤮🤮🤮🤮🤮🤮🤮，以為嘔完冇事，就走左去瞓覺，點知五點又嘔多次🤮🤮🤮🤮🤮🤮🤮🤮🤮🤮🤮🤮，瞓到六點幾又要衝起身去嘔，嘔到冇嘢好嘔都要嘔水🤮🤮🤮🤮個胃又好痛。依家聞到泡菜味都驚，以後都唔敢再食。

韓燒首選，午餐一人餐便宜。最愛就係有爐邊芝士和泡菜蛋，還可以不斷任添。岩曬我地呢d芝士迷。肉類選擇豐富，而且味道不錯！飲品方面多選擇，很多特色飲品可供選擇。還有他的雪冰甜品味道亦不錯，很喜歡呢！

環境不錯, 位與位之間有一定的距離, 所以坐得舒服, 服務員做事快(午餐), 食物質素都幾好。午餐小食配菜有豆芽，酸蘿蔔 ，泡青瓜，泡菜食完可添食，午餐定食很化算，還有燒烤。總結，這裡有高級食物，平民價錢，環境寬敞舒適，值得推薦。大家相約三五知己歡聚也是不錯選擇。

昨天朋友陪我去銀行辦完事情後，她知我未吃午餐，就問我去不去炑八韓烤吃下午茶，只是48元，不用加一。我說好，反正我未吃過屯門店，就比較一下屯門店和其他店的分別。炑八韓烤可以無限添加韓式前菜，光是這點已很抵食。起初店員拿芽菜和泡菜給我們，朋友還想追加海帶，店員迅速送上兩碟海帶，前菜不夠吃的話，大家記得跟店員說。飲品有柚子冰茶或荔枝冰茶可選，我喝柚子冰茶，朋友喝荔枝冰茶。柚子冰茶毫不死甜，除了茶中混合柚子蜜外，也加入檸檬塊，喝起來挺清新。朋友主菜吃辣炒年糕，小食吃安東雞脾，我沒有嚐過她點的，故不知味道如何。不過我問她好不好吃，她說味道ok，非常正常的韓式食物。迷你烤牛肉流心蛋飯有點讓我失望，平日炑八韓烤的牛肉頗有水準的，且烤牛肉的醬色挺濃重，怎料入口時卻淡而無味，即使有流心蛋加持，這烤牛肉依然未有起色，最後我剩下四分之一沒吃完。反而沒有期待的韓式炸餃子有驚喜，餃子皮炸得金黃香脆，不會油油膩膩的，餃子內餡蠻有韓式風味，當然不少得韓式粉絲和肉餡，沾上酸甜醬汁味道一絕。

今日下午茶到了屯市廣場的炑八韓烤，佢地下午茶幾抵食喎！$48有湯，前菜（大豆芽菜同泡菜），主餐，小食，飲品（柚子冰茶or荔枝冰茶），而且味道唔差。我就選了溫泉蛋牛肉飯，小食就選了著條炸雞（其實都唔小😅）牛肉略有過熟‘鞋鞋地’及整個飯只是微暖，唔及炸雞熱騰騰又脆👍🏻，我最喜歡是那碟泡菜，不會過咸過酸，原來前菜可以添食Good!會再來的。

Encore😆👉🏻 #炑八 抵食下午茶👨🏻‍🍳 | $48 .🔸 安東雞髀🍗 拼 紫菜包飯🍙 （各三選一）附 紫菜湯、泡菜、荔枝冰茶上次食過雞髀同伴麵～ 今次去屯市分店試下紫菜包飯🍙🤤 入面包著都幾多料、幾fresh🤓 不過份量唔係好大，如果餓，最好都係揀返飯或伴麵🤣 朋友揀左牛肉溫泉蛋飯，牛肉份量都多，但反而係唔夠飯😂 不過畢竟依個都只係下午茶餐，飯、麵都係mini size😂 而雞髀🍗，今次反而唔係好鞋 ，都okay🤣 一個餐咁多野 真係抵食既～ 不過個冰茶好多冰 最好叫少冰😅🔸安東雞髀🍗 / 炸雞薯條🍟 / 餃子🥟+🔹 牛肉溫泉蛋飯 / 伴麵 / 年糕《各三選一》

