瀧本日式料理

營業中

休息中

本身係網上睇到 賣哂廣告咁諗住就去試吓 點知中哂伏 簡直人間地獄食物 從來未試過拖羅系咁 食落口似食緊香口膠咁 蝦刺身，原來蝦個頭係黑色嘅 海膽陣味似屎水一樣 食落去想嘔 其他刺身好似紙一樣咁薄。天婦羅究竟點解可以做到外邊淋裏面硬？ 啲串燒似炸多過似係燒 仲有啲牛肉根本咬極都咬唔爛 鵝肝多士仲細過我塊手指甲 炸物都可以係凍嘅 成晚，我都唔知喺度食緊啲乜嘢？唯一正正常常就係嘢飲同甜品 兩個人埋單千幾蚊 俾錢買難受 今晚真係一個好好嘅體驗 永無下次！

銅鑼灣又新開左間日式放題，有超過百款刺身壽司、日式料理等美食，環境睇落好寬敞舒適，而且包房不設低消，好適合一大班朋友慶祝聚會🎈餐廳分別有兩個套餐，同樣任飲任食，我哋今次就試下A餐共有78款美食，刺身壽司、一品料理、炸物同串燒都有齊哂❤️刺身選擇都幾多，有三文魚、雪場蟹腳、甜蝦、帶子同象拔蚌等等，我本人就中意甜蝦、帶子同象拔蚌，每樣都好鮮甜，要ENCORE多幾次先得😝壽司同手卷款式都好多樣，有海膽手卷、花之戀等，特別係鵝肝多士好厚實又濃郁，真係必試👍🏻外面都有自助區，有前菜、沙律、生果、炸物同熱盤等熱盤就有酸菜魚、小龍蝦同麻辣雞煲等甜品都有任食Häagen-Dazs雪糕、雪條同蛋糕🍰整體都好豐富，真係食到好滿足🥰而家有開業優惠，直至12月20日前電話訂座或者網上訂座就有9折優惠❣️✨午市長者尊享88折優惠✨生日優惠（4人同行1人半價、8人同行一人免單）

🪭瀧本日式料理🪭🎉喺銅鑼灣廣場2期新開嘅日式放題！ 今次揀左A餐經典刺身盛宴，午市三個半鐘任食！ 有多款刺身、手作壽司🍣、手卷同各式日式料理任你選擇！ 海膽、鵝肝、乳鴿任食，仲有Haagen Daz🍨同榴莲任食，啤酒更係任飲！大廳有個寬敞嘅自助吧區，裡面有麻辣雞煲、小龍蝦🦞、酸菜魚🐟、乳鴿等中式單品，仲有各類新鮮海鮮冷盤、酥炸小食同時令水果🍈🍉，選擇真係豐富到唔得了。🦪刺身嚴選日本每日特色海產，刺身壽司質素高得驚人！三文魚、油甘魚、帶子厚實又鮮嫩，口感超鮮甜，仲可以享受到超厚的刺身。🍣壽司卷物每款創作壽司都係用心設計，值得一試！特別推薦：海膽手卷、蟹膏花之戀，其他仲有黑松露劍魚腩、赤蝦、拖羅、帶子等等。🍢燒物特別推薦嘅有燒生蠔、鵝肝多士、櫻花蝦鰻魚玉子燒、西京燒比目魚、蒜蓉焗生蠔、牛肉壽喜燒、一品牛柳粒、蒜蓉粉絲蒸扇貝、蒲燒鰻魚，質素都係超高。🍛熱食推薦嘅有花雕醉鮑魚、乳鴿、羊架、香脆牛奶卷、天婦羅同埋烤羊架，一口牛柳更係油脂豐腴，入口即化。🍲煲物特別推薦壽喜燒同關東煮。服務💖大部分食物上得非常快，尤其係刺身、壽司同手卷，員工態度友好，送菜同執枱都好殷勤。

唔好食 食物唔新鮮 為左甲羅燒幫襯B餐 估唔到都係中伏。。。刺身都還好 普普通通中規中矩 諗住鰻魚點都唔會中伏啦 一食落去好似塑膠鰻魚咁 咬都咬唔斷 下次都係幫襯返其他 呢間放題真係影衰晒成個飲食業

