潮樂園 (和富道)

營業中

休息中

又旦午飯時段，記起附近有間 "潮" 鋪，從其他食家網看到一碟蝦籽頭抽崩沙腩撈麵，賣50蚊。但賣相不錯，而牛腩亦是心中所愛，一於試一試，看是龍是鳳果然，賣相不得了， 加10蚊普通腩轉崩沙腩，較少有，且筋、肉相間會更加好食60蚊一碟，崩沙腩毫不寒酸，件件份量十足，而且有大約十件，超級滿足。每件腩均肥瘦相宜，有爽口的咬感，但又不會難以咀嚼。還有很多蝦籽，足夠佈滿所有麵條。頭抽分開盛上，很鮮味，而且不用擔心會咸，加添頭抽，色水更美。補上再近鏡及頭抽撈後照撈麵當然要配湯一碗。湯清甜配2件白蘿蔔。絕對可以中和撈麵的乾身及濃味。60蚊一碟，單是崩沙腩的件數已經物有所值，不要忘記還有蝦籽、頭抽。當大部份人都用 80、90甚至100元去食一碗日本拉麵的時候，何不用60蚊去支持傳統、用料豐富、用心製作的中式粉麵呢?

週末來到北角經過一間潮州食店，比門外的凍蟹吸引住。決定要入去拆返餐入到鋪內有一位估計是老闆的鬍鬚叔叔招呼我地，佢好有心機咁介紹有咩食物。我們點咗好多野食。先食個”鎮店蠔仔粥”，粥好鮮甜，蠔仔粒粒都好肥美。再來個招牌醉香鴨舌，醉香一直我都很喜歡，醉香鴨舌還是第一次，鴨舌吸收了酒和杞子的香味，而且十分爽口之後就來了”魚旦魚皮” ”墨丸” ”韮菜餃”， 魚旦和魚皮好彈牙，仲好有魚味。墨丸我個人就最欣賞，有墨魚咬口之外仲食到當中的墨魚鮮味。韮菜餃十分足料，一口咬落去啖啖韮菜味。之後就來了我最喜愛的凍蟹，蟹好新鮮，不會太多咸水味，如果肉厚一點會更好。接住來了個令我嘩然的黃金煎蠔餅，份量十足，裡面蠔仔的份量十分足夠，而且肥美。最後，來了個咖哩薯仔牛腩，這個咖哩十分特別，外表咖哩味十足，但原來當中加入了番茄，所以食起來咖哩味中有番茄都迴香。

有朋友係美國返黎，佢話要食盡香港，哈哈!!~佢有一個好長好長既list寫左黎到香港要食d咩，而我係負責帶佢去食潮州野既。外國人對海鮮，同埋有香港特色既野好似魚蛋都特別中意。我帶左佢黎北角既潮樂園，佢好開心，見到成條街都有好多唔同既野食。去到餐廳佢一見到凍蟹就非常開心，話點都要食一隻，我地2個人，另外仲叫左魚蛋，蠔餅，仲有蠔仔粥。凍蟹一黎到朋友就搶住要食，佢食到連手指上面既蟹汁都唔放過，蟹肉好甜，d肉又唔散，啖啖肉咁，真係好正。淨魚蛋入面都有魚片，魚蛋係手打既，好彈牙又有魚味蠔餅，好大既一碟，2個人食好似多左d，如果有分大碟同細碟既就可以叫多小小其他野食，不過入面d蠔仔好大隻好肥，好好味蠔仔粥，個粥底好甜，蠔肉同配料又多，好好味。呢間店雖然唔係大，不過客人就好多。有機會要再黎先得~

