天氣凍就緊係要打邊爐! 上年試過天后果間滾得棧, 湯底同配料都唔錯, 今次就近近地去油麻地呢間分店 「養生松茸八寶雞」 腐皮包住雞, 竹笙, 松茸等食材, 配雞湯湯底  就咁飲已經好鮮甜! 叫左兩款牛肉, 抵食d既有手切牛頸脊 脂肪比例非常好, 唔會太肥, 肉味比較重 另一款幾令我地驚喜既係牛眼筋, 好少聽到有呢個部位 店員提醒我地最少要煮15分鐘! 煮完之後食落感覺爽口, 最重要係油 香 味 超 級 豐 富 ! ! 石蚌刺身偏向爽口而且鮮甜, 仲可以加埋落湯底到煮熟黎食 店員話最後可以拎去椒鹽, 不過我地最後太飽, 唯有下次再試! 象拔蚌丸都係驚喜之作! 味道鮮甜 而且呢個份量亦可以比我地呢d人唔多, 但又想食象拔蚌刺身既人止下渴 但味道絕對唔輸蝕!

整體黎講, 配料新鮮有驚喜
湯底鮮甜但唔會搶左配料既原味

朋友之前食過Brick Lane幾次都有好評,  環境夠chill之後, 食物質素都唔錯,  所以今日放工就去試下~ 除左main menu之後,
仲出左呢個萬聖節menu,  見到d名咁搞笑咁有心思都叫幾個黎試下 地獄之火-燒棉花糖雞尾酒 呢個係由番茄汁加酒再溝薑汁同辣椒嘅cocktail
聽到個名都覺得特別, 飲落去有微微既辣味南瓜湯都專登整到蜘蛛網咁 南瓜味超濃, 而且好creamy, 麵包有少少脆 唔係萬聖誕menu, 不過係食西餐每次都會點既雞翼 每隻雞翼都好大隻!火焰美國頂級牛肉漢堡 除左滿足個胃仲滿足埋大家部相機, 侍應上台既時候會淋酒點火 所以先叫用火焰美國頂級牛肉漢堡! 仲可以簡要medium rare, 唔會太熟, 而且好juicy同重牛味

好耐之前已經同朋友試過汀汀烤魚, 但因為太多選擇已經有一段時間無食過啦
不過其他舖頭都好少係真烤魚, 只係蒸熟條魚再放落去個爐到

所以呢晚就約左幾個同事放工再去食 "真烤魚"簡左香辣味湯底同桂花魚 好少地方有得飲加多寶 其餘配料既選擇都幾多, 太少人食仲可以簡半份 主角黎啦! 原本簡桂花魚係唔想食咁多骨 但原來呢到仲會起埋骨先上爐, 太貼心 等我地影晒相, 撈暈d芫茜再滾多一陣就食得!
手切安格斯肥牛(小) 好彩哎左細份, 原來都唔細, 4個人食岩岩好! 粟米蝦滑 蟹籽墨魚滑 個人比較喜歡墨魚滑 魚皮脆卜卜 浸湯定就咁食都好好味

鮨文都算係元朗區第一間開既Omakase
唔算難搵, 但行過都幾容易會miss左佢至於點解係網紅Omakase,
係因為入面既燈光同裝修都好岩影相
普通用手機影, 不論係人同食物都變成大師級作品,
所以成日都係網上見到佢!餐牌當然唔會寫定有咩食, 因為每日用既食材都唔同
同師傅傾下計先知, 就算係同一日, 黃埔分店同元朗店既menu都會唔同
因為係傅博話事用咩食材!
前菜係茶碗蒸
有好香既黑松露味, 仲有元貝, 松茸同金萡做裝飾

蜜柑鯛配岩鹽
話有橙味就太誇張, 不過都幾甜都幾腍

右邊係深海池魚, 食落去係爽甜而且油份比較重
左邊係油甘魚配醬油, 經過炭火網燒, 聞落去好香!

北海毛蟹, 上面既係蟹膏, 撈埋一齊再沾醋食, 
可以無咁膩, 但又唔會搶左蟹既鮮味!