原本諗住這間餐廳新開去試下，點了個貴餐，有生蠔，海膽拖羅，點知生蠔好腥海膽好腥拖羅無味，熱食鵝肝嚡熠熠，乳鴿乾爭爭，除咗鰻魚比較熱和後期加嘅扇貝粉絲系熱的之外，所有嘅熱盤都唔熱嘅，好難食，我先生食咗兩隻生蠔，我跟住再點幾隻生蠔一食就覺得唔掂啦，而且唔新鮮，我唔可以食落去，唯有埋單，雖然最後佢俾咗個八折我，但係我都覺得好唔抵，我坐落去真係嗌嘢食時間佢只係一個鐘！千祈唔好去啊！請都唔好去啊🥵🥵🥵其實一粒星都冇，只係OpenRice係要俾星！

銅鑼灣廣場新開放題！瀧本日式料理提供多款特色海產刺身同壽司🍣，仲有日式料理～環境同坊間放題店比較更為寬敞舒適😊依家仲有新開業優惠，12月20號前經電話訂座/網上訂座會有九折🫶🏿✨A餐 經典刺身盛宴 （正價 - 星期一至五 任何時段 $248)💫 一入餐廳會見到自助區🙌🏻主要有海鮮凍盤🦐🦪、沙律涼拌、炸物仲有啲熟食。涼拌有爽口既辣魚皮、味付螺肉、麻辣雞腎、泰式鳳爪等～炸物則有炸雞、炸帶子、炸餃子同忌廉蟹肉薯餅😆熟食方面有放題少見既麻辣雞煲🌶️小龍蝦、酸菜魚、胡椒豬肚雞等😯💫 經QR code落單有多款刺身壽司🍣，包括三文魚、油甘魚、帶子、虎蝦🦐、松葉蟹腳🦀等，厚切鮮甜！壽司亦有特色，包括柚子胡椒油甘魚腩、炙燒牛油帆立貝、七味蒜蓉燒熟蝦、牛油果青龍卷、芝士蟹籽火龍卷、櫻花蝦鰻魚玉子燒等😆仲有推介既瀧本花之戀（蟹膏），壽司飯細細舊，唔使擔心勁快就食飽🤣💫 手卷必食海膽手卷🤤入口即化又鮮味；塊紫菜都卜卜脆的😝💫另外仲有天婦羅、燒物、串燒、炸物、鍋物同一品料理🥰K最愛羊架，熱辣辣啖啖肉😝而鹽燒鯖花魚、西京燒比目魚則比較細件。炸物必食黃金乳鴿🙌🏻仲有少見既香脆牛奶卷🤣鍋物包括牛肉壽喜燒、泡菜豆腐鍋等

🔎 瀧本日式料理 (銅鑼灣)今日去咗銅鑼灣一間新開嘅日式放題🇯🇵裝潢好新又舒適空間好闊落！還可以包房！不設低消/額外收費‼️三間包房是大中小房，打通房間可坐20多人適合親朋好友聚會慶生🎉人均只需$2xx就可以享受超過100種日式料理😍真係覺得係暫時香港食過性價比最高的放題店！刺身🍣呢度嘅刺身款式多到傻！雪場蟹腳、雪場蟹腳、象拔蚌、赤蝦、帶子、赤貝、希靈魚、北寄貝、油甘魚、三文魚、虎蝦、甜蝦全部都好新鮮好厚肉😋壽司手卷🍣有黑松露油甘魚腩、黑松露赤蝦、柚子胡椒池魚王、魚籽醬鮮帶子、三文魚腩、櫻花蝦鰻魚玉子燒、瀧本花之戀、吞拿魚沙律、龍蝦沙律他他、芝士熔岩帝王蟹棒、七味蒜蓉燒熟蝦、醬燒蒜香和牛、火炙左口魚邊、炙燒牛油帆立貝、蔥燒三文魚腩、明太子龍蝦沙律卷🦞芝士蟹籽火龍卷、吞拿魚香蔥拖羅蓉卷…手卷有海膽手卷、醬汁鮑魚手卷、芥辣八爪魚手卷🐙飛魚子手卷…有創意得嚟好高質！一品料理🦑花雕醉鮑魚、蒜蓉粉絲蒸扇貝、鮑汁扒時蔬、桃膠紅棗雪耳、茶碗蒸、鵝肝厚多士、清酒煮蜆、一品牛柳粒、牛油栗米杯炸物🍳 黃金燒乳鴿、廣島吉列蠔、芝麻雞翼、榴蓮炸彈、香芋流心球、芝士年糕、香脆牛奶卷🥛天婦羅🍤 皇帝蟹柳🦀大蝦🦐甜番

