炑八烘焙工作坊

營業中

休息中

炑八燒烤就食得多，原來佢開咗間烘焙工作坊係佢嘅親子餐廳入邊。我見佢可以整嘅款式都好多，於是就報咗跟佢哋上堂學下整甜品。嚟到呢度佢個環境好乾淨企理，最重要嘅係所有嘢都色彩繽紛，令人覺得好有童真好歡樂。當你嚟到嘅時候導師已經細心地幫你準備好晒所有嘅材料。只需要按導師嘅指示將唔同嘅材料加埋一齊，就絕對可以完成你今日需要製成嘅作品。當你需要幫助嘅時候，導師都會好有耐性同好細心咁樣去話你知應該點樣做，但佢又唔會落手去干擾你嘅作品，呢樣嘢真係好值得一讚。佢所有嘅設備都好乾淨，當你將你嘅作品放入去焗爐嘅，需要等待15至20，呢個時候小朋友嘅天地就嚟啦。因為佢哋可以去隔離嘅小朋友遊樂室嗰度玩住等，個遊樂室都幾大㗎乜都有得玩，呢間親子餐廳真係好吸引。我想讚吓佢嘅係佢嘅小朋友凳係有細心嘅，唔係就咁普通一張凳仔比佢哋企上去。而係有個安全欄杆，唔使擔心小朋友整整吓向後跌。當你嘅作品焗號之後導師會幫你拎埋出嚟，你在自己擺落個托盤到，準備裝飾。裝飾之前你可以自己去幫啲朱古力溝顏色，整啲你鍾意嘅顏色出嚟。之後就可以放上你自己嘅冬甩上面啦。

平時炑八食飯食得多！唔講唔知原來有烘焙班！可以整蛋糕、麵包，甜品，每樣都好靚好吸引😍！今次報左名整小獅子香腸麵包，入面好乾淨企理👍🏻。導師一早已經準備好所有材料，只要跟住steps做就一定唔會出錯😆！整麵包要等麵團發酵一小時，呢段時間可以去室內playhouse抖下或者坐係課室抖下傾計。每個steps導師都會係身邊指導，就算小朋友參與都無問題！成個過程大約兩個半鍾，包一杯野飲！整完仲要有個靚盒打包返屋企！好好玩！呢個玩烘焙班好適合做親子活動🙌🏻，期待下次再黎整其他野食！

星期六得閑，見到炑八有個新既烘焙工作坊，由星期一至日唔同時段都有唔同選擇，有蛋糕🍰、馬卡龍、曲奇🍪、麵包🥯、披薩🍕等等😍導師會準備好材料，都好細心逐個步驟教我地點整，情侶同親子都適合去玩😛隔離係親子餐廳，裝修好得意，見到好多小朋友都好開心，入面仲有個游樂場，等蛋糕既時候，小朋友都可以入去玩🥰我地果日係整曲奇芝士蛋糕🎂，首先整碎OREO曲奇🍪，加入已溶化的牛油拌勻，壓成餅底，然後將忌廉芝士、淡忌廉發打，最後就裝飾蛋糕~🤤工作坊包一杯野飲，有梳打、奶昔、乳酪等等，我地揀左甜蜜士多啤梨香蕉奶昔，幾好飲😋