水章魚配紫蘇葉既花同梅醬
分別係章魚既腳同吸管, 食落去係爽脆, 梅醬好開胃

用稻草煙燻過既血鰹
上面有芽蔥, 日本蔥, 比較濃味
大拖羅同赤身, 中間包住紫蘇葉

龍蝦天婦羅配炸露荀同芋頭
芡係用龍蝦殼同腐皮整既

新鮮帆立貝
點解要特別講係新鮮既帆立貝, 因為佢望落同平時既好唔同
最初我都仲好疑惑自己有無聽錯
原來要新鮮帆立貝先會見到上面一梳梳既纖維
太刀魚配梅醬同芽蔥
赤睦魚
深海魚所以比較肥同腍
沖繩石垣貝
係男朋友最喜愛既貝類
食落真係又甜又爽身!
池魚
其實好鍾意一路食一路聽師傅傾下計, 就會覺得好新奇
師傅話呢條魚係人手釣上黎, 無出血, 所以會更甜醬油三文魚子
當然唔少呢到最搶鏡既海膽杯
真係滿滿舖滿左, 食落真係海膽多過飯!

最後就係和牛手卷!

要數日式料理, 都會諗到Omakase或者鐵板燒
好少餐廳會有齊兩種選擇, 因為每邊需要既師父都唔同
櫻花係少有可以一次過食到Omakase同鐵板燒兩種料理
而且都係師父即場整, 絕對無取巧! 左邊係芝麻醬配山芋
中間係芝麻豆腐配高湯, 味道都比較清淡
右邊係茄子, 配帶酸味既啫喱, 就岩岩好開左個胃啦!
刺身前菜有赤陸魚, 蒸龍蝦同梅子
龍蝦煮得岩岩好, 唔會過老, 配埋海膽, 超鮮美既配搭!
用櫻花木煙燻過既大拖羅最值得讚!
煙燻過既味道好特別, 加上拖羅本身肉質肥美, 完全無得輸! 因為無坐到bar枱, 所以Omakase一次過上晒
但依然見到每件都好新鮮!
白身魚, 鳥貝, 海膽牡丹蝦, 燒左口, 右口魚, 燒中拖羅, 海膽
燒左口魚雖然都比較常見, 但就係每次都不能抗拒!
因為輕輕燒過之後入口即溶既感覺真係無野代替到!

食完壽司就轉左鐵板燒枱!唔好以為係普通既炒雜菜, 其實佢係象拔蚌炒雜菇
象拔蚌炒完之後依然鮮甜爽口, 連d菇都好好味
跟住就到主角啦! 
無加太多既調味料, 因為鮑魚本身既鮮味同海水味已經好出色!
都要讚下師父煮得非常出色先可以keep到佢爽脆!
炸金錭
你以為鐵板燒只可以煮, 其實仲可以有其他煮法!
金錭炸完好似海膽, 外表好脆!
下面配海膽奶油醬, 好驚喜既一道料理
最後食返個炒飯好滿足!
最後最後, 真係要讚下呢個甜品
焦糖牛油多士, 肥到不得了, 但都真係好好食

好叻仔搵到呢間新開既西餐, 係利東街行過一兩條街 都算幾近地鐵站 雖然呢條行比較靜, 但都唔難搵 可能因為新開既關係 星期五都無FULL HOUSE, 實在太好啦, 可以靜靜地咁Chill下 餐廳提供既位置唔算多, 枱與枱之間相對上比較闊落,  傾計都唔怕嘈到隔離! Hand cut Jamon de Iberico de Bellota ham既油脂分佈平均, 單食會偏咸, 不過配白酒岩岩好 Sauteed Tiger Prawn, Mango And Avocado Salad, Chili dressing 好豐富既沙律, 比起周街都會見到既Caesar salad, 呢到既沙律配搭明顯有心思好多
有大蝦, 芒果, 牛油果, 蕃茄, 沙律菜, 配黑醋, 感覺清新又開胃!
Crispy Skinned Salmon 三文魚皮煎得香脆, 但三文魚仍然好嫩!  無太多既調味, 食返三文魚原本既味道已經好出色!
Pan-Roasted Sea Bass 魚肉同樣地好嫩好滑, 唔會煎到乾爭爭!
伴碟既薯蓉都值得一讚, 好滑好重奶味 Grilled Ribeyes Steak (100oz) 我地order左medium rare 肉質好淋好juicy, 而家牛味好重

