潮州合成甜品

營業中

休息中

九龍城真係有好多正的中式甜品舖食過咁多甜品此終鐘情中式的糖水又健康又好味今次黎呢間老字號潮洲合成甜品梗係要叫佢最有名的馬蹄沙同清心丸試下啦！記得以前細細個酒樓會有馬蹄露食，到左而家可能成本高已經買少見少，最鐘意馬蹄沙有爽口馬蹄，一路食一路有野咬下，增加口感。呢碗馬蹄沙熱食好好味，有雪耳薏米加埋馬蹄真係三重口感！味道唔會太甜啱啱好，好清甜的感覺，食哂都唔會漏。好鐘意呀！😋另一碗就叫左冰凍的雪耳腐竹清心丸，好冰涼夏天飲啱哂！有雪耳好清爽，糖水底係腐竹糖水的味，好清甜度啱啱好。主角係佢的清心丸，口感一流！有啲似椰果但爽啲，半椰果半啫喱的質感，真係食上癮呀！佢本身冇味，但配糖水一齊食就夠哂好味！強烈推薦！

每次經過九龍城, 都必定幫襯這間合成糖水 .... 或許, 某些朋友會認為這店的出品每況愈下, 已不及往昔 ~怎樣也好, 始終這店的甜品在外間很難吃得到, 所以每次經過, 還是甘心情願入內幫襯的 ~Menu ~冰凍菠蘿馬蹄沙 $ 35 : 這個是在坊間比較少見的糖水, 糖水內有蛋花、馬蹄、菠蘿粒、也有些小碎冰, 馬蹄夠爽口, 味道清甜; 還真的沒想過普通的馬蹄沙加上了菠蘿之後, 味道會變得如此美妙, 再加上因為夠冰凍的關係, 在這炎熱的夏天吃過後就是透心涼 ~本篇完 ~

完全中伏了 ！見到貼晒雜誌報紙訪問，舖入面又坐住咁多人， 諗住一定無死啦，點知真係千揀萬揀.....凍綠豆糖水：淡而無味，綠豆係綠豆味，水係水味，味道分離，之後唔知係gimmick 野定係傳統野嘅關係，加咗d小冰粒係碗糖水入面，感覺硬係奇奇怪怪咁，食食下要吐返d 冰粒出黎，擺耐咗d冰溶埋令碗糖水仲淡，真係算我不懂欣賞！椰汁西米黑糯米湯丸一樣失望, 味淡，味道同樣分離，完全mix 唔到一齊，湯丸皮厚，餡又少，而且價錢貴。

係九龍城搵完食，路痴的我正諗住搵車搭，剛好見到朋友介紹嘅糖水鋪。由唔同嘅材料互相配搭而製成各式各樣嘅糖水，價錢30蚊至50蚊，任均選擇。岩岩食到好飽，所以決定打包回家慢慢嘆。非常清新嘅凍菠蘿馬蹄沙，好解渴，甜甜地夾有菠蘿味，仲有粒粒菠蘿very fresh熱綠豆沙柿餅反而一般般，有起沙嘅感覺，有口感但太太甜

大大話話幫趁了十幾年, 每次到九龍城吃完晚飯都必定會來這裡吃碗糖水, 附近其實不乏其他西式甜品店, 但總是鍾情合成糖水, 糖水選擇很多, 因為有不同的配搭, 所以基本上是大家可以自由配搭自己喜歡的材料, 而我最喜歡的是腐竹, 白合蓮子配搭, 不過雖然這類型的傳統糖水店已經買少見少, 而合成的糖水真的很好吃, 但漲價的速度實在愈來愈快, 現在動輒也要$40一碗, 雖然十分真材實料, 不過以一碗中式糖水來說, 好像貴了一點, 希望老闆唔好再加價啦🙏🏻🙏🏻

九龍城有好多唔錯既糖水選擇，以西式糖水居多，今次朋友帶路去呢間潮州糖水舖試試佢。 西式糖水食得多，潮州糖水就真係第一次!!一入去成間鋪都擠滿曬人，好熱鬧餐牌種類超多，好奇怪地唔多見過呢d款，潮州野真另類!呢個係凍食的，比較易找到平時一般有的。黎得潮州糖水舖就緊係試下地度野。清熱百合綠豆清心丸，呢款好多人點，朋友話正，好補身不算太甜。我點左椰汁蓮子黑糯米加湯丸，好重椰香味，不過可能因為食飽左飯先黎，所以食唔晒，湯圓粉比較厚。太太點了薑薯百合蓮子，係季節限定產品，太太話好重薑味。我未識欣賞。

👀見「合成糖水」人來人往。忍唔住入去食番碗糖水。個餐牌密密麻麻。有90 款配搭。點揀好阿姐介紹我食71。唔係7-eleven 。係no.71「潮洲綠荳邊薏米馬蹄沙」清熱之選綠豆邊。薏米。馬蹄沙細細粒。口感好豐富。糖水唔太甜。大人細路都啱食

喺九龍城食完晚飯，過埋隔離食合成糖水都係指定動作。其實佢個店面檔口就好似車仔麵檔咁，有晒所有配料，大家揀食物嗰時可以左配右配都得，任君選擇，想點配都得架佢有季節性嘅推介架 不過通常都係大雜燴咁乜都有，價錢又係乜都包晒咁啦，阿姐推介再加薑汁要加5蚊。反而新出左擂沙湯丸有驚喜，30蚊有5粒，熱辣辣好足料，食完好滿足。本身我就最鐘意腐竹蓮子開邊綠豆加清心丸，不過都要49蚊，好貴呀！但就食佢嘅心意同埋堅持，因為第2度食唔到吖嘛！

