火車頭越南餐室 (朗豪坊)

營業中

休息中

天氣熱辣辣就想起椰汁珍多冰，趁今日在朗豪坊逛完街，便來吃過晚飯醫肚。這間火車頭越南餐室位於商場中庭位置，但不嘈吵，感覺還滿有情調的。我和朋友點了二人自選套餐:頭盤:牛油果素菜米紙卷，蒜香牛油雞中翼和酸辣去骨鳳爪天氣炎熱，米紙卷這客清涼的小食，有助消暑。 米紙Q彈，生菜爽脆，脆口咬勁都有齊。 雞中翼 炸得金黃色，香口鬆脆，既有蒜香又帶點牛油味，值得推介。 去骨鳳爪酸酸辣辣，開胃又惹味。火車頭招牌湯河湯底味道超濃郁，香噴噴的，令人食指大動，牛肉粉粉嫩嫩的，熟度剛好，軟稔不韌，招牌菜當之無愧。鮮茄蟹肉蝦湯檬 蕃茄湯香濃又開胃，半隻蕃茄加切粒蕃茄肉，啖啖口感十足。而且三隻大蝦頭超級Q彈爽口，充滿蝦味帶嚼勁，超讚!還有半隻炸軟殼蟹，非常滋味，整碗檬粉的確不錯。咸檸檬七喜，椰汁涼粉珍多冰，這些特色飲品當然不能少，冰涼解渴，配料十足。加埋甜品朱古力心太軟，即叫即焗，賣相吸引，亦能做到流心效果，整餐體驗無可挑剔!

好耐無嚟朗豪坊，人多得好緊要，多過行花市，4樓中庭重有啲小event 俾人打下咭咁，真心辛苦。行入去幾乎每間餐都要等位，所以揀咗間唔使等位嘅越南野，走近餐廳就明點解唔使等，因為限時60mins 而且坐得勁唔舒服。我照入咗，因為好肚餓同時心情有少少緊張，因為fd 未到，怕唔夠時間食野。喺電梯底嘅火車頭其實位置麻麻，啲檯仲要勁細，大概20"x 15"，檯同檯之間好近，當然疫下要用板分隔開，檯仲要擺咗固定餐具，醬汁同蘭花，真心迫同無謂，已經無位仲擺蘭花為咩？筷子頭仲要向下，衛生難估計……😶睇返menu 選擇多，不過lunch 嚟講都唔平，比起我返工嘅尖東仲要貴。櫈下有籃可擺袋，算佢都有為客人思考😅。點咗個生牛肉湯河加紅豆冰。79蚊嘅河粉，唔係越南河，粗同厚身，無多種香料所以個湯唔好味，牛有三塊，唔係薄切，總之一句唔抵食，正所謂事出必有因，唔怪得唔使等😑。

今天是星期日，晚餐到朗豪坊的火車頭越南餐室吃。我們叫了二人套餐和火車頭粉。二人套餐包括3個小食、2個主食和2杯飲品。小食點了牛油果素菜米纸卷和蒜香牛油雞中翼，主食叫了春卷扎肉撈檬和香茅豬扒飯，飲品選了青檸金柑蜜和黑糖薑茶。牛油果素菜米纸卷和蒜香牛油雞中翼很惹味，春卷扎肉撈檬是我的至愛，當然好食。香茅豬扒飯的汁好味，好吸引。二人套餐不夠三個人吃，我們再叫火車頭粉，很有越南風味，很好吃。我們都很喜歡吃越南菜。

星期六朗豪坊人山人海，三點幾先食嘢，但周圍都排長龍。因為太肚餓，最後嚟咗呢度（因為唔使排隊）。菠蘿海鮮炒飯。成個炒飯最多係飯同蔥。好少見餐廳落咁多蔥去炒飯，多到好誇張。唔止張相睇到係飯上面嘅蔥，而係入邊都仲有超級多。唔太鍾意食蔥嘅我，又餓又唔想太浪費食物，硬着頭皮食咗好多😷😷🤢有啲飯仲燶燶地，有啲苦味。冇下次😷小食拼盤整體麻麻，食物都好似放咗一段時間。個春卷皮，放到出晒油，有啲咬唔開😵扎肉就”乾爭爭”😓😓呢兩樣嘢就$300 ，真係冇下次😓

