火車頭越南餐室 (朗豪坊)

營業中

休息中

上個禮拜同小朋友去咗朗豪坊，喺其他餐廳全部要等位之際，我哋就去咗呢間唔使等位嘅火車頭，唔知點解冇人等，因為幾好食！我就點咗一個生牛肉湯河 $79，兩個小朋友就share一個街頭碎米飯 $88，再嗌多一個蒜香牛油雞中翼（ 四件）$65！令我最驚喜就係枱面竟然有辣椒醬同埋甜醬！！！我超鍾意咁樣食！香港九成嘅越南餐廳都冇！個湯河好好味，係細碗啲！碎米飯都唔錯！有香茅豬扒同埋肉餅再加一隻煎蛋！反而我覺得我雞翼可以再香啲入味啲！總括來講今次係好好味嘅一餐！

叫左個2人套餐，包左3款小食+2款主食+2杯飲品，小食脆口，米紙卷好食，主食試了金不換牛肉炒河，其實就是我地平時係茶餐廳既乾炒牛河，但係更好食，味道濃郁，之後有個焦糖紅燒肉飯，稍為肥膩，整體都可以再黎試其他唔同菜式~

成日睇到人食，就突然都好想食😂明明平時自己好少食咖喱，點知前一日睇韓國綜藝啲藝人食得好滋味，睇到流晒口水😂然後我同老公今日都忍唔住去咗揾咖喱來食😋我同老公各有所好，各自叫咗兩款唔同咖喱🍛椰汁香茅咖喱雞同埋烤羊架伴黃咖喱，我叫咗一款小食👉🏻蒜香牛油雞中翼。呢度個雞翼炸到個皮好香脆，食起來又有好香牛油味，而且雞翼夠大隻肉質都ok嫩，都幾好食！至於咖喱方面，我嗰款羊架出場用鐵板上好有排場，然後一放低我就嗱嗱聲將佢轉碟😂避免羊肉過熟。果然柔軟度啱啱好😂👍而且保持到肉汁又唔太羶，果然羊肉就是要配咖喱，都值得一吃！咖喱雞都一樣掂👍雞肉選用雞髀肉，食起嚟啖啖肉口感勁正，唔少得重點👉🏻炆到林一林嘅薯仔塊，充分咁索晒啲咖喱汁，好滋味！

提起越南食品, 有好多我都喜歡.  今晚約了同事一起去旺角 朗豪坊逛逛.  商場好多人, 店鋪多,  我們先食飽肚再行街.目的是上四樓 火車頭越南餐室 吃越南餐.   第一眼看見那尊貴火事車卡, 真係好仲意, 帶來歐州旅遊回憶.車卡做得神似.   車站還做到有單車泊位, 餐廳食堂面對火車, 特高樓底.食物選擇多, 款式又多, 有齊我喜歡的.越南粉麺, 湯河也不少, 價錢吾貴.我叫了杯 薄荷青檸梳打, 涼冰冰, 一飲舒服晒!我和同事至愛 小食拼盤,  擺設好靚,  拼盤放置于高腳座上,  好像 High-Tea,  實在吸引. 食物好豐富.  有 青木瓜沙律,  兩串沙爹雞肉串燒, 越南扎肉, 春卷, 加上兩籠蒸粉包, 組合滿意. 每張檯也有蘭花擺設, 更見優雅.先吃 青木瓜乾牛肉沙律.  青木瓜, 蘿蔔絲及生菜好新鮮, 加上酸酸甜甜的醋汁,  更開胃,   配些乾牛肉碎,  帶點脆口.越南炸春卷, 皮脆香甜, 沾些酸甜汁, 好味.同事用生菜包春卷,  捲好吃, 又爽又脆, 減輕油膩感！沙嗲雞肉串, 每人一串, 烤得表面微微焦香, 帶點燒烤味, 雞肉吃起來嫩而不幹, 肉質嫩滑, 點些沙爹

陪表妹追星到旺角朗豪坊，先來個午餐义足電再陪她捧偶像場。場地旁邊的這家越南餐室就最就腳了。餐廳環境開揚，食物水準不錯，值得一讚的是每位服務員都面帶笑容，非常有禮。午餐可選擇一主食、一小食和飲品，價錢相宜。香茅豬扒撈檬 $79/set😋大件的有骨豬扒肉質鬆軟入味，肉汁豐富。檬粉清爽軟滑，混和微辣的、甜酸度和諧的魚露，清新又開胃。春卷扎肉撈檬 $79/set😋素菜春卷外脆內軟，材料新鮮，扎肉質結實，不過鹹。蒜香牛油雞翼 👍🏻外層薄脆的粉漿包著嫩滑入味的雞翼，帶牛油香氣和微微蒜香，令人回味！越式蒸粉包 😋皮薄軟滑的粉皮裏著有小蝦米的餡料，加了香葱和醬油，味道不錯！薄荷青檸梳打 +$8 👍🏻清新的飲料加上越式美食，坐在玻璃牆幕邊，食在天然光下，很有度假的感覺。😍