見就快放完暑假☀️決定同囡囡玩下啲親子活動☺️去左愉景新城新開既烘焙餐廳整麵包🥖貪呢間可以等緊製成品既同時，可以去餐廳既playroom 玩下☺️ 烘焙室整齊乾淨，仲有張企櫈俾小朋友🧒🏻用，唔洗擔心小朋友唔夠高。老師👩🏻‍🏫好好，會先講解下點樣整。之後每一個步驟都會一齊整同教囡囡去試，仲好有耐性性等囡囡嘗試自己完成。過程大概要3.5小時，全程都有講有笑，氣氛好好，令到囡囡好肯去嘗試，好開心！等麵包發烤同焗麵包🥯需時兩個鐘，咁囡囡就可以係playroom玩到好耐 ！媽媽又可以抖下🤭飲返杯餐廳包左既一杯棉花糖朱古力🍫個場都幾大，有波波池🛝，煮飯仔，扮靚靚，購物車買餸，大形積木等等，玩到豆豆都唔捨得走😍我地今次揀左整 西瓜🍉麵包🥯，唔揀整蛋糕，等囡囡可以搓下麵包，等好似佢平時玩搓泥膠咁，容易啲跟住做！成舊麵包：由落粉，落雞蛋🥚，搓麵團，切開麵團，再上色 ，都係囡囡落手去負責，所以佢見到製成品好有成功感，好興奮。😆焗到真係成個西瓜🍉咁，好趣致好得意！仲可以即場食新鮮熱辣出爐既麵包🥖又真係幾好味🤤，焗到外脆內軟，個樣仲呃得下人！😍食剩左既麵包🥯老師仲會幫我哋放入好靚既盒俾我哋拎走添！☺️

愉景新城出左名係為小朋友而設，而家仲新開咗個烘焙坊，趁住暑假🌞就帶兩個姨甥女去玩吓啦！烘焙坊場地唔算太大，同場可容納4️⃣組客人，但空間尚算充足；設施齊全整潔，而且製作完成之後唔使清洗🤭，夠曬方便；材料齊備，款式眾多，裝飾用料則視乎產品而定；小朋友於等候產品烹製時⏰及活動時間內完成產品製作後，可到遊戲室內遊玩。是日參與嘅烘焙坊課程為OREO 芝士蛋糕🍰，食譜簡單方便，而且導師解釋詳細清晰，製作步驟如下：1. 將水同魚膠粉攪拌放一邊備用2. 打碎Oreo餅乾，與融化咗嘅牛油混合3. 將混合物放入器皿內，放入雪櫃冷藏製成餅底4. 用攪拌機打起忌廉，將忌廉與cream cheese攪勻，然後加入魚膠水及Oreo碎攪勻，再將混合物倒到餅底上面，放入雪櫃冷藏45分鐘5. 裝飾蛋糕成品味道正常，芝士部分可更軟滑，芝士味偏淡，但以呢個價錢黎計，有得玩有得食仲有埋體驗都算係抵玩嘅👍🏻。

一向鐘意食木糠布甸，今次襯有me time時間，去了學做甜品，導師準備好材料後，就立即開始課堂👍，導師細心講解。一開始打碎餅乾，再打奶油，奶油會有不同轉速，導師會根據奶油的狀態去調整打攪拌機的轉速到合適的狀態，奶油完成後，可以開始進行木糠布甸啦，😁首先放餅碎在底層，再加上剛打好的奶油，再鋪上餅碎，及分層去進行，看似簡單易做，鋪上每一層餅碎都巧功夫，亦需要最巧技巧的，幸好有導師指導及提點，順利完成木糠布甸啦💓

天時暑熱🥵🫠，所有親子活動都轉晒室內🥶，媽媽要絞盡腦汁諗去邊度玩🥳今日就嚟到「炑八烘焙工作坊」學整甜品🍰，今次學整造型曲奇拿破崙，我同樂樂一齊烘焙真係好開心🤗由打牛油搓到麵粉到造型，由自己一手一腳完成，真係好有滿足感🥰呢個造型曲奇拿破崙，可以自己創作造型，發揮你嘅小宇宙，樂樂就整咗爸爸👨🏻、佢自己🧒🏻同埋🍓Iron Man🤖因為媽媽係長頭髮，我就叫佢唔好整媽媽，一定唔似😂仲有好多唔同嘅甜品可以選擇，有蛋糕、麵包、曲奇餅，好多款式！西瓜🍉吐司🍞都係我好想整嘅，諗住開學之前再來玩多次🥳