呀妹就生日，見佢最近溫書咁辛苦，就帶佢食餐好啦。潮州野對佢黎講係新事物，就同佢去見識下啦，滷水鵝片，大墨魚等等，都係我既至愛鵝片，更是必食，但呀妹興趣不大，只好點其他啦，三個人叫左潮州凍蟹，醉香鴨舌，煎蠔餅，蠔仔粥，淨魚旦魚片，淨墨魚丸，淨韮菜餃仲有咖哩薯仔牛腩撈麵。三個人食8樣野，好似多左少少。不過我地應該可以的！潮州凍蟹一隻，今日既時價係300蚊，d蟹肉好鮮甜，又多汁，而且d汁仲有少少咸香，啖啖肉，好讚呀。醉香鴨舌，係其中一個招牌菜，一份50蚊，鴨舌同酒味非常的配，鴨舌充滿著酒香，作為一個飯前小食，完全令人食完一隻想再食一隻。煎蠔餅（$49），勁大既一碟，仲要入面d蠔仔超大隻，又肥。蠔餅既外層煎得好香，邊邊位既金黃，勁脆。蠔仔粥係每次食潮州菜必食既佢既蠔仔好多好大粒，仲有其他配料，包括魚乾同肉碎，令到個粥好鮮甜，又有口感，一啖可以食到多種材料，而且價錢都好親民，只係38蚊，就有勁大既一碗。另外，淨魚旦同淨墨丸，兩款都係手打丸，又彈牙又爽，特別係墨丸，除左彈牙，咬落仲有墨魚粒粒，每碗除左丸仲有生菜！食咁多野，食翻d菜平衡下，真好！韮菜餃，入面有勁多韮菜，好香，而且碗入面仲有蘿蔔，蘿蔔

在北角工作已經有一段長時間稱得上是半個北角人吧~對於這區的美食可以說是相當了解這天因為想心血來潮想吃打冷所以放工後便與同時浩浩湯湯來到和富中心對面的潮樂園吃潮州菜門口掛滿各式各樣的滷水食物 真的有點花多眼亂不過最吸睛的當然是一隻又一隻肥嘟嘟的滷水鵝, 還有大墨魚、鵝腸等等看看餐牌~這裏的餸菜價錢相當合理滷味類還可以跟飯 而職員表示這裏的滷水汁是絶無味精所以我們決定要個三併、鵝片、烏頭魚還多點了皇牌手打魚蛋、蠔仔粥首先就是皇牌手打魚蛋聽說這裏的魚旦及魚片是每天親手打製而且沒有添加任何味精所以魚蛋口感相當爽滑彈牙感覺非常新鮮, 充滿濃郁魚鮮甜味同事愛吃魚所以點了一個烏頭魚這條烏頭沒有刮鱗直接以用食鹽醃製再蒸煮送上來是全塊魚皮是可以掀起來拆肉而且烏頭魚真的相當肥美蒸熟後魚油已經滲出黃油入口甘香鮮味, 而魚肉亦非常嫰滑帶有點檸檬香味, 超讚~ 自選滷水併盤併盤送上來時滷味堆得滿滿的墨魚片、鵝腸、大腸及滷豆腐快要從碗邊滑下這個情景叫大家都感到興奮由於店內是用上自家製的陳年滷水汁但味道卻是剛剛好的, 入口味道香醇和厚 滷水真的擁有神奇魔力令食物的味道提升除了帶有絲絲的鹹香味道 還會有回甘的鮮甜香味

一個人，二個胃，整天沒吃過什麼，心血來潮就前來「潮樂園」。平時經過糖水道也不難發現這餐廳的宣傳易拉架，可是一直沒有停下腳步留意一下。難得今天晚上想吃蝦籽麵，好吧，決定要去試試。餐廳在晚上8點左右還不算多人招牌菜？不曉得，但挺特別的木牌餐牌招牌醉香鴨舌（＄50）－平平無奇的外表，卻滿滿的酒香味，亦有少許八角的甘味入味之餘還在過後留有餘香可是HKD50只有10條多點的鴨舌，未色有點貴但絕對值得一試蝦籽菜遠頭抽撈麵（＄30）－超級大碟，抵食之選蝦籽未算太多，但勝在夠香口，麵亦夠乾身並沒有鹼水味把頭抽淋在麵上，撈一撈，正只是菜心有點老，不夠爽口，所以只吃了兩，三條就罷了撈麵的湯，偏鹹，但蘿蔔好入味吃一口撈麵，喝啖湯，令口感不會乾爭爭林林總總的滷味－Miss F