因為今個星期五收工收得比較晏, 所以就無離開觀塘Happy Friday
不過其實觀塘樓上舖都有好多選擇~
Mini Friday同一層分兩邊, 一邊食雞煲, 另一邊食西餐
仲有live brand, 不過就唔係個個位都睇得到有set dinner可以簡, 不過我地最後都係決定散叫 水牛城雞翼 ($68) 本身都驚會好辣, 但原來都接受到
加上酸酸地好開胃凱撒沙律 配煙三文魚 ($98) 每次食西餐都必哎既沙律
沙律菜新鮮爽脆, 醬會分開上好貼心炭燒美國RIB EYES 我地叫左七成熟, 岩岩好唔會軔
食落都幾重牛味西班牙黑毛豬肋條蛋飯 最後當然要叫返個澱粉質啦
呢個黑毛豬肋條食落都幾爽口, 而且已經起晒骨, 方便大家食
面頭仲加左芝士好惹味!

早排happy friday, 同事簡左北海道爐端燒食物既選擇真係好多, 除左爐端燒, 仲有壽司同其他小食炸物
真係好似食buffet咁
我地4個人咁岩坐左係間半開放式既房入面
傾計都唔怕嘈住人, 仲有衣架比你掛衫, 好貼心 明太子玉子燒 本身就好喜愛呢個combination, 呢到既明太子仲要超足料 特上壽司盛合 雖然主力都係想食爐端燒, 不過燒都要時間,
所以就叫左個壽司填一填肚先
三文魚, 帶子, 油甘魚等等都好新鮮, 四個人分岩岩好!
爐端燒都真係離唔開海鮮 我地叫左甲羅燒同鮑魚, 好彩全程都由侍應操刀, 如果唔係就曬晒d野 甲羅燒唔腥而且係滿滿既蟹膏味; 鮑魚燒完都好淋同唔乾!

稻草烤安格斯牛扒 仲可以簡想要幾成熟, 一睇相就知我地叫左五成熟!
無特別調味, 只加小小鹽已經好好味, 牛味相對上較重! 健康寶寶最後緊係要叫返個菜啦!

半年前食過一次壽司之神, 今次再黎都仲好有驚喜!沖繩苦瓜沙律
好Surprise會用苦瓜黎做前菜, 雖然本身唔太鍾意食, 但一場黎到點都要試一試既~
除左苦瓜, 上面加左木魚絲, 再淋左酸汁, 酸酸苦苦好開胃 白飯魚bb配薑蔥豉油 用偏向中式既薑蔥豉油, 感覺好新鮮
白飯魚bb食落脆脆地, 唔會腥, 反而甜甜地真鯛刺身 經過一晚熟成後, 魚身比平時更淋, 魚味更濃
配酸汁感覺更開胃平政魚 油脂感特別重既白身魚燒新鮮銀雪魚 加左小小芝士既燒銀雪魚, 魚油味好重, 又香又濃春子鯛  上面掃左少少柚子汁, 感覺清爽, 一解之前既油膩感
好有心思既組合鯖魚 新鮮既鯖魚真係好少見, 通常都係經過醃製
原來都幾重魚油味燒拖羅卷 原本已經好喜愛拖羅, 輕輕燒一燒, 更加滋味北海道赤海膽手卷 一餐完美omakase既總結

好耐之前同男朋友黎過一次, 食完都覺呢間餐廳很不錯

就趁今日放工無咩做, 就同同事黎到happy friday啦~
係韓國街最尾既位置, 唔算好覺眼, 好容易就會miss左佢 3pcs Oyster $150 叫左一紅一白, 無理由唔食生蠔既
呢款生蠔海水味比較淡, 而且幾新鮮, 岩晒我
如果有咩preference, 不妨同侍應講, 佢地會簡返相對既蠔比你48 months Ham $220 48個月嘅豬腿肉, 有煙燻既味道, 肉質都幾結實
配哈蜜瓜食就咁咁油膩Spring Chicken $298 燒春雞肉質起級滑而且醃得好入味, 煎一煎外皮, 唔需要配其他sauce已經好好味
risotto好creamy但仲食到一粒粒既飯芯!
一人份量岩岩好, 但因為我地都唔太肚餓, 所以兩個人share都ok!幾飽都要食甜品啦! 用左黑朱古力整既心太軟, 唔會太甜