炑八烘焙工作坊真係好吸引吖，有好多款可以選擇，今次選左得意動物冬甩，真係好好既体驗小朋友每個步驟都會跟住一齊做，老師都會好有心機預備好曬材料同埋俾意見你點好，最後仲可以帶走6個制成品回家，真係好得意，好享受成個過程！自己覺得最好嘅一樣係等緊焗既時候，仲可以去play house 到玩，小朋友真係超開心一入到去就有粉紅波波池，好靚吖，仲有車仔，廚飯仔同好多公仔，真係超正吖！大家一定要去試下，一定會好開心！

再次去到荃灣炑八烘焙工作坊，呢到可以俾親子過嚟一齊整，今次就同咗表妹嚟一齊上summer baking class，啱晒鐘意整嘢食嘅大朋友小朋友，最細三歲都可以上堂㗎👩🏻‍🍳上次整過可愛造型麵包🥖，今次就整原個蛋糕🎂，課程一日有三班，每日都唔同，可以因應時間/ 課程作選擇工作坊以小班教學方式，導師更容易指導學生，包保一定成功零失敗✌🏻由打發雞蛋、加入糖、麵粉，再預備忌廉、士多啤梨、手指餅，整個過程都自己新手做，最後裝飾好，唧埋花、放上手指餅、士多啤梨就完成啦🥰暑假絕對啱晒親子一齊上，有得玩有得食😋🚩炑八烘焙工作坊 (荃灣) @meokbang_kidzone 📍荃灣青山公路荃灣段398號愉景新城1樓1009B號

姨甥仔放暑假，同佢去親子餐廳學整麪包，過咗愉快又充實既一日～我地喺餐廳既烘焙室整麪包，去到既時候導師已經幫我地執好哂所有材料同份量，我地跟住步驟一步步做就可以。首先我地會用牛奶溶酵母，再加糖、高筋麵粉同埋雞蛋，姨甥仔覺得好新奇，主動幫手做👍🏻我地將所有材料攬拌好就要搓，搓完等發酵。呢段時間小朋友可以去遊戲室玩，遊戲室好大，有波波池有帳篷，仲有好多公仔同車仔，玩一個下晝都唔厭😂而我都飲杯野休息下～玩到攰既時候個麪包亦差唔多發酵完，於是整造型。每個麪團做到4個包，只要包住條香腸再切8份，就可以啱啱好圍住個包。整完就攞去焗喇，焗完再用朱古力醬喺上面畫就大功告成啦～姨甥仔超滿意自己整既麪包，一路食一路話好好味😂😂

幾次經過愉景新城購物都見到有人玩緊烘焙工作坊 成日都好想玩下 今日終於可以體驗下啦今日整既係🦁小獅子香腸麵包🦁佢重有好多選擇 每日同唔同時段都有唔同款式⭐️記得要預約呀⭐️對於我呢啲地獄廚神😈黎講 實在太方便啦 入邊既環境係超級乾淨衛生🧹加上未開始時甜品姐姐已經分好晒所有材料份量大家都洗好手先開始 咁俾小魔怪揉完既麵粉團都夠敢食🤭姐姐好有耐性同我哋講解點樣整 步驟唔複雜睇住小魔怪一手一腳自己溝埋啲材料佢好有成功感呀重有for小朋友既企高凳🪑 又安全 真係一個好好既親子活動係等緊麵包🥖發酵嘅時候, 重可以玩下連住隔離炑八親子餐廳既波波池, 裏面有瀡滑梯廚房….好多好多野玩❤️ 入去前都會有職員幫忙消毒手仔 🤲🏻 可以玩得安心盡興👍🏻作品經過🕘🕙🕚🕛 🍞出爐啦🍞所有大小朋友即場試食 …..當然係好好好好味啦最後姐姐重會用個好靚既盒🎁裝好未食既帶番屋企 課程大約2小時 包一杯飲品呢個價錢真係超值呀❤️下次要向高難度挑戰，再整吓其他野先😝