黎到北角, 大把野食, 淨係JAVA 街市都勁多好野, 今日行入D 行上D搵好野記得以潮州滷水鵝出名既阿鴻小吃舊址，原來開左一間又係以潮州菜主打的潮樂園心諗上手做到咁出名, 小吃都要$200 PER HEAD 落樓, 竟然咁夠薑做返潮食, 就試下你先!下晏2點去到，過左LUNCH HR 又要WEEKEND, 人少D 但都有D 人氣, 下晏唔使咁豪, 叫D 清淡野試下咩料先腩汁羅白平時我都唔好呢味, 因為好多羅白有渣有泥呢又唔稔, 但呢間既羅白堅認真揀過下，好淋好入味…最緊要係無渣!!!! 腩汁入晒去食到幾舊都唔怕太飽肚食唔晒其他野!淨食紫菜四寶手打魚蛋，彈口得好誇張…係食得出無溝粉，手打嘅效果，食落就扮味吉洋一大叫"好好味吖~~~~~~~~!!!"魚片/片頭好夠味，少少咸，飲埋湯剛剛好魚皮餃不過不失雲吞 - 雲吞師傅會坐係鋪度包，一睇就知真材實料湯底無味精，同埋紫菜食，點食都唔口渴牛坑腩 斗門蝦籽撈麵其實唔個斗門係咩，我當佢澳門啦XD用左頭抽同埋蝦籽呢兩樣極香嘅材料，配搭出黎嘅效果，唔太咸，但帶出到蝦籽嘅香，麵條索晒啲汁食都唔太漏，正!牛坑腩煮到好林身，肉味夠，最怕牛肉會穌，但呢款有牛

老爸一向都對潮州菜情有獨鍾, 閒時會提起滷水鵝和買大眼雞回家, 但我一直都沒有問過究竟, 亦沒有心去了解……但經過今晚便一清二楚了。今晚特選潮州菜與他飯聚, 他一邊吃一邊細說當年話。原來50年代, 老爸和爺爺在正街和威利麻街開大排檔, 而他們隔離的大排檔就正正是賣潮州菜, 有時會互相交換食物, 老爸就是這樣愛上了滷水鵝和買大眼雞。他還慨嘆地表示現在該處應再沒有潮州店了!今次帶他去的潮州舖不是位於正街, 而是在北角。小店的大招牌高高掛在店的正中央, 以數盞燈照射着, 金光閃閃, 奪目耀眼。門口的小枱上放了以滕籃盛載的烏頭魚和大眼雞, 看來我們今晚有口福。站在門口可透過玻璃窗看到掛滿肥美的滷水鵝、墨魚、紅腸, 還有一盤盤滷蛋、滷豆腐、鵝掌翼、鴨腎等潮州經典食品; 而另一邊亦可見一籃籃手打魚蛋、魚片、雲吞和餃子, 豐富得很。甫進店子, 右邊是開放式的廚房, 正看到師傅手起刀落斬滷水鵝中, 很有氣勢! 還看到一盆大隻且鮮橙的凍蟹, 款款食物都如此吸引, 看來今晚將會有選擇性困難。店子以白色為主調, 環境光猛, 沒有花巧的裝橫, 牆上掛有幾塊形容店子招牌菜的牌匾, 平實穩重。內裏地方不大, 大約

喺北角睇完醫生，先發現差唔多下晏兩點。肚空空，行左去和富花園嗰邊搵食，見到潮樂園就一於入去試下。講起潮野，當然有啲指定食物要試，但下午時間，食個light d既野食。我同我太太點左個蠔仔粥同坑腩撈麵，都相當唔錯。先講蠔仔粥，呢碗野相當足料。蠔仔大大粒，又有土魷方魚等等，啖啖肉。碗粥$38好大碗，好好食，強烈推介。再講坑腩撈麵，個麵加左蝦子，又有頭抽。坑腩好食，比起東大街安利亦毫不失禮，但就唔駛排隊。 佢地亦有崩沙腩，但每日限量供應，估唔到半日已經沽清，有機會會再試。另外，佢地個辣椒醬都幾惹味，有一隻係潮式辣醬加蝦米，食落竟然有啲似XO醬，係醒神嘅。

同老公閒逛完決定去食潮州野，就蕩左去北角。以前阿鴻小吃不再，轉手後仍然係潮州野。轉了格局，比以前平易近人，光猛。同係賣潮州，但係比較側重湯麵類，不過個櫥窗仍然鋪滿林林種種既滷水。這次兩個人來，食量唔多，點了：滷水鵝拼豬耳 - 正! 滷水入味唔太鹹，鵝肉嫩、豬耳超推介酒糟鴨舌 - 最初食以為淡，但係淡淡既酒香不斷，越「搭」越有味蠔仔粥 - D蠔多到好似唔使錢既咁，加埋D方魚吊味，好味又低食! 紫菜四寶河 - 看似普通，侍應話係老闆親自手打，唔加化學野，真係好好味! 腩汁生菜 - 甜! 雖然普通灼菜，但係都好味!這次還有很多很多無試，這次食物有水準，下次必定再來!