火車頭越南餐室 @ 旺角朗豪坊推薦⭐️⭐️/5星滿分正常茶餐廳質素不過加埋一就偏貴春卷扎肉撈檬檬粉都OK 春卷好食 其實減分既係扎肉好實好硬吾好食下午茶跟埋野飲 黑糖姜茶 都正常既整體都接受

天氣熱好想食酸酸辣辣嘅嘢，衝住越南撈檬揀咗呢間越南餐廳食晏。呢度嘅午市套餐包咗小食、主食、飲品。我同朋友就叫咗幾款share食。越南炸春卷春卷用米紙卷成，幾香口酥脆，餡料應該有啲雲耳絲、肉絲之類，沾上酸辣醬食，好滋味😋酸辣去骨鳳爪鳳爪去晒骨，大大隻好爽脆，醬汁酸辣酸辣的😍，係好開胃嘅前菜。越式蒸粉包粉包嘅皮雖然唔係薄嗰種，但係都幾滑，裏面有啲紅蘿蔔絲、椰菜絲，加上炸蒜片同蔥粒，沾上甜豉油熱辣辣食，味道唔錯👍🏻燒豬頸肉撈檬$79豬頸肉燒得焦香，肉質爽口，油脂甘香😍。我最想食嘅撈檬好吸引，有大量青瓜絲、生菜絲、紅蘿蔔絲、炸蒜片，當然唔少得要勁落嗰支蒜粒酸辣魚露汁，撈埋一齊食超正😋，夏天食好清爽，雖然食完個口好臭🙊菠蘿大蝦炒飯$88呢個賣相超吸引，有兩隻爽口大蝦、好多肉鬆、腰果、菠蘿粒、臘腸粒、雞粒、翠玉瓜粒，餡料超級豐富😍。蛋炒飯唔會好油，咖喱味好香，恰到好處，好惹味😋。最驚喜係竟然有一排菠蘿肉，香甜多汁，食完炒飯仲有飯後生果食，勁正。金不換牛肉炒河粉$83呢個炒河粉有勁多肥牛肉片😍，牛肉片薄薄的，一啲都唔嚡口。河粉份量勁多，金不換嘅獨特香味加上豉油鹹香，河粉味道幾好，但係就始終會多啲油，

夏天有時候胃口不好，想食點東南亞口味的菜色，通常都會想到越南菜，旺角區都好易會找到，最方便就是去朗豪坊搵食，涼住冷氣不用在街四圍撲！火車頭都是一個不錯的選擇！主打湯河、檬粉，選擇都不少！上菜速度幾快，點了一陣間就有！柚子蝦沙律食第一啖有點驚喜，吃到有花生醬味，好特別！竟然出奇地夾，蔬菜好新鮮爽脆，有三隻大大的蝦，上面還有櫻花蝦碎，好醒胃！咖哩軟殼蟹咖喱不會太辣，偏甜，加上不會太油膩，我非常喜歡！軟殼蟹脆卜卜，又鮮味，還有膏！非常惹味的小食！好想即時叫多個白飯或者蒜蓉包撈咖喱食！火車頭招牌湯河另外我覺得必食的就是火車頭招牌湯河，因為有非常豐富的餸！生牛肉片，牛腩片，牛筋，牛丸，牛柏葉，見到都流口水，湯底清甜，食得出用足料牛骨淆制！牛筋非常軟滑，生牛肉片都好嫩滑，牛丸彈牙！春卷扎肉撈檬夏天想食比較清淡不太濃味的東西，就可以食撈檬！春卷脆得來由很鬆化，餡料足！檬粉爽口！酸酸甜甜的汁份外醒胃！鹹檸七又是清爽開胃潤喉的消暑飲料！

雖然唔夠上次講嗰緊咁好食，但佢嘅品質其實都唔差 ......生熟牛肉湯河 $62 （ 餐飲 草莓荔枝綠茶 ）佢嘅生熟牛肉做得好好，食落去嘅第一啖，已經好有牛肉味。唔會太韌，薄切口感啱啱好。佢嘅河粉彈性都唔差 ，所以 佢呢間其實都唔錯，只喺環境坐位差咗啲啲。而佢嘅荔枝綠茶，就普通咗啲，所以印象都唔喺好深。其他分店 ：  大坑浣紗街11號地鋪