炎炎夏日，行商場真係一個唔錯嘅選擇。愉景新城轉左型走親子路線，好左好多適合一家大細嘅設施。估唔到一間熟悉嘅韓式烤肉舖，都主打親子生意，小朋友除咗有得玩有得食之外，大人都可以同小朋友一齊上烘焙工作坊，一齊學習整吓嘢食，共聚天倫之樂。原來每個月份都有唔同嘅烘焙班可以選擇嘅，買套票仲有優惠添。今日星期六，都有三款烘焙班可以選擇，咁啱又正正有我想整嘅西瓜麵包班，價錢合理又橫掂冇乜地方好去，就即刻報名參加。上堂位置夠大夠乾淨，而且所有設備用具都好齊全。導師好好幫我哋準備好晒啲材料，咁就慳返好多時間，可以專心整我哋嘅西瓜麵包。導師用心講解流程，我哋一步一步跟着去做，上堂氣氛好輕鬆又好好玩。好多注意嘅事項，導師都會講解得好清晰同埋詳細，令我哋嘅製成品品質一定有所保證。由於麵包要時間發酵，中場休息仲可以帶埋小朋友入去波波池度繼續放電，完全唔會悶親小朋友。3個幾鐘嘅製作過程好快就完啦。我哋嘅作品亦都出爐啦。估唔到自己製作既麵包除咗似模似樣之餘，都一樣咁好食。同埋，最緊要係所有材料都親手加入，純天然嘅冇咁多不知名的化學成份，俾小朋友食都安心又健康啲。整體來講，好滿意今次嘅工作坊，時間場地安排都非常合適，學

我呢個大姨媽都算係甘，去荃灣炑八烘焙工作坊，親手整左個韓國公主蛋糕俾生日小公主，佢真係好開心，仲忍唔住食cream cream 。八月烘焙班有蛋糕，麵包，甜品,pizza都有。今次我揀韓國公主蛋糕，動手做食落都好味D。導師親手教，我亦能按導師指示將已材料按步就班完成。我基本上做得好輕鬆，材料，工具都齊全，所以好方便。材料新鮮，蛋白大隻，麵粉幼細，導師表示打夠空氣，蛋糕先至鬆軟。由於仍有時間，導師教我製作修飾用的忌廉，落牛油，蛋黃，蛋白連糖，忌廉加少少藍色，就變淺藍色調，忌廉雪至挺身就可以用了。裝飾前，導師先讓我練習，佢講解得好仔細，最後擠花都係由我完成，勁有滿足感。商場真係好大，工作坊其實係誠品對面，扶手電梯附近就到。

原來新鮮出爐嘅彩虹pizza🍕真係好好食㗎🏖️趁暑假同小朋友去炑八烘焙工作坊做他最喜愛的pizza🍕，這個pizza原來簡單容易做，整個過程只需大約2小時。開始時，我們把所有嘅材料搓成一個麵團做餅底，再揸上茄醬，當然有很多好美味嘅材料啦，腸仔、菠蘿、火腿、芝士等材料。當中，小朋友有一個新嘗試體驗，需要用刀子及砧板把材料去切斷，烘焙師在旁指導，過程很放心。然後把這些美味的材料鋪上去pizza上面，焗爐先預熱，220度🌡️十分鐘就有一個香噴噴嘅pizza出爐啦。小朋友還可以入遊戲區玩樂。

想不到荃灣愉景新城的炑八由原先的韓烤餐廳，延伸到開了一間新的烘焙工作坊，看看餐牌上的選擇，夾好時間與朋友一起去上堂學整pizza--- 彩虹pizza（$460）---單價已包了兩位的製作費，導師會預先預備好材料，然後每個步驟逐一講解如何處理製作Pizza的時間比較快，大約一個鐘內便能完成材料可以任由學員自由處理及拼砌，製作一個屬於自己的Pizza另外還有麵包及多款蛋糕食譜，需要留意工作室的每日時間表，非常適合家長帶小朋友前來一同製作