潮庭 (星光行)

營業中

休息中

今晚兩個都懶唔想煮，於是試下潮州嘢，見近近哋行去星光行潮庭，好在唔使等位，即刻入座坐低，好快點咗四道餸，唔使等好耐第一味九肚魚嚟到，好新鮮啱啱炸起熱辣辣，好好味呀但是份量唔算多，跟住炸魚片到了，食落好脆仲啖啖蛋黃味，好香好中意，個人最愛呢味之後到條倉魚啦，原來好大條魚，影咗相就開始食啦。比較中意呢度道道餸上到嚟都夠熱，而唔係擺到凍咗先拎上嚟可能我哋細食啩最後條倉魚食唔嗮都要打包帶走下次要再嚟試下其他選擇推薦ps：因為多人所以環境比較嘈，呢樣唔多中意

好耐冇食過潮州菜了～呢間嘅地理位置好方便，食完可以行吓誠品書店，名字簡潔大方。另外亦都好鍾意佢嘅藍白色餐具。環境都算舒服，都幾多人去食。因為嗰一排好忙，而且冇續碟影底，都記唔得晒所有菜式了。介紹吓幾樣又貼地又好味嘅先：1. 幾乎必食的煎蠔烙，蠔仔多，唔腥，冇沙2. 魚蛋素菜煲，正3. 依個竹葉角鹹鹹地幾好食，出面食過甜嘅版本，各有各好 ^^好似仲有兔仔餃、炒飯等總之果日食得滿意、服務ok ge! 會再去啊!

朋友請食飯，揀中式野食，貪佢一張圓枱方便幾個朋友傾計吹水，又唔會限時限刻。一坐低，侍應就放左盤細細杯既鐵觀音俾我地飲，可惜無影相。椒鹽九肚魚:九肚魚外面炸得好鬆脆，入面就係九肚魚本身既軟淋，有少少軟骨，但全部食得，加上椒鹽好香口。手打魚蛋雜菜煲:手打魚蛋小朋友怕食魚都一食再食，仲有好種菜，娃娃菜、白菜仔、西蘭花，仲有d雜菇同粉絲，好豐富，湯都飲埋，食得出無味精。蠔餅:合格，蠔餅唔算肥美，唔夠香，但都煎到脆邊。份量偏少。釀豆腐煲:睇個樣以為係清淡之選，點知原來唔係，個蘿蔔絲上湯原來係胡椒湯，有小小辣口，勁過癮，濃淡適中。瑤柱蛋白炒飯:材料雖然普通，但咁多味菜，炒得最香係佢，份量唔多，幾個人share 唔多夠喉，炒飯炒得粒粒分明，瑤柱好香有陣甜味。咕嚕肉:成個擺碟好靚，連個裝咕嚕肉既碗都食得。肉肥瘦適中，可惜咕嚕肉炸得唔夠脆，個汁有甜味但唔夠酸。可以不叫。總括成餐飯係ok既，坐得舒適，服務好，只係價錢略貴少少，有下次。

「會再去」已經係非常正面嘅好評。在下好中意食高檔潮州菜，當中以金島、百樂比較有信譽。今日忽然想食石榴雞，就去左呢間潮庭。餐具我影得唔好，欣賞佢每位有兩對筷子，係高檔潮菜必備。煎蠔餅$136做得唔錯，粉槳係底，面層加蛋，食落唔熱氣，仲超多蠔仔。菊花石榴雞$128一般啦，本身呢味菜就係得個樣。平時唔會食，因為唔中意，不過黎得就梗係食返潮州野。方魚芥蘭$108方魚炸得香口，一上枱就聞到好香花鵰味。蒜片牛仔粒$78聞落好咸，食落又ok。紫米露$32普通料。鮮百合芋泥 $32呢個就差少少喇，芋泥未溶得晒，但幾香。最後上一盤功夫茶，宜家唔係一般潮菜會做。所以呢，我當左佢係高檔潮菜。誰不知一上單，超級驚喜！我同老公估計$900左右，因為點菜冇睇價錢，結果只係1/3價錢。六百蚊食呢個質數，直情覺得賺左。BTW, 咁啱星光匯影，我地又坐窗口仲可以睇到少少。餐廳客人枱枱都斯斯文文，一d都唔會嘈

This Chiuchow restaurant belongs to the large Maxim Group and mainly serves a variation of Cantonese cuisine.  For starter , we ordered the Golden Fish Skin which is super yummy  Singapore-style cooked as an excellent start for Dinner!  We then ordered a set dinner for 4 which is only $888 , a discount set is under HSBC credit card promotion,  so the price is very reasonable for having lobster noodle, steam fish, etc.   The staff were friendly , but the restaurant set up is quite packed,  which