九龍城多糖水鋪所以每次難得係附近食完飯之後總要食番碗先走合成糖水係專食潮洲中式傳統糖水佢嘅馬蹄沙都出名但今次我只係叫左海底椰燉雪耳同腐竹湯丸海底椰燉雪耳原個椰皇上入面用番D椰子水再加入雪耳同大量椰皇肉D水幾清甜 好滋潤嘅感覺好多椰皇肉 咬口十足不過雪耳偏硬腐竹湯丸 腐竹味重啖啖都有好多腐竹碎味道唔太甜 幾好湯圓係芝麻味 正～不過依度座位較迫坐得唔太舒適定價也稍為高左d環境氣氛： ★★☆☆☆食物質素： ★★★★☆服務態度： ★★★☆☆

難得今日同FD係九龍城泰國野，緊係要直落食埋合成啦。 紅荳沙清心丸  $35每次黎都一定會點清心丸，煙煙韌韌既口感太正，所以今次都唔例外叫左紅荳沙清心丸，紅荳沙夠綿，甜度適中，清心丸一如以往煙韌但又有種說不出既不一樣。 腐竹湯丸 $35朋友叫左腐竹湯丸，好味既既腐竹糖水係煲到溶晒既，佢就正正做到呢點喇，而且又唔會過甜，食得出好香既豆香味，另外湯丸係芝麻，大大粒餡好多，係正既！總括黎講佢都算係Keep到一直既水準，係清心丸口感有少少差別，但都係煙韌既。

在九龍城吃過晚餐，一定要到合成吃糖水。這裡有數十個選擇，由不同材料混合組成。滋潤養顔。有蓮子，百合，腐竹，雞蛋，湯圓，清心丸，紅豆沙，綠豆沙，潡雪梨，雪耳，薏米，柿餅，等等。大大碗，材料滿滿。好好味。肚子很滿足。我吃了蓮子百合雪耳清心丸，一場來到，有幸不用等位，一於貪心小小，把所有喜愛吃的，都放在一起，十分滿意 。友人吃了清一些的蓮子薏米茶，很清甜。我們剛好八時入坐，之後就很快full house,很多人在等。

九龍城，對於我嚟講絕對唔算方便，但總係有種魔力叫我耐唔耐就想去一次。可能係情意結，以前拍拖兩口子簡簡單單搭車、慢慢行、周圍行，好開心搵野食、搵車站。呢間糖水比我更多回憶，今晚就返去會一會佢。沉悶既我獨孤一味只會食潮州綠豆邊清心丸 （$35），因為出面真係好少地方食到（或者我無留意啦）。鍾意佢唔太甜，開邊綠豆健康又易食，入面都有蓮子，最鍾意清心丸有咬口。一如既往門口圍滿人，個個等入座、等外賣，等外賣既就拎牌仔等叫號碼拎糖水。其實堂食係最好，因為我拎走完都涼晒。

同朋友係對面食完泰國野, 飽到胃都反出黎, 但佢地堅持黎九龍城, 食完飯一定要食合成, 講到好似地標咁, 就試一試啦個餐牌睇到眼都花腐竹唔算太多, 而且味道偏淡, 反而芝麻味湯丸皮好薄, 無一舊舊粉團, 總算不過不失同樣腐竹都係偏淡, 可能係岩岩食完泰國野太濃味但食完清心丸感覺好surprise~! 佢係好煙韌帶少少甜既味道, 連埋薏米水一齊食就岩岩好加左清心丸令成碗紅豆沙都加曬分有大大粒紅豆, 味道係適中, 唔會好甜, 唔錯

難得特登黎到九龍城, 食完飯冇理由唔食一食合成吧!聚所周知, 係合成只可以搵到中式糖水, 想食咩芒果西米露, 楊枝金露的...麻煩請離開~朕本人覺得中式糖水其實比西式更好味~ 因為西或永遠只係加糖水, 糖漿.....有d真係甜到漿住左個口~ 但出色既中式糖水, 真係真材實料煲出黎~咁岩依2個真係凍到要死, 飯後一碗熱辣辣糖水真係極度暖胃~今次就叫返d最基本既糖水 依碗腐竹湯丸, 大家睇下, 佢粒芝麻湯圓大到有一隻匙咁大, 咬落去d芝麻真係流晒出黎~ 皮既厚度岩岩好~ 芝麻味好香~ 我估計佢係用豬油整的~大家聽到用豬油整應該會怕怕..會唔會好肥架! 其實唔會~ 如果冇左依個精華, 就唔會有又香又好味既湯圓架喇~講埋佢個base, 就係腐竹~ 有時自己係屋企煲, 好多時都會煲到散晒, 而係街食個d, 好多時都會好稀, 好水~ 佢既腐竹糖水唔會好稀, 仲會見到有大大塊腐竹~ 仲會食到有啖啖腐竹味~ 正!另外朋友都係叫腐竹, 但係佢配既係意米同清心丸, 清心丸都係合成好出名既一種配料, 佢咬落去煙煙韌韌, 感覺就好似係食緊珍珠咁~~仲有一碗係紅荳沙清心丸~ 同腐竹一樣, 佢一d都唔稀, 食落去

很少到九龍城一帶揾食 係附近食完晚餐 所以就去埋合成食糖水咧👍🏽😋😛今次點了馬蹄沙湯丸 好好味呀 真材實料 勁大碗又多蓮子 湯圓好似有四粒 先講味道 勁有味道 滑口的 馬蹄粒很爽的 甜度均勻 湯圓臽料是芝麻味 都幾香又帶點煙韌 👍🏽😍😛😋不過熱度略嫌不夠熱 好似好快凍嘅 可能天氣今日又凍卦 下次再嚟食其他款先 另外朋友點了另一款糖水是有清心丸的 我試過 真係好煙煙韌韌的 口感都幾得意丫😍😛