點解見咁多ig foodie賣廣告，又多一式一樣嘅好評，我都照黎？因為諗住作為一間新開嘅餐廳，QC理論上衰極有個譜掛，點知真係難食到趴街🙏🏻是日星期五晚市其實坐唔爆場，唔知點解出餐極慢之餘啲嘢食基本上都係凍，炸嘢凍食咁仲算係炸嗎？😅天婦羅炸漿仲又厚又淋。所有，係所有肉都好韌，香口膠都好咬過佢嗰種。開頭影咗一兩張食物相咁大把，都冇心機了🚩張2人枱細之餘，同隔離枱距離一定冇5cm，唔知以為成串都係同枱🙏🏻唯一可取之處係有位姐姐收碟快囉☺️最後本應食兩個鐘，一個鐘就頂唔順走咗，雪糕都冇攞😹浪費cheat day，過兩條街大排檔食返三個餸補數算。佢有分A B兩個餐，價錢差200幾蚊，好彩冇食貴🙏🏻真係不了，不了，不了。

銅鑼灣新開咗間日式放題!!$248起兩個鐘任食😚有多款刺身壽司同日式料理任君選擇~海膽鵝肝乳鴿 連Haagen Dazs都系任食架!仲有啤酒任飲🤪史努比就試咗平啲嗰個set 一於講下有咩好食😋-🔸A餐經典刺身盛宴 正價$298/位史努比去嗰日系星期二 早啲遲啲都可以再平啲😚17:30-19:30 $268 20:30後入座就$278👍🏿刺身種類都幾多~三文魚大大塊夠厚切食落有三文魚味 又夠肥美油潤帶子正常 切得比較薄 疊埋食口感好啲🤣唔算好甜 但新鮮赤蝦唔錯 帶啲漿口甜蝦比起赤蝦更加鮮甜😳油甘魚ok唔腥 但冇話特別油潤 不過第二round再嗌嘅時候竟然比近腩位 即刻好食咗好多😂希靈魚唔系個個鍾意 史努比就幾鍾意佢嗰種卜卜脆嘅口感加鹹鹹香香嘅味道🤪其他北寄貝 松葉蟹腳 赤貝 螺片都正常發揮🙌🏿Overall刺身唔錯!味道: 8/10👍🏿壽司首先要讚下壽司飯 軟硬度適中溫度都keep得好好 唔會凍晒硬晒!醋落得比較多 偏酸少少 但史努比幾鍾意🤣開胃啲😜壽司飯都唔會話好大舊 不過手卷嘅就會大咗少少😂款式好多 火炙/卷物乜都有但胃容量有限 史努比冇試好多大家最關注嘅海膽手卷!老實講海膽份量就唔

🎉🎊銅鑼灣近期開咗間勁豐富嘅日式放題餐廳！🎏🪭瀧本日式料理開在銅鑼灣廣場二期，交通方便，環境以木系為主，搭配柔和的燈光，簡約舒適，各種餐枱滿足唔同食客需要，更設包間，而且不設最低消費/額外收費，非常適合同朋友慶祝生日或者聚會！🍱大廳設有寬敞的自助吧區，提供各類新鮮海鮮冷盤、酥炸小食和時令🍈水果，仲有老火湯、酸菜魚、麻辣小龍蝦…選擇相當豐富。佢哋超過100款刺身🍣、日式料理🍢、特調飲品飲料!分為「A餐經典刺身盛宴、B餐極致海鮮盛宴」嚴選日本🇯🇵每日特色海產，刺身壽司質素好高，三文魚、油甘魚、帶子…厚實且鮮嫩，口感鮮甜。🍣手作壽司、🍘🍙手卷品種選擇繁多。熱食方面，關東煮🍢天婦羅🍤、炸物熱辣辣香炸新鮮，烤羊架，肉質鮮嫩juice.一口牛柳更是油脂豐腴，入口即化。尤其鐘意西京燒比目魚🐟、蒜蓉焗生蠔🦪、牛肉壽喜燒、一品牛柳粒、蒜蓉粉絲蒸扇貝、蒲燒鰻魚…質素都好高，上菜快，店員仲好親切提醒要趁熱食，抵贊！🍮甜品區有大量款式選擇，飲品櫃甜品櫃大量供應，豆腐花、涼粉、果凍、🍦雪糕、仲有Haagen Dazs雪糕任食!🈹開業第一個月內電話訂座或者網上訂座，更可享開業9折優惠！🎊🎊午市長者尊享88折優惠🎀