想食燒肉所以dinner黎左炑八食，星期五7pm到唔洗等位。叫左個炒粉絲，份量好多，兩個人食唔曬，而且唔會好油，幾好食。仲叫左兩份肉，一個LA骨肉排，一個護心肉。骨肉排個汁好好味，燒完仲係好juicy，同埋肉質夠軟，好正！護心肉都唔錯，加埋窩邊蛋同芝士可以無限refill，好滿足。

同家人去左屯門市中心食午餐，因為銀根短缺，又想食餐好少少的，就去左炑八食午餐定食，其實定食套餐組合中有韓燒，不過超出預算，所以就叫左一個雞扒蛋包飯$58加熱柚子蜜（套餐+$8）兩個炑八牛肋骨煲配紫菜飯$78另加一個柚子檸檬檸檬梳打（套餐+$8）及一杯青檸檬梳打(套餐+$8）坐底枱上已經有一大樽凍水，樽內有片檸檬（當然冇檸水味）。叫餐後就有三小碟前菜。前菜得泡菜好味，但基於不浪費，其他也清碟。跟套會有昆布湯，微暖的。長老唔食牛，又唔食辣，所以叫雞扒蛋包飯，長老賜我一塊雞扒，件雞扒又幾嫰滑，蛋包飯冇食，目測好像好吸引。$58蚊，抵呀！我同妹各自叫牛肋骨加紫菜飯$78，牛肋骨唔算少，牛味稍遜，不過肉質好腍，配菜的蘿蔔易咬，味道唔夠甜，牛肋骨煲亦唔夠熱，不過只要$78，下次希望熱少少啦。不過態度麻麻的都係好似食光速餐，野食未食哂，已經衝來收碗碟，其實全程都冇一小時，隔離枱同一時間入座都係剛剛開始燒烤希望下次態度好少少啦。

屯門炑八韓烤，可能今天星期六半天假期，又是午飯時間，要等位啊!餐前泡菜任吃，有海帶湯。名品大醬湯配迷你蟹膏醬拌飯蟹膏醬有点腥，趁熱吃會好些。炑八烤牛肉半熟蛋粉絲味道不錯石頭鳗魚飯三人行三款午餐，大家分享，很化算。三人共消費220元，人均消費70元

一直聽說這家的午市套餐很抵食，下了課就和同學們來打卡了。三個人點了一份烤肉，一份大醬湯，炸雞還有牛肉飯。烤肉份量比較少，還沒吃盡興就吃完了。但是味道還是很不錯的！主要還是要看自己的烤肉技術吧，弄得不好可能會不熟或者糊掉。牛肉飯非常好吃！肉燉的很酥爛，超級入味，真的非常好吃了！大醬湯就普普通通，沒什麼特色，炸雞的皮有點太硬了，裹的麵粉可能有點多，雞肉不是很入味，不推薦！環境不錯，服務員也很積極，建議大家中午打卡，比較划算哦。

粉絲煲最好食 炒得好野味 同喜歡濃味既friend尼食就最岩 另外芝士栗米同埋泡菜煎蛋都係任加 所以好抵食 豬肉 牛肉既口感都唔錯 燒下燒下就夠鐘 下次都會再尼同朋友食唔同燒肉

素來愛吃烤肉，無論日式，蒙古式，我都嚐過，在香港有不少高水準烤肉店，最近是第一次到來嚐這間韓式烤肉店的烤肉，加一後盛惠八佰多元，吃過後，你會對烤肉失去狂想，質素比想像中差。通風設針好，門面野十分討好，一貫連鎖集團風格，我點了傳統韓燒烤生米酒盛婆，滿以為傳統野最穩陣，誰知一喝生米酒的味道，似火酒，酒味有少許嗆喉，又不如別人說有餘甜口感，總之好怪，不是我那茶! 我叫了杯藍天使梳打好飲好多! 豬腩肉是厚切的，燒過很豐膄，但肉味淡，很淡，是雪了太久吧，豬腩很差，我失去了吃豬腩肉衝動。牛前胸肉燒後有㸃韌，不如想像中好吃，霜降牛小排，肥肉過多，牛味不差，但多瘦少肥會更好吃，實在好油好滯。其他如甚麼爐邊蛋，其實無胃口再吃，因D肉只有肥，好油，你也沒胃口吃爐邊蛋了! 服務不周到，成檯都是碟，沒店員主動收，無人主動教燒烤腩肉，重收加一，檢討下服務吧。