$45雙拼飯：有自選滷水餸2款及豆腐底，份量多到見唔到下面碟白飯，另送大碗羅白湯。特別推介大腸和鵝腸，厚肉唔羶。不過女仔肯定食唔哂，記得叫少飯或打包。$49蠔餅：竟然有2大塊，好抵。炸得香脆，蠔也鮮味，中上之作。街坊小店，服務親切，不過地方實在淺窄，坐得唔多舒服。

是日於友人相聚，聊著聊著也差不多到飯點了，附近不少食店：西餐、火鍋、快餐、輕食、中菜應有盡有，這家潮樂園傳出的食物香把我勾住~酒釀的鴨舌，酒香味濃，送啤酒應該一流！因為每款滷水都想試，結果上桌的鵝片、墨魚片、豬耳、豬頸肉、紅腸、滷水豆腐等便堆成小山，超豐富！碟邊的菜甫帶點小辣很惹味下飯，店家推介！三寶都非常入味又軟身，唔會煮得過火，連墊底的白蘿蔔都很入味！推介！三個女生都不太吃飯，點了個蠔仔粥分吃。大大粒蠔仔數量不少也很有蠔味，但可能去殼時沒留意清乾淨，有幾口都吃到蠔殼呢。因為蔥茜都切的很碎混在粥內提升香味，要是不吃芫茜的話記得在下單時提走茜呀！吃潮菜怎少得蠔餅？剛炸起的蠔餅又熱又香，粉稍厚很飽肚吃著吃著侍應突然為每檯送上潮式甜品一客，讓人驚喜，這就是小店的人情味吧剛炸好的芋頭外脆內軟，外面灑上砂糖甜甜的很香口！菜的分量很足，三個女生吃到肚脹還要打包帶走，十分抵食呀！ 

踫巧跟朋友出席在北角舉行的活動，結束後已經到晚飯時間，於是就在附近走走，看到久違了的「潮州打冷」，便入店一試! 因為只有三位女生，以「淺嚐」為原則，我們不敢點太多份量! (最近真的吃得太多了...) 吃打冷，「蠔餅」和「蠔仔粥」一定不可以缺少，蠔餅口感不錯，如果炸粉少一點會更佳 (記得要趁熱吃)；而蠔仔粥味道偏咸了一點，當中混雜了蠔殼，有待改善。我們還點了一客鹵水拼盆(小)、店員推介了牛三寶(牛肚、牛朒、牛筋)、鴨舌(有很香的酒味，不錯)； 記得別忘了點蔬菜啊~~滲了酒味的鴨舌，味道不錯~ 蠔仔粥 $38-HKD 牛三寶 —牛肚、牛朒、牛筋，味道濃淡得宜 黃金煎蠔餅 $49-HKD鹵水拼盆(小)，有鵝腸、墨魚、豆腐等，店員還推介一定要上一試一下件碟的炸菜，自家特製的! 店員送我們甜品，砂糖芋頭，第一次吃，芋頭外面炸脆了，但芋頭心還是軟軟的，配上砂糖，沒有太甜膩的感覺，不愛甜食的都可以接受到餐廳評分(最高- 5*****)整體評分：(3)****食物質素：(3)****食物選擇：(4)*****餐廳環境：(3)***侍應服務：(3)****食物價格：(4)***

前排因為天氣轉涼，BeautySearch 不知不覺吃多了火鍋同韓燒，開始感到有點「熱氣」，連暗瘡也跑出來… (橙‧橙)。所以，weekend 朋友約食飯，我堅持要清淡一點！剛好當日出了港島區，正打算去和富家居庭的 $12蚊店逛逛時，忽然見到一家打冷店，心想，已很久沒有打冷了，突然好想食鵝片同蠔仔粥，於是來到北角的『潮樂園』。坐下來，我第一時間便點了蠔仔粥。本來想叫鵝片的，但友人又想吃鵝腸、墨魚，於是...

２個人叫左滷水三拼＋仔粥＋腩汁蘿蔔＋白飯一碗，食唔哂，打包，咪做大嘥鬼  碟滷水拼左墨魚、鴨同鷄，好好味又大碟  只有３片豆腐墊底，無花生托高  碟蘿蔔亦好夠份量，我只嫌煮得淋左Ｄ下次要約埋多Ｄ朋友去食，叫餅、大眼鷄、咖哩 ....