✨大家鍾意食越南撈檬嗎❓我覺得夏天必食,特別開胃醒神!呢間係旺角朗豪坊主打越南菜既,佢地門面裝修以火車頭佈置設計好搶眼,裡面光線充足開住太陽傘做裝飾感覺好似室外咁😎‼️.💬生牛肉湯河 $79賣相唔錯☺️!上枱時另上有芽菜、金不換🌱同辣椒粒,青檸就放左係湯河入面😂！牛肉份量可以,但啲牛肉就差唔多熟晒😆！不過口感唔韌,但都唔算嫩口,湯底略淡,要加點魚露才好食,整體黎講一般！.💬香芧豬扒撈檬 $79豬扒算大件,煎得夠香,肉質唔會柴口,撈檬加埋啲配料同越式酸甜汁撈黎食真心好味😋！夠晒開胃惹味😋！.💬椰汁三色冰 $39 從小見到呢啲飲品我都會毫不猶疑會叫😂！無點解架靚囉！呢杯椰味香濃,唔算好甜,覺得中規中矩冇咩特別😂！..📍 火車頭越南餐室 (朗豪坊) (旺角)旺角亞皆老街8號朗豪坊4樓12號舖..

這是與太太「重燃愛火」約會的第三間餐廳。本身是約去油麻地另一間要訂枱的黃店的，但太太因工作遲到，而且又下起大雨，我早到旺角當然要找商場避雨，於是便改為在朗豪坊晚膳。我在三樓美食廣場逛了一陣，生了小朋友後原來已經很少在這商場拍拖，故地重遊，三樓已轉換了幾場風景。最後我決定試食這間越南餐廳。食物方面，我們點了二人餐，我選了豬扒撈檬，太太食鮮茄蟹肉蝦湯檬，要加26元。小食選三我們揀了沙律、米紙卷、雞翼。這間餐廳最大問題是二人餐好像有有好多食物，但原來每樣只有少量，有欺騙之疑。飲品連飲咖啡也要加12元。所謂套餐只是賣最便宜的貨色，稍為挑剔一點便要加錢。這種假套餐我是最討厭的。結帳為393元，我因為不飽所以點了食評多人讚好的椰子雪糕，但如圖所示，也是細件得不得了，真的應該去便利店買條雪條填肚才對。結論是這餐廳真伏。

行完旺角朗豪坊商場行上幾層搵個午餐食下，見到呢間用火車來佈置既越南餐廳，對出光線好光猛，坐位之間都好舒服。入餐廳內要用一用安心出行QR code或登記資料就可以入去  有主食+ 小食+飲品都有多達30款 選擇生熟牛肉湯河 HK$83生熟牛肉夠滑，牛腩口感剛剛好易咬口牛肉片份量都多，最喜歡個湯底夠牛味好鮮香好濃厚好入味仲可以連湯底都飲完叻沙湯粉絲 HK$88個叻沙湯底真心好飲，而且每一條粉絲都吸飽湯汁豆腐卜、鮮蝦、蜆肉一齊食就是好味到停不了一條條粗身粉絲其實食落都幾有飽肚感。小食酸辣去骨鳳爪無骨鳳爪食到有酸、辣既味道，好在泰式風味，入口冇骨仲夠爽口彈牙，夠晒醒胃。蒜香牛油雞翼 大大隻雞翼食入口好夠蒜香同牛油味，仲炸好黃金色香脆 雞肉肉質都都夠嫩滑 凍柚子蘆薈飲入面有一粒粒蘆薈粒好有咬口柚子味道仲好清新好味道服務都有禮而且上菜速度都好快火車頭越南餐室旺角朗亞皆老街8 號朗豪坊4 樓 12 號鋪