已有一段時間沒有見友人，這次與友人相約在中心點吃個晚餐。這間餐廳在晚上比較有格調，讓我們在微暗的燈光下共享越南美食。點了一個海鮮二人套餐($398)，不用多想吃甚麼，主要選飲品和飯或粉絲就可。飲品凍羅漢果蜜，在夏日或吃辣食物時喝一口，即能解辣。羅漢果不會太甜，泌人心脾的甜很吸引。凍草莓荔枝綠茶的味道以綠茶為主，荔枝味不太突出，綠茶的表面有微酸的士多啤梨碎粒，如吃士多啤梨乾。牛油果軟殼蟹米紙卷，份量頗多，軟殼蟹香脆，主要集中在中間的兩個紙米卷。紙米卷帶點煙韌，蘸上附帶的花生碎醬汁會更入味。大量清爽的蔬菜包着脆炸軟殼蟹，呈現兩種不同的脆感。馬拉盞炒通菜，一直都很喜歡吃這裏的炒通菜，通菜嫩口，更重要的是馬拉盞份量適中，不會令整碟菜變得過鹹。淡淡的馬拉盞味道不會蓋過通菜本身的菜味。在原個菠蘿炒飯和香茅胡椒大蜆炒粉絲中，我選了前者。半個菠蘿盛着炒飯，炒飯當中有很多菠蘿粒，帶點咖喱味，腸增加炒飯的煙肉味和其煙韌的口感。份量很多，足夠兩人吃，配通菜會更好吃。椰湯浸波士頓龍蝦伴香草蒜蓉包，因沒有波士頓龍蝦，轉成了大頭蝦，一人一份。椰湯加上蝦的味道，減低椰湯的膩，變得更温和而不會飽滯。大頭蝦肉多而十分脆

中午時間, 又遇上大雨, 經過朗豪坊就先食個午餐再做野.餐廳佈置非常開揚, 令人舒適, 明明在商場內也如置身戶外, 店員的服務態度亦唔錯. 上餐速度都快, 午餐高峰時間都唔太需要等太耐. 整體都乾淨整齊又有櫈底籃放客人的手袋背囊. 讚 香茅雞排湯河雞排大大份, 肉質唔鞋, 唔錯. 湯底清甜配合青檸, 辣椒, 九層塔, 令人食指大動. 香茅牛肉撈檬燒牛肉帶甜, 份量適中, 加入特製的汁後, 蔥油, 炸蒜, 醃菜等, 令整碗撈檬更提升, 停唔到口. 味道清新非常適合香港天氣.蒜香牛油雞中翼香口, 重牛油味. 雞翼炸得外脆, 肉嫩多汁. 烤豬肉米紙卷外層米紙煙韌帶米香, 入面的蔬菜和烤豬肉比例剛好. 加上香濃的醬汁, 更惹味羅漢果蜜不會過甜, 唔錯鹹檸七喜鹹檸會預先為客人處理好, 十分細心總結: 整體的菜色美味, 餐廳的裝潢亦令人好放鬆, 好適合忙裡偷閒

晚餐之前想食多菜少肉嘅早晚餐，再次幫襯朗豪坊嘅火車頭越南餐廳！我覺得對於追求健康飲食多菜少肉嘅女士來講係好好👍🏼唔洗淨係食凍冰冰嘅沙律！試吓生菜蘿蔔⋯⋯蘿蔔非常之入味有牛骨湯係咪喺裏面少食澱粉質我就選擇左一個牛肉米紙卷，補充下鐵質！個牛肉好好味加埋啲醬汁就係perfect！鬼知點一向都係咁嘅最愛輕食最好嘅選擇裏邊亦都好多菜！呢度啲嘢食都好衛生好精緻，你睇吓個近鏡！呢度啱啱$100，而且坐得好舒服我自己個人本身好鍾意食越南野，我日日食都可以

下午茶餐嚟嘅呢個係。咁就叫咗個心太軟家呢個荔枝綠茶啦。其實係比想像中係有驚喜嘅，真係冇諗過係越南餐廳入面都食到好食嘅心太軟。個心態整出嚟係熱嘅同埋開嘅時候一邊唔會話太過流心入會太過實嘅。就係個蛋糕係啱啱好個texture上。呢個係高質嘅心太軟，咁建議大家可以試下嘅。

2人套餐:3個小食/2份主食/2杯飲品小食:蒜香牛油雞翼-炸得香口，但味較淡越南炸春卷-入口脆香，味道剛好🅾️頗推薦青木瓜乾牛肉沙律-一絲絲口感，味道普通***主食:豬頸肉撈金邊粉豬頸肉燒得幾好，調味小妹覺得好食😋自行加魚露或其他調味，可更個人化但金邊粉有少少糊口 ***金不換牛肉炒河牛肉有牛肉味！不是淡而無味清晰知道自己在吃牛肉河粉質地少許濕，炒得好均勻味道適中，帶有少少少的甜味***對着商場大螢幕，有少許似眼但播放了不少Mirror 及 Error 的MV