今次去呢一間喺銅鑼灣新開嘅放題，可能我預訂嘅係星期一，所以前一日訂位都有枱。當日12:00去到嘅時候，現場很少人，但係我仍然被安排坐喺長枱，不過可能因為冇人，所以客同客之間都係留咗一個空位的。（後來同阿姐吹水嘅時候，佢話卡位係比一啲有訂枱嘅客人，即係話如果客人要早訂枱，就有機會坐到卡位月後嘅就只能夠坐喺長枱）講返食品質素，我叫咗幾款刺身（三文魚、赤蝦、甜蝦、帶子），每一次刺身上枱嘅時候都係有冰係下面保持食品嘅新鮮，而我食落口嘅海鮮都係覺得幾鮮甜好味嘅。至於炙燒壽司，佢嘅上面嗰塊肉太薄啦，好似食緊醋飯咁。佢個壽喜燒鍋，我建議佢哋花啲心思用個爐仔去熱住煮個鍋，肉同蔬菜另上，等啲客自己去落，咁樣啲肉就唔會咁柴，值得推介係乳鴿、比目魚、蝦天婦羅。熟食區的酸茶魚夠入味👍🏻蟲草花螺頭雞湯正👍🏻佢仲有D24 榴槤提供，但我手慢，俾一個已經成枱嘢食的8婆，攞左成盤埋位食，結果我等唔切補給，走了

IG見到有foodie介紹呢間新開冇耐嘅日式放題店，喺Openrice再望過吓啲相覺得唔似伏，所以就約咗個朋友今晚7pm上嚟一戰，揀咗Set A，用餐時間係入座起計120分鐘一步入餐廳，有濃厚氣味撲鼻，作為榴槤厭惡者真係會有啲反感，不過座位闊落，光線充足，加番唔少分講番食物，首先係自助區，選擇都算多，乾淨企理，有沙律、凍海鮮、日式小食同炸物，試咗幾款味道都正常，唐揚炸雞no.1，唔啱食嘅話仲有啲中式菜餚可以揀，包括酸菜魚等等刺身方面以帶子同象拔蚌最鮮甜，唯一唔推薦係赤蝦，細隻得嚟又冇乜味，不過利申番係冇試四款包括希靈魚、北寄貝、虎蝦同蟹腳手卷同壽司方面預咗係普通，結果冇驚喜亦冇失望，好在每件都係迷你size，唔會點嘥胃至於其他食物，有幾樣可以推薦嘅，包括好淋嘅花雕醉鮑魚同埋一品牛柳粒，仲有十分juicy嘅汁燒翠肉瓜，另外乳鴿、羊架同香脆牛奶卷都唔錯！覺得好伏嘅就有兩樣，包括又乾又柴嘅燒雞軟骨同埋又肥又油嘅牛肉壽氣燒，完全唔掂甜品同飲料，款式選擇一般，有啲台式罐裝飲料係第一次見，味道幾好最後講埋service，大部份食物都上得好快，尤其係刺身壽司手卷，員工表現殷勤，送菜同執枱嘅都態度友善