黎朗豪坊行街，留意到有間幾特別的越南菜，都坐滿曬客人，今次黎試一試😂💜燒豬肉丸生菜包泰式肉碎生菜包我就食過，呢款真係第一次試。肉丸係炸過的，外脆內軟。蘿蔔酸酸甜甜。加上粉絲用生菜包起上嚟食，都算match👌🏻不過我都係最愛食泰式生菜包😂💜香茅胡椒大蜆炒粉絲呢碟粉絲又真係濃味遲咗少少，可能係因為扎肉本身已經好鹹，加上調味都係偏鹹，所以蓋過了其他香料嘅味道，成碟食完之後要瘋狂飲水🥲Ps. 面頭嗰串係黑胡椒，可能因為實在太濃味，我哋食唔到胡椒嘅味道💜街頭碎米飯係比較高質嘅香茅豬扒飯，都係外脆內軟，香料味濃。但係又冇咩驚喜，喺好多餐廳都可以搵到類似嘅菜式。可能喺開係朗豪坊，屬於中價，性價比一般。偶然都會有某啲菜式係伏。如果想試吓一啲越南嘅特別菜式，都可以嚟嘗鮮，因為佢餐牌有好多普通越南餐廳冇嘅菜式。

今日跟朋友交收柬西後，行經朗豪坊內見有閗用火車來佈置的一閒越南菜館已很吸引，一於試試。餐牌內有好多選擇，套餐單點任君選擇。蔗蝦蝦餃包著竹蔗來炸，香口之外還帶有點點的香甜竹蔗味，口感彈牙，蝦味十足，真係一道越南的美味小食。大蝦柚子沙律三大隻海蝦排在頂部，賣相十分吸引，再嚐一口，大蝦爽口彈牙，柚子沙律清爽多汁，配上酸甜汁，更加令到胃口大開。越南烤乳豬伴薑黃飯份量大好抵食，乳豬皮薄又脆，厚厚的肉嫩滑又多肉汁，伴埋底部的薑黃飯，又香又軟，還有甜甜的提子乾，增添不是層次。333 啤酒越南啤酒順喉又有麥名，夏日炎炎飲番杯，真係消暑至極。

越南海鮮二人餐😆$398係朗豪坊試吓呢間越南野！✴️椰汁浸波士頓龍蝦🦞為左呢個湯而食🙆🏻‍♀️每人半邊龍蝦，仲要有膏👍🏻個湯好濃味，配埋脆卜卜蒜蓉包very nice😋✴️軟殼蟹米紙卷前菜泥講幾開胃，個人覺得佢本身個醬太重口味反而覺得加平時食撈濛個汁仲fresh仲好味😅✴️馬拉盞炒通菜、原個菠蘿炒飯正常水準，菠蘿🍍夠晒甜✴️椰汁涼粉珍多冰+$12 、鹹檸七+$8椰汁涼粉正呀，檸七就正常➖整體泥講唔錯，侍應幾好服務，龍蝦湯值得一試！但因為餐廳位置屬於商場靠邊位，所以冷氣不足！夏天食真係比較熱！🥵下次再食應該會係秋冬時候囉！#eatwithrabbit #eatwithrabbit_mk

開心聚今日中午跟Mary去旺角朗豪坊食午餐，今日不算多人，可能星期1吧，整個商場都好好行，人流不多，不會太迫。去了這間火車頭越南餐室，地方光線好開揚。我們坐梳化位，一邊食，一邊看到窗口外邊的綠色植物。整餐飯大概一小時，舒適，輕鬆，食物質素滿意，服務都好好，又有酒精搓手液和紙信封可以放口罩提供。埋單連加一服務費，二人196元，平均每人98元。——-香茅豬扒湯河$79燒豬肉米紙卷（跟餐送）桂圓杞子紅棗茶（跟餐加$8）先講香茅豬扒湯河，份量好正常，香茅豬扒都好大件，食落口啖啖肉。肉質肥瘦適中，咬下去有口感。燒豬肉米紙卷，一條，廚房職員剪開為二。配上餐廳特製醬汁，醬汁裏面有一些花生粒，份外特別。米紙卷的外皮好煙韌，比糯米更有口感。而且裏面還有一片頗厚的燒豬肉。哈哈。桂圓杞子紅棗茶，甜度適中，感覺好健康。——香茅豬扒飯$79牛油果素菜米紙卷 （跟餐送）椰汁紅豆冰（跟餐加$12）另一款就是香茅豬扒飯，香茅豬扒和上面說的香茅豬扒湯河一樣。配白飯一起吃都好好味。牛油果素菜米紙卷，一樣是一開為二。清新簡單，配上醬汁感覺清新。兩三口就食完，個人都好喜歡。至於椰汁紅豆冰，椰汁味好濃郁！裏面的紅豆也不會太甜。