今日約左個fd係朗豪坊午聚，朋友揀左呢間「火車頭越南餐室」，望下門口餐牌d 野都幾岩食餐廳位置好開揚，一眼就望到地方不大，但露天設計，樓底高令人感覺舒適午餐選擇多，一個價錢包一款主食＋小食＋飲品另外都有主餐牌及二人/四人套餐，想輕食或暴食都可以我地點左兩個午餐，小食揀左越南炸春卷同蒜蓉包春卷好好食，上枱新鮮熱辣辣，網面好鬆脆蒜蓉包鬆軟外脆，蒜蓉味香濃主食揀左大蝦炒金邊粉大蝦爽口大隻，金邊粉炒得味道均勻，酸酸甜甜非常開胃，腰果很脆很香口菠蘿大蝦炒飯呢個重正，飯很夠味炒得粒粒分明，除左肉鬆、腰果、大蝦，重有雞肉，口感勁豐富好味又滿足

烤羊架伴黃咖喱 $118 羊架🐑一塊肉質尚算鮮嫩呈粉紅色有肉汁🥩另一塊肉質較老不過唔鞋口或太韌嚼唔爛味道有少許羊騷味程度可以接受👌🏻黃咖喱🥘水既咖喱🤣連汁都唔算淡而無味雖然肉質唔差但味道、賣相、份量都與想像中有出入性價比極低❌唔洗試😬牛油果軟殼蟹米紙卷 $68軟殼蟹🦀新鮮炸起熱辣辣♨️多肉帶膏幾好食😋牛油果🥑新鮮米紙卷足料👍🏻外皮煙韌💯點埋醬汁一齊食酸酸甜甜🍋🍯開胃、清新👅越式法包🥪 $63 有燒豬肉、扎肉、酸菜、沙律🥗等配料 燒豬肉🥓肉質軟淋、唔韌 扎肉味道正常質地結實有彈性 酸蘿蔔條🥕酸酸地好開胃🤣令法包更加多汁清新👍🏻法包🥖外表烘得香脆 內裏有搽牛油🧈增加香氣整體配搭適宜 配料都好match 調味適中唔錯✅生牛肉湯河 $79 生牛肉🥩有四大片薄切 生熟程度啱啱好💯呈鮮紅色 肉質嫩滑無渣 唔洗太費牙力去咬 幾驚喜🤩湯底牛味🐮好出油份唔多👏🏻睇落好清但味道濃得黎又不失鮮甜😇洋蔥🧅甜味都幾突出 加埋辣椒粒🌶、香葉同芽菜 辣味令湯底更加惹味正❤️‍🔥河粉🍜質地滑漏 有咬口、唔會一夾就斷原個菠蘿炒飯 $118 配料有蝦、雞肉粒、臘腸、菠蘿、腰果、肉鬆、生菜絲同蛋 蝦🦐 - 肉厚大隻雞肉粒🐣 -

6pm 2個人去食飯點左一份海鮮2人餐（$398＋$28特飲＋$12花茶）及一份普通2人餐（$268）2個點左四人份量食物，明明有好多枱，但侍應都唔太願意比張寬敞啲嘅四人枱我地坐，仲想安排我地坐張有隔板嘅四人枱，服務非常之唔好，一路食位置又熱又焗，我同朋友都感覺唔到有冷氣，最慘係餐廳完全冇亦都跟防疫安排，所有坐位坐滿晒又好密海鮮二人餐：龍蝦湯味道惡劣，龍蝦肉極梅，龍蝦湯稀似飲味精水，跟餐碟炒通菜就好咸，菠蘿炒飯賣相和味道比較好，牛油果軟殼蟹米卷啲軟殼蟹係林嘅，牛油果奶昔足料和花茶好飲唔會太甜普通二人餐：鮮茄牛腩飯太甜飯量較少，小食三拼裏蒸粉包的粉皮好厚又硬，蒸粉包啲涵料亦好少，無骨鳳爪爽脆，雞翼普通，蕃茄蟹粉檬連埋加一埋單$785，貴但唔好食，服務又差，菜式可以影相，基本上好睇唔好食，CP值低

見到餐廳外觀有特式食物質素不應太差，我點左一碗豬扒湯河，一份春卷扎肉撈檬，一份牙車快沙律。河粉湯底是用味精湯底非常難飲，豬扒味道好鹹。春卷扎肉撈檬完全食唔到越南所用的香葉只係用左普通的沙律菜做配菜。牙車快沙律好酸，雞肉太粉，又係用普通的沙律菜。所以食左一口已經唔食。

餐廳位於旺角大型商場之內，鄰近地鐵站，地理上十分方便快捷，餐廳主打的也就是越南美食，香港現在收到顏色的革命，影響甚大，心情未必太好，但食物總要吃的，挑選一家自己喜愛的。炒通菜，不油膩，份量十足，價錢又合理，沒想到餐廳還如此細心，先由蔬菜開始，為一餐提供了一個美好的開端。牛油雞翼，絕對是越南的美食，沒有不選擇的原因，餐廳也做得不錯，牛油味香濃，最重要香脆可口，內裏肉汁豐富。蒜蓉包也是越南的代表作，越南受過法國的統治，法包也是他們其中一個特色菜，香脆可口，不在話下，蒜味十足，更是一絕。原個菠蘿炒飯，份量十足，味道適合香港人，又不失越南的特色。