今日約左一班朋友食生日飯先食下餐前小食,酸酸地開下胃先之後叫左以下食物鵝片,煎蠔烙,咖啡骨,魚蛋素菜煲,椒鹽九肚魚,咕嚕肉,潮州煎伊麵,反沙芋條,芋茸香酥鴨,蝦片扒豆漿,梅菜扣肉鵝片--都幾入味,下面D豆乾入晒味煎蠔烙--幾香口而唔會好燶咖啡骨--好重咖啡味不過食落麻麻魚蛋素菜煲--正常野椒鹽九肚魚--夠香口,不過份量比較少咕嚕肉--個外巢好難食,D肉就OK既潮州煎伊麵--都唔錯既,煎得幾好反沙芋條--有D好實,好一般芋茸香酥鴨--好香口,好似細個食既芋角蝦片扒豆漿--個豆腐幾滑,不過算貴梅菜扣肉--配合飯黎食好正,肉唔肥..梅菜都唔咸食飽飽飲下功夫茶

星期日尖沙咀七點鐘卜左枱食飯，地點好方便係星光行。普寧豆腐，好食，炸得香口豆腐好滑，點埋個汁好好食雖然熱氣但都忍唔住係咁食食潮州野點可以唔叫老味，墨魚拼鵝片，要198$ 略微貴左啲但鵝片多都算不錯。叫左個魚蛋什菜煲，百零蚊，手打魚蛋彈牙，配埋個魚湯正！雖然好家常菜感覺，但都幾好味！瑤柱蛋白炒飯，過於清淡，成枱人都覺得無味，但我覺得尚可既。楊支甘露加雪糕，38$ 完全唔值，但雪糕雖然係芒果味但唔算夾。。。服務有啲慢，甜品要等二十分鐘，埋單又要十分鐘。。。。好彩唔趕時間姐

查返自己食評原來上次來經已是15年8月的事, 真的都有一段時間沒有來了, 週五晚比想像中的少客人, 我們只兩人能點的不多,小食是蒜片牛仔粒$75 師傅手藝是不錯的了, 快炒嘅牛仔粒能保持內部軟淋, 汁亦是剛剛掛於每粒牛仔肉表面, 但材料呢樣東西往往係掌握之外嘅, 肉質乎合牛仔肉的要求但偏偏完全沒有任何牛肉味, 唔講話係牛肉就算講我知係駝鳥肉我地都會信, 唔清楚這裡入的是否真的是VEAL MEAL? 但一般中式廚師又好少會柯打仔牛肉, 相信只是一件比較簿味嘅牛柳肉吧!香煎倉魚件$218 倉魚件兩件(中切), 以煎封手法做, 乎合預計嘅質地同味道, 伴碟比較上做得精緻, 魚蛋雜菜煲$148 估佢唔到整個煲滿滿的, 菜湯帶清甜白菜味, 魚蛋明顯係自家製, 口感爽亦彈牙更難得的係魚蛋內的不是霸道的味精味,而是清徹的魚肉味, 這是完全預計不到, 沒有想過現在還有師傅做魚蛋唔強加味精? 但這天吃到的是感覺唔到那強而勁的氣味, 到底是我們層次低還是師傅技藝高超?真的焦從稽考, 但如果下次再來我們定必會再點這個煲!

中秋節午餐去左潮庭飲茶，當日好多大枱都被不同公司預訂同員工食午飯做節，我們坐在近廚房出菜位置，所以留意到好多酒席出菜。潮庭茶市供應時間：除了一般茶樓點心外，當然有潮式點心，啱曬鍾意食潮州菜既人。煎韮菜粿 （中點 $30）一般潮式韮菜粿都是很大個，但潮庭做了迷你版，一人一小個，份量剛好，但皮較厚。煎伊麵 （迷你 $68）這個麵表面被煎得香脆，再加以糖、醋一起吃，很好味。鮮茄星斑球湯米 $48很濃蕃茄湯底，配上兩大片星斑球，值得一試😋我們三大人加一小朋友用餐，叫了很多款式點心，合共 $382 😋

價錢不是太便宜的潮洲菜食府，收到風有星馬菜廚師交流，有d特別菜色，是晚特意同埋兩位家人來尖沙咀醫肚，一如往常，酒樓依舊爆滿，好多人。話晒星馬廚師交流，點了個星馬風味炒蟹，賣相吸引，味道很鮮美，一隻蟹三個人share都好夠，好好肉，$360，可以試試！略嫌侍應超級殷勤，食咗少少野就要換碟，有點騷擾。另外點了兩個蟹包，$28/1個，都足料，煎得外皮脆脆的，不錯。呢個骨都好好味，酸甜的醬汁，好開胃，送飯一流。海鮮炒金邊粉，粉比較似河粉，比較闊身，醬有點太濃，可能我唔食得辣，覺得有點辣，家人又表示唔覺，見人見智。食番傳統糖醋面，不是太乾身，不過都可接受。我自己喜歡吃糖醋面，所以每次都會叫。最後甜品點了貓山王榴槤酥，外皮鬆脆，榴槤餡好香榴槤味，但係有點過甜。不過都可以試試，$28/1個。