因為突然間想食海膽，但又唔想行咁遠，所以就book咗公司附近呢間新開嘅日式放題。坦白講睇咗好多食評，基本上佢哋食評都好兩極，真係天堂同地獄嘅分別，咁都明白所有好評一定係blogger，咁由於本身我個人都唔係太挑剔，見啲相幾好睇就決定試下。首先環境絕對唔係好似其他食評講到咁日式乾淨亮麗，張二人枱仔真係好細，細都唔係最主要嘅重點，隔離只係相隔3cm🌝咁啱我去到嘅係小卡位，所以我坐低咗，如果唔係我諗我擰轉面走咗🙂選擇咗$528/位既放題。首先自助區基本上全部預製菜，唔特別講，刺身同普通熟食正常一般冇特別，普通放題質素，但串燒冇味，唔建議叫任何串燒。咁都唔緊要，因為主要食海膽同榴槤明白如果要所有種類都出類拔萃嘅唔止呢個價錢。結果海膽除咗非常薄之外，基本上嚟咗第一輪，就已經冇再嚟過🌝無論我嗌5份10份20份30份40份，佢廚房部單機都可以自動消失咗我張單😀點餐時間90分鐘，過咗60分鐘我都只係食過一次，咁好啦，咁同佢員工講完又講，終於黎左一碟，再然後都係無論我點樣落單都係唔會嚟，再同佢員工反映，然後夾硬出咗一碟俾我，然後見到佢啲廚房師傅行晒出嚟望我嗰張枱，我嗰刻簡直覺得自己係乞兒🙂到榴槤，喺12

社交平台見到呢間餐廳介紹, 野食好似比一般放題吸引, 原來新開無耐, 就決定打鐵襯熱同友人試下電話預約完會有人WTS聯絡confirmBook左食1730, 1930前埋單會平D, 實際1900會截單準時到達8/F登記, 可以揀A餐同B餐Reception好嚴肅, 新張無耐可能尚早人流唔算多, 好快就入左去個場夠寬敞光猛, 又帶俾人一點未裝修好既感覺入去右邊就係自助區, 款式選擇多熱食: 酸菜魚, 椒鹽瀨尿蝦, 紅酒燴牛腩, 麻辣小龍蝦湯:蟲草花雞湯, 5指毛桃瘦肉雞湯炸野:薯條, 餃子, 蝦餅, 蟹餅(好似係)冷盤:熟蝦, 青口蔬果:西瓜,哈蜜瓜,解凍榴槤, 沙律菜野飲: 一般放題有野飲酒: 生啤黑啤, 有Budweiser,喜力,Stout甜品: 有成個櫃, 雪糕有哈根大司坐低無耐有人經過時已經聞到陣陣榴槤飄香, 對於唔食榴槤既我會係考驗, 好在餐廳通風好, 好快就無左陣味,佢地D生果件件都好甜好好味, 無諗過食放題會食咁多生果頭盤以瀨尿蝦, 湯, 炸野, 熟蝦打頭陣瀨尿蝦麻麻地, 唔新鮮似蒸完再炒, 蝦餅蟹餅好食湯好味, 飲左幾碗熟蝦唔駛浪費個胃, 留位食其他野(期間聽到姐姐問同

晚餐、午餐都是$2xx左右任食70多款日式美食瀧本日式料理是一家高級日本料理放題店，在這裏能嚐到林林總總的日式佳餚，例如: 刺身、壽司、手卷、炸物、串燒、鍋物、甜品等，食物水準非常之高，讓人大飽口福。餐廳的環境十分寬敞，座位很舒適。餐廳仲設包房服務（冇額外收費！），適合和一大幫朋友聚會。■ A餐 經典刺身盛宴 (午市: $248起；晚市: $268起)A餐可點的日式料理多達74款，包括經典刺身、壽司、火炙壽司、創作壽司、卷物、手卷、天婦羅、燒物、鍋物……應有盡有。刺身非常新鮮，油甘魚味道一流。特別的菜餚是海膽手卷、瀧本花之戀。海膽味道鮮甜，花之戀的蟹膏口感豐腴。另外，鵝肝多士也令人驚豔，鵝肝肥厚味美，多士炸得香脆，牛油味香濃。餐廳雖然主打日式料理，但是在自助區也提供中式菜品，如麻辣雞煲、乳鴿、酸菜魚等，滿足不同人的口味。甜品方面，不但有甜筒和雪條，更有高級的哈根達斯雪糕，絕對不能錯過! 🥰11月再9折。