近年嚮應環保已經少食魚翅了。但今晚突然想食潮洲翅於是走上尖沙咀潮庭。酒樓亦將魚翅menu 分開，如非顧客要求愈不會主動拿出來， 這方面做得很好。 先享受一盤潮州茶， 再叫幾支啤酒， 來一個長日鵝肝拼盤。 這裏的鵝肝做得真係好味， 肉質爽而且入味。 再來三個潮州紅燒翅。 每個 340元。 魚翅做得很好味。 再叫普寧炸豆腐。 豆腐很脆， 很好食。 最後叫了一鍋蠔仔肉碎粥。 三個人都唔可以食曬所有食物。 埋單都不用2000元。 這個晚餐十分低食。

黑色星期一要食個好d既lunch令一星期既開始美好d😛 甘岩今日有新同事番工，大家就決定去飲個靚茶，最後去左星光行潮庭，對住海景同鐘樓食左個優閒lunch☺️可能係weekday既關係，lunch time都無爆場，仲有少少吉枱，不過如果一team十幾人去，就建議打去book枱，始終大枱唔算多。除左點心，亦有唔少潮小食選擇。叫左我既最愛既鮮竹卷，味道偏淡少少，但皮薄多料。後面既金錢肚就好入味，忟得好林，仲有少少蘿蔔墊底，唔錯。鮮蝦腸粉，每條腸粉有三隻蝦，十分足料。蝦亦好彈牙。叫左蝦餃、粉果、奶皇包等等，餃類點心都算薄皮，餡料亦多。奶皇包唔會太甜，仲流心嫁添，推介！個人唔太喜歡食秋葵，唔中意滑生生既口感，同埋呢個秋葵味道都偏淡。燒賣係值得一食既！入面豬肉唔會太肥，面仲有原粉蝦，味道唔錯。食完野，由於呢間係潮州餐廳，會有功天茶☕️提供俾客人消濟。但功夫茶味道有少少怪，酸酸地又苦苦地，而且飲完味道會殘留係口腔都唔短時間。總括而言，潮庭既食物質素係唔錯既，價錢雖然唔平但勝在足料，間唔中去食一次都係一個唔錯既選擇👍🏻

來過潮庭多次，每次都讓我很滿意。我們這次五個人，AE 咭有七五折，其實甚為抵吃，食物水準超級高。這裏吃的是潮菜，以潮州酒樓而言，這間水準算是高級了。鹵水拼盤，我們選了鵝片及墨魚。普寧豆腐，也是正宗潮州菜。川椒雞，很惹味。𧐢蛒也是我很喜歡的菜式，蠔味重。春菜煲，不是潮州菜館不容易吃到，菜很冧，我很喜歡；這是我自少就吃的家常菜式，家中煮，還會加上排骨。沙爹牛河也是我的至愛；河粉不會太冧，彈牙，沙爹味道一流，牛肉大大片，很新鮮。炒飯也做得不錯，飯很乾身。雙面黃很考功夫，外脆內軟，這道菜在外面不容易吃到，因為真的要時間去做。即興還來了一個魚蛋粉，味道也是不錯，不過就沒有甚麼特別了。釀豆腐，比較清，很健康。飯後意猶未盡，還來了一個綠豆爽，很久沒有吃過了。甚為滿意的一餐，我還會經常來；如要來就要訂位，因為星期五，六經常滿座。

平日黎飲茶唔full, 之前黎過幾次食物質素不錯，但是啲上菜阿姐成日都唔見人。啲阿姐將啲點心擺埋一邊， 又唔上擺上臺， 等到點心攤凍先上臺。 成間茶樓好似只有幾個經理有心服務啲茶客...

位於海港城旁邊星光行的潮庭，是美心集團「潮江春」旗下的中高檔酒家品牌。這酒家標榜正宗潮菜的現代演繹，用了西式雅緻的裝潢，提供經典潮州菜和粤菜點心的。這𥚃也是我的其中一個飲茶飯堂，地點方便坐得舒適之餘，質素和服務都很好！潮州菜最經典的一幕莫過於功夫茶同咸酸菜。作為潮州人的我就特別喜愛！濃得有點苦澀味的功夫茶，愛茶之人是會渴上癮的，就像愛巧克力的人喜歡黑朱古力的苦一樣。這𥚃的咸酸茶味道調得非常好，再加了青瓜雲耳花生，酸甜爽脆！3個人份量簡單點了幾個點心。下午茶時間更抵食！山竹牛肉$20牛肉球顔色較淺也比較軟身說明很新鮮，有些其他酒家又硬又黑的可一不可再。豉蒜排骨$20肉的比例多的，也很嫩。黑醋排骨$36這是另一款排骨。有點像是東坡肉的口感，但相比起來少了肥肉，醋味更濃。份量很足用來配飯都可以。煎腐皮卷$20同樣配以酸甜的喼汁，漲漲的料很足，鮮蝦夠大隻口感好。灼菜心$25下午茶的清菜，很滿意價格也實惠。順帶一提閒日的2時後是下午茶時段，大中小點一律$20，但大點以上的點心沒有折扣的。酸菜（可選擇要或不需要）同茶位都會另外收費，當日酸菜加3個茶位約收取共$80不便宜的，但還是很推薦的酒家！